Víkurfréttir - 26.04.2012, Side 4

4 FIMMTUDAGURINN 26. APRÍL 2012 • VÍKURFRÉTTIR
Leiðari Víkurfrétta
Tekið er á móti auglýsingum á póstfangið gunnar@vf.is.
Auglýsingar berist fyrir kl. 17 á þriðjudegi fyrir útgáfudag sem
er almennt á fimmtudögum. Móttaka smáauglýsinga fer fram
á vef Víkurfrétta, vf.is. Smáauglýsingar berist fyrir kl. 15 á
þriðjudögum. Sé fimmtudagur frídagur þá kemur blaðið út á
miðvikudögum og þá færist skilafrestur auglýsinga fram um
einn sólarhring.
Efni til Víkurfrétta skal sendast á póstfangið vf@vf.is.
Aðsendar greinar birtast á vef Víkurfrétta, vf.is. Það er mat
ritstjórnar hvaða aðsendu greinar birtast í prentaðri útgáfu
blaðsins. Ekki er greitt fyrir aðsent efni, texta eða myndir,
hvort sem það birtist í blaðinu eða á vefsíðum Víkurfrétta.
Víkurfréttir ehf., kt. 710183-0319
Grundarvegi 23, 260 Njarðvík, sími 421 0000
Páll Ketilsson, sími 421 0007, pket@vf.is
Hilmar Bragi Bárðarson, sími 421 0002, hilmar@vf.is
Eyþór Sæmundsson, eythor@vf.is
Gunnar Einarsson, sími 421 0001, gunnar@vf.is
Víkurfréttir ehf.
Þórgunnur Sigurjónsdóttir, sími 421 0011, thorgunnur@vf.is
Þorsteinn Kristinsson, steini@vf.is, sími 421 0011
Rut Ragnarsdóttir, sími 421 0009, rut@vf.is
og Aldís Jónsdóttir, sími 421 0010, aldis@vf.is
Landsprent
9000 eintök.
Íslandspóstur
www.vf.is, m.vf.is og kylfingur.is
Útgefandi:
Afgreiðsla og ritstjórn:
Ritstjóri og ábm.:
Fréttastjóri:
Blaðamaður:
Auglýsingadeild:
Umbrot og hönnun:
Auglýsingagerð:
Afgreiðsla:
Prentvinnsla:
Upplag:
Dreifing:
Dagleg stafræn útgáfa:
Hilmar Bragi Bárðarson, fréttastjóri
vf.is
Ekki er vika án Víkurfrétta - sem koma næst út fimmtudaginn 3. maí 2012. Bókið auglýsingar í síma 421 0001 eða gunnar@vf.is
Breytt verkalýðsbarátta
Tækifærin hjá Keili
Keilir er orðinn þekktur skóli sem býður nýjan valkost í námi, skóli sem fer ótroðnar slóðir í námsbrautum og kennslu-
háttum. Á fimm árum hefur Keilir náð að koma sér fyrir í eigin húsnæði á Ásbrú, hefur útskrifað yfir 1000 manns,
ræður yfir fimm glænýjum flugvélum, öflugri rannsóknaraðstöðu og sérlega áhugasömu starfsfólki.
Verkalýðsbaráttan og starfsemi
verkalýðsfélaga hefur tekið miklum
breytingum á síðustu árum. Félögin
hafa færst frá því að vera í grjótharðri
verkalýðsbaráttu yfir í þjónustustofn-
anir við félaga sína. Stærsta verkalýðs-
félagið á Suðurnesjum, Verkalýðs- og
sjómannafélag Keflavíkur og nágrennis,
hefur einnig glímt við það að mikið
atvinnuleysi hefur verið á meðal félags-
manna.
„Félagið hefur verið með stærsta hópinn á Suðurnesjum
sem hefur verið án atvinnu. Við höfum séð atvinnuleysið
fara upp undir 23% hjá félaginu en um þessar mundir
sjáum við það minnka mikið og vera um 11%. Það hefur
verið auglýst mikið af störfum hér nú á vordögum við
afleysingar. Flugvöllurinn og flugið er að taka til sín nokkur
hundruð störf í sumarafleysingar. Það hefur munað mest
um það,“ segir Kristján Gunnarsson, formaður félagsins í
viðtali við Víkurfréttir í dag.
Í dag eru 342 félagsmenn í VSFK án atvinnu og Kristján segir
Suðurnes vera grátt leikin af atvinnuleysi og það kemur víða
fram í minnkandi tekjum, minni viðskiptum og verkalýðs-
félagið finnur verulega fyrir því þar sem
atvinnuleysið kemur við sjóði félags-
ins. „Við höfum ekki botnlaust fé til að
hallareka okkur á móti þessari stöðu,“
segir Kristján. Hann segir að VSFK hafi
verið að ráðstafa meira fé úr sjúkrasjóði
út af þessu ástandi á svæðinu en áður
hefur verið gert. Þá segir hann félagið
aldrei hafa sett eins mikla fjármuni í
fjárhagsaðstoð eins og á síðasta ári til
matarlítilla félaga sinna.
Í viðtalinu við Víkurfréttir leggur Kristján áherslu á að
atvinnuverkefnum á Suðurnesjum verði þokað áfram.
Hann segir flugtengda starfsemi gríðarlega mikilvæga fyrir
félagsmenn VSFK en meira þurfi til. Þar horfir Kristján til
Helguvíkur en finnst bagalegt hvað hlutir þar gangi hægt
fyrir sig. Álversframkvæmdir séu í hægagangi og bygg-
ing kísilvers ætlar að tefjast enn um sinn. Þar hafa verið
gerðir nýir samningar um framkvæmdir. Kristján segist
hins vegar hættur að fagna, enda margar skóflustungur,
borðaklippingar og annað gert án þess að það hafi leitt til
atvinnutækifæra. Viðtalið við Kristján er í miðopnu VF í
dag.
Keilir fagnar fimm ára afmæli sínu þann 7. maí nk. Á
þessum árum hefur margt gerst.
Keilir er orðinn þekktur skóli sem
býður nýjan valkost í námi, skóli
sem fer ótroðnar slóðir í náms-
brautum og kennsluháttum. Á
fimm árum hefur Keilir náð að
koma sér fyrir í eigin húsnæði á
Ásbrú, hefur útskrifað yfir 1000
manns, ræður yfir fimm glæ-
nýjum flugvélum, öflugri rann-
sóknaraðstöðu og sérlega áhuga-
sömu starfsfólki. Keilir er kom-
inn til að vera. Sem stendur eru
stoðir Keilis fjórar: Háskólabrú,
Íþróttaakademía, Flugakademía
og tæknifræði. Um þær má lesa
á heimasíðunni: www.keilir.net.
Hér verða sérstaklega nefndar
tvær stoðir:
Mikil þörf á tæknifræðingum
Atvinnulífið hreinlega æpir eftir
fólki með tæknimenntun á háskóla-
stigi. Daglega má sjá auglýsingar
þar um, Samtök iðnaðarins skora
á stjórnvöld að efla tæknimenntun
í landinu jafnt á framhaldsskóla-
og háskólastigi og öflug fyrirtæki
taka undir þetta ákall. Keilir svarar
þessu ákalli með námi í tæknifræði.
Tæknifræðinám Keilis er 214 ECTS
eininga nám sem uppfyllir kröfur
Tæknifræðingafélagsins og veitir
starfsheitið tæknifræðingur. Nám
Keilis í tæknifræði er skipulagt
þannig að hægt er að ljúka því á
þremur árum. Námið er hagnýt
verkfræði þar sem mikil áhersla er
lögð á verkefnavinnu og raunhæf
verkefni. Miðað er við að nem-
endur séu tilbúnir til að vinna sem tæknifræðingar strax eftir útskrift.
Síðari hluti námsins er skipulagður
þannig að kennsla fer að mestu leyti
fram seinni hluta dagsins. Er það til
þess að nemendur geti unnið með
náminu og sinnt þar jafnvel loka-
verkefni sínu.
Við hvetjum iðnaðarmenn til að
nota þetta tækifæri. Við tökum vel
á móti þeim og finnum þeim réttan
stað til að byrja námið á. Stúdentar
eiga þarna líka góða möguleika.
Lifandi og skemmtilegt nám með
mikla atvinnumöguleika. Þarna er
sannarlega tækifærið fyrir fólk á
öllum aldri.
Háskólabrúin skapar
ný tækifæri
Keilir er leiðandi skóli á sviði Há-
skólabrúar. Hún er viðurkennd
af öllum háskólum landsins og
einnig erlendis. Við erum að ljúka
fimmta árinu með Brúna. Kennslan
þar er öðruvísi en í hefðbundnu
námi. Ein námsgrein kennd á degi
hverjum, mikil áhersla á hópavinnu
og þjónustu við nemendur. Besta
umbunin eru ánægðir nemendur.
Fyrstu nemendur af Háskólabrú
hafa nú þegar lokið námi við ýmsa
háskóla sem þeir sóttu eftir námið á
Háskólabrú. Okkur finnst notalegt
að heyra jákvæða umsögn þess-
ara fyrrum nemenda okkar úr há-
skólum sínum og ekki síður hversu
vel þeim gengur almennt. Ummæli
nemendanna er líklega besta um-
sögnin um þetta nám.
Þeir sem ekki uppfylla inntökuskil-
yrði á Háskólabrú geta byrjað eina
önn í Menntastoðum hjá Miðstöð
símenntunar á Suðurnesjum. Mjög
gott samstarf er milli Keilis og MSS.
Nemendur sem koma af Mennta-
stoðum inn á Háskólabrú virðast
almennt standa sig mjög vel. Mór-
allinn á Háskólabrú er mjög hress
og skemmtilegur þar sem hópurinn
stendur mjög vel saman.
Nú er innritun í allar deildir Keilis
fyrir næstu önn byrjuð. Kennt er
bæði í fjarnámi og staðnámi. Fólk
getur skráð sig á heimasíðunni:
www.keilir.net. Ekki hika við að
hafa samband. Þá bendum við á
námsráðgjafann okkar, hana Sig-
rúnu. Þið getið bókað viðtöl hjá
henni: namsradgjafi@keilir.net.
Gleðilegt sumar.
Hjálmar Árnason,
framkvæmdastjóri.