Bæjarins besta - 09.02.2012, Síða 13

FIMMTUDAGUR 9. FEBRÚAR 2012 13
Fasteignaskattur hækk-
aður meira en til stóð
Þau mistök voru gerð hjá Ísa-
fjarðarbæ við álagningu fast-
eignagjalda að fasteignaskatt-
ur, sem er einn þriggja prós-
entuálagninga fasteignagjalda,
var hækkaður meira en til stóð,
eða úr 0,45% á síðasta ári í
0,65% í ár í stað 0,625%. Að
því er fram kemur á vef Ísa-
fjarðarbæjar var ætlunin að
hækka fasteignaskattinn í lög-
bundið hámark en lækka vatns-
og holræsagjald á móti eða úr
0,3% árið 2011 í 0,205% árið
2012 en þau mistök voru gerð að
gjaldið var breytt í 0,18% í stað-
inn. Álagningu fasteignagjalda
er lokið og þýðir þetta að leggja
þarf á að nýju. Að sögn Daníels
Jakobssonar, bæjarstjóra, er
ástæða mistakanna mannleg yfir-
sjón.
Ætlunin er að jafna út vatns-
gjald til móts við fasteignaskatt
þannig að niðurstaðan verði
sú sama, heildarálagning upp
á 1,08 % af fasteignamati sem
er sama prósentutala og árið
2011. Heildarupphæð greið-
enda ætti því að vera óbreytt
og þurfa þeir sem hafa þegar
greitt sín fasteignagjöld engu
að breyta.
Breytingar eru tilkynntar
með fyrirvara um samþykki
bæjarstjórnar Ísafjarðarbæjar.
Grunnskólanemum á Vestfjörð-
um fækkaði um 24% á sex ára
tímabili, frá 2004-2010 eða um
304 nemendur. Alls voru 942
grunnskólanemar skráðir á Vest-
fjörðum árið 2010 en þeir voru
1.246 árið 2004, að því er segir í
skólaskýrslu Sambands íslenskra
sveitarfélaga. Ef litið er á landið
í heild þá fækkaði nemendum
mest á Vestfjörðum en fjölgaði
mest á Suðurnesjum. Einnig
fækkaði nemum í 1. bekk grunn-
skólanna hlutfallslega mest á
Vestfjörðum en fjöldaþróun þess
bekkjar segir til um endurnýjun
nemendahópsins. Nemendum í
1. bekk fækkaði um 37% á Vest-
fjörðum, úr 135 árið 2004 í 85
árið 2010. Mesta fjölgunin var
hins vegar á höfuðborgarsvæðinu
og á Suðurnesjum þar sem aukn-
ingin var rúm 20%.
Hlutfall grunnskólanema mið-
að við fjölda íbúa var svipað á
Vestfjörðum og annar staðar á
landinu eða 12,8% en hlutfallið
hefur lækkað alls staðar á tíma-
bilinu. Hlutfallið var þó lægst í
Reykjavík eða 11,7% og á Vest-
fjörðum eða 12,8%. Hæst var
hlutfallið á Norðurlandi vestra
eða 14,7%.
Á Vestfjörðum fjölgaði kenn-
urum með kennaramenntun um
57% á árunum 1998 til 2010 eða
úr 77 árið 1998 í 121 árið 2010.
Kennurum án kennsluréttinda
fækkaði hins vegar á tímabilinu,
úr 67 árið 1998 í 25 árið 2010.
Þrátt fyrir þetta var hlutfall
grunnskólakennara hvað lægst
Vestfjörðum árið 2010 eða 83%
en það var aðeins lægra á Aust-
fjörðum þar sem það var 81%.
Hæst var hlutfallið í Reykjavík
eða 98%. Þó er athygli vakin á
því að munurinn innan landshluta
er ekki síst minni en milli þeirra.
Þannig er t.d. hlutfall grunnskóla-
kennara 100% í tíu sveitarfélög-
um úti á landi og þar af í tveimur
sveitarfélögum á Vestfjörðum, í
Bolungarvík og í Súðavík. Lægst
var hlutfallið í Árneshreppi eða
48%.
Þá fækkaði nemendum á hvert
stöðugildi um 27% á Vestfjörð-
um eða úr 8,9 nemendur á hvert
stöðugildi árið 2000 í 6,5 árið
2010. Þannig voru grunnskólar á
Vestfjörðum að meðaltali með
fæsta nemendur á hvert stöðu-
gildi árið 2010 meðan grunn-
skólar á höfuðborgarsvæðinu,
utan Reykjavíkur, voru með
flesta eða 10,1.
Rekstrarkostnaður grunnskóla
á Vestfjörðum, Austurlandi og í
Reykjavíkurborg jókst á árinu
2010 miðað við árið 2009 en
rekstrarkostnaðurinn dróst sam-
an í öðrum landshlutum. Meðal
sveitarfélaga á Vestfjörðum voru
rekstrarútgjöld vegna grunnskóla
sem hlutfall af skatttekjum hæst
hjá Árneshreppi eða 81%, en hlut-
fallið var lægst hjá Ísafjarðarbæ
eða 31%. – asta@bb.is
Grunnskólanemum fækkaði um 24%
Morðgáta
að Núpi
Blásið hefur verið til svo-
kallaðrar vináttuhelgar að
Hótel Núpi dagana 17.-19.
febrúar. „Sú vinátta sem þar
svífur yfir vötnum breytist
reyndar fljótlega því morð-
æði grípur einhvern gest-
anna,“ segir í tilkynningu.
Glæpasagnahöfundurinn og
umsjónarmaður helgarinnar,
Ævar Örn Jósepsson, segist
þó vona að helgin geti farið
vel fram en hann sé ekki
bjartsýnn á það í ljósi fyrri
reynslu. „Það virðist vera að
í hvert sinn sem ég er um-
sjónarmaður svona vináttu-
helgar á Hótel Búðum á
Snæfellsnesi þá sé framið
eitthvað hræðilegt ódæði á
staðnum og einhver drepinn.
Ég skil því eiginlega ekki í
Núpsbræðrum að leggja í að
fá mig til að stýra svona helgi
því það þýðir varla nema
eitt,“ segir Ævar Örn.
Morðgátan er sérsniðin að
aðstæðum fyrir vestan og
geta gestir helgarinnar fetað
í fótspor Sherlock Holmes,
Matlocks nú eða Jessicu
Fletcher í Murder she Wrote
og aðstoðað rannsóknarlög-
regluna við að leysa stórt
morðmál. Glæpafélag Vest-
fjarða aðstoðar Núpsbræður
yfir helgina en til stendur að
um árvissan viðburð verði
að ræða ef undirtektir verða
góðar.
Forsvarsmenn nýstofnaðs fyr-
irtækis, Trésmiðju Ísafjarðar ehf.,
stefna að því að hefja starfsemi á
næstu dögum í húsnæði sem áður
hýsti trésmíðaverkstæði TH við
Sundahöfn á Ísafirði. Það eru
fjórir fyrrum starfsmenn TH sem
standa að hinu nýja fyrirtæki,
þeir Halldór Antonsson, Vignir
Guðmundsson, Júlíus Ólafsson
og Einar Björnsson auk Ísfirð-
ingsins Hjálmars Guðmundsson-
ar, sem búsettur er í Reykjavík.
„Við ráðgerum að kveikja á vél-
unum öðru hvoru megin við helg-
ina. Við erum mjög bjartsýnir á
nýju ári og teljum að þetta gangi
upp. Við höfum haft augun opin
fyrir verkefnum og erum komnir
með þó nokkur nú þegar. Þá er
Hjálmar með verktakastarfsemi
í Reykjavík og því getum við
boðið í verk þar. Það er nauðsyn-
legt að hafa fulltrúa á höfuð-
borgarsvæðinu til að fylgjast með
hvað er í gangi þar og passa upp
á að við tökum þátt í útboðum
sem þar bjóðast,“ segir Halldór.
Eins og greint hefur verið frá
hætti TH starfsemi í lok nóvem-
ber og í kjölfarið misstu 30
manns vinnuna, bæði á Ísafirði
og Akranesi. Að sögn Halldórs
Antonsson hafa þeir félagar feng-
ið húsnæði TH undir nýju starf-
semina og gengið frá kaupum á
þeim eignum sem þeir félagar
óskuðu eftir úr þrotabúi TH. Hall-
dór segir að Trésmiðja Ísafjarðar
verði með trésmiðju í hæsta
gæðaflokki enda séu þeir félagar
hoknir af reynslu eftir mörg ár í
trésmíðabransanum.
„Stefnan er að þjónusta Vest-
firðinga og aðra landsmenn með
innréttingar og hurðir. Við leggj-
um sérstaka áhersla á vönduð
vinnubrögð og að tímasetningar
afhendinga standist. Við erum
með tilboðsgerð og hönnun á inn-
réttingum, þannig að fólk getur
fengið þær teiknaðar fyrir sig hjá
okkur. Þá verður sérstök áhersla
lögð á flókna smíði, þ.e. við mun-
um smíða stiga, afgreiðslur, hús-
gögn og fleira. Svo bjóðum við
upp á úrvinnslu hugmynda. Fólk
getur mætt á staðinn til skrafs og
ráðagerða. Þannig að það er ým-
islegt sem við ætlum að gera,“
segir Halldór.
Þá er fyrirtækið í samtarfi við
Eldaskálann í Reykjavík, líkt og
TH á sínum tíma. – asta@bb.is
Trésmiðja Ísafjarðar hefur starfsemi
Vignir Guðmundsson, Halldór Antonsson og Júlíus Ólafsson. Á myndina vantar Einar Björnsson og Hjálmar Guðmundsson.