Húnavaka - 01.05.1996, Blaðsíða 37

HUNAVAKA
35
gljúfri. Úr miðjum hamraveggnum að norðan fossar blátært bergvatn
úr langri, láréttri sprungu. Það er mjög einkennilegt og fallegt að sjá
fossinn koma þannig fram úr klettunum og falla niður í jökulána.
Skammt frá brúnni eru litlar fossbunur. Til eru sagnir um það að þar
hafi verið steinbogi yfir ána. Fólkið í Hraunsási hafði farið til kirkju
yfir að Gilsbakka en skilið t\'ö börn eftir heima. Börnin fóru síðan á
eftir því en steyptust út af boganum og drukknuðu bæði. Síðan var
boginn brotinn af til þess að ekki færust fleiri á sama hátt.
Þegar við vorum nýlega komnir )Tir brúna komu þeir Guðjón og
Lárus að norðan og urðu fagnaðarfundir og spurðu hvorir aðra tíð-
inda. Guðjón var síðan með okkur það sem eftir var leiðarinnar en
Lárus fór á undan til Reykjavíkur.
Við áðum hjá Hraunsási og komum þar allir heim. Bóndinn þar
heitir Sigurður og var kunnugur nokkrum félögum mínum áður.
Hann er einhver Hnsælasti maður í Hvítársíðu og Hálsasveit sökum
dugnaðar, gáfna, hjálpfýsi og annarra góðra kosta. Hann var með
stutt alskegg og úfið hár, fremur óásjálega klæddur og lítt glæsilegur
að ytra útliti en þó finnst mér að öllum hljóti að geðjast vel að honum
strax við fyrstu sýn. Hjá honum fengum við ágætar viðtökur og síðan
fylgdi hann okkur í náttstað og lofaði okkur fylgd næsta dag. Við
áðum aftur hjá Augastöðum. Bóndinn þar heitir Þorbergur. Hann
kom til okkar og bauð okkur að koma heim með sér og þiggja kaffi-
sopa. Eftir nokkra dvöl á Augastöðum héldum við áfram og rákum
upp á fjallið sunnan \dð Hálsasveitina og vorum þar um nóttina. Um
kvöldið kom Þorbergur aftur til okkar og hafði þá meðferðis hræring
og mjólk. Það þótti okkur dýrðlegir réttir uppi á háfjöllum.
Snemma morguninn eftir kom Jón í Hraunsási, sonur Sigurðar, til
fylgdar við okkur. Vegur var óglöggur fyrir Okið en Jón hafði farið þar
áður um haustið og hann réði ferðinni. Þoka var mikil og rigning en
féð rakst sæmilega því gróður er þarna mjög lítill og greiðfær vegur. Á
litlu var hægt að átta sig öðru en vatnsfarvegum sem lágu frá jöklin-
um en það dugði jafn gætnum manni ogjóni í Hraunsási.
Um kvöldið komum við í Brunna. Þá var þokunni létt og veður hið
besta. í Brunnum er grösugt land og uppsprettur miklar. Kaldadals-
vegurinn liggur þar um og þar eru fyrstu verulegu vatnsbólin og hag-
arnir þegar komið er að norðan.
Næsta dag fórum við niður í Þing\'allasveit. Þá var bjart veður og
gekk ferðin vel. Þarna er náttúrufegurð mikil. í norðri sést Langjök-
ull og Okið og Skjaldbreiður nokkru sunnar. I suðaustri er Tinda-
skagi og Ármannsfell í suðri. Mörg önnur fjöll sjást mjög vel. Suður