Fjarðarpósturinn - 04.09.2014, Blaðsíða 4

4 www.fjardarposturinn.is Fimmtudagur 4. september 2014
Hver er Haraldur L. Haralds­
son? Hvar ólst þú upp við við
hvers konar aðstæður?
„Ég ólst upp í Keflavík í stórri
fjölskyldu. Ég er næst yngstur sjö
systkina og við áttum gott heimili
þar sem afi og amma bjuggu hjá
okkur um tíma. Faðir minn var
verk taki á Keflavíkurflugvelli
eins og tíðkaðist á þeim tíma og
ég gekk alla mína grunnskóla­
göngu í Keflavík.“
Hvernig var Keflavík á þessum
tíma? Upplifðir þú bítlaæðið og
fótboltann?
„Já, já, ég var reyndar mjög
rólegur unglingur en einhvern þátt
tók maður í þessu. Ég var frekar
til baka og hlédrægur strákur og
t.d. ekki með mjög sítt hár!“
Haraldur fór svo í Verslunar­
skóla Íslands og tók þaðan stú­
dentspróf en hélt þaðan til Eng­
lands og tók þaðan M.S. og B.S.
gráðu í hagfræði frá Queen Mary
College, University of London.
Þegar heim var komið tók við
stunda kennsla í hagfræði við
Versl unarskólann, var fulltrúi í
fjár málaráðuneytinu í þrjú ár þar
til að hann réð sig sem bæjarstjóri
á Ísafirði 1981 og starfaði þar í 10
ár. Þá tók við framkvæmda­
stjórastarf hjá Skipasmíðastöð
Þorgeirs og Ellerts hf. á Akranesi
en síðan var hann sjálfstætt
starfandi hagfræðingur og ráðgjafi
í sjö ár er hann réð sig sem sveit­
ar stjóri í Dalabyggð árið 2001 og
var hann þar í 5 ár. Þá tók við
framkvæmdastjórastörf hjá Nýsi
hf. og var hann forstjóri þess um
tíma að beiðni stærstu kröfuhafa
árið 2009. Síðan hefur Haraldur
verið sjálfstætt starfandi, verið
fram kvæmdastjóri rekstrarfélags­
ins Fossa leyni 1 sem rak Egilshöll
um tíma og var í fjárhaldsstjórn
Sveit arfélagsins Álftaness. Þá
starf aði hann sem sérfræðingur
Sam ráðsnefndar ríkis og sveitar­
félaga um efnahagsmál og hefur
svo verið frá 2010 sjálfstætt starf­
andi ráðgjafi og hagfræðingur.
Listinn af útgefnu efni og fyrir­
lestrum er langur og greinilegt að
Haraldur er hokinn af reynslu sem
eflaust á eftir að koma sér vel í
starfi hans sem bæjarstjóri.
Þú segir í umsókn þinni að þau
verkefni sem bíði séu krefjandi en
áhugaverð. Hver eru þau?
„Í öllum sveitarfélögum bíða
alltaf krefjandi og áhugaverð
verk efni. Ég tala nú ekki um,
kom andi í þriðja stærsta sveitar­
félag landsins þá eru verkefnin
ærin. Það ber að leggja áherslu á
að við sem erum í starfi hjá
sveitar félaginu erum í þjónustu­
hlutverki og erum að þjóna íbúum
sveitar félagsins og erum líka að
fara með peninga þess. Mark­
miðið hjá okkur er að framfylgja
þeim ákvörð unum sem bæjar­
stjórn tek ur á hverjum tíma og að
veita sem besta þjónustu á sem
hag kvæmastan hátt. Þannig að
hægt sé að nýta peningana betur
og jafnvel lækka skatta og þær
álögur sem lagðar eru á til að hægt
sé að veita þessa þjónustu. Ég er
þeirrar skoðunar, sem ég byggi á
reynslu minni af úttektum hjá
sveitar félög um að það er hægt að
gera mjög mikið í hag ræðingu hjá
sveit ar félögum. Þá vil ég gera
greinarmun á hagræð ingu og að
skera niður. Mér finnst það ekki
rétt aðferðar fræði að fara í niður­
skurð því þá er verið að skerða
þjónustu til að gera eitt hvað
ómarkvisst. Ég vil hagræða án
þess að skera niður og jafnvel
auka þjónustuna en fyrir minni
pening. Þetta er ekki bara vanda­
mál sveitarfélaganna. Fyrir tæki
og bankastofnanir geta hagað
rekstr inum á ódýrari hátt en gert
er. Þegar sagt er að háir vextir séu
tilkomnir vegna þess að við séum
ekki hluti af stærri einingu eða í
Efnahagsbandalaginu, þá segi ég
að vandinn sé frekar heimavandi,
bankakerfið sé of stórt og of dýrt.
Og ég fullyrði eftir að hafa tekið
þátt í hag ræðingu hjá sveitar­
félögum þá sé líka hægt að ná
sam bærilegum árangri í rekstri
fyrirtækja. Okkur hættir svo til í
rekstri sveitarfélaga og fyrirtækja
að hækka alltaf álögurnar í stað
þess að spyrja hvort hægt sé að
lækka útgjöldin.“
Nú eru fræðslumálin lang­
stærstu útgjöld sveitarfélaga.
Er hægt að spara þar?
„Markiðið er ekki að spara.
Mar miðið á að vera að ná fram
sömu þjónustu og jafnvel betri
þjón ustu fyrir minni pening.
Þegar sveitarfélag er farið að velta
19 þúsund milljónum þá er
spurning hvort þá sé ekki hægt að
gera sömu hluti fyrir minni
pening. Mín reynsla hefur sýnt að
þetta er hægt. Hafnar fjörður er
ekkert öðruvísi en önn ur sveitar­
félög. Það er hægt að hagræða í
öllum sveitarfélögum. Þetta byggi
ég á reynslu minni af úttektum á
rekstri margra sveitarfélaga og
alls staðar hef ég getað lagt fram
tillögur um hagræðingu. Og ég
legg áherslu á að tillögurnar mið­
ast við það að draga ekki úr þjón­
ustu heldur efla hana og gera ekki
öðru vísi en þeir sem eru að gera
þetta vel. Því er mikilvægt varð­
andi einstaka stofnanir að horfa til
ann arra sveitarfélaga og læra af
þeim sem eru að gera vel og jafn­
vel til stofnana hjá sveitar félaginu
sjálfu.“
Þú kemur inn á pólitískum
tímamótum og tímamóta breyt­
ingu þegar bæjarstjóri er ekki
valinn úr hópi bæjarfulltrúa. Þér
hlýtur að hafa verið gerð grein
fyrir stöðu bæjarins. Er fjárhags­
leg staða bæjarins slæm?
„Ég vil ekki nota orðið slæmt
en það hlýtur að vera alveg ljóst
að ef við allir, bæjarfulltrúar og
bæjar búar fengjum að velja þá
mynd um við vilja að staðan væri
betri. Ég lít hins vegar á þetta sem
verkefni sem við munum leysa á
ekki mjög löngum tíma. Ég full­
yrði að við munum laga þessa
stöðu og ég ætla ekkert að draga
úr því að það var margt gott gert á
síðasta kjörtímabili til þess að
bæta fjárhagsstöðuna. Við erum
að reka svona sveitarfélög frá
degi til dags og margt breytist og
við ætlum bara að bæta okkur og
gera betur. Reynslan mín af fyrri
verkefnum, þar sem ég að vísu
hef ekki verið við stjórnvölinn en
hef komið með tillögur til úrbóta,
hefur sýnt mér að þetta er hægt að
gera og ég trúi því ekki að mér fari
að mistakast þegar ég á að stýra
umbótunum sjálfur. Hins vegar er
mikilvægt að leggja áherslu á að
þetta er ekki verk eins manns. Það
skiptir höfuðmáli að það takist að
móta samstöðu um þær aðgerðir
sem þarf að ráðast í. Líka með
starfsmönnum og bæjarbúum.
Reynsla mín segir að það eigi að
nást samstaða. Það gustar oft af
stjórnmálamönnum á bæjar­
stjórnar fundum en ég held að
þegar fólk er að vinna saman þá
eru markmiðin þau sömu og ég
hef trú á að menn komist sam­
eiginlega að góðri niðurstöðu.“
Hvaða möguleika sérð þú fyrir
Hafnarfjörð?
„Við eigum að horfa fram á
veginn og við þurfum að vera
vakandi og hafa frumkvæði í að
taka upp nýja þætti og það er
gríðarlega mikilvægt að fá fólk til
að flytja hingað til Hafnarfjarðar
og að fá fyrirtæki til þess að koma
hingað o.s.frv. og það er okkar
hlutverk að skapa þetta umhverfi
sem fær fólk og fyrirtæki til að
koma hingað. Við erum engir
eftir bátar stærstu sveitarfélaganna
en fólksfjölgun frá 2005 hefur
verið rúm 24% sem er svipað og í
Kópavogi. Við eigum byggingar­
landið og þurfum að skapa
aðstöðu til að taka á móti nýju
fólki.“
Hér hefur verið lögð mikil
áhersla á uppbyggingu iðnaðar­
svæða. Er það að skila nægilega
miklu til sveitarfélagsins í ljósi
þess að einu beinu tekjurnar af
fyrirtækjum eru fasteignagjöldin?
„Það er mjög auðvelt að sýna
fram á það að þar sem er atvinna,
þar er fólk. Með því að laða að
bæn um fyrirtæki er óbeint líka
verið að laða að bænum fólk. Fólk
vill vera eins nálægt sínum vinnu­
stað og mögulegt er. Ég geri mér
hins vegar grein fyrir því að höf­
uð borgarsvæði er öðruvísi hvað
þetta varðar en úti á landi, þá er
það rétt hjá þér að einu beinu
tekjur sveitarfélaganna af fyrir­
tækjunum eru fasteignagjöldin.
Rík ið hefur nánast alla aðra
skatta. Það er hins vegar öruggt að
eitthvað af starfsfólki fyrirtækja
sem kemur í Hafnarfjörð mun
setj ast hérna að og fyrirtækin
munu í auknum mæli sækja þjón­
ustu í Hafnarfjörð. Þannig aukast
umsvifin og kakan stækkar.“
Má búast við breytingum í
em bættismannakerfinu nú þegar
ráðinn er utanaðkomandi bæjar­
stjóri?
„Það liggur fyrir að við förum
mjög hratt í að skoða allan rekst­
urinn og þá verður stjórnkerfið
líka skoðað. Það er ásetningur
okkar að taka okkur næstu 4­6
mánuði í þetta og þá munu liggja
fyrir tillögur um hvað verður gert.
Reynsla mín segir mér að það
fylgja þessu alltaf breytingar, þó
mismiklar. Þessu þarf ekki endi­
lega að fylgja mannabreytingar.
Mér finnst mikið atriði að við
hlúum að þeim mannauði sem við
höfum fyrir áður en við köllum til
nýtt fólk. Það er frekar að skoða
hvað við höfum innandyra. Þetta
er bara verkefni sem við þurfum
að vinna öll saman, starfsmenn,
bæjarstjórn og jafnvel bæjarbúar.“
Bæjarbúar bíða nú eflaust
spennt ir eftir niðurstöðum úr
þessari úttekt sem búast má við
eftir 4­6 mánuði. Fjöldi verkefna
býður nýs bæjarstjóra sem sjálf­
ur segist rétt vera að máta stól­
inn. Þá er nærtækast að spyrja
hann með hvaða liði hann haldi í
boltanum:
„Strákarnir mínir segja mér að
ég sé óttalegur tækifærissinni í
fótbolta. Ég hef fylgt liðunum þar
sem Íslendingarnir hafa verið að
spila í Evrópu þannig að ég hef
ekki verið aðdáandi neins félags.
Ætli það verði ekki svipað hér og
ég verð alveg með óbundn ar
hendur. FH og Haukar eru ekki í
sömu deildinni í fótboltanum svo
ég get haldið með þeim báð um.
Það verður hins vegar erfiðara í
handboltanum svo ég held bara
með Hafnarfirði!“
Haraldur segist vera mjög
spennt ur að takast á við krefjandi
og skemmtilegt verkefni. „Ég
hlakka til að fara að vinna með
öllu þessu góðu fólki sem vinnur
hjá Hafnarfjarðarbæ og ég er viss
um að okkur mun takast ætlunar­
verkið sem er að þjóna bæjarbúum
vel og fara vel með peningana
þeirra.“
Tillögur eftir 4-6 mánuði
Nýr bæjarstjóri er uppalinn í Keflavík og var ekki með sítt hár!
Haraldur L. Haraldsson er nýr bæjarstjóri Hafnfirðinga.
Blaða maður Fjarðarpóstsins hitti hann á skrifstofu bæjarstjóra
í fyrsta sérhannaða ráðhúsi lands ins. Ný málverk úr safni
Hafnar borgar voru komin á veggina. Það var ekki laust við að
maður saknaði raun sæis verka úr bænum sem maður gat
reynt að staðsetja í Hafnarfirði fyrri tíma.
Lj
ós
m
.:
G
uð
ni
G
ís
la
so
n
Fyrsta verk Haraldar þegar hann kom til vinnu sl. föstudag var að funda með bæjarráði.
Lj
ós
m
.:
G
uð
ni
G
ís
la
so
n
Lj
ós
m
.:
G
uð
ni
G
ís
la
so
n
Lj
ós
m
.:
G
uð
ni
G
ís
la
so
n