Skessuhorn - 01.05.2013, Blaðsíða 16

16 MIÐVIKUDAGUR 1. MAÍ 2013
Gunnar Bragi
Sveinsson,
Framsóknarflokki:
„Hjá mér líkt og
framsóknarmönnum öllum ríkir
mikil ánægja og þakklæti fyrir
stuðninginn sem við fengum á
laugardaginn. Það var mikið af fólki
sem tók þátt í kosningabaráttunni
með okkur og sýndu okkur og
stefnumálum flokksins þannig
mikið traust. Fyrir þetta er ég
þakklátur. Vona ég að við náum að
standa okkur vel fyrir kjördæmið
sem og alla aðra landsmenn," segir
Gunnar Bragi sem þakkar þeim
fjölmörgu sjálfboðaliðum sem tóku
þátt í kosningabaráttunni fyrir
þeirra framlag. „Ég tel ljóst að
Sigmundur Davíð Gunnlaugsson
fái stjórnarmyndunarumboðið og
mun hann leiða okkur í þeirri vinnu
að mynda nýja ríkisstjórn. Við
munum leggja áherslu á að reyna
að koma sem flestum stefnumálum
okkar í stjórnarsáttmála, náist
samkomuleg um stjórnarmyndun,
og að fylgja þeim eftir í framkvæmd
á kjörtímabilinu sem framundan
er," sagði Gunnar Bragi í samtali við
Skessuhorn sl. mánudagsmorgun.
Einar K.
Guðfinnsson,
Sjálfstæðisflokki:
„Það sem stendur efst í huga okkar
sjálfstæðismanna í kjördæminu er
að við náðum ekki markmiðum
okkar sem var að fá þrjá þingmenn
kjörna. Það eru því mikil vonbrigði
að Eyrún Ingibjörg Sigþórsdóttir
verður ekki þingmaður. Aftur
á móti má segja að miðað við
aðstæður þá getum við ágætlega
vel við unað að vera með annan og
fjórða þingmann kjördæmisins,"
segir Einar. „Stærsta niðurstaða
kosninganna er hins vegar
fullkomið afhroð stjórnarflokkanna.
Skilaboð kosninganna eru þau
að þessir flokkar eiga ekki heima
í næstu ríkisstjórn. Stjórnar­
andstöðuflokkarnir fengu hins
vegar mjög góðan stuðning í
kosningunum og styðjast nú við
ríflegan meirihluta. Ljóst er að
vilji kjósenda er sá að þessir flokkar
tali saman um myndun næstu
ríkisstjórnar."
Guðbjartur
Hannesson,
Samfylkingunni:
„Ég vil óska Framsóknarflokknum
til hamingju með þeirra árangur í
kjördæminu og sömuleiðis öllum
nýjum þingmönnum kjördæmisins
með þeirra sæti. Ég er auðvitað
ánægður með að halda mínu sæti
á þingi en er vitaskuld óánægður
með að missa góða samstarfskonu
af þingi og útkomu flokksins á
landinu öllu. Einnig fannst mér
vont að sjá að svo mörg atkvæði
féllu dauð niður," segir Guðbjartur.
Um framhaldið segir Guðbjartur
að Framsóknarflokkurinn hljóti
að fá umboð til stjórnarmyndunar.
„Ég býst við að framsóknarmenn
leiti fyrst til Sjálfstæðisflokksins. Á
meðan bíðum við á hliðarlínunni.
Við munum engu að síður berjast
fyrir okkar baráttumálum áfram á
þingi og eru fjölmörg mál á döfinni
sem við viljum að verði tryggður
framgangur."
Lilja Rafney
Magnúsdóttir, VG:
„Ég er mjög ánægð með stuðninginn
við flokkinn í kjördæminu og
það að stuðningsmenn flokksins
hafi staðið með okkur alla leið.
Ég vil nota tækifærið og þakka
þeim fyrir þann góða stuðning.
Mér fannst flokkurinn ná vopnum
sínum á síðustu metrunum í
kosningabaráttunni þrátt fyrir að
á brattann hafi verið að sækja. Þó
voru vonbrigði að fá ekki menn
kjörna í öllum kjördæmum. Ég
held að heilt yfir þá geti VG verið
sátt með árangurinn í kosningunum
miðað við það sem á undan er
gengið á kjörtímabilinu. Mér sýnist
að gömlu hrunflokkarnir muni
koma sér saman um myndun næstu
ríkisstjórnar og fá þeir í meðgjöf
þann góða árangur sem við náðum
í síðustu ríkisstjórn, árangur sem
hagtölur sýna nú fram á. Þingmenn
VG munu vinna áfram fyrir land og
þjóð af festu í þinginu og veita nýrri
ríkisstjórn nauðsynlegt aðhald ekki
síst með það í huga að unnið verði
áfram með ábyrgum hætti að stjórn
landsins."
Framsóknarflokkurinn sigurvegari
kosninganna í Norðvesturkjördæmi
Alþingiskosningarnar sem fram
fóru síðastliðinn laugardag
einkenndust af miklum og
sögulegum sviptingum í mörgu
tilliti. Í Norðvesturkjördæmi
varð niðurstaðan sú að
Framsóknarflokkur fékk 35,2%
atkvæða og fjóra menn á þing,
Sjálfstæðisflokkur fékk 24,7%
og tvo menn kjörna, Samfylking
hlaut 12,2% og einn mann
og Vinstri hreyfingin grænt
framboð fékk 8,5% atkvæða
og hreppti jöfnunarþingsætið.
Þingmenn kjördæmisins verða
því: Gunnar Bragi Sveinsson,
Ásmundur Einar Daðason, Elsa
Lára Arnardóttir og Jóhanna
María Sigmundsdóttir, allt
framsóknarfólk, en sú síðasttalda
er jafnframt yngsti kjörni
þingmaður Íslandssögunnar. Frá
Sjálfstæðisflokki verða Einar
K. Guðfinnsson og Haraldur
Benediktsson þingmenn,
Guðbjartur Hannesson frá
Samfylkingu og Lilja Rafney
Magnúsdóttir frá VG. Nýir
þingmenn kjördæmisins eru þau
Elsa, Jóhanna og Haraldur. Í NV
kjördæmi hlaut Björt framtíð
4,6% atkvæða, Regnboginn
4,5%, Píratar 3,1% og aðrir
flokkar minna. Auð og ógild
atkvæði voru 2,7%. Samtals
var fylgi flokka sem ekki náðu
manni kjörnum í NV kjördæmi
19,5%. Kjörsókn í NV kjördæmi
var 83,6%, rúmum 2% minna
en í síðustu kosningum, en
var engu að síður sú mesta á
landinu í þessum kosningum.
Að meðaltali varð hún 81,4% á
landinu öllu.
Á landsvísu fór það svo að
Sjálfstæðisflokkur fékk mest
fylgi, eða 26,7% atkvæða og 19
þingmenn. Framsóknarflokkur
hlaut 24,4% og einnig 19
þingmenn, Samfylking fékk
12,2% og 9 þingmenn og þá
fékk VG fékk 10,9% atkvæða og
7 þingmenn. Tveir nýir flokkar
náðu loks mönnum inn á þing;
Björt framtíð sem fékk 8,2% og
6 menn kjörna og flokkur Pírata
sem fékk 5,1% og 3 þingmenn.
Aðrir flokkar fengu minna fylgi
og komst Dögun næst því að ná
inn þingmönnum, með 3,1%,
Flokkur heimilanna fékk 3%
atkvæða og Lýðræðisvaktin fékk
2,5%. Af þingmönnunum 63
sem nú setjast á þing verða 27
nýir, eða tæplega 43%. Hlutfall
kynjanna á þingi breytist aðeins
frá síðasta kjörtímabili. Konur
eru nú 25 eða tæplega 40%
þingmanna og karlar 38 eða um
60%.
Viðbrögð oddvita flokka sem
náðu mönnum á þing
Gunnar Bragi Sveinsson fyrsti
þingmaður NV kjördæmis.
Einar K. Guðfinnsson.
Guðbjartur Hannesson.
Lilja Rafney Magnúsdóttir.