Breiðholtsblaðið - 01.09.2006, Page 5

koma víða að skóla- og félagsmál-
um innan hverfisins. Hún segir
að í sínum huga sé þátttaka í for-
eldrastarfi skólanna ákveðin
grunnur að þátttöku fólks í lýð-
ræðissamfélaginu. Fólk taki
höndum saman á vettvangi skól-
ans til þess að huga að aðstæð-
um barna sinna, kjörum og að-
stæðum starfsfólks skólanna og
öðrum forsendum góðs skóla-
starfs. „Samstarf heimila og skóla
er mikilvægt fyrir þroskavænleg
uppeldisskilyrði barna og ung-
linga og með auknu samstarfi
hefur orðið mikil breyting til
batnaðar. Við hjá Heimili og
skóla höfðum bæði forgöngu um
að hvetja og stuðla að samstarfi
foreldra og skóla en jafnframt að
samskiptum og samstarfi for-
eldra innbyrðis og þaðan eru
komnar þessar meginreglur sem
flestir eru sammála um í dag eins
og þær að virða útivistartímann,
leyfa ekki foreldralaus partý o.fl.“
Og þarna fannstu þína leið að
stjórnmálunum? „Já - þarna voru
fyrstu skrefin stigin í átt til þess
að ég gaf síðar kost á mér í kosn-
ingum til Alþingis. En ég fékk ein-
nig hvatningar úr ýmsum áttum.
Það lagðist allt á eitt.“
Frjálslynd miðjustefna
höfðaði til mín
Þegar að því kom hjá Jónínu
að stíga skrefið til fulls og hefja
afskipti af stjórnmálum vaknar
sú spurning hvað hafi komið
konu uppalinni í Kópavogi og
innan úr „Hverfi“ og þá búsettri í
Breiðholtinu að gera Framsókn-
arflokkinn að sínum pólitíska
vettvangi. Flokk sem í gegnum
tíðina hefur átt sér fastari rætur
á landsbyggðinni og í byggða-
málum en í málefnum þéttbýlis-
ins. „Það kom aldrei annar flokk-
ur til greina en Framsóknarflokk-
urinn enda eini stjórnmálaflokk-
urinn sem ég hef starfað með.
Það er frjálslynd og öfgalaus
miðjustefna Framsóknarflokks-
ins sem féll að minni lífsýn og ég
vildi leggja lið. Stefna Framsókn-
arflokksins snýst m.a. um að
standa vörð um kjör og aðstæð-
ur fólks um allt land á heildræn-
an hátt sem er jafnframt ein
ástæða þess Framsóknarmenn
hafa svo lengi verið í forystu í ís-
lenskum stjórnmálum. Það hafa
orðið mjög hraðar breytingar á
öllum sviðum þjóðlífsins á þeim
tíma sem liðin er frá stofnun
Framsóknarflokksins og áfram er
verkefnið að aðlaga samfélagið
breytingum, sækja fram um leið
og við treystum grunn samfé-
lagsgerðarinnar.“
Vinna og velferð helst í
hendur
Jónína segir að eitt af því sem
haldast verði í hendur í samfé-
laginu sé velferð og atvinna. „Við
byggjum ekki upp samfélag þar
sem almenn velferð ríkir nema
tryggð sé full atvinna fyrir fólk
og tekjur fyrir fjölskyldur og rík-
issjóð. Vöxtur í efnahagslífinu er
forsenda þess að hægt sé að
byggja upp velferð og viðhalda
henni. Til að geta fætt og klætt
fjölskylduna þarf tekjur og það
sama gildir um rekstur þjóðar-
búsins. Í pólitískri afstöðu felst
því oft spurning um hvernig fólk
vill tvinna þetta saman. Við fram-
sóknarmenn leggjum líka megin-
áherslu á að tryggja öllum jöfn
tækifæri og að hver og einn fái
notið hæfileika sinna hversu ólík-
ir sem þeir kunna að vera og við
höfnum innbyrðis baráttu stétt-
anna jafnt sem óheftri einstak-
lingshyggju. Það á ekki að vera
svo í stjórnmálunum að tveir
andstæðir pólar takist stöðugt á,
þannig að allt sé rétt og satt sem
kemur frá annarri hliðinni en
flest rangt sem sagt sé á hinum
vængnum. Í stjórnmálum tel ég
mikilvægt að temja sér ákveðna
hófsemi og það að við stjórn-
málamennirnir getum sett okkur
í spor þeirra sem eru á annarri
skoðun en maður sjálfur,“ segir
Jónína og bætir við að gott jarð-
samband og traust fótfesta séu
þættir sem hafa verði í huga dag
hvern í stjórnmálavafstrinu.
Nýta reynslu og láta gott
af sér leiða
Jónína segir að hugsjónir
hennar, áhugamál og lífsýn hafi
leitt hana til þátttöku í stjórn-
málum. „Komin vel af barnsaldri
er það ekki persónulegur metn-
aður eða þörf og þrá eftir völd-
um sem hvetur til dáða á vett-
vangi stjórnálanna. Það sem
knýr mann áfram er áhuginn á
því að láta gott af sér leiða og
nýta menntun og áralanga
reynslu sem maður hefur aflað
sér úr daglegu lífi, starfi og þátt-
töku í félagsmálum. Ég taldi að
með því að taka þátt í stjórnmál-
um þá gæti ég nýtt mér marg-
háttaða reynslu til þess að koma
ýmsu góðu til leiðar“.
Samspil manns og
náttúru
Með þennan bakgrunn ertu
komin í umhverfismálin, mála-
flokk sem mikið er til umræðu
um þessar mundir og síður en
svo allir á einu máli um. „Já - það
er rétt og umræðan hefur verið
nokkuð einsleit síðustu vikur og
mánuði og nær einvörðungu snú-
ist um framkvæmdirnar sem nú
standa yfir á Austurlandi. Að því
leyti hefur hún verið villandi því
hún gefur ekki rétta mynd að
þeim fjölmörgu viðfangsefnum
sem við erum að vinna að, nátt-
úruverndinni og öðrum málum
sem varða samspil manns og
náttúru í anda sjálfbærrar þróun-
ar. Ég hef sagt að við eigum að
nýta náttúruauðlindir okkar. Og
þá er ég ekki aðeins að tala um
vatnsafl og jarðvarma heldur all-
ar okkar auðlindir þar með talið
ósnortin víðerni íslenskrar nátt-
úru. Þau eru ein auðlinda okkar
sem okkur ber að standa vörð
um og þau geta skapað okkur
miklar tekjur ef vel er að verki
staðið. Atvinnulega séð eigum
við að varast að vera með öll
eggin í sömu körfu. Við munum
þá tíð vel þegar atvinnulífið var
einhæft og afleiðingar þess á ís-
lenskt efnahagslíf og kjör fólks í
landinu. Við megum ekki leggja
allt undir einhverja eina atvinnu-
grein. Í því felst allt of mikil
áhætta.“
Vatnajökulssvæðið er
mikilvægast
Jónína kveðst oft hafa velt því
fyrir sér hvað framtíð er verið að
boða þegar farið er hamförum
gegn nýtingu náttúruauðlinda
eins og átt hefur sér stað að und-
anförnu. Í þeim hugmyndum
felist afturhvarf til þeirra tíma
þegar efnahagslífið snérist um
einn atvinnuveg, fiskveiðarnar
og þær sveiflur og efnahagsvand-
ræði sem því fylgdi og fólki á
miðjum aldri ætti að vera í fer-
sku minni. „Við snúum þróuninni
ekki við og vil hljótum að ætla
áfram sem hingað til og nýta okk-
ur náttúruauðlindirnar og þau
efnahagslegu tækifæri sem þær
fela í sér. En við verðum líka að
búa í haginn vegna nýtingar þeir-
ra og við megum ekki ganga á
þau og spilla þeim. Það þarf að
ljúka rannsóknum sem verið er
að vinna að og það þarf að bygg-
ja undir og undirbúa að við get-
um tekið á móti fleiri ferðamönn-
um.“ Jónína segir að af öllum
þeim gersemum sem liggja í
landinu þá sé Vatnajökulssvæðið
mikilvægast. „Ég vonast til þess
að stofnun Vatnajökulsþjóðgarðs
verið að lögum á komandi þingi.
Hann mun ná til ríflega 10% alls
flatarmál landsins og vera lang
stærsta verkefnið til þessa í ís-
lenskri náttúruvernd. Það er tal-
að um að innan hans verði m.a.
öll Jökulsá á Fjöllum frá jökli til
ósa í Axarfirði. Ég hef í hyggju að
beita mér fyrir frekari skrefum á
grundvelli náttúruverndaráætl-
unar. Eitt þeirra svæða sem þar
er stefnt að verndun eru fjörunar
í Skerjafirði og Álftanesi. Þá mun
ég leggja til breytingar á Alþingi í
haust á skipulags- og bygginga-
lögum, þar sem greint verður á
milli skipulagslaga og sérstakra
mannvirkjalaga sem er ætlað að
bæta eftirlit með húsbyggingum
og koma í veg fyrir fúsk og bygg-
ingagalla sem of oft veldur
íbúðakaupendum ómældu tjóni.“
Umhverfismálin eru
engum óviðkomandi
Jónína segir nauðsynlegt að
víkka umhverfisumræðuna og fá
fleiri aðila til þess að taka þátt í
henni. „Við þurfum að stokka
spilin upp og efla þátttöku alls
almennings í umræðu um um-
hverfismál í víðum skilningi. Ég
hef að gefnu tilefni hugleitt hvort
ekki sé vert að finna starfi Stað-
ardagskrár 21, framkvæmdaáætl-
un sveitarfélaganna í umhverfsi-
málum annað heiti sem skýri sig
sjálft og þar með það starf sem
hún stendur fyrir. Þetta er eitt
dæmið um stofnanahugtak og
þýðingu á aðþjóðlegu hugtaki
sem alltof fáir vita hvað merkir
og þarafleiðandi ekki hver að-
koma almennings er. Nú er búið
að vinna mjög góða vinnu á
þessu sviði og þá ekki síst á vett-
vangi sveitarstjórnarstigsins en
heitið er eitt af því sem þarf að
endurskoða um leið og undirbú-
ið er að blása til nýrrar sóknar.“
Jónína segir að vandinn við orð-
notkun á sviði umhverfismála
þann að hún sé svo sérfræðileg
og erfitt að finna hugtök sem séu
nægilega almenns eðlis til þess
að þau nái góðri fótfestu í málinu
og þar með í umræðunni. „Um-
hverfismálin varða alla og þeir
sem eru að starfa á þessu sviði
að ég tali ekki um þá sem hafa
forgöngu með höndum. Þeir
verða að tala tungumál sem allir
skilja. Umhverfismálin snúast
ekki eingöngu um stjórnvöld og
stjórnvaldsaðgerðir þau eru okk-
ar allra, hvar sem við búum,“
segir Jónína Bjartmarz umhverf-
isráðherra.
SEPTEMBER 2006 5Breiðholtsblaðið
Öruggari
Netverslun
VISA Ísland - Greiðslumiðlun hf.
VISA húsinu Laugavegi 77 101 Reykjavík Sími 525 2000 www.visa.is