Fjarðarpósturinn - 22.01.2015, Blaðsíða 8

8 www.fjardarposturinn.is FJARÐARPÓSTURINN | FIMMTUDAGUR 22. JANÚAR 2015
Því miður finnast mér orð
heimspekingsins Noam
Chomsky viðeigandi á Íslandi í
dag, þegar hann segir að það sé
„þekkt aðferð til að einkavæða,
að draga verulega úr
fjárframlögum til
stofnana (sbr. spítala
og skóla) og sjá þar
með til þess að þær
virki ekki sem skyldi.
Almenn ingur missir
þolinmæð ina gagnvart
þeim og sættir sig við
það að hið opinbera
afhendi þær fjármagns­
eigendum“. Skemmst
er að minnast orða Ásdísar
Höllu Bragadóttur, fyrrverandi
bæjarstjóra Garða bæjar og
núverandi eiganda Sinn um
heimaþjónustunnar (sem meðal
annars sinnir heima hjúkrun),
þar sem hún talaði um að
Al banía væri ljósárum á undan í
samkeppni í heilbrigðis þjón­
ustu. Síðar reyndi hún svo að
draga úr þessum orðum sínum.
Og skyldi engan undra því sam­
kvæmt skýrslu Alþjóða bankans
þá er heilbrigðiskerfi Albaníu á
brauðfótum og engan veginn í
stakk búið til þess að taka á móti
stórum áföllum. Albanir eyða
töluvert lægri fjármunum í sitt
heilbrigðiskerfi heldur en lönd
sem eru með svipaða landsfram­
leiðslu, auk þess sem þeir
efnaminni eru afar berskjaldaðir
þegar kemur að aðgengi á
heilbrigðiskerfinu þar sem þeir
þurfa að greiða rúmlega helm­
ing kostnaðar.
Þessi orð og hug myndir fyrr­
ver andi bæjarstjóra Garðabæjar
lýsa að mínu mati vel þeim
hugsunarhætti sem er ríkjandi á
meðal ríkisstjórnarinnar í dag.
Og aðferðafræðin er einmitt að
hola heilbrigðiskerfið að innan
til þess að almenningur lýsi
vanþóknun sinni á kerfinu og sé
tilbúið til þess að gefa einka­
framkvæmdinni tækifæri. Slík­
ar tilraunir með grunnstoðir
samfélagsins geta hins vegar
verið afar hættulegar. Það er
nefnilega þannig að heilbrigði
almennings er ekki markaðsvara
sem svarar framboði og eftir­
spurn. Heilbrigði almennings er
heldur ekki val hvers og eins
nema að litlu leyti.
En af hverju er ég að velta
fyrir mér stöðu heilbrigðiskerfis
okkar Íslendinga í bæjarblaði
okkar Hafnfirðinga? Jú, það er
mín tilfinning að núverandi
meirihluti ætli sér að beita svip­
uðum aðferðum þegar kemur að
skólum bæjarins. Aðstöðuleysi
í Áslandsskóla á að mæta með
spjaldtölvum fyrir hluta nem­
enda og plássleysi í Hraun­
vallaskóla, einum fjölmennasta
grunnskóla landsins fer vaxandi.
Því virðist eiga að mæta með
einkaskóla í hverfinu sem á að
þjóna afreksfólki íþróttum.
Ekkert samráð virðist eiga að
vera í því máli sem átti sér
undar legan aðdraganda, með
umsókn óstofnaðs einkahluta­
félags um að fá að stofna til
einka skóla fyrir unglinga.
Engin stefna virðist vera hjá
meirihlutanum í málinu, alla­
vega er hún ekki opinber. Þó
hefur meirihlutinn tekið jákvætt
í erindið og boltinn er
byrjaður að rúlla. Eru
skilaboðin þau að hver
sem er getur sótt um
að setja upp grunnskóla
í Hafnarfirði. Hefur
fólk gert sér grein fyrir
afleiðingunum, meðal
annars á rekstrar­
forsendur skólanna
sem fyrir eru á svæð­
inu?
Grunnskólar eru ein af helstu
stoðum samfélagsins og það er
gífurlega mikilvægt að vanda til
verka í rekstri þeirra og
skipulagi. Að skoða hugmyndir
einkaaðila er eðlilegt og sjálf­
sagt en forræðið og stefnu­
mörkunin á að vera í höndum
bæjaryfirvalda, fræðsluráðs og
bæjarstjórnar. Að ætla að
stökkva á innsend erindi sem
fela í sér slíkar grundvallar­
breyt ingar á fyrirkomulagi
skóla mála undir því yfirskyni
að þær leysi húsnæðisvanda er
að sama skapi út í hött. Það eru
vinnubrögð sem varla geta talist
eðlileg árið 2015.
Höfundur er bæjarfulltrúi í
Hafnarfirði.
Fremsta röð: Grímur Haraldsson, Einar Brynjólfsson, Sigurður Ágúst Finnbogason, Theódór Karlsson og Sigurður Garðar Gunnars-
son. Önnur röð: Þórarinn Sófusson, Sigurður Baldvinsson, Einar Þórir Jónsson, Bjarni Magnússon og (Sverrir Guðnason). Þriðja röð:
Rafn Jensson, Hjörleifur Bergsveinsson, Bragi Jafetsson, Þorleifur Jónsson og Ágúst Sigurðsson. Aftasta röð: Gísli Hildibrandur
Guðlaugsson, Einar Vilhelm Jensson, Óskar Karl Stefánsson, Sigurður Ívar Sigurðsson, Boði Björnsson og Guðjón Sigurjónsson.
Fimleikafélagið Ernir
Fimleikafélagið Ernir var
stofnað af Guðjóni Sigurjóns­
syni (1915­1996) um 1950.Eng
in félagsgjöld voru greidd að
sögn Sigurður Ágústs Finn­
boga sonar sem nafn greindi eftir
bestu getu alla á myndinni sem
tekin var í Leikfimi hús inu við
Lækjarskóla 29. janúar 1950.
Guðjón stofnaði Ernina á
umbrotatímum þegar ljóst var
að erfitt var að halda úti fim­
leikaflokki hjá FH vegna skorts
á æfingatímum í gamla leik­
fimihúsinu. Á þessum tíma var
Fimleikafélagið Björk einnig
stofnað og gengu bæði þessi
félög í ÍBH og fengu þá úthlutað
tímum.
Guðjón var áberandi í menn­
ingarlífinu, hann var lærður
kenn ari, tónlistarkennari,
íþrótta kennari og sjúkraþjálfari.
Hann var kórstjóri, var organisti
í Frí kirkjunni í Hafnarfirði og í
Kálfatjarnarkirkju og var virkur
skátaforingi svo fátt eitt sé nefnt
utan hans mikla íþróttáhuga.
Að brjóta og bramla
til að einkavæða
Ófeigur
Friðriksson
Evrópska lýðræðisvikan í Hafnarfirði
Um síðustu helgi var haldin í
Reykjavík stór alþjóðleg ráð­
stefna á vegum Lands sam bands
Æskulýðsfélaga. Þar
var kosn ingaþátttaka
ungs fólks í brenni depli
og rætt var um hug­
myndir og leiðir til að
auka þátttöku og áhuga
þess m.a. á stjórn­
málum.
Eitt af því sem kom
fram á ráðstefnunni til
skýringar á dræmri
kosn ingaþátttöku ungs
fólks t.d. í bæjar stjórn ar kosn­
ingum hlytu að einhverju leyti að
vera vegna samskipta bæjarbúa
og bæjarstjórnar. Að það vantaði
samtal milli kjörinna fulltrúa og
ungs fólks. Kosningaþátttaka var
almennt mjög lítil í Hafnarfirði í
síðustu kosningum og það eru
vísbendingar um að ungt fólk
hafi síður mætt á kjörstaði. Því
verðum við að breyta og við
þurfum að gera það með mark­
vissum hætti.
Lýðræði á öllum
skólastigum
Samþykkt tillögu fulltrúa
Samfylkingar og VG í bæjar­
stjórn um að Hafnarfjarðarbær
sæki um formlega aðild að
Evrópsku lýðræðisvikunni
(European local democracy
Week), er gríðarlega
mikilvægt skref í þá átt.
Evrópska lýðræðis­
vikan er sameiginlegt
verkefni sveitarfélaga
innan Evrópu ráðs ins
og er m.a. ætlað að
hvetja til lýðræðislegrar
þátttöku ungs fólks.
Samkvæmt tillögunni
er gert ráð fyrir að sér­
stök áhersla verði á
fræðslu um lýðræðismál í leik­
og grunnskólum í Hafnarfirði og
áhuga sömum starfsmönnum
leik­ og grunnskóla verði gert
kleift að kynna sér sambærileg
verkefni og fyrirmyndir í öðrum
löndum. Mark miðið er að hvetja
til lýðræðislegrar umræðu á
öllum skólastigum og virkja
þannig þátt töku ungs fólks í
mótun bæjarins.
Vonandi tekst okkur þannig að
færa bæjarstjórnina nær bæjar­
búum, gefa ungu fólki kost á að
eiga samtal við fulltrúa okkar á
þeim vettvangi og auka skilning
þeirra á því hvernig bæjarstjórnir
virka og hvert hlutverk þeirra eru
almennt. Það eitt og sér, að fá
tækifæri til að spyrja þau út í
störf þeirra og hlutverk, getur
haft varanleg jákvæð áhrif á
viðhorf þeirra til sveitarfélagsins
og skilning á þýðingu þess í
þeirra daglega lífi.
Samtal í báðar áttir
Lýðræðisvikan snýst hins
vegar ekki bara um að fræða
bæjarbúa heldur er eitt af aðal
markmiðum hennar einnig að
auka skilning bæjarfulltrúa á
þörfum bæjarbúa, þeirra
raunverulegu yfirmanna. Þannig
þarf að skapa vettvang þar sem
bæjarbúar geta komið sínum
hugsjónum og tillögum varðandi
málefni sveitarfélagsins á
framfæri.
Ég fagna þessu fallega fram­
taki og mikilvæga skrefi bæjar­
stjórnar og vona að samþykkt
þessarar tillögu verði til þess að
Hafnarfjörður geti áfram staðið
undir nafni sem lýðræðisbærinn
og ungt fólk fái aukinn áhuga á
að hafa mótandi áhrif á þróun
hans.
Höfundur er mennta skóla-
nemi og varabæjar fulltrúi
Samfylkingarinnar í
Hafnarfirði.
Eva Lín
Vilhjálmsdóttir
bæjarblað Hafnfirðinga
vettvangur fyrir skoðanaskipti bæjarbúa
www.fjardarposturinn.is