Bæjarins besta - 03.04.2008, Síða 3

FIMMTUDAGUR 3. APRÍL 2008 3
Vonast eftir liðstyrk fyrir sumarið
Sameinað lið Boltafélags Ísafjarðar og Bolungarvíkur hefur nú leikið tvo leiki í keppninni
um Lengjubikarinn og tapað þeim báðum. „Það voru sex manns meiddir, og þar að
auki eigum við í markmannsvandræðum. Þetta verður leyst fyrir sumarið. Þeir verða
varla meiddir að eilífu þessir strákar, og þar að auki vonumst við til að fá liðstyrk fyrir
sumarið“, segir Svavar Þór Guðmundsson, formaður meistaraflokksráðs BÍ. Liðið tekur
ekki þátt í VISA-bikarkeppni karla af fjárhagslegum ástæðum. „Það þarf að borga
helming ferðakostnaðar liðanna hvort sem er leikið heima eða heiman“, segir Svavar.
Strax farinn að sjá áhrif jarðgangagerðar
Grímur Atlason bæjarstjóri í Bolungarvík segist þegar vera farinn að verða var við
áhrif væntanlegrar jarðgangagerðar milli Hnífsdals og Bolungarvíkur og segir ákveð-
inn bjartsýnistón að heyra í ákveðnum aðilum í bænum. „Menn eru greinilega
byrjaðir að hugsa sér til hreyfings og eru að sjá tækifæri í þessu. Við sjáum tæki-
færin að sjálfsögðu líka. Fasteignir hafa selst, meðal annars iðnaðarhúsnæði. Við
gerð Siglufjarðaganga eru að jafnaði 70-100 manns í vinnu. Hérna verða þeir
kannski eitthvað um 60 auk þeirra sem vinna við gerð snjóflóðavarnargarðsins.“
Tólf milljónir
til endurbóta
Fjórum milljónum króna
verður veitt úr Húsafriðun-
arsjóði til endurbyggingar
Silfurgötu 5 á Ísafirði, sem
yfirleitt er nefnt Straumur
eða Norska bakaríið, verði
ákveðið að gera húsið upp.
Þessar upplýsingar koma
fram í lista yfir úthlutanir
sjóðsins á árinu 2008, en
úthlutað var úr sjóðnum
þann 4. mars síðastliðinn.
Þá hefur verið ákveðið að
veita fimm milljónum til
endurbóta á Faktorshúsinu
í Hæstakaupstað, einni
milljón til Austurvegs 11,
einni milljón til Mjallargötu
5, hálfri milljón í endur-
bætur á Silfurgötu 6 og öðru
eins til endurbóta á Silfur-
götu 7, og 200 þúsund krón-
um til viðgerða á Smiðju-
götu 8.
Alls verður ríflega 44
milljónum króna veitt til
endurbóta á gömlum húsum
á Vestfjörðum á árinu, þar
af rúmlega 12 milljónum á
Ísafirði. – halfdan@bb.is
Fyrsta ferð
vertíðarinnar
Aurora, skúta Borea ad-
ventures fyrirtækisins, kom
að landi á Ísafirði á föstudag
eftir fyrstu ferð vertíðarinn-
ar. Farið var í Jökulfirði með
átta manna hóp kanadískra
og bandarískra kvikmynda-
tökumanna sem gera árlega
skíðamynd sem sýnd er við
miklar vinsældir í öllum
hinum enskumælandi heimi.
„Það er náttúrlega mjög
mikilvægt fyrir okkur að
þetta takist vel“, segir Rúnar
Óli Karlsson, einn eigenda
Borea og annar þeirra tveggja
sem skipuðu áhöfn skút-
unnar.
„Veðrið hefði alveg mátt
vera betra, en kvikmynda-
tökumennirnir vilja meiri
birtu en var í boði. Þeir eru
þess vegna heitir fyrir því
að koma aftur í apríl, og
það eru í sjálfu sér góð með-
mæli fyrir okkur.“ Farið var
í Hesteyrarfjörð og Lóna-
fjörð og farið í land á báðum
stöðum. Veðrið varð þó til
þess að erfitt var að aðhafast
mikið. Önnur ferð Auroru
var farin á mánudag þegar
siglt vart með ferðamenn
og einn kvikmyndatöku-
mann á sömu slóðir.
– halfdan@bb.is
Nærri 130 skotvopn voru til sýnis á glæsilegri afmælis-
sýningu Skotíþróttafélags Ísafjarðarbæjar sem haldin var
á laugardag. Vopnin voru af ýmsum stærðum og gerðum
og voru sum talsvert eldri en önnur. „Þarna voru til að
mynda skammbyssur, meðal annars ein sem var framleidd
árið 1937 af Luker gerð sem var notuð af þýsku storm-
sveitunum“, segir Guðmundur Valdimarsson, formaður
Skotíþróttafélagsins. Aðspurður segist hann telja að um
200 manns hafi rúllað í gegn yfir daginn og að meðlimir
hins tvítuga félags séu mjög ánægðir með það hvernig til tókst.
Glæsileg sýning
Urmull glæsilegra skotvopna var á sýningunni.
Fjármálastjóri Bolungar-
víkur hefur mælst til að fjár-
hagsáætlun sveitarfélagsins
verði endurskoðuð. Í ljósi
efnahagsástandsins, m.a. þreng-
inga á lánamörkuðum, hafa
forsendur fjárhagsáætlunar
fyrir árið 2008 breyst og því
tekur bæjarráð undir tillögu
fjármálastjóra. Þegar áætlunin
var tekin fyrir í árslok var gert
ráð fyrir tæplega 40 milljóna
króna halla á rekstri þegar að-
alsjóður og B-hluta stofnanir
voru teknar saman í sam-
stæðureikningi. Veltufé frá
rekstri í samstæðu án fjár-
magnsliða er jákvætt um 36
milljónir króna. Niðurstaða A
hluta, áður en tekið er tillit til
eignasjóðs, er jákvæð um 17
milljónir. Að viðbættum eigna-
sjóði er niðurstaðan hins vegar
neikvæð um 17 milljónir.
Eins og kunnugt er ætla
Bolvíkingar að ráðast í miklar
framkvæmdir í ár. Gert er ráð
fyrir 236 milljónum í fjárfest-
ingar á árinu. Helstu verkefni
ársins eru við snjóflóðavarnir
sem kosta eiga um 27 milljónir
króna, endurbætur á félags-
heimilinu sem metnar eru á
120 milljónir, endurnýjun
Höfðastígs sem kosta á um
44,2 milljónir og endurnýjun
stálþils við Brimbrjótinn en
kostnaðaráætlun þess verks
hljóðar upp á 33 milljónir
króna.
Fjárhagsáætlunin 2008 var
lögð fram á miklu umbrota-
tímum á svæðinu. Niðurskurð-
ur aflaheimilda þorsks eru
þungur baggi að bera fyrir sjáv-
arútvegspláss eins og Bolung-
arvík. Í greinargerð Gríms
Atlasonar, bæjarstjóra Bol-
ungarvíkur, sem lögð var fram
með fjárhagsáætluninni segir:
„Heyrst hafa raddir sem
ekki telja það skynsamlegt að
fara í allar þessar framkvæmd-
ir í einu. Það sjónarmið á
vissulega rétt á sér eins og
önnur sjónarmið í þessu máli.
Hins vegar er það gríðarlega
mikilvægt fyrir okkar kalda
hagkerfi að blása til sóknar
og koma hjólum þess aftur af
stað. Það krefst sameiginlegs
átaks allra íbúa sveitarfélags-
ins ásamt bjartsýni og trú á
samfélagið. Fyrir ári fór und-
irritaður nokkrum orðum um
samskipti ríkis og sveitarfé-
laga í greinargerð með fjár-
hagsáætlun. Þessi staða er að
mörgu leyti algjörlega óbreytt
og það er með ólíkindum
hversu langan tíma það tekur
að leiðrétta þann mikla halla
sem er á tekjuskiptingu ríkis
og sveitarfélaga,“ segir í fjár-
hagsáætluninni.
– thelma@bb.is
Fjárhagsáætlun endurskoðuð?
Geirþrúður heiðruð
Fimmtíu ára afmæli Sjálf-
stæðiskvennafélags Ísafjarðar
var fagnað með pompi prakt á
laugardaginn. Meðal gesta
voru Sturla Böðvarsson, for-
seti Alþingis og oddviti Sjálf-
stæðisflokksins í Norðvestur-
kjördæmi, Einar Kristinn
Guðfinnsson, sjávarútvegs-
og landbúnaðarráðherra sem
og Drífa Hjartardóttir, for-
maður Landssambands sjálf-
stæðiskvenna. Halldór Hall-
dórsson, bæjarstjóri Ísafjarð-
arbæjar, var veislustjóri og
þótti standa sig með stakri
prýði.
Geirþrúður Charlesdóttur
var heiðruð af þessu tilefni
fyrir mikið og gott starf í þágu
Sjálfstæðisflokksins. Meðal
fjölmargra trúnaðarstarfa fyrir
hönd flokksins var hún bæjar
og varabæjarfulltrúi í bæjar-
stjórn Ísafjarðarkaupstaðar
um langt skeið. Sat í nefndum
og ráðum sveitarfélagsins og
átti sæti í stjórn kjördæmisráðs
Sjálfstæðisflokksins í Vest-
fjarðakjördæmi auk þess sem
hún var formaður þess um
nokkurra ára skeið og er hún
eina konan sem gengt hefur
því embætti. Einnig hefur hún
verið mjög liðtæk í örðum fé-
lagsstörfum í bænum. Hún var
ötul í starfi Tónlistarfélags Ísa-
Geirþrúður (fyrir miðju) ásamt þeim Hildi Einarsdóttur (tv) og Elísabetu Agnarsdóttur.
fjarðar, var í Sunnukórsins og
í dag er hún formaður eldri
borgara á Ísafirði. Félagið af-
henti henni heiðursskjal og
ljósmynd tekin af Árný Her-
bertsdóttur af Bókhlöðunni Á
Ísafirði en þar starfaði Geir-
þrúður um 20 ára skeið.
Sjálfstæðiskvennafélag Ísa-
fjarðar var stofnað 12. septem-
ber árið 1957 og er því rétt
rúm hálf öld liðin frá stofnun
þess. Fyrsti formaður félags-
ins var kjörin Bergþóra Egg-
ertsdóttir en núverandi for-
maður er Áslaug Jóhanna
Jensdóttir
– thelma@bb.is
Ráðhúsið í Bolungarvík.