Ægir - 01.07.2004, Blaðsíða 41
41
B Á TA S M Í Ð I
bæði verkefni hér innanlands og
erlendis,“ bætti hann við.
Seigla er núna að leggja loka-
hönd á smíði nýs yfirbyggðs 15
tonna báts. „Þetta er fyrsti bátur-
inn þessarar tegundar sem við
smíðum fyrir innanlandsmarkað,
en við höfum áður smíðað ekki
ósvipaðan bát fyrir aðila í Færeyj-
um. Þessi bátur, sem fer vestur á
Rif og heitir Matthías SH-21, er
yfirbyggður að þremur fjórðu, op-
inn yfir spilinu og lestarlúgum.
Um borð er Mustad leinubeiting-
arkerfi.“
Sverrir segir að í sínum huga sé
engin spurning að þessi bátur
verði hraðskreiðasti yfirbyggði
bátur á landinu. Vélin í honum er
650 hestöfl af gerðinni Volvo.
„Við áætlum að með beitingarvél-
inni gangi þessi yfirbyggði bátur
um 25 mílur,“ segir Sverrir.
„Menn eru greinilega að fara í
auknum mæli yfir í línuútgerð-
ina, enda skilst mér að hún gangi
mjög vel. Menn færa sig töluvert
milli kerfa, fara úr aflamarkinu
yfir í krókaaflamarkið, enda er
klárlega mun ódýrari kostur að
gera út slíka báta í staðinn fyrir
stærri skip,“ segir Sverrir.
Nýr Happasæll - stórt verkefni
Enn stærra verkefni en Matthías
SH-21 er smíði nýs Happasæls
KE, sem kemur í stað samnefnds
skips sem var á sínum tíma smíð-
að í Kína en hefur nú verið selt.
„Þetta er 30 tonna netaveiðiskip,
15 metra langt og um 4 metra
breitt. Við reiknum með að geta
afhent þetta nýja skip, sem verður
með samtals 1320 hestafla afl,
tvær 670 hestafla vélar, í október
eða nóvember. Skipið er smíðuð
með svokallaðri vakúm lofttæmi-
aðferð, sem hefur verið að ryðja
sér til rúms í þessum iðnaði og er
mun umhverfisvænni aðferð. Við
höfum verið að þróa þessa aðferð í
yfirbyggingum báta og smærri
hlutum, en skrokkurinn á Happa-
sæl er sá fyrsti þar sem við beit-
um henni,“ segir Sverrir.
Hann telur að nýr Happasæll
eigi eftir að vekja töluverða at-
hygli, enda eigi vafalaust eftir að
koma á daginn að þessi tegund
skipa reynist mun hagkvæmari í
rekstri en sambærileg stálskip,
viðhaldskostnaðurinn sé klárlega
mun minni í plastinu.
Auk þess sem að framan er talið
hefur Seigla verið að smíða báts-
skrokk, sem fer til Siglufjarðar
þar sem JE-vélaverkstæði lýkur
við smíðina. „Við höfum verið í
samstarfi við Siglfirðinga um
smíði báta, þeir hafa nú þegar
fengið tvo skrokka frá okkur og
þessi er sá þriðji,“ segir Sverrir og
bætir við að Seigla hafi verið að
þróa fellikjöl á bátana, sem hafi
komið sérlega vel út.
Miklir möguleikar í plastinu
„Ég á von á því að þróunin verði
sú að menn færi sig yfir í stærri
plastbáta, enda er vel mögulegt að
smíða stóra og öfluga báta og
skip. Í raun eru engin takmörk á
því hversu stór skip er unnt að
smíða úr þessu efni, það er bara
spurning hversu stórt húsnæði við
höfum yfir að ráða til þess að
smíða stór skip úr plasti. Reglur
takmarka ekki stærðina og því
væri unnt að ráðast í smíði togara
úr plasti, ef því væri að skipta. Í
þeim tilfellum væru slitfletir úr
stáli, en skrokkurinn, yfirbygg-
ingin og smíðin að öðru leyti úr
plasti. Það má segja að við bregð-
umst við þeim verkefnum sem við
fáum og leysum þau. Við fengum
það spennandi verkefni að smíða
Happasæl úr plasti og það verk-
efni teljum við okkur vera að leysa
mjög vel. Fyrir vikið eigum nú
orðið stærsta mót sem til er fyrir
plastbát á landinu,“ segir Sverrir.
Hann bætir við að tækni við
smíði plastbáta og annarra hluta
fleygi fram „Menn eru farnir að
nota sér þessa tækni, t.d. við
smíði flugvéla, ég veit ekki betur
en nýja Airbus flugvélin verði
eingöngu smíðuð úr trefjaplasti,“
segir Sverrir Bergsson að lokum.
Skrokkur nýs Happasæls, sem verður stærsti plastbátur sem hefur verið smíðaður hér á landi til þessa.
aegiragust2004-7tbl 30.8.2004 14:21 Page 41