Ægir - 01.07.2012, Qupperneq 10

Æ G I S V I Ð T A L I Ð
Salka-Fiskmiðlun hefur um nokkurra ára skeið leitt stuðnings-
verkefni fiskframleiðenda hér á landi og í Færeyjum við augnað-
gerðir í borginni Calabar í Nígeríu. Safnað er í einn gám á ári af
þurrkuðum fiskafurðum sem seldar eru beinlínis í þágu verkefn-
isins en því til viðbótar leggja mörg fyrirtæki, þar á meðal
Salka-Fiskmiðlun, fjármuni beint í verkefnið.
„Við höfðum lengi skoðað hvort hægt væri að hjálpa Níger-
íumönnum við að koma sínum vörum hér á markað en enginn
árangur orðið í þeim efnum. Þá kom þetta augnaðgerðaverk-
efni til sögunnar en þar erum við í samstarfi við indversku
góðgerðasamtökin Tulsi Chanrai Foundation, með þátttöku
fylkisstjórnarinnar í Calabar. Indverjarnir annast augnaðgerðirn-
ar og þær eru framkvæmdar á fátæku fólki sem misst hefur
sjónina m.a. vegna vagls og gláku. Um er að ræða fólk sem
ekki hefur fjármuni til að leita sér hjálpar í heilbrigðisþjónust-
unni. Árlega er hægt að gera 2000 aðgerðir fyrir það fé sem við
leggjum fram og það er ólýsanlegt að verða vitni að því þegar
þetta fólk fær sjónina á ný eftir þessar aðgerðir. Þakklætið er
mikið í okkar garð og ánægjulegt að geta með þessum hætti
launað þær viðtökur sem íslenskar fiskafurðir hafa fengið í
Nígeríu síðustu ár,“ segir Katrín.
Framleiðendur
í hjálparstarfi í Nígeríu
Ungur Nígeríubúi fær læknishjálp, þökk sé fiskframleiðendum á Íslandi. Mynd: Haukur Snorrason
10