Skessuhorn - 09.10.2013, Síða 15

15MIÐVIKUDAGUR 9. OKTÓBER 2013
ÖLL ALMENN VERKTAKASTARFSEMI
Eiríkur J. Ingólfsson ehf.
Sólbakka 8 • Borgarnesi • ejiehf@simnet.is
Eiríkur 894 5151 • Ingólfur 892 8610
Sumarhús • Gluggar • Hurðir • Fög
Sk
es
su
ho
rn
2
01
3
Matráður - leikskólinn
Klettaborg
Laust er til umsóknar starf matráðs í leikskólanum Klettaborg sem
er þriggja deilda leikskóli að Borgarbraut 101, Borgarnesi.
Í leikskólanum dvelja allt að 65 börn við leik og störf og þar starfa
20 starfsmenn, rúmlega helmingur faglærðir leikskólakennarar
og leiðbeinendur eru með mikla reynslu.
Í leikskólanum er unnið metnaðarfullt skólastarf og er leikskólinn
m.a. tilraunaleikskóli fyrir verkefnið: Heilsueflandi leikskóli sem er á vegum
embættis landlæknis. Matráður þarf að starfa í anda þess og samkvæmt
Handbók fyrir leikskólaeldhús.
Helstu verkefni og ábyrgð
Matráður ber ábyrgð á matseld, matseðlagerð, innkaupum, •
stjórnun, skipulagningu og framkvæmd starfsins í eldhúsinu
í samvinnu við leikskólastjóra
Matráður er yfirmaður aðstoðarstarfsmanns sem er í hlutastarfi •
fyrir hádegi, auk þess sér matráður um þvotta o.fl.
Hæfniskröfur
Menntun á sviði matreiðslu og/eða reynsla af matreiðslu í •
stóreldhúsi
Góð þekking á næringarfræði og hollustufæði fyrir börn á •
leikskólaaldri
Hreinlæti og snyrtimennska skilyrði•
Skipulagshæfni, sjálfstæði og hæfni til verkstjórnar•
Frumkvæði, sveigjanleiki og samstarfsvilji•
Lipurð og færni í samskiptum•
Reynsla og þekking á rekstri mötuneyta•
Reynsla af leikskólastarfi æskileg•
Góð íslenskukunnátta•
Frekari upplýsingar um starfið
Starfshlutfall er 93,75%, vinnutími kl. 8-15.30•
Starfið er laust frá 1. janúar 2014•
Launakjör eru samkvæmt kjarasamningi KJALAR, •
stéttarfélags starfsmanna í almannaþjónustu og
Launanefndar sveitarfélaga
Í samræmi við jafnréttisstefnu Borgarbyggðar eru karlar jafnt •
sem konur hvött til að sækja um starfið
Umsóknarfrestur er til 25. október 2013•
Nánari upplýsingar veitir Steinunn Baldursdóttir leikskólastjóri
s: 437-1425 eða steinunn@borgarbyggd.is

Einkunnarorð leikskólans eru: Sjálfstæði, virðing og gleði.
Alþjóðlegt árveknisátak um brjósta-
krabbamein, sem flest Krabba-
meinsfélög heims standa fyrir, hófst
1. október síðastliðinn en mánuð-
urinn allur er nú sem fyrr tileink-
aður átakinu. Mikil samstaða rík-
ir á meðal Íslendinga um það mik-
ilvæga verkefni að minna á nauð-
syn eftirlits og árvekni þegar kem-
ur að krabbameini. Síðustu ár hafa
íslenskir skartgripahönnuðir lagt
átakinu lið og fengið það verkefni
að hanna nýja slaufu fyrir hvert ár.
Mikil spenna og leynd ríkir jafnan
yfir hvernig næsta slaufa komi til
með að líta út. Hún hefur nú ver-
ið afhjúpuð og er að þessu sinni
hönnuð af Orr. Þá má geta þess að í
Reykjavík var stór slaufa í götukerfi
borgarinnar máluð bleik og sést
merki átaksins afar vel úr lofti.
Rut var fyrsti
slaufuhafinn
Krabbameinsfélag Akraness og
nágrennis hefur tekið virkan þátt
í átakinu og hafa fjölmargar bygg-
ingar í bæjarfélaginu verið lýstar
upp bleikar í gegnum árin. Jóhanna
Kristófersdóttir er skrifstofustjóri
Krabbameinsfélag Akraness og ná-
grennis. Hún segir að síðastliðin
ár hafi verið venja að næla fyrstu
slaufunni, í hverju byggðarlagi, í
einstakling sem stjórn félagsins vel-
ur og í ár var ákveðið að næla fyrstu
slaufunni á Akranesi í Rut Karol
Hinriksdóttur. „Rut greindist með
krabbamein í báðum bjróstum fyrir
ári og var þá kippt út úr hinu dag-
lega lífi til að takast á við þetta stóra
verkefni. Rut hefur tekist á við veik-
indi sín með jákvæðu hugarfari og
af miklu æðruleysi. Hún er sterk og
góð fyrirmynd fyrir ungt fók sem
er að berjast við krabbamein og það
er okkur því mikill heiður að fá að
heiðra hana með fyrstu bleiku slauf-
unni á Akranesi,“ segir Jóhanna.
Gamla kaupfélagið
bleikt veitingahús
Bleikt boð hefur verið haldið í
Reykjavík ár hvert og hefur tak-
markaður fjöldi fólks komist að, en
nú verður breyting gerð þar á og
öllum landsmönnum gefinn kost-
ur á að eiga bleikt kvöld. „Krabba-
meinsfélag Íslands og mörg svæða-
félög um allt land hafa fengið
til liðs við sig veitingahús í sinni
heimabyggð sem munu bjóða upp
á skemmtilega viðburði og sér-
stakan matseðil í tilefni átaksins. Á
Akranesi hefur krabbameinsfélagið
fengið til liðs sig Gamla kaupfélag-
ið og mun þar verða boðið upp á
dýrindis humarrétti í októbermán-
uði. Andvirðið, sem nemur 15% af
hverjum seldum rétti, rennur beint
til Krabbameinsfélags Akraness.
Ýmsar skemmtilegar uppákom-
ur verða í október á Gamla kaup-
félaginu sem tengjast átakinu og
verða þær kynntar síðar. Í tilefni af
samstarfi Krabbameinsfélags Akra-
ness og Gamla Kaupfélagsins, mun
bygging veitingahússins verða lýst
upp með bleikum ljósum í október-
mánuði, en Orkuveitan hefur séð
alfarið um þá framkvæmd, félaginu
að kostnaðarlausu og kunnum við
þeim bestu þakkir fyrir,“ segir Jó-
hanna.
Bleika slaufan verður seld á Akra-
nesi í Olís, Íslandspósti, Eymunds-
son og á Gamla kaupfélaginu og
kostar 2.000 krónur.
mm
Í byrjun nóvember öðlast gildi nýtt
fyrirkomulag heimaþjónustu sveit-
arfélaganna Grundarfjarðarbæj-
ar, Helgafellssveitar, Snæfellsbæjar
og Stykkishólmsbæjar. Markhóp-
ar þjónustunnar eru eldri borgarar,
öryrkjar og aðrir sem þurfa á slíkri
þjónustu að halda. Eldri borgar-
ar eru stærsti þjónustuhópurinn
og hefur þeim fjölgað á milli ára.
„Hingað til hefur þjónustan nánast
einungis einskorðast við þrif og lít-
ið ef nokkuð verið um persónulega
aðstoð. Það hefur verið óbreytt fyr-
irkomulag í rúman áratug og hef-
ur verið hamlandi í þjónustunni.
Starfsmannavelta hefur verið há og
kerfið þar af leiðandi óskilvirkt,“ segir Sveinn Þór Elinbergsson
forstöðumaður FSS í samtali við
Skessuhorn. „Það hefur prýðisfólk
verið að vinna við þetta en þjón-
ustuþegum hefur fjölgað og fyrir-
komulagið passar ekki fyrir þess-
ar breyttu aðstæður og ný þjón-
ustuviðmið. Þetta er efling þess-
arar mikilvægu þjónustu sveitar-
félaganna. Þau vilja veita sem besta
þjónustu á þessu sviði sem öðrum,“
bætir hann við.
Markmið breytinganna er þrí-
þætt en þeim er ætlað að stuðla að
fjölþættari þjónustu, að efla um-
önnun og öryggi þjónustuþega og
að styrkja starfsfólk sveitarfélag-
anna við framkvæmd mikilvægra
trúnaðarstarfa. „Stjórnendur og
starfsfólk okkar munu eiga sam-
starf við heimahjúkrun Heilbrigð-
isstofnunar Vesturlands með til-
skyldu leyfi þjónustuþega. Mark-
miðið er að með virðingu og um-
hyggju megi fólk upplifi betri þjón-
ustu og aukið öryggi. Samstarf
þessara stofnana bætir og styrkir
þjónustu þeirra hér á Snæfellsnesi
en verður að sjálfsögðu grundvall-
að á og háð samþykki þjónustuþeg-
anna,“ segir Sveinn Þór.
Nýverið auglýsti FSS eftir starfs-
fólki vegna fyrirhugaðra breytinga.
Um er að ræða heilsársstörf, ýmist
heil eða hálf stöðugildi. „Þetta hef-
ur verið tímavinna og kerfið orðið
lúið og lítt eftirsóknarvert. Hingað
til hafa þetta nánast eingöngu ver-
ið þrif en nú er bætt við persónu-
legri aðstoð og innliti, þetta verð-
ur fjölbreyttari þjónusta. Laun
hækka, það verður bætt stjórnun og
bætt aðstaða starfsmanna. Starfs-
menn sækja starfseflingarnámskeið
og eftir nokkra mánuði verður
eftirfylgni námskeið eftir að gerðar
hafa verið viðhorfskannanir. Starf-
inu verður því fylgt eftir og aðlagað
eftir því sem við á. Það er von okk-
ar og vissa að breyting þessi leiði til
betri þjónustu sveitarfélaganna og
um leið verða til ný og spennandi
umönnunarstörf hér á Snæfells-
nesi,“ segir Sveinn Þór að lokum.
grþ
Sveinn Þór Elinbergsson, for-
stöðumaður Félags- og skólaþjónustu
Snæfellinga.
Efling heimaþjónustu sveitarfélaganna á Snæfellsnesi
Gamla kaupfélagið verður baðað bleikum ljósum í október.
Árvekniátak Krabbameinsfélags
Akraness hafið
Gísli Þráinsson fékk það hlutverk að
næla fyrstu nælunni í Rut Karol.
Frá athöfninni sem félagið stóð fyrir í liðinni viku þegar Rut var boðið út að borða. F.v. Alma Auðunsdóttir, Thelma Hrund
Sigurbjörnsdóttir, Ólöf Inga Birgisdóttir, Rut Karol Hinriksdóttir, Rannveig Björk Gylfadóttir, Jóhanna Kristófersdóttir, Stein-
unn Eva Þórðardóttir og Gísli Þráinsson.