Skessuhorn - 01.05.2013, Blaðsíða 17
17MIÐVIKUDAGUR 1. MAÍ 2013
Nýir þingmenn Norðvesturkjördæmis
„Ég er mjög þakklát fyrir þann
stuðning sem flokkurinn fékk í
kosningunum og þar af leiðandi
þau málefni sem hann stendur
fyrir. Ég hlakka til að takast
á við þingmennskuna og þau
verkefni sem þar standa fyrir
dyrum á næstunni og mun ég
leggja höfuðáherslu á að berjast
fyrir stefnumálum flokksins á
þingi, sérstaklega hag heimilanna
í landinu og því verkefni að ná
fram leiðréttingu á stökkbreyttum
húsnæðislánum. Þá vil ég leggja
áherslu á að verja grunnþjónustuna
á landsbyggðinni og að gerð
verði heildarúttekt á þörfum
og stöðu heilbrigðiskerfisins,"
segir Elsa Lára sem gaf sér tíma
til að ræða við blaðamann milli
kennslustunda, en hún mætti til
vinnu strax á mánudagsmorgun
í Brekkubæjarskóla á Akranesi.
„Það eru einmitt próf framundan
í skólanum og síðustu vikur
skólastarfsins. Þegar því lýkur
tekur loks við þingmennskan á
vettvangi Alþingis."
Elsa Lára Arnardóttir.
Elsa Lára Arnardóttir, Framsóknarflokki:
„Ég stefni á að nýta tækifærið
vel og ætla mér að standa mig á
Alþingi fyrir íbúa kjördæmisins.
Sunnudagurinn var undarlegur
eftir að úrslit lágu fyrir og
verð ég að viðurkenna að það
hefur tekið tíma fyrir mig að
átta mig á því að ég sé orðin
þingmaður. Ég er mjög ánægð
með gengi Framsóknarflokksins
og sérstaklega fylgisaukningu
flokksins í þessu kjördæmi.
Kosningabaráttan gekk rosalega
vel hjá okkur en yfirferð okkar
um kjördæmið var þónokkur
á stuttum tíma. Ég hlakka til
að starfa sem þingmaður og að
koma stefnumálum flokksins í
framkvæmd. Að lokum vil ég
koma á framfæri stórum þökkum
til stuðningsmanna okkar og til
allra þeirra sem lögðu hönd á plóg
í kosningabaráttunni."
Jóhanna María Sigmundsdóttir, Framsóknarflokki:
Jóhanna María Sigmundsdóttir.
Haraldur Benediktsson,
Sjálfstæðisflokki:
„Fyrst og fremst stendur upp úr
aðdáun mín á öllu því fólki sem
tók þátt í kosningabaráttunni
fyrir Sjálfstæðisflokkinn, fólki
sem vann að því að tryggja stefnu
hans og gildum fylgi. Það var
frábært að eiga samstarf með
þessu fólki undanfarnar vikur og
er ég fullur af þakklæti í garð þess.
Ég vil þakka því fyrir stuðninginn
og þeirra framlag til baráttunnar.
Fyrir Sjálfstæðismenn þýðir
ekkert að hengja haus yfir úrslitum
kosninganna en vissulega hefði
fylgið mátt vera meira og var
miður að Eyrún Ingibjörg náði
ekki að komast inn á þing með
mér og Einari. Að þessu frátöldu
getum við sjálfstæðismenn þó
verið sáttir." Spurður um næstu
daga í pólitíkinni segir Haraldur
að allt sé nýtt fyrir honum núna.
„Ég er nýr þingmaður og eins og
í öðrum störfum þarf ýmislegt að
læra. Mestu skiptir þó að vinna
að framgangi stefnu flokksins á
Alþingi. Ég tel að við eigum að
eiga aðild að næstu ríkisstjórn
og eigum að láta til okkar taka
við landsstjórnina. Ljóst er
að niðurstaða kosninganna er
ákall um breytingar frá þeirri
stefnu sem verið hefur við lýði
undanfarið kjörtímabil og að þeim
breytingum vil ég vinna."
Haraldur Benediktsson.
Svipmyndir frá kosningadeginum
Frá kjördeild númer eitt á Akranesi. Frá kjördeildinni í Borgarnesi.
Þrjá nýja kjörkassa þurfti að smíða
vegna kosninganna á Akranesi í ljósi
stærðar kjörseðlanna. Hér eru nýir
kassar og gamlir sem biðu notkunar á
laugardagsmorguninn.
Erill var á kosningaskrifstofu Sjálfstæðisflokksins í Borgarnesi á kjördag.
Páll Lind Egilsson, dyggur
stuðningsmaður Framsóknarflokksins,
ræðir við Ásmund Einar Daðason í
kosningakaffi framsóknarmanna í
Borgarnesi.
Svipmynd frá kosningavöku sjálfstæðismanna í Snæfellsbæ. Ljósm. þa.
Umboðsmenn framboðanna í NV kjördæmi ásamt starfsmönnum
kjörstjórnar fylgjast með kosningasjónvarpinu á talningarstað
kjörstjórnar á Hótel Borgarnesi.
Talningarmenn að störfum á Hótel Borgarnesi. Atkvæði úr Hvalfjarðarsveit talin í Borgarnesi.