Víkurfréttir - 26.01.2012, Blaðsíða 15

15VÍKURFRÉTTIR • FIMMTUdagUrInn 26. janúar 2012
útspark Ómar JÓhannsson
Ómar Jóhannsson, markvörður og
starfsmaður í Fríhöfninni sparkar
pennanum fram á ritvöllinn.
Það eru margir frasar sem eru sífellt notaðir í íþróttum.
Æfingin skapar meistarann, einn leikur í einu, ertu blindur
dómari, svona til að nefna nokkra. Einn af mínum uppáhalds-
frösum er þegar talað er um meistaraheppni. Ég veit ekki um
neitt lið eða einstakling sem hefur orðið meistari á heppni.
Það væri heppni ef að boltinn stefndi í bláhornið hjá þér og
fugl kæmi fljúgandi fyrir skotið á síðustu stundu. Það þyrfti
líka að gerast nokkra leiki í röð vegna þess að enginn verður
meistari á því að vinna einn leik. Að horfa á eftir boltanum
fara framhjá þér í stöngina og út er ekki heppni. Stöngin er
þarna á sama stað allan leikinn og alla leiki. Leikmenn eru
farnir að reikna með henni. Að dómarinn dæmi víti sem þú
hefðir ef til vill ekki átt að fá er ekki heppni. Það hefur gerst
áður og gæti gerst aftur.
Þeir sem vinna ekki leiki tala oft um óheppni. Síðasta skotið
fór ekki ofan í, þessi dómari hefur eitthvað á móti mér, ég
rann þegar ég ætlaði að skjóta. Þeir sem tapa hafa þessa frasa
tilbúna í hrönnum eftir leik. Það má vel vera að þú lendir
undir einhvern tímann út af óheppni. Sú óheppni varir samt
sjaldnast í meira en augnablik. Fótboltaleikur er um 90 mín-
útur. Ef þú ert óheppinn í augnablik ætti að vera nógur tími
hinar 89 mínúturnar að vera heppinn. Ef að einn leikur, eða
jafnvel heilt mót, stendur og fellur með einu augnabliki til
hvers þá að spila allar hinar mínúturnar. Það er ansi ódýr af-
sökun að kenna óheppni um tapaða leiki. Hvað þá heilt mót.
Meistarar skapa sér sína eigin heppni. Þeir koma sér í að-
stæður þar sem að þeir gætu litið út fyrir að vera heppnir. Að
skora mark á síðustu mínútu kann að virðast vera heppni.
Tala nú ekki um ef það gerist oftar en einu sinni, þá er einmitt
oft talað um þessa meistaraheppni. Hugsanlega er samt liðið
að skora á síðustu mínútu vegna þess að þeir hafa æft vel
allan veturinn fyrir mótið og eru í toppformi. Þess vegna eru
þeir orkumeiri síðustu mínúturnar og geta tekið betri ákvarð-
anir en andstæðingurinn. Lið sem fá fleiri víti en andstæð-
ingurinn gætu verið heppin. Það gæti líka verið það að liðið er
duglegt að koma sér inn í vítateig andstæðinganna og þannig
í hættulega stöðu sem bjóða upp á það að andstæðingurinn
brjóti af sér.
Heppni og óheppni er eitthvað sem þú ræður ekki við. Þeir
sem verða meistarar verða það ekki óvart. Þeir mæta ekki inn
á völlinn trekk í trekk og vinna leiki án þess að vita almenni-
lega hvað þeir gerðu. Enginn kemst í liðið af því að hann er svo
góður að standa inni í teignum og fá boltann í sig og inn. Það er
vinna að vera heppinn. Þú æfir og þú leggur þig fram til þess
að komast í aðstæður þar sem þú getur verið heppinn. Það er
ekki eintóm heppni að vera heppinn.
Þín eigin heppni
Víkurbraut 6. (sömu götu og Byko)
Opið allar helgar frá kl. 14:00 - 18:00
Básaleiga 849 3028
Málverka- og skartgripanámskeið
á þriðjudögum og fimmtudögum
FUNDIR Á SUÐURNESJUM,
LAUGARDAGINN 28. JANÚAR
Þingmenn og ráðherrar Vinstrihreyfingarinnar - græns framboðs
Steingrímur J. Sigfússon, Svandís Svavarsdóttir, Þráinn Bertelsson
og Auður Lilja Erlingsdóttir boða til funda í Grindavík og Reykjanesbæ
á laugardaginn.
Á Kantinum, Hafnargötu 6 í Grindavík, frá kl. 14:30.
og á Flughóteli, Hafnargötu 57 í Keflavík, frá kl. 17:00.
Hvetjum ykkur öll til þess að nýta tækifærið til að ræða þau mál sem
á ykkur brenna við ráðherrana og þingmenn flokksins.
Steingrímur J.
Sigfússon
Þráinn
Bertelsson
Auður Lilja
Erlingsdóttir
Svandís
Svavarsdóttir
Yrsa sem er 17 ára stundar nám
í Verzlunarskólanum og hún er á
fullu með meistaraflokki Grinda-
víkur sem trónir á toppi 1. deildar-
innar í körfuboltanum um þessar
mundir. Fótboltanum er aðeins
sparkað til hliðar á veturna en Yrsa
segir að hún hafi aðeins þurft að
slaka á eftir að hún hóf nám í fram-
haldsskóla. Fyrir tímabilið núna
drógu Grindvíkingar sig úr keppni
í úrvalsdeild kvenna í körfubolt-
anum og ekki stóð til að hafa
meistaraflokk. Á endanum fór svo
að Grindvíkingar tefldu fram ungu
liði sem er, eins og áður segir, á
góðu róli í 1. deild. „Ég var ekkert
voðalega sátt við það í fyrstu að
við myndum ekki vera með í efstu
deild, en þetta tímabil er búið að
vera mjög skemmtilegt og hópur-
inn er alveg frábær,“ segir hún og
er greinilega sátt við sitt núna og
stefnan er að hennar sögn tekin
beint upp í úrvalsdeildina.
Þegar hún er innt eftir því hvort
ekki sé kominn tími til að velja á
milli íþróttanna þá svarar hún að
bragði: „Jú það fer alveg að koma
tími á það, en það er að reynast
erfiðari ákvörðun en ég gerði mér
grein fyrir,“ en henni finnst ágætt
að vera í fótboltanum á sumrin og
körfunni á veturna. Báðar þessar
greinar eru þó stundaðar meira
árið um kring heldur tíðkaðist á
árum áður, sérstaklega með komu
innanhússhalla í fótboltanum. „Ég
held að það væri skynsamlegt að
fara að velja, og ef ég vissi hvorri
íþróttinni ég hefði meira gaman af
þá væri ég búin að því,“ segir hún
og hlær. Hún telur að hún sé aðeins
betri í fótboltanum og hana langar
að komast að í háskóla í Bandaríkj-
unum en margir liðsfélagar hennar
í meistaraflokki Grindavíkur hafa
farið þá leiðina og líkað lífið þar
vestra.
Hún segir vera góðan skilning á
milli knattspyrnu- og körfuknatt-
leiksdeildanna í Grindavík og
engin togstreita þar á milli. „Fót-
boltaþjálfarinn minn skilur þetta
alveg. Hann veit að ég mæti þegar
ég kemst en ég mæti 1-2 í viku og
er svo með í leikjunum,“ segir Yrsa
sem leikur ýmist á miðju vallarins
eða í vörninni. Hún fór í sumar
með U-17 ára liði Íslands og keppti
í undankeppni EM, auk þess hefur
hún verið viðloðin U-19 ára lið Ís-
lands.
Hún leikur sem skotbakvörður í
körfuboltanum en undanfarið
hefur hún sett stefnuna á að kom-
ast í U-18 ára liðið sem keppir á
Norðurlandamótinu í Solna um
páskana. Áður hafði hún leikið
með U-16 ára liði Íslands.
Það sem ungur íþróttamaður þarf
að hafa til brunns að bera að mati
Yrsu er fyrst og fremst að hafa
gaman af íþróttinni sem maður
stundar. „Skipulag og metnaður
er nauðsynlegt en ef maður hefur
ekki gaman af þessu þá nennir
maður ekki að leggja neitt á sig,“
en Yrsa segir að það skemmti-
legasta sem hún geri sé að mæta á
æfingu, hvort sem það er í fótbolta
eða körfubolta. Hún telur það mjög
mikilvægt að borða hollan mat
og fá ágætis hvíld á milli æfinga.
Samt finnur hún tíma til að skella
sér í ræktina 2-3 þrisvar í viku.
Það verður sannarlega gaman að
fylgjast með þessari metnaðarfullu
íþróttakonu í framtíðinni en hvort
það verði á iðagrænu grasinu eða
glansandi parketinu verður tíminn
að leiða í ljós.
vf.is
vf.is
Erfitt að vElja
á milli bolta
„Ég byrjaði að æfa báðar þessar íþróttir um 6 ára aldur. Ég æfði svo sund fram í 5. bekk en það var ekki nógu
mikill tími fyrir þetta allt saman þannig að fótboltinn og körfuboltinn urðu bara að duga,“ segir Ingibjörg
Yrsa Ellertsdóttir sem var á dögunum valin íþróttakona Grindavíkur en hún er gríðarlegt efni bæði í fótbolt-
anum og körfuboltanum og á að baki unglingalandsleiki í báðum íþróttum. Ingibjörg Yrsa var lykilmaður
bæði í körfubolta- og knattspyrnuliðum Grindavíkur í ár og Ingibjörg fékk 81 stig af 100 mögulegum og
Óskar Pétursson markvörður fékk 79 stig, en valið er kynjaskipt.
›› Ingibjörg Yrsa Ellertsdóttir:
leikir á næstunni í körfuboltanum
Iceland Express deild karla í kvöld:
Haukar - UMFN (ókeypis rúturferðir í boði)
Á morgun föstudag:
Grindavík - Fjölnir, Tindastóll - Keflavík (úti)
Iceland Express-deild kvenna á laugardag:
Keflavík - Haukar, Snæfell - Njarðvík (úti)
Sportið er líka á
vf.is alla daga
vikunnar!