Listin að lifa - 01.10.2001, Qupperneq 22

Hagstæðari vaxtakjör
í síðasta tölubiaði „Listin að lifa" eru birt á bls. 48 og
49 afrit af tveimur bréfum stjórna LEB og FEB til innláns-
stofnana. í lok ágústmánaðar höfðu borist endanleg
svarbréf allra bankanna og sparisjóðanna. Þau bera
greinilega með sér, þó í mismiklum mæli sé, að
innlánsstofnanirnar hafa tekið málaleitan eldri borgara
alvarlega og komið vel til móts við óskir þeirra um bætt
vaxtakjör og þjónustu.
Hér á eftir eru birt í heild bréf bankanna þriggja og bréf
frá sparisjóðunum.
Við sem að þessum málum höfum komið af hálfu LEB
og FEB teljum, að þau vaxtakjör sem bjóðast og þjónusta
við félagsmenn sé eins góð og hægt er að gera ráð fyrir
um þessar mundir, en brýnum fyrir fólki að lesa bréfin
gaumgæfilega og bera vel saman þá kosti sem bankarnir
og sparisjóðimir bjóða og beina síðan viðskiptum sínum
þangað sem hver og einn telur sér hagkvæmast.
Þar sem nefndar eru ákveðnar vaxtatölur er rétt að
minna á, að miðað er við vaxtastig í ágústmánuði s.l.
Vextir geta lækkað eða hækkað og ræður þá mestu hvaða
ákvarðanir Seðlabanki íslands tekur.
Verðtryggðir innlánsreikningar eru hagkvæmir þegar
um langtímasparnað er að tefla, en slíkir reikningar eru
bundnir samkvæmt lögum og reglum í minnst 36
mánuði. Hæstu innlánsvextir á þeim reikningum hjá
innlánsstofnunum eru með um 5% raunvexti á ári. Hins
vegar eru óverðtryggðir sparireikningar, sem bankarnir
og sparisjóðirnir gefa félagsmönnum kost á.
íslandsbanki býður „Heiðursmerki“ nú með 11,04%
ársvexti, engin lágmarksinnstæða en hvert innlegg er
bundið í 10 daga.
Búnaðarbanki býður „Eignalífeyrisbók“, nú með 11,04
% ársvexti án lágmarksinnstæðu og án bindingar.
Sparisjóðirnir bjóða „Gullárareikninga“ með 11,14%
ársvexti, engan binditíma og engin þjónustugjöld.
Landsbankinn býður m.a. „Verðbréfaveltu“ með
stighækkandi ársvöxtum allt að 10.80% með bindingu í
7 daga.
Hér er alls staðar um nafnvexti að ræða. Til að finna
hverjir raunvextir þessara reikninga eru þarf að draga
ársverðbólguna frá, sem Seðlabankinn áætlar að verði um
6%, þetta árið en það merkir að raunvextir verða 5,14%
miðað við hæstu nafnvextina, 11,14% sem er mjög álíka
og raunvextir verðtryggðra reikninga.
Félagsmönnum bjóðast því nú hagstæðari vaxtakjör
hjá innlánsstofnunum en áður var og hefur starf FEB og
LEB þannig skilað þó nokkrum árangri.
Viðrœðunefndfélaganna
Svarbréf frá bönkunum:
ÍSLANDSBANKI
Reykjavík, júlí 2001
Það er okkur sönn ánægja að kynna þér nýjan innlánsreikning íslandsbanka sem býðst félögum í
Landssambandi eldri borgara. Reikningurinn kallast „Heiðursmerki“ og ber jafnháa vexti og
Verðbréfareikningur bankans á hverjum tíma, en þeir eru núna 11.04 %. Engin lágmarksinnstæða er þó
nauðsynleg til að stofna reikninginn (lágmarksinnstæða er 250 þúsund kr. á hefðbundnum
Verðbréfareikningi) og því er hann mikil breyting til batnaðar fyrir þá sem vilja ganga að fé sínu vísu, en
njóta um leið hámarksávöxtunar. Reikningurinn er einungis með 10 daga bindingu á hvert innlegg og án
þjónustugjalda.
Stofnir þú „Heiðursmerki“ íslandsbanka býðst þér ókeypis námskeið um Netið og bankaviðskipti á Netinu.
Námskeiðin verða haldin í október og nóvember í Reykjavík, á Akureyri, ísafirði og í Keflavík. Skráning og
allar nánari upplýsingar um námskeiðin hjá þjónustufulltrúum Islandsbanka.
Vertu velkomin(n) í næsta útibú íslandsbanka og kynntu þér „Heiðursmerki“ - við tökum vel á móti þér!
Bestu kveðjur
Starfsfólk íslandsbanka
22