Breiðholtsblaðið - 01.07.2006, Síða 2

Landsbankinn varð 120 ára
þann 1. júlí sl. en þann dag árið
1886 var bankinn opnaður í
Bakarabrekku sem síðar var
nefnd eftir bankanum og heitir í
dag Bankastræti. Upphaflegt
hlutverk Landsbankans var að
auka peningaviðskipti lands-
manna og efla atvinnuvegina. Í
120 ár hefur bankinn staðið
vörð um þetta markmið. Afmæl-
isins var minnst með glæsilegum
og fjölbreyttum hætti um allt
land og reyndar verður afmælis-
ins minnst um allt árið.
Í miðborg Reykjavíkur var boð-
ið upp á súkkulaðitertu sem
teygði sig eftir Austurstrætinu,
pylsur og drykkur við hlið Alþing-
ishúsins, leiktæki fyrir börnin,
dans- og hljóðfæraleikur m.a. í
Austurstræti og við styttu Jóns
Sigurðssonar, fótbolta með risa-
bolta á Austurvelli og skemmti-
dagskrá á Ingólfstorgi. Gefnir
voru um 300 fótboltar. Úti á
landsbyggðinni var einnig boðið
upp á skemmtidagskrá.
Á glæsilegum listaverkavef
Landsbankans er sýning á lista-
verkum Jóhannes S. Kjarvals í
eigu bankans. Á vefnum er að
finna flest öll Kjarvalsverk í eigu
bankans auk umfjöllunar um
hvert verk. Þegar fram í sækir
verða verk fleiri listamanna sýnd
á listaverkavefnum. Sýning á
verkum Jóhannesar Kjarvals í
eigu Landsbankans er haldin í
Gerðarsafni í júlí. Sýnd eru 35
málverk og teikningar Kjarvals.
Glæsileg afmælishátíð
Landsbankans
Vilhjálmur Þ. Vilhjálmsson, borgarstjóri og Björgólfur Guðmundsson,
stjórnarformaður Landsbankans taka undir almennan söng á
Ingólfstorgi.
JÚLÍ 20062 Breiðholtsblaðið
Útgefandi: Borgarblöð ehf.
Vesturgötu 15 • 101 Reykjavík
Sími: 511 1188 • 561 1594
Fax: 561 1594
Auglýsingasími: 511 1188 • 561 1594 • 895 8298
Netfang: borgarblod@simnet.is
Ritstjóri: Þórður Ingimarsson, Sími: 551 1519 • 893 5904
Netfang: thord@itn.is
Framkvæmda- og auglýsingastjóri: Kristján Jóhannsson
Umbrot: Valur Kristjánsson
Prentun: Prentsmiðja Morgunblaðsins
Dreifing: Íslandspóstur
7. tbl. 13. árgangur
Breiðholtsblaðið er gefið út í 9000 eintökum og dreift
frítt í hvert hús í Breiðholtinu.
Hreinsunarátak
á laugardaginn
S T U T T A R
B O R G A R F R É T T I R
Nýtt hverfisráð í
Breiðholti
Nýtt hverfisráð hefur verið
kjörið fyrir Breiðholtshverfi og
hefur ráðið aðsetur í Þjónustu-
miðstöð Breiðholts, Álfabakka 12.
Í hverfisráðinu eiga sæti: Guð-
laugur Sverrisson, formaður, Ótt-
arr Guðlaugsson og Stefán Jó-
hann Stefánsson og til vara: Linda
Birna Magnúsdóttir, Elísabet Ólöf
Helgadóttir og Guðmundur Har-
aldsson.
Sex leikvellir teknir
til starfa
ÍTR hefur tekið við rekstri sex
leikvalla í hverfum borgarinnar.
Starfsemi er hafin í öllum þeirra
og byggir hún á því rótgróna
starfi vallanna sem fyrir voru.
Leikvellir þessir eru ætlaðir
börnum á aldrinum tveggja til sex
ára og hugmyndafræðin að baki
þeim er að efla aðstöðu til
þroskavænlegra útileikja í öruggu
umhverfi.
Vefsetur borgarinnar
fær góða einkunn
Vefur Reykjavíkurborgar fær
mjög góða einkunn í alþjóðlegri
könnun þar sem vefir borga í 100
löndum voru metnir samkvæmt
mælikvarða um gæði vefseta.
Mælikvarði þessi hefur verið not-
aður frá árinu 2003 og tekur til 98
þátta sem einkenna eiga góða og
notendavæna vefi. Könnunin nær
til þátta á borð við öryggi og per-
sónuvernd, notendaviðmót, efnis-
innihald, þjónustu og þátttöku
borgarbúa.
Vefur Reykjavíkurborgar hafn-
aði í 12. sæti en í efsta sæti þegar
hann er borin saman við vefsetur
höfuðborganna á Norðurlöndum.
Þá hafnaði hann í fjórða sæti í
samanburði vefsetra höfuðborga
allra Evrópuþjóða. Vefur Seoul
borgar í Suður Kóreu lenti í efsta
sæti, vefur New York borgar í
öðru sæti og vefur Hong Kong í
því þriðja. Þegar þessi könnun
var fyrst gerð árið 2003 var vefur
Reykjavíkurborgar í 27. sæti,
neðstur Norðurlandaþjóða. Það
eru Rutgers háskóli í USA og
Sungkyankwan í Kóreu sem fram-
kvæma þessa könnun í samstarfi
við ýmsar virtar stofnanir og má
þar nefna Sameinuðu þjóðirnar
og fjölda stofnana sem hafa raf-
ræna stjórnsýslu að viðfangsefni.
Verður áratuga
hundabanni aflétt?
Reykvíkingar mega eiga von á
að áratuga umdeildu banni við
hundahaldi í borginni verðu
aflétt. Á fyrsta fundi nýs Umhverf-
isráðs Reykjavíkur var meðal ann-
ars lögð fram tillaga að breytingu
á samþykkt um hundahald í
Reykjavík.
Þar er lagt er til að banni við
hundahaldi verði aflétt í borginni
og það leyft að uppfylltum sömu
skilyrðum og nú er. Breytingarnar
á reglum um hundahald yrðu
felldar inn í gildandi samþykkt
um hundahald í Reykjavík nr.
52/2002. Þetta þýðir að almenna
reglan yrði að hundahald yrði
heimilað í Reykjavík að fengnu
leyfi og uppfylltum skilyrðum í
stað þess að veita undanþágur
frá banni við hundahaldi eins og
nú er.
Aldurstakmörkin
afmáð
Engin aldurstakmörk verða í
tónlistarnámi í Reykjavík eftir að
meirihluti menntaráðs Reykjavík-
ur samþykkti að fella úr gildi
ákvæði um aldurshámark nem-
enda við úthlutun fjármagns til
tónlistarnáms.
Aldurstakmörkin voru ætið um-
deild og með þessum breytingum
hafa nemendur aukið val og jafn-
ari tækifæri til tónlistarnáms
óháð aldri.
F egrunardagurinn sem efnt verður til á laugardaginn kemur erfyrsti hluti af sérstöku átaki borgaryfirvalda til að fá almenning ogfyrirtæki til að taka þátt í að hreinsa, bæta og hugsa vel um um-
hverfi sitt. Ætlunin er að fá borgarbúa til liðs við starfsmenn borgar-
innar í því að snyrta hverfin, tína rusl, hreinsa veggjakrot, leggja torf-
ur, laga net á fótboltamörkum, kantskera, sópa og bæta girðingar.
Breiðholtsbúar mega vera stoltir af því að vera fyrstir til þess að njóta
þessarar vakningar sem hafin er í umhverfismálum í borginni. Von-
andi verða þeir duglegir að mæta og taka til hendinni og sýna um-
hverfisátakinu og hverfinu sínu vilja í verki.
Breiðholtið verði leiðandi
A nnað mál sem vert er að vekja athygli á er verkefni umhverfis-hóps sem starfað hefur á vegum vinnuskóla Reykjavíkurborgarí Miðbergi í Breiðholti. Hugmyndavinna um betra umhverfi hef-
ur farið fram á vegum ungmennanna og margt athyglisvert hefur litið
þar dagsins ljós. Meðal annars hugmynd um að hvert borgarhverfi
eignist sinn sérstaka einkennislit.
Breiðholtið nálgast nú fertugsaldurinn og hverfið er löngu orðið næst-
um fullbyggt. Því hefur lítið verið um nýframkvæmdir þar á undan-
förnum árum ef frá eru taldar vegtengingar við Reykjanesbrautina. Ný
hverfi hafa verið að rísa á öðrum stöðum og kröftum borgarsamfélags-
ins því eðlilega verið beint þangað í meira mæli.
Of stórt væri tekið til orða að segja að Breiðholtið væri í niðurnýðslu
enda hafa margir af íbúum þess lagt metnað í sitt nánasta umhverfi,
hýbýli sín og lóðir, þótt skort hafi á nægilega áherslu á þessi mál af
hálfu borgarinnar. Sú tilfinning grípur þó engu að síður þann sem fer
um þetta fjölmennasta borgarhverfi Reykjavíkur og raunar alls lands-
ins að það hafi setið eftir. Hverfið hafi gleymst þegar byggingu þess
var lokið og kröftunum beint að öðrum svæðum og stöðum. Í hug-
myndavinnu ungmennanna, sem starfa á vegum Vinnuskólans í Mið-
bergi, kemur m.a. fram að hverfið einkennist af grámyglu og gera verði
átak til þess að leiða birtu og liti inn í þetta fjölmenna borgarsamfélag.
Vonandi verður starf ungmennanna í Miðbergi til þess að hefja vakn-
ingu um fegurra og betra Breiðholt. Borgaryfirvöld eru tilbúin að
leggja sitt af mörkum og íbúarnir verða einnig að taka við sér og taka
þátt í þeirri umbreytingu sem nauðsynleg er. Engin ástæða er til þess
að Breiðholtið verði „gleymda“ hverfið í hinu fjölbreytta borgarsamfé-
lagi. Hverfi sem drabbast niður vegna þess að því ekki sinnt.
Breiðholtið hefur alla burði til þess að verða leiðandi í því
umhverfisátaki sem nú er að hefjast. Það er íbúanna og borgaryfir-
valda að sameinast um að svo verði.
Umferðin og takturinn í þjóðfélaginu
G ísli Jónsson, framkvæmdastjóri flutningafyrirtækisins Króks,spjallar við Breiðholtsblaðið að þessu sinni. Í störfum sínumhefur hann komið að mörgum stöðum og aðstæðum þar sem
umferðaróhöpp hafa orðið. Hann segir að hjá mörgum þessara
óhappa hefði mátt komast ef ekið hefði verið á minni hraða. Hraðinn
sé aðal ógnvaldurinn í umferðinni og þótt bílar séu mun öruggari í dag
en áður var sé engu minni ástæða til þess að vara við of miklum
hraða. Aflmeiri bílar og betri vegir bjóði hættu á hröðum akstri heim.
Þá hættu beri að varast.
Gísli bendir einnig á annan og mjög athyglisverðan þátt. Hann segir að
hraðinn í umferðinni endurspegli takturinn í þjóðfélaginu á hverjum
tíma. Þenslan komi glöggt fram í umferðinni. Fólk aki meira. Það aki
hraðar og hugsi ekki eins um að fara vel með ökutæki sín vegna þess
að auðveldara sé að endurnýja þau. Þegar að þrengi hugi fólk að
sparnaði. Það spari eldsneyti og fari betur með ökutækin sem þurfi að
endast lengur. Harla aumt er þegar góðæri birtist með þessum hætti.
Fólk ber minni virðingu fyrir verðmætum og virðing fyrir lífi og limum
fer einnig þverrandi ef tekið er mið af breytingum í umferðinni. Ég - er
það fyrsta sem alltof margir ökumenn hugsa um þegar þeir eru komn-
ir út í umferðina og þeir sem þannig bregðast við umhvefi sínu á ak-
brautunum virðast fleiri þegar fólk hefur það betra.
Um 300 ábendingar um
hvað betur megi fara komu
fram á fundi með Vilhjálmi Þ.
Vilhjálmssyni borgarstjóra en
fundurinn var undanfari um-
hverfis- og fegrunarátaks í
Breiðholti á laugardaginn
kemur. Um 200 manns sóttu
fundinn og virtust fundar-
menn ánægðir með framtakið.
Vilhjálmur Þ. fjallaði m.a. um
þá hugarfarsbreytingu í um-
gengnismálum sem væri orðin
og aðferðir til að efla metnað
með fólki til að ganga betur um
í Reykjavík. Hann hvatti fólk til
að láta borgaryfirvöld vita um
það sem brýnt væri að laga.
Gísli Marteinn Baldursson, for-
maður umhverfisráðs, kynnti
nokkra staði í Breiðholtinu sem
verða fegraðir og bættir og
ræddi einnig um að skapa
stemmningu á meðal íbúa til að
taka þátt í fegrunarátakinu 22.
júlí. Óskar Bergsson, formaður
framkvæmdaráðs, benti á
ábyrgð allra til að sinna um-
hverfinu vel og nefndi þar ein-
staklinga, fyrirtæki og borgina
og að allir þyrftu að vinna sam-
an að þessu verkefni.
Á meðal þeirra hugmynda
sem fram komu um fegrum um-
hvefis má nefna að laga gang-
stéttar sem fæstar eru nothæfar
fyrir línuskautafólk, fjarlægja
ónýtar girðingar, koma upp
sparkvöllum við Asparfell og
Æsufell, bæta við ruslafötum,
planta trjám milli Seljahverfis
og Kópavogs. Einnig var rætt
um skólalóðir, fjölbreyttari leik-
tæki, ný og falleg strætóskýli og
að fjarlægja ónotaða gæsluvelli.
Þá kom skýrt fram á fundinun
að fólk vill engar nýjar bygging-
ar í Elliðaárdalinn sem er eitt
helsta útivistarsvæði Breiðhylt-
inga og fleiri íbúa Reykjavíkur.
Um þrjúhundruð ábendingar