Bæjarins besta - 03.05.2007, Qupperneq 16

FIMMTUDAGUR 3. MAÍ 200716
TILKYNNING TIL ÍBÚA
ÍSAFJARÐARBÆJAR
Kjörskrá fyrir kosningar til alþingis
þann 12. maí 2007, liggur frammi á
skrifstofu Ísafjarðarbæjar að Hafnar-
stræti 1 á Ísafirði, frá og með mið-
vikudeginum 2. maí 2007 og fram að
kjördegi.
Opnunartími skrifstofu er frá kl. 10:00
til kl. 15:00 alla virka daga.
Bæjarstjóri Ísafjarðarbæjar.
Á landinu eru fæstir at-
vinnulausir einstaklingar á
Vestfjörðum en þeir nema
0,8% af áætluðum íbúafjölda
fjórðungsins. Fjórir karlar eru
nú án atvinnu en 27 konur.
Skráð atvinnuleysi í mars
2007 á landinu öllu var 1,3%
eða að meðaltali 1.934 manns
sem eru 103 færri en í febrúar
sl. og minnkaði um 5% milli
mánaða. Atvinnuleysi er minna
en á sama tíma fyrir ári þegar
það var 1,5%, en ef litið er til
mars 2006 hefur fækkað um
249 í hópi atvinnulausra, eða
um 11%.
„Meðalfjöldi atvinnulausra
á Vestfjörðum var 31 í mars
eða 0,8% af áætluðum mann-
afla á Vestfjörðum en var
0,7% í febrúar s.l. Fjöldi at-
vinnulausra hefur aukist um 4
milli febrúar og mars. At-
vinnuleysi kvenna var 1,6% í
mars en var 1,4% í febrúar s.l.
og atvinnuleysi karla var 0,3%
í mars og sama í febrúar s.l.
Atvinnulausir karlar voru 7 í
mars en 6 í febrúar s.l. en
atvinnulausar konur voru 24
eða 3 fleiri en í febrúar s.l.“,
segir í samantekt Vinnumála-
stofnunar um stöðu á vinnu-
markaði í marsmánuði.
– thelma@bb.is
0,8% Vestfirðinga atvinnulausir í mars
Á hádegi á föstudag rann út
framboðsfrestur til alþingis-
kosninganna, sem verða þann
12. maí nk. Tilkynnt var um
sex framboð í NV-kjördæmi,
framboð Framsóknarflokks-
ins, Frjálslynda flokksins, Ís-
landshreyfingarinnar, Sam-
fylkingarinnar, Sjálfstæðis-
flokksins og Vinstri grænna.
Alls eru 108 manns á fram-
boðslistum í kjördæminu, 49
konur og 59 karlar.
Hjá þremur listanna er
kynjahlutfall jafnt, en það er
hjá Samfylkingu, Sjálfstæð-
isflokki og Vinstri grænum.
Á framboðslista Framsóknar
eru tíu karlar og átta konur,
og á listum Frjálslyndra og
Íslandshreyfingarinnar eru
ellefu karlar og sjö konur. Sé
litið til efstu sæta framboðs-
listanna sést að aðeins hjá ein-
um flokki, Sjálfstæðisflokki,
er engin kona í þremur efstu
sætunum.
– tinna@bb.is
49 konur og 59 karlar í
framboði í NV-kjördæmi
Sérfræðistörfum á vegum
Matís á Vestfjörðum verður
fjölgað um helming á næst-
unni samkvæmt nýrri áætl-
un stofnunarinnar. Mark-
miðið er að stuðla að frekari
verðmætasköpun í sam-
vinnu við fyrirtæki á svæð-
inu. Um er ræða starf verk-
efnastjóra hjá Aflakaupa-
banka, sérfræðing við rann-
sóknir í matvælaiðnaði og
fiskeldi og starf verkefna-
stjóra í vinnslutækni. Í til-
kynning frá Matís kemur
ennfremur fram að með
nýju starfsfólki sé stefnt að
því að að skapa aðstöðu og
vettvang til aukins sam-
starfs við atvinnulíf og
stuðla að frekari verðmæta-
sköpun í samvinnu við
fyrirtæki á svæðinu.
Einar Kristinn Guðfinns-
son, sjávarútvegsráðherra,
segir að fjölgun sérfræði-
starfa á vegum Matís á Vest-
fjörðum sé einungis byrj-
unin á eflingu atvinnulífs í
fjórðunginum. „Ég fagna
þessari ákvörðun fyrirtæk-
isins. Þetta er staðfesting á
ásetningi okkar að fylgja
fast eftir tillögum Vest-
fjarðanefndar um eflingu
opinberra starfa á Vestfjörð-
um. Ég ræddi við forsvars-
menn fyrirtækja sem heyra
undir mitt ráðuneti strax og
skýrslan kom út að, um að
hefjast handa við að undir-
búa fjölgun starfa og þetta
fyrsti afraksturinn. Mjög
fljótlega munu birtast aug-
lýsingar Hafrannsókna-
stofnunar og síðan verður
bara haldið áfram. Þetta er
byrjunin á miklu verkefni
sem við ætlum okkur að
standa undir“, segir Einar
Kristinn Guðfinnsson, sjáv-
arútvegsráðherra.
„Ég vek athygli á að þetta
eru sérfræðistörf sem krefj-
ast menntunar og þekkingar
alveg eins og við Vestfirð-
ingar höfum verið að óska
eftir og ég vona að þetta
verði til þess að efla þekk-
ingarsamfélag á Vestfjörð-
um enn betur“, segir Einar
Kristinn. – thelma@bb.is
Sérfræðistörf-
um fjölgað á
Vestfjörðum
Sérfræðistörfum á vegum Matís á Vestfjörðum verð-
ur fjölgað um helming á næstunni. Mynd: Matís.
Eitt stærsta framtakið í
vestfirskri ferðaþjónustu
Hvíldarklettur á Suðureyri
hefur á undanförnum vikum,
í samvinnu við Island Pro-
Travel og Angelreisen, unnið
að undirbúningi vegna komu
sjóstangveiðimanna til Suður-
eyrar og Flateyrar. Um er að
ræða eitt stærsta framtak í
ferðaþjónustu á Vestfjörðum
í langan tíma. Fyrirtækið
Seigla á Akureyri er þessa
dagana að ljúka smíði á 22
bátum fyrir þetta verkefni og
koma fyrstu bátarnir í þessari
viku. Einnig er verið að leggja
lokahönd á endurnýjun og
breytinga á 10 húsum á Suður-
eyri, ásamt byggingu 12 sum-
arhúsa, sem sérstaklega eru
hönnuð fyrir þetta verkefni.
Salan á sjóstangveiðiferð-
unum hefur staðið síðan í sept-
ember í fyrra og hafa selst um
1500 og sæti í þessar ferðir,
sem verður að teljast mjög
góður árangur. „Framgangur
þessa verkefnis hefði ekki ver-
ið mögulegur nema með sam-
stilltu átaki allra aðila og sem
smá þakklætisvott til bæjar-
yfirvalda og íbúa svæðisins
hafa aðstandendur verkefnis-
ins ákveðið að gefa allt að
100 flugsæti á flugleiðinni Ísa-
fjörður til Reykjavíkur, 50
sæti þann 1. maí og 50 sæti
þann 15 maí“, segir í tilkynn-
ingu.
Flugsætin eru í tengslum
við leiguflug sem verður viku-
legt í allt sumar til Ísafjarðar.
Vilja aðstandendur verkefnis-
ins því leyfa Vestfirðingum
að nýta sér laus sæti í þessu
leiguflugi. Þeir sem vilja nýta
sér þessi sæti þurfa að senda
nafn og kennitölu í netfangið
gistiheimili@sudureyri.is og
fá áhugasamir nánari upplýs-
ingar um flugið sendar til
baka.
– thelma@bb.is
Slökkvilið Ísafjarðarbæjar hélt æfingu í Hnífsdal sl. föstudag, þar sem kveikt var í raðhúsunum við Árvelli. Kveikt
var í einu raðhúsi í einu og skiptu slökkvilið bæjanna í Ísafjarðarbæ húsunum á milli sín. Eins og sjá má á meðfylgjandi
mynd logaði eldurinn glatt, en slökkviliðinu gekk greiðlega að slökkva eldinn og gekk æfingin afar vel. Reykköfun var
tekin sérstaklega fyrir á æfingunni. Áætlað er að halda aðra æfingu á næstunni, en þá verður kveikt í blokkinni að Ár-
völlum. – tinna@bb.is
Raðhúsin að Árvöllum í ljósum logum
Raðhúsin að Árvöllum í Hnífsdal stóðu í ljósum logum á föstudagskvöldið. Mynd: Ágúst Atlason.