Víkurfréttir - 12.04.2012, Qupperneq 6

6 fimmtudagurinn 12. aPrÍL 2012 • VÍKURFRÉTTIR
Leiðari Víkurfrétta
Tekið er á móti auglýsingum á póstfangið gunnar@vf.is.
Auglýsingar berist fyrir kl. 17 á þriðjudegi fyrir útgáfudag sem
er almennt á fimmtudögum. Móttaka smáauglýsinga fer fram
á vef Víkurfrétta, vf.is. Smáauglýsingar berist fyrir kl. 15 á
þriðjudögum. Sé fimmtudagur frídagur þá kemur blaðið út á
miðvikudögum og þá færist skilafrestur auglýsinga fram um
einn sólarhring.
Efni til Víkurfrétta skal sendast á póstfangið vf@vf.is.
Aðsendar greinar birtast á vef Víkurfrétta, vf.is. Það er mat
ritstjórnar hvaða aðsendu greinar birtast í prentaðri útgáfu
blaðsins. Ekki er greitt fyrir aðsent efni, texta eða myndir,
hvort sem það birtist í blaðinu eða á vefsíðum Víkurfrétta.
Víkurfréttir ehf., kt. 710183-0319
Grundarvegi 23, 260 Njarðvík, sími 421 0000
Páll Ketilsson, sími 421 0007, pket@vf.is
Hilmar Bragi Bárðarson, sími 421 0002, hilmar@vf.is
Eyþór Sæmundsson, eythor@vf.is
Gunnar Einarsson, sími 421 0001, gunnar@vf.is
Víkurfréttir ehf.
Þórgunnur Sigurjónsdóttir, sími 421 0011, thorgunnur@vf.is
Þorsteinn Kristinsson, steini@vf.is, sími 421 0011
Rut Ragnarsdóttir, sími 421 0009, rut@vf.is
og Aldís Jónsdóttir, sími 421 0010, aldis@vf.is
Landsprent
9000 eintök.
Íslandspóstur
www.vf.is, m.vf.is og kylfingur.is
Útgefandi:
Afgreiðsla og ritstjórn:
Ritstjóri og ábm.:
Fréttastjóri:
Blaðamaður:
Auglýsingadeild:
Umbrot og hönnun:
Auglýsingagerð:
Afgreiðsla:
Prentvinnsla:
Upplag:
Dreifing:
Dagleg stafræn útgáfa:
PÁLL KETILSSON, RITSTJÓRI
vf.is
Ekki er vika án Víkurfrétta - sem koma næst út miðvikudaginn 18. apríl 2012. Bókið auglýsingar í síma 421 0001 eða gunnar@vf.is
Dýrt er ruslið
Spennandi og skemmtilegt skólastarf í Stóru-Vogaskóla
Eins og sjá má í frétt blaðsins í dag virðist sem Suðurnesja-
menn séu að bregðast við nýrri gjaldtöku fyrir ýmis konar úr-
gang sem áður var ókeypis að koma með í sorpeyðingarstöðina
Kölku í Helguvík. Þessi viðbrögð birtast þannig að mikil aukning
er í því að fólk hreinlega hendi úrgangi og hlutum sem það þarf að
greiða fyrir með því að losa það hér og þar á víðavangi.
Forstöðumaður hjá Reykjanesbæ segir að mikil aukning hafi orðið
í framhaldi af gjalddtökunni og hafi náð nýjum hæðum í upphafi
vikunnar eftir páskafrí þegar starfsmenn bæjarins hafi þurft að týna
upp 8 tonn af úrgangi, aðallega frá jarðvegslosunarsvæði, svoköll-
uðum jarðvegstipp, ofan við Innri Njarðvík, þar sem eingöngu er
leyfilegt að losa garðúrgang og jarðveg. Í þessu tiltekna dæmi þurfti
tvo starfsmenn og vörubíl til að koma úrganginum til Kölku með til-
heyrandi kostnaði fyrir bæjarfélagið. Heilbrigðiseftirlit Suðurnesja
gerir kröfu til bæjarfélagsins um að fjarlægja þann úrgang sem ekki
er heimill á svæðinu og koma honum í lögmæta förgun.
Víkurfréttir hafa fengið fleiri ábendingar um úrgang sem hefur
verið losaður á öðrum svæðum, m.a. á gamla Patterson flugvell-
inum á leið til Hafna. Einnig væri hægt að nefna fleiri dæmi um
ólöglegar losanir eins og raftæki hvers konar og fleira. Nýlega kom
hringing frá bæjarbúa sem benti á að rúmdýna væri á götunni
nálægt heimili hans í Keflavík.
Hluti af þessum vanda felst meðal annars í lítilli kynningu Kölku á
þessari breytingu því vissulega er hægt að taka undir þá ákvörðun
að hefja gjaldtöku að einhverju leyti. Eftir áratuga gjaldfrjálsa losun
hefði mátt undirbúa betur þessa breytingu, til dæmis með aðlögun í
einhverja mánuði og sá tími nýttur til að hvetja fólk til að losa sig við
dót áður en til gjaldtöku kæmi. Í bæklingi frá Kölku sem átti að ber-
ast inn á heimili nú í vikunni eru sýnd nokkur verðdæmi. Það kostar
t.d. rúmlega 4 þús. kr. að henda sófasetti og 1750 kr. fyrir rúmdýnu
eða baðkar. Eðlilegur heimilisúrgangur miðast við 3 plastpoka en
gjaldskylt umfram það. Nú í kreppu þykir mörgum það eflaust hart
að þurfa að greiða nokkur þúsund fyrir svona losun og grípa því
sumir til leiðinlegra örþrifaráða og losa úrganginn þar sem ekki
má losa hann. Stór hluti af misnotkun á losun í Kölku þegar gjald-
taka var ekki til staðar var frá fyrirtækjum sem jafnvel óku úrgangi
til brennslu í Kölku frá öðrum landshlutum. Eins var talsvert um
að Suðurnesjamenn væru að aka úrgangi frá sumarbústöðum til
Kölku. Þessi tvö atriði hefði mátt skoða nánar og taka á þeim en
vægar á gjaldtöku fyrir losun hér á svæðinu.
Í umræðu fyrr í vetur kom fram að rekstur Kölku hefur verið erfiður
í mörg ár, sýnir þó batamerki en betur má ef duga skal. Bandarískt
fyrirtæki vill kaupa stöðina og greiða upp milljarðs skuldir hennar
gegn því að nýta hana betur og jafnvel stækka hana, til að brenna
innflutt Kanasorp. Það hefur fallið í grýttan jarðveg hjá mörgum og
fram kom að lög banna líklega sorpflutning til landsins. Ameríku-
tilboðið dettur því um sjálft sig. Við Suðurnesjamenn verðum því
að standa saman í því að bæta rekstur stöðvarinnar og stjórnendur
hennar þurfa að finna fleiri leiðir til að geta staðið við skuldbind-
ingar Kölku. Hvort að ein leiðin sé sú að rukka eigendurna, þ.e.
Suðurnesjamenn sem hér búa og greiða að auki næst hæsta sorp-
hirðugjald á landinu, má örugglega deila um en öruggt er að hún er
óvinsæl. Því er nauðsynlegt að finna nýjar tekjuleiðir fyrir Kölku því
hægt er að nýta brennslugetu hennar verulega. Það hlýtur að vera
forgangsverkefni stjórnar og eigenda Kölku.
Í Stóru-Vogaskóla í Sveitar-félaginu Vogum eru tæplega
200 nemendur og um 40 starfs-
menn sem hafa einkunnarorðin
virðing, vinátta og velgengni að
leiðarljósi. Í skólanum okkar eru
nemendur eins misjafnir og þeir
eru margir. Samkvæmt lögum
erum við skóli án aðgreiningar og
ber okkur að sinna þeim öllum.
Námsver
Fyrir utan að vera með eina
bekkjardeild í hverjum árgangi
eru hér starfrækt þrjú Námsver.
Námsver fyrir yngsta stig er starf-
rækt þannig að þar er snemmtæk
íhlutun eða lestraraðstoð fyrir 1. -
4. bekk ásamt sérstakri námsaðstoð
fyrir nemendur með sértækar
þroskaraskanir.
Námsverið okkar á mið- og ung-
lingastigi hefur nokkra sérstöðu,
en það er hugsað fyrir þá sem eru
á eftir í námi, læra betur í minni
hópum eða eru jafnvel á undan í
sínu námi. Þar fá nemendur verk-
efni og þrautir við sitt hæfi, bæði
létt og erfið. Stundum fá þeir tíma
einir með sínum kennara en oftast
eru þar fleiri og allt upp í 8 í einu.
Okkur hefur tekist að mynda mjög
jákvætt viðhorf gagnvart Náms-
verinu og nemendur sækjast eftir
að komast þangað. Það er spenn-
andi og nemendur upplifa það sem
góðan og þægilegan stað, hvort
heldur til þess að læra eða til að
koma í heimsókn, því þar líður
þeim vel.
I-pad
Á sama tíma og við leitumst við að
mæta þörfum allra nemenda koma
sífellt fram tækninýjungar, þar með
talinn I-padinn sem við höfum
verið að nýta til þess að koma til
móts við þarfir þeirra. Nesbúegg
og Lionsklúbburinn Keilir gáfu
skólanum hvort sinn I-padinn fyrir
jól og hafa þeir m.a. nýst í Náms-
veri. Starfsfólk skólans hefur verið
mjög áhugasamt um að kynna sér
notkunarmöguleikana og stefnum
við að því að geta nýtt okkur þessa
nýju tækni í auknum mæli.
I-padinn er afskaplega spennandi
og gagnlegt kennslutæki fyrir kenn-
ara og námstæki fyrir nemendur.
Tveir kennarar nýta það oftast í
sínum kennslustundum, í íslensku
í 8. bekk og stærðfræði í 9. bekk.
Kennslubækur eða verkefni eru þá
í tækjunum og þeim er varpað á
vegginn með skjávarpa. Nemendur
nota I-padana m.a. þannig að þeir
lesa rafbækur og bækur á pdf, vinna
verkefnabækur á pdf-formi, nýta
alls kyns „app” til að auka skilning,
læra stærðfræði, lestur, tungumál,
nota myndræna glósutækni m.a.
með hugtakakortum, nýta dagbók
í skipulagningu og „app” sem þjálfa
fínhreyfingar.
Líkamsrækt og hreyfing
Í vetur buðum við upp á valgreinina
Líkamsrækt og hreyfing og er þetta
þriðji veturinn sem við bjóðum
upp á slíkt val á unglingastigi. Við
erum svo heppin að hafa áhuga-
saman landfræðing og útivistar-
mann í kennaraliðinu og greinin
er skipulögð þannig að nemendur
fara nokkrum sinnum á vetri í
fjallgöngur og hafa meðal annars
gengið á Þorbjörn, Esju og nú síð-
ast á Keili. Þetta hafði kennarinn að
segja eftir síðustu göngu 23. mars:
„Farið var á Keili í fínu, hlýju veðri.
Í miðju fjalli var smá vindstrengur
sem ýtti á eftir hópnum upp. Þegar
upp á topp var komið var vindur
mun hægari. Nestið var borðað
og skrifað í gestabók Helga Guð-
mundssonar, en geta má þess að
hann hefur haldið úti gestabók á
Keili frá árinu 1984 eða í tæp 30
ár. Eftir nestið voru teknar nokkrar
myndir en útsýnið varð að bíða
betri tíma sökum hitamisturs. Á
leiðinni niður fengum við vindinn
í fangið og þurftu sumir að taka á
honum stóra sínum. Mæting var
góð og komu tveir foreldrar með”.
Við höfum undanfarin ár lagt
aukna áherslu á tjáningu. Nem-
endur koma reglulega fram á Sam-
veru á sal og sýna leikrit og syngja
fyrir og með hvert öðru. Við erum
með fasta tíma á Samverunni, á
föstudagsmorgnum. Þessi vinna
hefur skilað mjög góðum árangri,
nemendur læra að koma fram,
standa uppi á sviði og þeir sem
ekki sýna læra hvernig þeir eiga
að haga sér í „leikhúsi“ sem lýsir
sér í frábærri frammistöðu þeirra á
árshátíð skólans.
Árshátíð Stóru-Vogaskóla
Árshátíð Stóru-Vogaskóla var
haldin með pompi og prakt
fimmtudaginn 29. mars. Þar komu
fram allir nemendur skólans frá
1. - 10. bekk. Árshátíðinni er skipt í
tvær sýningar.
Á fyrri sýningunni voru sýnd atriði
nemenda í 1. - 5. bekk. Þar sungu
nemendur 1. - 2. bekkjar um líkam-
ann og litina. Að því loknu fengu
áhorfendur að kynnast yngingar-
vélinni, hlutverki alvöru þjóna og
sjónvarpsútsendingu í beinni eins
og hún gerist best. Ekki má gleyma
yndislegum söng Melkorku, nem-
anda í 10. bekk og sigurvegara
Samfestingsins, söngkeppni Sam-
fés, en hún söng sigurlag sitt bæði
fyrir yngri og eldri nemendur.
Atriði seinni sýningarinnar voru í
höndum nemenda í 6. - 10. bekk.
Þar fengu áhorfendur að kynn-
ast ruglingi á kynjahlutverkum,
frægum persónum á rauða dregl-
inum og ævintýraruglingi þar sem
aðalpersónur ævintýranna karpa
um hvaða leikrit sé verið að leika.
Þá fengu áhorfendur að kynnast
stráknum sem kunni ekki að skjálfa
og að lokum sýndu elstu nemendur
skólans leikritið Dúkkulísurnar.
Hefð er fyrir því að nemendur 9.
bekkjar krýni elstu nemendur skól-
ans. Þá fá allir 10. bekkingar krýn-
ingu fyrir það sem telst jákvætt í
fari þeirra. Krýningarinnar er alltaf
beðið með mikilli eftirvæntingu og
veitir þeim sem hana fá jákvæða
athygli og ekki er að sjá annað en
að elstu nemendunum líki það vel.
Svava Bogadóttir, skólastjóri
Stóru-Vogaskóla tók saman.