Listin að lifa - 01.10.2001, Síða 4

TRYGGINGASTOFNUN
W RÍKISINS
Breyting tekjumarka
frá 1. september s.l.
Líta má á l. september ár hvert sem nokkurs konar ára-
mót í tengslum við útreikning tekjutengdra greiðslna al-
mannatrygginga, s.s. tekjutryggingar, ellilífeyris, heimil-
isuppbótar og tekjutryggingarauka. Skattframtöl viðkom-
andi árs eru þá komin fram og upplýsingar úr þeim lagð-
ar til grundvallar við útreikning greiðslna til !. september
á næsta ári. Breytingar á ráðstöfunartekjum sem fram
koma í nýju skattframtali geta því leitt til breytinga á
greiðslum frá Tryggingastofnun.
Tekjumörk (frítekjumörk) breytast einnig árlega
þennan sama dag með reglugerð sem heilbrigðis- og
tryggingamálaráðherra setur. Tekjumörk hækkuðu 1.
september sl. um 6,6% samkvæmt reglugerð. Tekjumörk
tekjutryggingar ellilífeyrisþega (einhleypingar og hjón)
voru fyrir 1. september kr. 32.512 og kr. 102.910, en eru
nú kr. 34.658 og kr. 105.056. Tekjur undir kr. 34.658 á
mánuði skerða ekki tekjutryggingu. Séu tekjur yfir þeirri
upphæð kemur til skerðingar samkvæmt ákveðinni reikni-
reglu. Ef tekjur er hærri en kr. 105.056 greiðist engin
tekjutrygging. Rétt er að taka fram að önnur tekjumörk
gilda um ellilífeyri en tekjutryggingu.
Ef greiðslur lækka frá þessari dagsetningu getur skýr-
inga verið að leita í eftirfarandi:
* Launatekjur eða lífeyrissjóðstekjur hafa hækkað milli
ára.
* Fjármagnstekjur, t.d. vextir af banka- og sparisjóðs-
innistæðum, vextir, arður og fl., hafa hækkað rnilli ára.
* Tekjur hafa verið áætlaðar vegna þess að skattframtali
hefur ekki verið skilað inn til skattyfirvalda.
í næstu blöðum verður spurt og svarað um hinar
ýmsu bætur almannatrygginga.
Sendið endilega inn fyrirspurnir til blaðsins.
SaumuiduA/ Stepín&son/
Loftmynd úr miðbænum séð yfir Laugardalinn og upp í Grafarvog.