Bæjarins besta - 03.04.2008, Blaðsíða 8

FIMMTUDAGUR 3. APRÍL 20088
STAKKUR SKRIFAR
Útlendingar á Íslandi
Stakkur hefur
ritað vikulega pistla í
Bæjarins besta í mörg
ár. Skoðanir hans á
mönnum og málefn-
um hafa oft verið
umdeildar og vakið
umræður. Þær þurfa
alls ekki að fara
saman við skoðanir
útgefenda blaðsins.
Þrátt fyrir það bera
ábyrgðarmenn
blaðsins ábyrgð á
skrifum Stakks á
meðan hann notar
dulnefni sitt.
Eru útlendingar á Íslandi vandamál? Svarið er einfalt, þótt alltof margir
pólitískir rétttrúnaðarsinnar neiti að horfast í augu við staðreyndir. Sumir
útlendingar á Íslandi eru vandamál, ekki bara viðfangsefni sem hægt er að
tala sig frá með fögrum orðum. Það gerir heimsku og sinnuleysi ekki betri
að færa þetta tvennt í fagran búning orðagjálfurs og ímyndaðrar góðmennsku.
Við verðum ekki betri fyrir það eitt að stinga höfðinu í sandinn og neita að
horfast í augu við veröldina eins og hún er.
Flestir útlendingar á Íslandi eru vandræðalaust fólk, sem hefur helst unn-
ið sér það til saka að neita að aðlagast íslensku samfélagi oftast vegna þess
að það annað hvort vill ekki eða getur ekki lært íslensku að eigin dómi.
Heldur einhver að Íslandingar kæmust upp með það í Danmörku nú eða
Bretlandi, að ekki sé talað um Bandaríkin, að tala ekki tungumál sem notað
er í viðkomandi ríki? Svarið við þessari spurningu er líka einfalt. Að sjálf-
sögðu myndi slík hegðun ekki duga. Svo mætti nú ímynda sér hvernig það
væri ef við værum í einhverju múslimaríki.
Íslendingar standa frammi fyrir því að skoða alvarlega stöðu sína og
menningu og hvort hún sé þess virði að henni verði viðhaldið. Útlendingar
eiga að sjálfsögðu að vera velkomnir, en þeir eiga ekki að fá einhverja sér
meðferð og þeir eiga ekki að geta hundsað íslenska menningu á grundvelli
trúarskoðana, líkt og við sjáum gerast í Danmörku. Vítin eru til þess að var-
ast þau.
Á Íslandi er tiltölulega opið samfélag, sem byggir á því að mannréttindi
séu höfð að leiðarljósi og vonandi í hávegum. Því má velta fyrir sér hver
áhrif mismunandi trú hefur á fjölþjóðlega menningu. Íslenskt samfélag
hefur byggst á kristilegu siðgæði, þó velta megi því fyrir sér hvort þjóð-
kirkjan hafi alltaf verið í fararbroddi. Það er ekki ýkja langt síðan fólk var
brennt á báli að undirlagi presta. Galdrafárið sem er ekki mikið eldra en svo
að um þrjár aldir eru frá því fólk var brennt á báli fyrir galdra, sem voru ekki
til.
Nú er svo komið að erlendar glæpaklíkur virðast vaða uppi á Íslandi. Á
þeim þarf að taka og eftir atvikum breyta lögum svo lögreglu sé það kleift.
Því má ekki gleyma að útlendingar á Íslandi eiga rétt á vernd gangvart út-
lendum glæpaklíkum. Ljóst er að fólk sem við höfum talið sæmilega upp-
lýst hefur ótta af íslenskri lögreglu, en að sjálfsögðu hafa Íslendingar það
ekki, heldur útlendingar sem búið hafa við kúgun líka þeirri sem ríkti aust-
an járntjalds á tímum kommúnista. Hér þarf átak, en fyrst og fremst verður
að gera þá kröfu til þeirra sem hér vilja vera að þeir tali íslensku. Annars
brotnar samfélag á Íslandi upp í eina stóra og margar smáar eindir. Fá-
fræðin leiddi af sér galdrabrennur.
Taka þarf á vandanum áður en galdrafárið vaknar á ný.
Hjúkrunarnám í boði á Ísafirði
Háskólinn á Akureyri býður nú upp á fjarnám í hjúkrunarfræði á Ísafirði í samstarfi við Háskólasetur
Vestfjarða. „Þeir sem hafa áhuga á að leggja stunda á hjúkrunarfræðinám eru hvattir til að nýta sér
þetta tækifæri þar sem það gætu orðið allnokkur ár þar til tækifæri til að hefja fjarnám í hjúkr-
unarfræði stendur aftur til boða“, segir á vef Háskólasetursins. Umsóknarfrestur í fjarnámið er 15.
apríl en nemendur munu stunda námið frá Háskólasetri Vestfjarða í gegnum fjarfundarbúnað.
Háskólinn á Akureyri hefur átt farsælt samstarf við Vestfirði í gegnum tíðina, en fyrir næstum tíu
árum eða haustið 1998 hófu fyrstu nemendurnir á Ísafirði nám í fjarnámi í hjúkrunarfræði við HA.
Atvinnulausum fækkaði
Atvinnulausum fækkar gríðarlega í Ísafjarðar-
bæ milli loka ágústmánaðar 2007 og febrúar
í ár. Í lok fyrrasumars voru 40 skráðir án
atvinnu, en fyrir um mánuði einungis sex. Er
þetta fækkun upp á 34 einstaklinga, eða um
85% af heildarfjölda atvinnulausra. Kemur
þetta fram í vefriti fjármálaráðuneytisins.
Endurhæfingarsviði
sjúkraþjálfunar Heilbrigð-
isstofnunar Bolungarvík-
ur var í síðustu viku af-
hent gjöf frá Sjálfsbjörg,
félagi fatlaðra í Bolung-
arvík. Anna Torfadóttir,
formaður Sjálfsbjargar,
birtist óvænt í æfingarsal
sjúkraþjálfara með ferða-
útvarp með geislaspilara
sem kemur m.a. að góð-
um notum við dansæfing-
ar hjá leikfimihóp eldri
borgara.
Á vef stofnunarinnar er
haft eftir Fanneyju Páls-
dóttur sjúkraþjálfari að
aðstaða í salnum sé frá-
bær og það beri helst að
þakka Sjálfsbjörgu.
Sjúkraþjálfun hefur
verið starfrækt við Heil-
brigðisstofnunina í Bol-
ungarvík frá árinu 1982.
Í fyrstu var hún staðsett í
litlu herbergi á neðri hæð
sjúkraskýlisins en er nú
komin í vel tækjum búna
aðstöðu í kjallara Árborg-
ar. Þar er æfingasalur með
göngubretti, krossþjálfa,
þrekhjólum og fjölbreytt-
um æfingatækjum sem
og heitur pottur.
– thelma@bb.is
Sjálfsbjörg
færir gjafir
Vegagerðin hefur sótt um
framkvæmdaleyfi vegna end-
urbyggingar Djúpvegar (61)
frá Hreggnasa um Hnífsdal
að Skarfaskeri og þaðan í
göngum að bæjarmörkum við
Bolungarvíkurkaupstað. Um-
hverfisnefnd Ísafjarðarbæjar
tók erindið fyrir á fundi í síð-
ustu viku og leggur til við
bæjarstjórn að framkvæmda-
leyfi verði veitt með fyrirvara,
þar sem aðalskipulagsbreyt-
ing vegna jarðgangnanna hef-
ur ekki verið auglýst í B-deild
stjórnartíðinda. Umhverfis-
nefnd telur að framkvæmdin
sé í samræmi við gildandi að-
alskipulag Ísafjarðarbæjar
1989-2009 með síðari breyt-
ingum.
Nefndin mælir með að
framkvæmdaleyfið verði veitt
á grundvelli þess að fram-
kvæmdaraðilinn, Vegagerðin,
taki tillit til ábendinga Um-
hverfisstofnunar er varðar frá-
gang á efnistöku- og haug-
svæðum. Jafnframt er lögð
áhersla á að fráveituútrásir séu
framlengdar út fyrir stór-
straums-fjöruborð í samráði
við tæknideild Ísafjarðarbæj-
ar.
Vegagerðin þarf að skil-
greina öryggis- og fram-
kvæmdasvæði. Við fram-
kvæmd skal draga úr raski á
landi, úr sjónrænum áhrifum
og áhrifum vegna hávaða og
ónæðis vegna framkvæmd-
anna. Gera skal ráð fyrir
göngustígum innan fram-
kvæmdasvæðis. Mælst er til
þess að sérstaklega verði gætt
að tengingu frá Strandgötu að
Skarfaskeri, þar sem gerður
verði útsýnis- og áningastað-
ur.
– thelma@bb.is
Sótt um framkvæmdaleyfi
til endurbyggingar Djúpvegar
Vegagerðin hefur sótt um framkvæmdaleyfi vegna endurbyggingar Djúpvegar (61) frá Hreggnasa
um Hnífsdal að Skarfaskeri og þaðan í göngum að bæjarmörkum við Bolungarvíkurkaupstað.