Fjarðarpósturinn - 22.01.2015, Blaðsíða 2
2 www.fjardarposturinn.is FJARÐARPÓSTURINN | FIMMTUDAGUR 22. JANÚAR 2015
Akstur á hringtorgum virðist
vefjast fyrir mörgum. Hringtorg eru
mörg í Hafnarfirði en það er á
hringtorgum með tvær akreinar sem
vandamálið er. Eitt fjölfarnasta
hringtorg bæjarins er fyrir utan
skrifstofu Fjarðarpóstsins og það er
ósjaldan sem ískur heyrist í bremsum eða skellur þegar
tveir bílar skella saman. Sjaldan eru þetta harðir árekstrar
sem voru tíðir og alvarlegir á meðan hefðbundin gatnamót
voru þarna. Það hefur myndast ákveðin verklagsregla um
akstur í hringtorgum og hafa tryggingarfélög t.d. ákveðna
túlkun á þeim en umferðarlög eru alls ekki afgerandi þegar
kemur að akstri í hringtorgum. Þó er það svo að ökumaður
á innri akrein á réttinn þó hann hafi aldrei rétt á að aka inn
í bíl sem er framar en hann á ytri akrein. Almennt er
leiðbeint að ætli menn framhjá einum eða fleiri
útafkeyrslum fari menn á innri akrein. Á FH torgi, á
mótum Flatahrauns og Fjarðarhrauns virðast hins vegar
langflestir sem koma úr suðurátt og ætla framhjá tveimur
útafkeyrslum fara á ytri akrein. Því verða flestir árekstrarnir
við Bæjarhraun, aðra útafkeyrsluna sem ökumenn á ytri
akrein fara framhjá án þess að líta til vinstri. Hins vegar
myndast oft biðröð á Bæjarhrauni því nær allir fara á innri
akrein þó þeir ætli aðeins fram hjá einum gatnamótum sem
eru alveg við hliðina á Bæjarhrauni. Þetta hringtorg er
slæmt hringtorg en ökumenn virðast líka vera klaufar eða
þeir aka hugsunarlaust. Gott hringtorg virkar eins og
tannhjól best ef hraðinn er jafn. Búast má við því að
vandamálin aukist með fjölgun ferðamanna því t.d. í
Danmörku gilda aðrar reglur í hringtorgum. Þar þykir
alveg sjálfsagt að skipta um akrein í miðju hringtorgi!
Hringtorg eru góð ef þau eru vel hönnuð og ökumenn aka
af skynsemi um þau.
Það er ekki hægt að tala um umferð án þess að minnast
á aðstöðu gangandi vegfarenda. Hvenær ætla menn að læra
að merkja hjáleiðir þegar aðgangur að gangstéttum eða
stígum er hindraður, t.d. vegna framkvæmda? Þætti
einhvern tíman eðlilegt að loka götu án þess að vísa
mönnum annað? Virðingaleysi við gangandi er í hróplegu
ósamræmi við þær fallegu ræður sem haldnar eru um
vistvænan Hafnarfjörð og minni notkun á einkabílnum.
Það er ekki hægt að venja fólk á að nota ekki bílinn en
ganga frekar ef gangstéttar eru síðan ekki hreinsaðar af
snjó eins og göturnar. Gangstéttar eru götur gangandi fólks
og reyndar ofta hjólandi líka. Virðum það!
Guðni Gíslason ritstjóri.
leiðarinn
Útgefandi: Keilir ehf. kt. 480307-0380
Fjarðarpósturinn, Bæjarhrauni 2, 220 Hafnarfirði
Vinnsla: Hönnunarhúsið ehf.
Ritstjóri: Guðni Gíslason
Ábyrgðarmaður: Steingrímur Guðjónsson.
Ritstjórn: 565 4513, 896 4613, ritstjorn@fjardarposturinn.is
Auglýsingar: 565 3066, auglysingar@fjardarposturinn.is
Prentun: Steinmark ehf. • Dreifing: Íslandspóstur
ISSN 1670-4169 Vefútgáfa: ISSN 1670-4193
www.fjardarposturinn.is
www.facebook.com/fjardarposturinn
Fimmtudagurinn 22. janúar
Fræðslukvöld um sorg
kl. 20
Allir velkomnir.
Kvenfélagsfundur kl. 20
í Hásölum Strandbergs safnaðarheimilis
Hafnarfjarðarkirkju.
Sunnudagurinn 25. janúar
Messa kl. 11
200 ára afmælis Hins íslenska biblíufélags minnst.
Prestur sr. Jón Helgi Þórarinsson.
Organisti Guðmundur Sigurðsson.
Félagar úr Barbörukórnum syngja.
Sunnudagaskóli kl. 11
Hátíðartónleikar
Barbörukórsins kl. 17
Miðvikudagur 28. janúar
Morgunmessa kl. 8.15
www.hafnarfjardarkirkja.is.
HAFNARFJARÐARKIRKJA
1914 - 2014
Sunnudagurinn 25. janúar
Fjölskylduguðsþjónusta
kl. 11
Hljómsveit kirkjunnar leiðir sönginn
undir stjórn Arnar Arnarsonar.
Fylgist með okkur á www.frikirkja.is
35 ár
Stolt að þjóna ykkur
Útfararskreytingar
kransar, altarisvendir,
kistuskreytingar,
hjörtu
Bæjarhrauni 26
Opið til kl. 21 öll kvöld
Símar 555 0202 og 555 3848
www.blomabudin.is
Föstudagur 23. janúar
Lofgjörðarkvöld kl. 20
Söngur og vitnisburður.
Sunnudaginn 25. janúar
Klassísk messa kl. 11
Sunnudagaskóli
á sama tíma
www.astjarnarkirkja.is
Útfararþjónusta
Vönduð og persónuleg
þjónusta
Sími: 551 7080 & 691 0919
ATHÖFN ÚTFARAÞJÓNUSTA - athofn@athofn.is - www.athofn.is
Inger Steinsson
Inger Rós Ólafsdóttir
Víðistaðakirkja
Sunnudaginn 25. janúar
Sunnudagaskóli og
guðsþjónusta kl. 11
Siggi og Hafdís sjá um sunnudagaskólann
og María Gunnarsdóttir guðfræðingur leiðir
guðsþjónustuna.
Kór Víðistaðakirkju syngur undir stjórn
Helgu Þ. Guðmundsdóttur organista.
Molasopi á eftir.
www.vidistadakirkja.is
Hraðpóstur með skelli á FH-torgi
Með tilkomu hringtorgs á mótum Fjarðarhrauns og
Flatahrauns heyra slys þar næstum sögunni til. Hins
vegar verða þar oft minni árekstrar þegar almennum
reglum er ekki fylgt. Oftast eru árekstrarnir smávegilegir
en á stundum geta þeir orðið harðir eins og sl. þriðjudag
þegar lítill sendibíll á ytri akrein ók inn í jeppabifreið
sem var beygt inn að Bæjarhrauni. Skellurinn var mikill
og töluverðar skemmdir urðu enda kastaðist jeppinn til.
Má segja að þar hafi hraðpóstur endað með skelli.
Víða eru vond hringtorg þar sem t.d. eru tvær akreinar
inn í hringtorgið á einum stað en aðeins ein út úr því
eins og Bæjartorg á mótum Strandgötu, Fjarðargötu,
Reykjavíkurvegar og Vesturgötu. Þar má deila um það
hvort það sé tveggja akreina þar sem merkingar vantar.
Lj
ós
m
.:
G
uð
ni
G
ís
la
so
n