Bæjarins besta - 21.06.2007, Blaðsíða 20

Golf í 714 metra hæð
Stofnað 14. nóvember 1984 · Sími 456 4560 · Veffang: www.bb.is · Verð kr. 300 m/vsk
bb.is – fjölsóttasti vestfirski vefurinn
Íbúðalánasjóður tekur ekki
tillit til stöðu Vestfirðinga
Grímur Atlason, bæjar-
stjóri Bolungarvíkur, er
ekki sáttur við athugasemd-
ir Íbúðalánasjóðs, sem gerð-
ar voru við kaupsamninga í
Bolungavík. Kaupverðið er
bæði undir fasteigna- og
brunabótamati. Grími finnst
ekki tekið tillit til þess að
fyrir vestan er fólk í annarri
stöðu en annars staðar á
landinu.
„Á Vestfjörðum er hámarks-
lán Íbúðalánasjóðs 18 milljón-
ir, en þó aldrei hærra en sem
nemur 1,5 margfaldað með
fasteignamatinu. Í Reykjavík
er sama hámark, en þó aldrei
hærra en sem nemur 80% af
brunabótamati. Á Austfjörð-
um er sama hámark, en þó
aldrei hærra en sem nemur
2,0 margfaldað með fasteigna-
mati. Þetta finnst mér ein-
kennilegur reikningur,“ segir
Grímur, „hvers vegna er ekki
stuðst við 80% af brunabóta-
mati út um allt land?“
„Ég vil taka það fram að
mér finnst Íbúðalánasjóður
gríðarlega mikilvæg stofn-
un, og það yrði banatilræði
við landsbyggðina ef hann
yrði lagður niður,“ segir
Grímur.
„Hinsvegar er mjög ósann-
gjarnt að maður í Bolung-
arvík fái minna lán fyrir
eign en maður í Reykjavík.“
– tinna@bb.is
Hraðfrystihúsið Gunnvör í
Hnífsdal er meðal þeirra tíu
fiskvinnslufyrirtækja sem
verða fyrir mestri skerðingu á
aflaheimildum vegna byggða-
kvóta. Yfir þrjú hundruð fyrir-
tæki þurfa að sæta því að afla-
heimildir þeirra séu skertar að
meðaltali um rúmlega 4,7%
vegna byggðakvóta, línuíviln-
unar og bóta vegna skel og
rækjubáta, en úthlutun stendur
nú yfir fyrir yfirstandandi fisk-
veiðiár. Skerðing HG eru tæp
3,1%, eða 333 þorskígildis-
tonn.
Heildarúthlutun í þessum
tegundum nemur 270.065
þorskígildistonnum, en skerð-
ingin sem útgerðarfyrirtækin
verða fyrir nemur 12.280
þorskígildistonnum. Þau fyr-
irtæki sem eru með mesta
skerðingu í magni, auk HG,
eru HB Grandi hf, Brim hf,
Samherji hf, Þorbjörn hf, Vísir
hf, FISK-Seafood hf, Rammi
hf, Vinnslustöðin hf, og Skinn-
ey-Þinganes hf. Skerðing hjá
síðastnefnda fyrirtækinu er
tæplega 277 þorskígildistonn,
en af HB Granda hf. eru tekin
815 tonn. Þetta kemur fram á
vef Landssambands íslenskra
útgerðarmanna.
– tinna@bb.is
HG verður fyrir
3,1% skerðingu
Golf var leikið á toppi Eyrarfjalls á miðvikudag í síðustu viku. Ekki er vitað að golf hafi verið leikið í svo mikilli hæð
á Íslandi áður. Ekki voru golfararnir svo duglegir að þeir drösluðu kylfum sínum upp á topp sjálfir, heldur var þetta
liður í kynningarfundi um kláf á Eyrarfjalli og var þyrla fararskjóti golfarana. Markmiðið var að ná að slá golfkúlu
yfir Bakkaskemmu sem er gil sem liggur fyrir ofan Bakkahvilft sé horft frá Hnífsdal, og við enda Gleiðarhjalla séð frá
Skutulsfirði. Það var Gunnlaugur Jónasson, nýkrýndur Vestfjarðameistari í golfi, sem sló fyrsta höggið og fengu svo
menn að spreyta sig koll af kolli. Ekki fékkst uppgefið hvort golfvöllur á Eyrarfjalli sé inni í myndinni hjá athafna-
mönnunum sem ætla að reisa kláf í fjallinu. – smari@bb.is
Kynning á kláf á toppi Eyrarfjalls
Fyrirhuguð staðsetning kláfsins sést hér teiknuð inn á myndina.
Hópferð var farin upp á Eyr-
arfjall við Skutulsfjörð á mið-
vikudag í síðustu viku. Flogið
var með þyrlu og var tilgangur
ferðarinnar að kynna fyrir
fjölmiðlamönnum, möguleg-
um fjárfestum og mönnum
innan stjórnkerfisins fyrir
hugmyndum um að reisa kláf
upp á Eyrarfjall. Það eru Úlfar
Ágústsson, Úlfur Úlfarsson
og Skafti Elíasson sem eru í
undirbúningshóp framkvæmd-
arinnar. Í kynningu Úlfars
uppi á fjalli kom fram að
kostnaður við uppsetningu
kláfs hlaupi á 450 millj. króna.
Markhópur kláfsins eru ferða-
menn og er þá horft til farþega
sem koma með skemmtiferða-
skipum til Ísafjarðar. Að sögn
Úlfars þarf að selja 32 þúsund
ferðir í kláfinn til að reksturinn
beri sig.
Næstu skref eru að fara í
undirbúningsvinnu að krafti
en margvísleg leyfi þarf til að
fara út í þetta. Einnig þarf að
fara í rannsóknavinnu en eng-
inn kláfur er fyrir á landinu.
Koma jákvæðar niðurstöður
úr þessari vinnu verður leitað
fjárfesta til að koma að verk-
efninu. „Það er engan veginn
víst að þetta gangi upp en það
eru tvímælalaust miklir mögu-
leikar fólgnir í því að hafa
svona kláf sem gengur upp á
topp Eyrarfjalls.“ Jafnframt
eru uppi hugmyndir um að
reisa á toppi Eyrarfjalls veit-
ingaaðstöðu fyrir þá ferða-
menn sem leggja á fjallið.
Ralf Nachbauer, verkfræð-
ingur frá austurríska fyrirtæk-
inu Doppelmayer, kom til Ísa-
fjarðar til að skoða aðstæður.
Doppelmayer er leiðandi fyr-
irtæki í framleiðslu og upp-
setningu kláfa í heiminum.
Ralf segir að aðstæður í Eyr-
arfjalli séu fínar og segir að
mögulegt sé að reisa möstur
og endastöðvar á einu ári
gangi allt eins og í sögu.
– smari@bb.is
Feðgarnir Úlfur Úlfarsson og Úlfar Ágústsson.