Víkurfréttir - 21.11.2013, Blaðsíða 14

fimmtudagurinn 21. nóvember 2013 • VÍKURFRÉTTIR14
Grunnskóli Grindavíkur auglýsir eftir kennurum til starfa frá 1. janúar næstkomandi.
Um er að ræða umsjónarkennslu í 1. bekk og náttúrufræðikennslu á elsta stigi.
• Skólinn er heildstæður, einsetinn grunnskóli, með um 460 nemendur í tveimur starfsstöðvum. Í Grunnskóla Grindavíkur er starfað eftir Uppbyggingarstefnunni og
lögð áhersla á að skapa þannig umhverfi að öllum líði vel og allir læri að bera virðingu
fyrir sjálfum sér og umhverfi sínu. Starfsemin skal einkennast af fjölbreytni, sveigjan-
leika og víðsýni þar sem tekið er tillit til mismunandi þarfa, áhuga og getu nemenda. Allur aðbúnaður og umhverfi skólans er til fyrirmyndar. Sjá nánar á heimasíðu skólans
http://www.grindavik.is/grunnskolinn.
• Við leitum að einstaklingum með réttindi til kennslu í grunnskóla sem eru metnaðar-
fullir, og góðir í mannlegum samskiptum, með skipulagshæfileika, eru sveigjanlegir og
tilbúnir að leita nýrra leiða í skólastarfi.
• Starfsmenn Grindavíkurbæjar hafa sett sér eftirfarandi gildi sem unnið er eftir í starf-
semi bæjarins, þau eru jafnræði, jákvæðni, þekking, framsækni og traust.
Karlar jafnt sem konur eru hvött til að sækja um starfið.
Laun eru samkvæmt kjarasamningi Sambands íslenskra sveitarfélaga og Kennarasambands
Íslands.
Umsóknir skulu berast Grunnskóla Grindavíkur Ásabraut 2, 240 Grindavík eða sendist á
netfangið halldorakm@grindavik.is í síðasta lagi 2. desember næstkomandi.
Nánari upplýsingar veitir Halldóra K. Magnúsdóttir skólastjóri í síma 420-1150.
Umsjónarkennari í 1. bekk,
náttúrfræðikennari á elsta stigi
Stofnun kórsins og starf
Karlakór Keflavíkur var stofnaður
1. desember 1953 og er því 60 ára
á þessu ári. Kórinn hefur starfað
samfellt í þessi 60 ár.
Eins og vænta má hefur starfið átt
sínar hæðir og lægðir en ávallt hafa
starfað í kórnum kraftmiklir ein-
staklingar af öllum Suðurnesjum.
Á fyrri árum þegar framboð af
tómstundum og afþreyingu var
minna en nú má segja að kórinn
hafi notið sérstöðu og kraftar kór-
manna dreifst minna en nú er. Að
öllum líkindum hefur innra starf
kórsins risið hæst á þeim árum
þegar kórinn byggði sitt glæsilega
félagsheimili að Vesturbraut 17-19
í Keflavík.
Á þessum árum hefur kórinn gefið
út hljómplötuna „Karlakór Kefla-
víkur“ (1981) og hljómdiskana
„Suðurnesjamenn“ (1996), „Tóna-
berg“ (2003) og „Þú lýgur því“
(2008), sem inniheldur lög eftir
popptónskáld okkar Suðurnesja-
manna; Rúnar Júlíusson, Magnús
og Jóhann, Magnús Kjartansson,
Gunnar Þórðarson og fleiri.
Kórinn hefur verið fastur liður í
menningarlífi Suðurnesja allan
þennan tíma.
Núverandi formaður kórsins er
Vilhjálmur Ingvarsson.
Starfið
Innra starf kórsins er öflugt og
skemmtilegt. Fyrir utan vikulegar
æfingar heldur kórinn árlega ýmis
skemmtikvöld með félögum. Má
þar nefna sviðakvöld eða nýliða-
kvöld þar sem kórfélagar koma
saman og kynna starfið fyrir
áhugasömum einstaklingum, ár-
lega árshátíð kórsins, jólatónleika,
vortónleika og vorferðir.
Þess utan hefur kórinn farið í all-
margar utanlandsferðir svo sem
til Færeyja, Kanada og nú síðast til
Pétursborgar í Rússlandi.
Kórinn hefur einnig tekið þátt í
mörgum söngviðburðum með
öðrum kórum, sungið við ýmsar
athafnir í kirkjum, m.a. við jarðar-
farir. Þá hefur kórinn sungið við
ýmis tilefni; í afmælum, heim-
sótt stofnanir og sungið á hátíðis-
dögum í bæjarfélögum á svæðinu.
Má þar nefna 17. júní, Ljósanótt,
Sjóarann síkáta, Sandgerðisdaga
og fleira.
Kórinn heldur sínar reglubundnu
æfingar á fimmtudagskvöldum þar
sem oft er mikið fjör. Þótt einbeit-
ing og agi einkenni æfingarnar eru
innan raða kórsins miklir karakt-
erar sem gera starfið skemmtilegt.
Tónlistin hefur þann eiginleika að
skapa samhljóm í félagsskapnum
og menn halda endurnærðir heim
að lokinni hverri æfingu.
Eiginkonur núverandi og fyrrum
kórmanna hafa með sér öflugan
félagsskap, Kvennaklúbb Karla-
kórs Keflavíkur, sem stendur fyrir
ýmsum uppákomum og styður við
starf kórsins með ýmsum hætti.
Karlakórinn mun halda sína ár-
legu árshátíð 7. desember nk. í fé-
lagsheimili sínu við Vesturbraut
og verður mikið um dýrðir í tilefni
afmælisins.
Framundan
Eftir áramót mun kórinn hefja
undirbúning vortónleika með því
að halda í æfingabúðir um helgi
og í vor er áformað að halda hina
árlegu vortónleika og vorferð þar
sem kórinn mun koma fram utan
heimabæjarins.
Haustið 2015 mun kórinn standa
fyrir svonefndu „Kötlumóti“ í
Reykjanesbæ. Katla er Samband
sunnlenskra karlakóra. Þá munu
karlakórar af sunnanverðu landinu
koma saman í Reykjanesbæ og
bjóða upp á fjölda tónleika auk þess
sem kórarnir allir koma saman og
mynda um 600 manna kór sem
syngur fyrir Suðurnesjamenn.
Núverandi stjórnandi kórsins er
Helga Bryndís Magnúsdóttir.
„Kertatónleikar“
Í vetur mun kórinn halda sína
árlegu „Kertatónleika“ í Ytri-
Njarðvíkurkirkju fimmtudaginn
5. desember. Þetta eru jólatón-
leikar þar sem sköpuð er hátíðleg
jólastemming á aðventunni með
skemmtilegri kertalýsingu og jóla-
söngvum.
Að þessu sinni verða Kvennakór
Suðurnesja og Barnakór Holtaskóla
gestasöngvarar á tónleikunum sem
hefjast kl. 20:00.
Karlakór
Keflavíkur 60 ára
Bæjarráð Sveitarfélagsins Garðs beinir þeim eindregnu
tilmælum til heilbrigðisráðherra
og fjármálaráðherra að mis-
munun í heilbrigðisþjónustunni
verði leiðrétt. Bæjarráð hvetur
alla þingmenn, en þó sérstaklega
þingmenn Suðurkjördæmis til
þess að hafna samþykkt fjárlaga ef
ekki verði leiðrétt sú mismunun
sem á sér stað í fjárveitingum til
grunn heilbrigðisþjónustu, sem
skal gilda jafnt fyrir alla lands-
menn. Þetta kom fram á síðasta
fundi bæjarráðs í Garði. Þá segir
að bæjarráð Sveitarfélagsins
Garðs taki undir ályktun bæjar-
stjórnar Reykjanesbæjar um
sama efni frá 12. nóvember sl.
Samkvæmt lögum er Heilbrigðis-
stofnun Suðurnesja (HSS) alfarið
rekin á kostnað ríkisins. Áætluð
framlög ríkisins til Heilbrigðis-
stofnunar Suðurnesja á árinu 2014
eru a.m.k. helmingi lægri á hvern
íbúa en til annarra heilbrigðis-
stofnana, að undanskilinni Heil-
brigðisstofnun Suðurlands. Þessi
grófa mismunun milli landsmanna
hefur viðgengist í fjöldamörg ár og
er alls ekki líðandi.
HSS er eina stofnunin á Suður-
nesjum sem sinnir grunn heilsu-
gæsluþjónustu fyrir íbúana og
hefur m.a. verið þekkt fyrir vand-
aða þjónustu fæðingardeildar. Með
lokun skurðstofu fyrir þremur
árum var í raun skellt í lás fyrir full-
kominn rekstur fæðingardeildar og
fjölmarga aðra þætti í rekstri HSS.
Sú þjónusta sem starfsfólk HSS
leggur sig enn fram um að veita er
til mikillar fyrirmyndar.
Stefna um hlutverk HSS í þjónustu
við íbúa á Suðurnesjum hefur
sveiflast eftir áherslum stjórnvalda
hverju sinni án þess að sveitar-
félögin hafi fengið tækifæri til að
koma þar að máli. Þessi hringland-
aháttur hefur m.a. orðið til þess að
veikja starfsemi HSS.
Leiðréttið mismunun
eða hafnið fjárlögum
-fréttir
-menningarlíf
n Garðmenn skora á þingmenn:
Tónleikar! Í vetur mun kórinn halda sína árlegu „Kertatónleika“í Ytri-Njarðvíkurkirkju fimmtudaginn 5. desember.