Víkurfréttir - 20.04.2011, Blaðsíða 12

12 Miðvikudagurinn 20. apríl 2011VÍKURFRÉTTIR
Ekkert annað lið eins og Keflavík
Auk þess að spila með Tindastóli og Breiða-
bliki hefur hún nær eingöngu verið í Keflavík
að undanskildu hálfu tímabili með Grinda-
vík. „Það er ekkert annað lið eins og Keflavík
og get ég ekki sagt að mig langi til að fara í
eitthvað annað lið. Ég held ég klári ferilinn
hjá Keflavík því mér líður vel hérna.“
Árið 1994 var Birna í Tyrklandi sem „au
pair“ hjá Eyjólfi Sverrissyni fótboltakappa,
þar sem hún spriklaði í körfuboltanum um
leið. „Mér stóð til boða á þessum tíma að
fara til Danmerkur í atvinnumennsku en ég
hafnaði því. Þetta var bara áhugamál sem
ég hafði ekkert hugsað mér að gera eitthvað
meira með.“
Góður stuðningur fjölskyldunnar
En hvernig er að vera mamma með fjöl-
skyldu ásamt því að vera lykilmanneskja í
körfuboltaliði?
„Þetta er svona upp og niður. Stundum geng-
ur allt upp en það getur líka verið þvílíkt púsl
suma daga. Annars á ég mjög góða fjölskyldu
og eiginmann sem hefur stutt mig í gegnum
þetta allt. Ég er bara rosalega heppin hvað
það varðar.“
Kvennakarfan er mörgum vinsældarskrefum
á eftir karlakörfunni og var ekki einn leikur
í úrslitakeppni kvenna sýndur í sjónvarpi á
meðan flestir karlaleikirnir voru sýndir. „Það
er auðvitað mikill gæðamunur á körlum og
konum í körfubolta. Við erum ekkert að fara
að troða eða gera einhverjar gloríur, alla vega
ekki ennþá. Þetta er hins vegar hundfúlt og
er ég búin að kvarta undan þessu ár eftir ár.
Sérstaklega þar sem ég á fjölskyldu úti á landi
sem hefði verið til í að sjá einhverja leiki með
Keflavík. Eins og úrslitakeppnin þróaðist hjá
okkur í ár, þá var verið að bjóða upp á hörku
leiki en ekki einn sýndur. Þessir þrír leikir
gegn Njarðvík voru allir mjög skemmtilegir
svo ég veit ekki hvað við þurfum að gera til
að fá leikina sýnda. Kannski þurfum við að
fara að klæða okkur í níðþrönga búninga svo
sjónvarpið fari að veita okkur athygli.“
Aldrei áður spilað fyrir fullu húsi
Keflavík sigraði Njarðvík í úrslitum 3-0 en
þetta var í fyrsta skiptið sem þessi tvö lið
mættust í úrslitum. „Þetta var hreint út sagt
æðislegt. Ég man ekki eftir að hafa spilað
fyrir fullu húsi áhorfenda svo ég var rosalega
ánægð með stuðningsmenn beggja liða. Þetta
er svo mikil hvatning að heyra í öllum áhorf-
endunum öskra og æpa á leikjum. Þau vilja
sjá eitthvað frá manni svo maður spýtir enn
meira í lófana. Þetta var eiginlega draumi
líkast.“
Anna María best
Besta körfuknattleikskona Íslands fyrr og
síðar að mati Birnu er Anna María Sveins-
dóttir. „Það er engin spurning. Hún hafði
skilning á leiknum frá A til Ö. Hún var svo
mikill drifkraftur fyrir liðið og mikil hvatn-
ing að það var eins og við værum með sex
leikmenn á vellinum þegar Anna María spil-
aði. Hún hafði bara allt sem þurfti til að vera
best.“
Keflavík fékk til liðs við sig á tímabilinu Jac-
kie Adamshick, bandarískan leikmann, sem
var mikill liðsstyrkur fyrir Keflavík. Hún
lenti svo í meiðslum og náði ekki að klára
tímabilið. „Jackie er minn uppáhalds erlendi
leikmaður. Ég hef ekki kynnst öðrum eins
gullmola innan sem utan vallar. Þetta var
bara lygilegt. Hún var svo jákvæð og dugleg
og aldrei með neitt vesen. Hún er bara „one
of a kind“ eins og maður segir. Hún sagðist
samt ætla að hætta eftir þetta tímabil en ég
á eftir að ræða við hana betur. Ég leyfi henni
ekkert að hætta alveg strax.“
Eins og margir hafa tekið eftir er Birna með
húðflúr á öxlinni. Við spurðum hana aðeins
nánar út í það. „Ég er með þrjú húðflúr. Eitt á
öxlinni eins og sést þegar ég spila körfubolta,
annað á bakinu og þriðja í náranum. Þetta
byrjaði sem eitthvað flipp en mér finnst þetta
flott. Það var einu sinni hugmynd að fá sér
heila ermi en ég held að kallinn yrði ekki
sáttur með það. Svo er ég með tungulokk
og naflalokk en ég ætla að láta það duga þó
ég bæti kannski við nokkrum húðflúrum í
viðbót.“
Tek núna eitt ár í einu
Birna sagðist hafa ropað út úr sér í einhverju
viðtali að hún ætti tíu ár eftir í körfubolt-
anum. „Ég ætla ekki að gefa neitt út núna.
Ég mun taka eitt ár fyrir í einu og held áfram
á meðan skrokkurinn leyfir. Ég er alla vega
ekkert á leiðinni að hætta núna þar sem ég er
nýbúin að landa Íslandsmeistaratitli,“ sagði
þessi frábæra körfubolta að lokum.
vf.is
Held áfram
á meðan skrokkurinn leyfir
Birna skorar í vetur
gegn Hamri.
Birna með stóru bik-
arna 2011, Íslands- og
bikarmeistaradollurnar.
Birna fór í „betri
fötin“ fyrir viðtals-
myndatökuna í VF.
Hún fann fötin í Kóda
og svo fór hún í hár-
greiðslu hjá Capello
og í förðun hjá Gunn-
hildi Gunnarsdóttur.