Breiðholtsblaðið - 01.07.2006, Qupperneq 5
Innan tíðar mun heilsugæslan á
höfuðborgarsvæðinu flytja höfuð-
stöðvar sínar í Mjóddina í Breið-
holti en heimahjúkrunin er þegar
flutt þangað. Verið er að ljúka
endanlegum fágangi á húsnæðinu
en um miðjan ágúst á starfsemi
heilsugæslunnar að flytja úr
Heilsuverndarstöðvarhúsinu við
Barónsstíg samkvæmt samningi
við núverandi eiganda hússins.
Sala Heilsuverndarstöðvarinnar
og flutningur á starfsemi heilsu-
gæslunnar hefur verið nokkuð
umdeildur og hefur heilbrigðis-
starfsfólk, sem starfar á Lands-
spítala Háskólasjúkrahúsi við
Hringbraut og sinnir einnig verk-
efnum fyrir Heilsugæsluna, látið í
ljósi óánægju með þessa tilhög-
un. En af hverju var ákveðið að
flytja starfsemi, sem um áratuga
skeið hefur verið í Heilsuverndar-
stöðinni í nágrenni Landsspítal-
ans og nú Landsspítala háskóla-
sjúkrahúss í Mjóddina í Breið-
holti. Breiðholtsblaðið rekur hér
lítillega sögu málsins.
Mun hærra söluverð en
gert hafði verið ráð fyrir
Aðdraganda þessa máls má
rekja til sölu á húsi Heilsuvernd-
arstöðvarinnar á síðasta ári sem
aftur má rekja til þess að sam-
komulag hafði ekki náðst um við-
hald byggingarinnar á milli eig-
enda hennar, sem voru ríki og
Reykjavíkurborg. Viðhaldi hafði
því verið ábótavant um árabil
þegar samkomulag náðist um að
að selja húsið þannig að það
kæmist á hendi eins aðila sem
bæri síðan ábyrgð á viðhaldi
þess. Rætt var um að ríkið leysti
hlut Reykjavíkurborgar til sín en
samkomulag náðist ekki um verð-
mæti hússins og var Heilsuvernd-
arstöðin í framhaldi af því auglýst
til sölu á almennum fasteigna-
markaði. Þeim möguleika mun þó
hafa verið haldið opnum að ríkið
gengi inn í tilboð um kaup á hús-
inu þegar það bærist. Sú stað-
reynd að ekki var búið að leysa
húsnæðismál heilsugæslunnar,
sem þarf á yfir þrjú þúsund fer-
metra húsnæði að halda fyrir
starfsemi sína, styrkir það sjónar-
mið að ætlunin hafi verið að starf-
rækja heilsugæsluna þar áfram
þótt nýir eigendur tækju við eign-
arhaldi og rekstri hússins. Af því
varð þó ekki og ástæða þess að
öllum líkindum sú að kauptilboð
sem barst í húseignina var mun
hærra en gert hafði verið ráð fyr-
ir. Fyrirtækið Mark-hús bauð 980
milljónir króna í Heilsuverndar-
stöðina en verðmæti hússins
hafði verið áætlað á bilinu 600 til
700 milljónir. Hið háa kaupverð
hefur að öllum líkindum gert nýj-
um eiganda hússins erfitt um vik
að bjóða Heilsuverndarstöðinni
það leiguverð sem stofnunin gat
gengið að með góðu móti. Því var
farið að huga að nýju húsnæði
fyrir starfsemi hennar.
VISA plássið losnaði
En af hverju var ákveðið að flyt-
ja starfsemi Heilsugæslunnar í
Mjóddina í Breiðholti. Ástæða
þess var einfaldleg sú að þar var
húsnæði í boði. Um er að ræða
húsnæði í eigu Landsafls, sem er í
eigu Landsbanka Íslands. Hluti
þessa húsnæðis er við Álfabakka
16 og losnaði þegar starfsemi
VÍSA Íslands var flutt þaðan á
Laugaveg 77 þar sem losnað hafði
um húsrými vegna breytinga í
húsanotkun bankans. Landsafl
festi einnig kaup á húsnæði við
Þönglabakka þar sem áður hafði
verið rekinn keilusalur og bauð
þetta húsnæði til samans til af-
nota þegar Ríkiskaup auglýstu
eftir húsnæði undir heilsugæsl-
una. Alls bárust fjögur tilboð í að
hýsa þessa starfsemi, frá Lands-
afli, Mark-húsi og tveimur aðilum
sem áttu eftir að byggja þau hús
sem þeir voru að bjóða. Nokkuð
ljóst er að tilboð Landsafls hefur
verið hagstæðara en önnur tilboð
sem bárust, þar á meðal frá Mark-
húsi, þar sem því var tekið þótt
gera yrði kostnaðarsamar fram-
kvæmdir og endurbætur á hús-
næðinu áður en það yrði tekið í
notkun. Einnig var ljóst að óá-
nægja myndi skapast á meðal
starfsfólks með að starfsemin
yrði flutt frá Barónstígnum.
Fjölmennasti
vinnustaðurinn
Um 220 manns tengjast starf-
semi Heilsugæslunnar og heima-
þjónustunnar að jafnaði. Þótt
hluti starfseminnar fari fram á
heimilum út um alla borgina þá
verður þetta langfjölmennasti
vinnustaður í Mjóddinni og
Breiðholtinu öllu. Með flutningn-
um verður Heilsugæslan nær því
að vera miðsvæðiðs en við
Barónsstíginn sé litið til út-
breiðslu höfuðborgarsvæðis-
ins á síðustu árum og auðveldara
verður með bílastæði fyrir
viðskiptavini hennar og skjól-
stæðinga. Á móti koma ákveðin
óþægindi fyrir það starfsfólk,
einkum frá Landsspítala
Háskólasjúkrahúsi, sem einnig
sinnir störfum fyrir heilsugæsl-
una og þarf að fara frá Hring-
braut eða Eiríksgötu upp í Breið-
holt til hlutastarfa af þeim sök-
um. „Það er mál sem við þurfum
að finna lausn á,“ sagði
Guðmundur Einarsson, forstjóri
Heilsugæslunnar, í samtali við
Breiðholtsblaðið. Einnig hafa
komð fram gagnrýnisraddir frá
starfsfólki á húsnæðið í Mjódd-
inni er bæði snúa að stærð þess
og staðsetningu. Ekki er hægt að
líta á þær sem óeðlilegar þegar
um jafn róttæka breytingu er að
ræða á umhverfi svo stórrar
starfsstöðvar og raun ber vitni.
En hvað sem aðstæðum og
skoðanaskiptum um málið líður
mun starfsemi Heilsugæslunnar
og heimahjúkrunarinnar sem
komin í Mjóddina til þess að
vera, að minnsta kosti um ófyrir-
séðan tíma.
JÚLÍ 2006 5Breiðholtsblaðið
Hamborgara Búlla Tómasar Bíldshöf›a 18
Bíldshöf›i 18 110 Reykjavík (Vi› hli›ina á Húsgagnahöllinni)
Fjölskyldutilbo›
2 stórir ostborgarar, 2 barnaostborgarar
Stór skammtur af frönskum, 2 koktelsósur og 2 lítra gos
2.490 kr.
(Bættu vi› stórum ostborgara m/frönskum 590 kr.)
(Bættu vi› barnaostborgara m/frönskum 390 kr.)
S: 577 1888
fiú hringir og pöntunin er tilbúin flegar flú kemur.
Tilbo›in gilda einnig í veitingasal.
Kve›ja Tommi, Öddi og Ó›inn
Opi› 11:30 - 21:00 sunnud-fimmtud og 11:30 - 21:00 föstud-laugard.
Ósamkomulag ríkis og borgar og
hátt söluverð olli flutningi í Mjóddina