Ægir - 01.07.2012, Page 15

15
Nýju verkefni hefur verið
hleypt af stokkunum með
stuðningi AVS sjóðsins þar
sem m.a. verður beitt segul-
ómun til að rannsaka hvernig
dreifing salts og vatns í salt-
fiskvöðvum og mismunandi
meðferð hefur áhrif á gæði
saltfiskafurða. Að verkefninu
standa Matís og Íslenskir
Saltfiskframleiðendur í sam-
starf við Institut National de
la Recherche Agronomique
(INRA) í Clermont-Ferrand í
Frakkland. Verkefnið fékk
stuðning AVS sjóðsins til eins
árs.
Í frétt frá Matís segir að
rekja megi vinsældir íslensks
saltfisks á erlendum mörkuð-
um til mikillar vinnslu- og
verkunarþróunar undanfarin
ár. „Meirihluti íslenskra salt-
fiskafurða eru seldar til Spán-
ar þar sem blautverkaður
saltfiskur er vinsæll og gott
verð fæst. Aðrar þarfir eru þó
á Portúgals- og Brasilíumark-
aði, en þar er eftirspurn eftir
þurrkuðum saltfiski meiri.
Þessir markaðir eru stórir og
því eftirsóknarvert fyrir ís-
lenska framleiðendur að auka
hlut sinn á þessum mörkuð-
um. Til þess þarf þó að vinna
að frekari ferlastýringu þurrk-
unar og útvötnunar miðað
við þær söltunaraðferðir sem
tíðkast hér á landi. Áætla má
að með bestun vinnslu- og
verkunarferla allt frá hráefni
til lokaafurðar megi stuðla að
gæðaafurð sem hentar þess-
um nýja markaði fyrir íslensk-
ar saltfiskafurðir. Þá hafa
kvartanir borist reglulega um
súra vansaltaða hnakka sem
rekja má til misdreifingar salts
um vöðvann,“ segir í frétt
Matís en ætlunin er einmitt
að skoða sérstaklega hvernig
salt og vatn dreifist um salt-
fiskvöðvann og hver áhrif
meðhöndlunar eru á lokaaf-
urðina. Markmið verkefnisins
séu að finna ástæðu þess að
áðurnefndir gallar komi upp
og koma þannig í veg fyrir
þá með bættum verkunarað-
ferðum.
Nýjung í matvælarannsóknum
hérlendis
Stuðst verður við nýjustu
tækniframfarir innan mat-
vælarannsókna, m.a. segul-
ómun, auk hefðbundinna
efna- og eðliseiginleikamæl-
inga.
„Segulómun kannast flestir
við sem hafa farið í rann-
sóknir á spítala, en rannsókn-
ir með tækninni innan mat-
vælarannsókna eru tiltölulega
nýjar af nálinni og hafa fram
að þessu ekki verið fram-
kvæmdar í íslenskum verk-
efnum. Í verkefninu verður
segulómtæknin notuð til að
veita innsýn í uppbyggingu
vöðvans og dreifingu vatns
og salts um hann með mynd-
rænum hætti. Einn helsti
kostur þessarar tækni er að
hún hefur engin áhrif á sýnin
og sýnin eru því ólöskuð eftir
greiningu. Einnig verða fram-
kvæmdar NMR mælingar, þar
sem ítarlegri magnmælingar á
áhrif vinnsluaðferða á hreyf-
anleika og dreifingu salts og
vatns, innan sem utan vöðva-
frumanna, verða fram-
kvæmdar. Þá verður skoðað
hvernig þetta jafnvægi hefur
áhrif á gæði saltfiskafurðanna
og hvernig megi bæta verk-
unaraðferðirnar með tilliti til
þessa jafnvægis milli vatns og
salts í vöðvanum,“ segir í
fréttinni.
F I S K V I N N S L A
DELTA
VO3
OF OFN WS
Toghlerar
Góðir í köstun • Fljótir að ná skver • Stöðugir • Léttir í hífingu
Ásoðnir skór og slitjárn • Hagkvæmir í rekstri og lítið viðhald
Starfsstöðvar Ísfells og Ísnets:
• Ísnet Þorlákshöfn - Óseyrarbraut 28
• Ísnet Vestmannaeyjar - Flötum 19
• Ísnet Húsavík - Barðahúsi
• Ísnet Akureyri - Oddeyrartangi
• Ísnet Sauðárkrókur - Háeyri 1
• Ísfell / Ísnet Hafnarfjörður -
Óseyrarbraut 28 • 220 Hafnarfjörður • Sími 5200 500 • isfell@isfell.is
www.isfell.is
Segulómun beitt á saltfiskinn
Segulómun verður á nýjan hátt beitt til að rannsaka dreifingu salts og vatns í saltfiskvöðvunum.