Víkurfréttir - 18.10.2012, Blaðsíða 12
fimmtudagurinn 18. október 2012 • VÍKURFRÉTTIR12
Me
nn
ing
Fré
ttir
SKÓGRÆKT
Nú er það þannig
að mannskepnan
er stillt á 37°C
sem er okkar
blóðhiti. Til-
brigði við það
hitastig, upp eða
niður, veldur
óþægindum.
Hús okkar höfum við hitastillt
miðað við vellíðan og meðal-
klæðnað. En allt að einu líður
okkur betur utandyra, segjum
við 20 stiga hita en við O°C.
Af þessu leiðir að við gæt-
um vissulega fagnað hækkun
hita á Suðurnesjum.
En höfum við raunveru-
lega möguleika á að breyta
veðrinu – hækka hitann?
Svarið er: já – með skógrækt.
Skógurinn dempar vindinn og
dregur þannig úr vindkælingunni
– hækkar hitann. Það er óum-
deilanleg staðreynd. Spurningin,
eða efasemdirnar, hafa frekar
verið á þá leið að menn eru ekki
vissir um hvort yfirleitt sé hægt sé
að rækta skóg á Suðurnesjum.
Sannanir fyrir því að það sé hægt
blasa þó víða við: Háibjalli, Sól-
brekkur, Þorbjörn – þetta eru
helstu skógræktarsvæðin og þar
má sjá tré í mjög góðum þrifum
með mikinn viðarvöxt. Á forsíðu
Víkurfrétta birtist fyrir skömmu
skemmtileg mynd af skógivöxnum
bæjarhluta undir fyrirsögninni
Keflavíkurskógur og þar er einmitt
tekið undir þau sjónarmið að
veðrið breytist til batnaðar með
aukinni trjárækt í bæjum.
Það er sem sé komin áratuga
reynsla af skógrækt á Suður-
nesjum, reynsla sem kennir okkur
að skógræktin ber mikinn árangur
á okkar slóðum. En auðvitað er
ekki sama hvernig hlutirnir eru
gerðir, ekki sama hvaða aðferðum
er beitt og ekki sama hvaða
trjátegundir menn nota. En þekk-
ingu og reynslu höfum við eftir
undangengna áratugi og einnig til-
raunir og margskonar rannsóknir
sem hið opinbera hefur staðið að.
Leiðin til þess að hækka hitann
á Suðurnesjum er einfaldlega
stórfelld skógrækt. Aðferðirnar eru
þekktar. Kostnaðinn er auðvelt
að reikna út. Ábatann getur verið
flóknara að reikna út, því hvers
virði er skjólið og öll hliðaráhrif
þess? Við höfum, enn sem komið
er a.m.k. ekki nákvæma tölu yfir
það, en við vitum vissulega að það
er mikils virði. Nágrannar okkar á
Bretlandseyjum telja að hægt sé að
spara 5% af kostnaði við kyndingu
og kælingu á húsnæði með vel
skipulagðri trjárækt í byggð. Og
í suðurríkjum Bandaríkjanna
telja menn að fasteignir séu allt
að 15% verðmætari í grónum vel
skipulögðum hverfum en annars
staðar. Gróðursæl hverfi eru sem
sé mun verðmætari en önnur og
Hvernig breytum við
veðrinu á Suðurnesjum?
S umum kann að þykja það fráleit hugmynd að hægt sé að breyta veðrinu á Suðurnesjum. Mikil úr-koma, vindnæðingur og tiltölulega jafn hiti allt árið er eins og kunnugt er það veðurfar sem einkennir
Suðurnesin. Og allt þetta tengist að sjálfsögðu flatlendinu, sem er má segja allsráðandi hér, og einnig
nálægðinni við hafið; hafið sem temprar veðurfarið og gerir sumrin svöl og veturna milda. Suðurnesin
eru ekki aðeins móttökustöð fyrir millilandaflugið, heldur einnig móttökustöð fyrir rakar og heitar lægðir
sem heimsækja okkur sunnan úr höfum. Og þegar hlé verður á heimsókn lægðanna og einhver víðáttu-
mikil hæðin tekur völdin leggst hann oft í norðan þræsing dag eftir dag. Skjóláhrifa Esjunnar og annarra
fjallgarða við Hvalfjörð gætir því miður ekki á okkar slóðum.
- KRISTJÁN BJARNASON skrifar um skógræktarmál
kemur þar auðvitað margt til.
Fyrir utan hin miklu áhrif sem
skógur hefur á veðurfar er hann
eins og kunnugt er atvinnuskap-
andi; hann dregur úr loft- og
hávaðamengun; hann bindur
koltvísýring úr andrúmsloftinu;
hann skapar útivistarsvæði sem
eru mikils virði, ekki síst nálægt
þéttbýli; hann eflir ferðaþjónustu;
hann er auðlind, meðal annars á
þann veg að þar fer fram stöðug
viðarframleiðsla og í skógunum
ræktum við jólatré og sækjum
þangað ber og sveppi o.s.frv.
Áhrifa skógarins gætir því meira
sem hann nær yfir víðáttumeira
svæði og því er nauðsynlegt að
rækta skóga á stórum svæðum.
Hvað Suðurnesin varðar vill svo
heppilega til að við eigum stór
og víðáttumikil svæði sem henta
vel til skógræktar; lítið notað, til-
tölulega aðgengilegt land, sem
bíður þess eins að klæðast skógi.
Miðnesheiðin, Ásbrú, Hafnaheiði
að nokkru leyti, Njarðvíkurheiði,
Stapinn og Strandarheiðin að
stórum hluta; allt eru þetta svæði
sem ættu að klæðast skógi og bæta
þannig veðurfarið á Suðurnesjum.
Það má með sanni segja að það
sé ekki eitt – heldur allt, sem
mælir með stóraukinni skógrækt
á Suðurnesjum og reyndar um allt
landið. Úti um allan heim er litið
á skóginn sem verðmæti, nátt-
úruauðlind. Fjárfesting í skógrækt
er langtímafjárfesting sem skilar
miklum arði, ekki aðeins fyrir
okkur sem nú lifum heldur enn
frekar fyrir komandi kynslóðir.
Kristján Bjarnason
Á forsíðu Víkurfrétta birtist fyrir skömmu
skemmtileg mynd af skógivöxnum bæjarhluta
undir fyrirsögninni Keflavíkurskógur og þar er
einmitt tekið undir þau sjónarmið að veðrið breytist
til batnaðar með aukinni trjárækt í bæjum.
Aðsent
Jeppavinafélagið, Suðurnesjadeild F4x4 stendur fyrir
nýliðaferð laugardaginn 20. október 2012.
Ferðin er fyrir alla jeppa bæði óbreytta og breytta.
Lagt verður af stað frá Orkunni á Fitjum um kl. 9:00.
Mæting tímanlega.
Stefnt að því að vera komin heim aftur um kl. 17:00
Skráning fer fram hjá Matta 618-0944 og
á tölvupósti sudurnesjadeild@f4x4.is
Kveðja stjórnin
NÝLIÐAFERÐ
Þann 5. október, fyrir 12 árum, sigldi víkingaskipið Íslendingur inn til hafnar í New York, til staðfestingar á landafundum Ís-
lendingsins Leifs Eiríkssonar heppna, þúsund árum áður. Skipið sjálft,
saga þess og fyrstu landnámsmannanna má nú sjá í glæsilegri aðstöðu
fyrir ferðamenn í Víkingaheimum í Reykjanesbæ, ásamt fleiri tengdum
sýningum.
Að sögn Valgerðar Guðmundsdóttur, menningarfulltrúa hjá Reykjanesbæ,
sem sinnir framkvæmdastjórn Víkingaheima hafa þær fimm sýningar
sem nú eru í húsinu fengið mikið lof ferðamanna og kynningarfyrirtækja.
Þrjár nýjar sýningar voru settar í húsið í vor og þær tvær sem fyrir voru,
voru endurnýjaðar og yfirfarnar. Í september sl. hafði gestum Víkinga-
heima fjölgað um 45% frá öllu árinu í fyrra. Heildarfjöldi gesta allt árið
2011 var 8.474 en það sem af er árinu 2012 eru komnir 12.328 gestir. Um
80% gesta eru erlendir ferðamenn, flestir frá Þýskalandi, Bandaríkjunum
og Bretlandi.
Sýningarnar fimm eru eftirfarandi:
- Víkingaskipið Íslendingur er nú sem fyrr stærsti sýningargripurinn,
en við innganginn í skipið hefur verið komið fyrir upplýsingum um
siglingu Íslendings til Vesturheims árið 2000.
- Hluti úr Smithsonian sýningunni „Víkingar Norður Atlantshafsins“,
sem sett var upp víða í Bandaríkjunum árið 2000, prýðir nú neðri hæð
hússins.
- Sett hefur verið upp sýningin Sagnaslóðir á Íslandi á efri hæð þar
sem allar helstu sagnaslóðir á landinu eru nú kynntar í myndefni og
texta á fjórum tungumálum. Sú sýning er unnin í samstarfi við Samtök
um sögutengda ferðaþjónustu.
- Byggðasafn Reykjanesbæjar stendur fyrir vandaðri sýningu á forn-
minjum á Suðurnesjum, studda af rannsóknargögnum frá Höfnum.
Sýningin var sett upp í sal við innganginn á neðri hæðinni.
- Þá setti Listasafn Reykjanesbæjar upp listræna sýningu á norrænni
goðafræði „Örlög goðanna“ á efri hæð hússins þar sem gestir upplifa
norrænu guðina með aðstoð myndlistar, tónlistar og hljóðleiðsagnar á
fjórum tungumálum.
Mikil fjölgun gesta
í Víkingaheima
Þann 5. október, fyrir 12 árum, sigldi víkingaskipið Íslendingur inn til hafnar
í New York, til staðfestingar á landafundum Íslendingsins Leifs Eiríkssonar
heppna, þúsund árum áður. Mynd: Einar Falur Ingólfsson