Víkurfréttir - 31.05.2012, Blaðsíða 11

11VÍKURFRÉTTIR • FIMMTUDAGURINN 31. MAí 2012
Heklan, atvinnuþróunarfélag Suðurnesja hefur ráðið Egg-
ert Sólberg Jónsson sem verkefna-
stóra Reykjanes GeoPark en alls
bárust 32 umsóknir um stöðuna.
Sveitarfélögin á Suðurnesjum hafa
skrifað undir samkomulag um
stofnun jarðvangs á Reykjanesi
sem hefja mun umsóknarferli til
European Geoparks Networks en
bundnar eru vonir við að árangur
verkefnisins skili sér í aukningu
ferðafólks á svæðinu, eflingu vís-
indarannsókna, aukna samvinnu
og uppbyggingu í ferðaþjónustu og
dýpri og aukinni þekkingu á við-
fangsefninu jarðvangur.
Eggert er með meistarapróf í þjóð-
fræði og hefur góða reynslu af
undirbúningi jarðvangs en hann
sat m.a. í undirbúnings- og verk-
efnahópi um Kötlu jarðvang auk
þess sem hann hefur starfað sem
forstöðumaður Kötluseturs. Eggert
býr í Grindavík ásamt fjölskyldu
sinni.
Vegna legu sinnar og áhugaverðra
jarðsögu- og menningarminja er
Reykjanes tilvalið svæði fyrir jarð-
vang en áhersla verður lögð á að
nýta þá sérstöðu til áframhaldandi
þróunar og uppbyggingar á Suður-
nesjum.
Eggert verður með aðsetur hjá
Heklunni í Eldey þróunarsetri á
Ásbrú.
Ráðinn verkefnastjóri Reykjanes Geopark
HJÚKRUNARHEIMILI Á NESVÖLLUM
ÚTBOÐ II
SÖKKLAR, KJALLARI OG GÓLFPLATA 1. HÆÐAR
Verkfræðistofa Suðurnesja ehf, fyrir hönd Reykjanesbæjar,
óskar eftir tilboðum í verkið: „Hjúkrunarheimili Nesvöllum -
Útboð II - Sökklar, kjallari og gólfplata 1. hæðar“.
Verkið felst í uppsteypu á sökklum, kjallara og gólfplötu 1.
hæðar ásamt grunnlögnum og tilheyrandi jarðvinnu. Búið
verður að grafa grunn og fylla undir sökkla þegar verktaki
þessa verks kemur að verkinu.
Helstu magntölur:
Steypa 580 m³
Mót 750 m²
Járn 60.000 kg
Fylling 2.000 m³
Þessu verki skal að fullu lokið eigi síðar en 15. september 2012.
Útboðsgögn (geisladiskur eingöngu) verða seld á skrifstofu
Verkfræðistofu Suðurnesja ehf, Víkurbraut 13, 230
Reykjanesbæ, á kr. 10.000,- frá og með þriðjudeginum
5. júní 2012. Tilboð verða opnuð á skrifstofu Nesvalla,
Njarðarvöllum 4, 230 Reykjanesbæ, mánudaginn 14. júní 2012,
kl. 11:00 að viðstöddum þeim bjóðendum sem þess óska.
- og opna eftir helgina!
Víkurfréttir ehf.
Krossmóa 4, 4. hæð
260 Reykjanesbæ
Sími 421 0000
Víkurfréttir flytja höfuðstöðvar
sínar í nýtt húsnæði sem er
sérsniðið að starfsemi blaðsins.
Opnum nk. mánudag á 4. hæð
Krossmóa 4, í nýjum miðbæ
Reykjanesbæjar.
Vonumst til að ekki verði mikil
röskun á síma- og póstsambandi
á meðan flutningum stendur.
Víkurfréttir flytja í Krossmóa 4
Magnús Már Jakobsson var í síðustu viku kjörinn nýr formaður Verkalýðsfélags Grindavíkur.
Hann bauð sig fram gegn sitjandi
formanni, Benóný Benediktssyni
sem hafði stýrt félaginu í 28 ár, og
hafði betur með 40 atkvæðum gegn
7.
„Ég bauð mig fram vegna þess að
verkalýðsmál eru mér hugleikin og
ég hef mikinn áhuga að vinna að mál-
efnum verkafólks, mér finnst við vera að gleymast
svolítið í umræðunni. Ég fékk margar áskoranir úr
ýmsum áttum að bjóða mig fram. Ég vonast til þess að
geta fetað í fótspor Benónýs sem hefur unnið frábært
starf sem formaður félagsins í rúma þrjá áratugi,“ sagði
Magnús við heimasíðu Grindavíkurbæjar, aðspurður
hvers vegna hann hefði ákveðið að bjóða sig fram gegn
sitjandi formanni.
Eftir að Magnús var kjörinn formaður á aðalfund-
inum ákváðu Kristólína Þorláksdóttir, Ása Lóa Einars-
dóttir og Steinunn Gestsdóttir að stíga til hliðar úr
stjórninni. Í þeirra stað voru kosin þau Piotr Slawomir
Latkowski, Gylfi Ísleifsson og Gunnlaugur Hreinsson.
Áfram halda í stjórn þau Geirlaug Geirdal, Hólmfríður
Georgsdóttir og Gunnar Vilbergsson sem í fyrra var
kjörinn varaformaður til tveggja ára.
Eins og áður hefur komið fram var Benóný formaður
Verkalýðsfélags Grindavíkur í 28 ár en hann er orðinn
83 ára gamall. Á 75 ára afmælishófi félagsins í febrúar
sl. var hann gerður að fyrsta heiðursfélaga verkalýðs-
félagsins. Benóný hafði verið varamaður verkalýðs-
félagsins í sex ár áður en hann tók við formennskunni.
Kristólína hætti einnig í stjórninni eftir 28 ára setu en
hún og Benóný hafa byggt upp öflugt félag síðustu þrjá
áratugi. Fjárhagur Verkalýðsfélags Grindavíkur er afar
traustur.
Magnús Már hefur starfað sem öryggis- og gæða-
fulltrúi í Bláa lóninu undanfarin ár. Hann er 43 ára,
kvæntur Salbjörgu Júlíu Þorsteinsdóttur og eiga þau
eina dóttur.
›› Magnús Már nýr formaður Verkalýðsfélags Grindavíkur:
Felldi 83 ára formann
eftir 28 ára formannssetu
n Auglýsingadeild í síma 421 0001 n Fréttadeild í síma 421 0002 n Afgreiðsla í síma 421 0000
Fréttavakt allan sólarhringinn í síma 898 2222