Fjarðarpósturinn - 06.02.2014, Side 11

www.fjardarposturinn.is 11 Fimmtudagur 6. febrúar 2014
Þann 28. desember 2012 fól
bæjarráð bæjarstjóra að gera
samning við Hauka um kaup á
1058,4 m² í búningsklefum,
geymslum, setustofu, skrifstofu
og fl. að Ásvöllum. Kaupverðið
var 271 milljón kr. sem fundið
var með því að reikna 300 þús.
kr. á hvern fermetra, nema 250
þús. kr. í vallarhúsi, og draga
2% afskriftir frá. Bygginga­
kostnaður með afskriftum var
175,3 millj. kr.
Skv. samningnum kaupir
Hafn arfjarðarbær 23,11% eign­
ar hlut árið 2012 og 7,1% árlega
og greiðir mánað ar lega 1,6
millj. kr. en hlutur árisns 2012
var greiddur með skuldajöfnun
á skuldabréfi. Samninginn skal
endurskoða árlega með hliðsjón
af fjár hags áætlun Hafnarfjarðar­
bæjar og er uppsegjanlegur af
Hafnar fjarðarbæ með 6 mánaða
fyrir vara.
Með þessum ákvæðum telur
bærinn sig komast hjá því að
telja samninginn með langtíma­
skuld bindingum þó samning ur­
inn gildi til 28. desember 2037.
Minnisblaðið forboðna
Til grundvallar þessum samn­
ingi var notað minnisblað fjár­
mála stjóra sem þó var ekki
form lega lagt fram á fundi
bæjar ráðs. Engin önnur gögn
voru lögð fram á fundinum.
Þegar ritstjóri Fjarðarpóstsins
óskaði eftir að fá að sjá þetta
minnisblað var því hafnað og
vísað til ákvæða um vinnugögn
í 6. og 8. grein upplýsingalaga.
Þessi höfnun var strax kærð
til Úrskurðarnefndar um upp­
lýsingamál sem kvað upp
úr skurð þann 28. janúar sl. Í
stuttu máli tók nefndin undir öll
sjónarmið Fjarðarpóstins og
úrskurðaði að Hafnarfjarðarbær
skyldi afhenda gögnin. Kom
fram í úrskurðinum að það væri
mat nefndarinnar að minnis­
blaðið innihaldi engar upplýs­
ingar um íþróttafélagið Hauka,
sem séu þess eðlis að leynd um
þær geti gengið framar þeim
mikilvægu hagsmunum sem
eru af því að upplýsingar um
ráðstöfun opinberra hagsmuna
séu gerðar aðgengilegar al ­
menn ingi.
Í rökum Hafnarfjarðarbæjar
til nefndarinnar segir að
minnisblaðið geymi viðkvæmar
upplýsingar er varði mikilvæga
fjárhags­ og viðskiptahagsmuni
Hauka og Landsbankans og
verði það niðurstaða nefdar­
innar að minnisblaðið teljist
ekki vinnugagn þurfi að tak­
marka aðgang að skjalinu með
vísan í 10. gr. upplýsinga laga.
Úrskurðarnefndin hafnaði
þessum rökum.
Hvað var í minnisblaðinu
Í minnisblaðinu er rakin
forsaga málsins til október 2006
þegar Haukar óskuðu eftir
endurskoðun á sameign Hauka
og bæjarins að Ásvöllum sem
byggðir voru skv. 20%/80%
reglunni. Var vísað til
samkomulags sem bærinn gerði
við FH um kaup á búningsaðstöðu
og stúku árið 2002. í mars 2007
drógu Haukar umsóknina til
baka er þeir höfðu tekið 100
millj. kr. kúlulán í svissneskum
frönkum til tveggja ára með
LIBOR vöxtum emeð 2,95%
vaxtaálagi. Eindaginn var 2.
mars 2009. Greiddu Haukar
mánaðarlega vexti til október
2008. Haukar ítrekuðu beiðni
um endurskoðun í október 2008.
Bæjarráð tilkynnti Haukum í
desember sama ár að eðlilegast
væri að félagið sjálft semdi við
Landsbankann um skuldir sínar
en að skuldir félagsins við
Hafnarfjarðarbæ yrðu frystar í
1­2 ár og fjármagnið vegna
afborgana notað til greiðslu
fjármagnskostnaðar.
Í nóvember 2009 er gerður
samn ingur um áhorfendasvæði
við gervigrasvöllinn og kostn­
aðarhlutfallið var 90% Hafnar­
fjarðarbær og 10% Haukar. Í lok
júlí 2010 óska Haukar eftir
enduskoðun á rekstarsamningi
og á sameign. Voru haldnir
fundir með Haukum og Lands­
bankanum en ekki var
grundvöllur fyrir niðurstöðu á
meðan lögmæti lánsins lá ekki
fyrir en í ágúst 2011 stóð lánið í
441 millj. kr. Vorið 2012 var
lánið endurreiknað og stóð í
252,2 millj. kr. án dráttarvaxta.
Vanskil hjá félögum
tengdum Haukum
Fjögur önnur lán voru í van­
skilum hjá félögum tengdum
Haukum samtals að fjárhæð 13,3
millj. kr. Ekki eru lögð fram
gögn sem skýra í hverju þau
vanskil eru fólgin.
Landsbankinn var til búinn að
afskrifa 57 millj. kr. gegn því að
Hafnarfjarðarbær ábyrgðist lánið
en því var hafnað. Á haustdögum
hófst svo ný fundarhrina sem
lauk með sam komulaginu sem
gert var 28. des em ber 2012. Með
því eignaðist Hafnarfjarðarbær
öll mannvirki, hverju nafni sem
þau nefnist að Ásvöllum 1 að
undan skyldu félagsheimili og
bensín stöð. Reyndar eru eign­
irnar taldar upp í samningnum.
Stjórn Knattspyrnufélags
Hauka og stjórnum tengdra félag
er með öllu óheimilt að stofna til
nýrra skulda á samningstímanum
sem lýkur 28. desember 2037.
Í minnisblaði fjármálastjóra
bæjarins kemur fram að ef ekki
sé gengið til saminga þá muni
Landsbankinn leysa til sín eign­
ar hluta Haukanna og vænt anlega
leita samninga við bæinn um
kaup eða leigu þeirra. Þar kemur
einnig fram að með hlið sjón af
nýjum fjármálareglum sveit ar­
félaga hafi bærinn ekki verið í
stöðu til að taka ný lán eða gera
leigusamninga til langs tíma.
Falin skuldbinding?
Samt gerði bærinn kaupsamn­
ing til 25 ára en setur upp­
sagnarákvæði til að komast á
svig við fjármálareglur sveitar­
félaga. Kemst bærinn þannig hjá
því að geta þessa samnings í
uppgjöri bæjarins undir lang­
tímaskuldbindingar. Ljóst er að
ekki er raunhæft að álykta að
bæj ar stjórn muni segja samn­
ingnum upp að eigin frumkvæði
og því hlýtur þetta í raun að vera
falin skuldbinding. Er því
jafnframt vafa háð hvort bæjar­
ráð hafði heimild til að gera
svona stóra skuldbindingu fyrir
bæjar félagið. En samningurinn
var samþykktur af fulltrúum
Samfylkingar og Sjálfstæðis­
flokks í bæjarráði og bæjarstjóri,
fulltrúi VG undirritaði hann.
Strandgötu 49 - Hafnarfirði - Sími 555 4046

glútenlaus og kolvetnalítil
smurbrauð með l i, skinku
og roast beef
Hafnarfjarðarbær vill verðlaun fyrir aðgengi að gögnum
Þurfti úrskurð Úrskurðarnefndar um
upplýsingamál til að fá gögn
Þau samþykktu á aukafundi bæjarráðs 28. des. 2012 að kaupa
1.058 m² eignir af Haukum á 25 árum fyrir 271 milljón kr. verðtryggt.