Húnavaka - 01.05.1996, Blaðsíða 108

106
H UNAVAKA
hefir Kvenfélagið Vaka gefíð. Auk þess hafa kirkjunni borist margir
aðrir góðir gripir.
A þessum hundrað árum hafa einungis þrír prestar þjónað kirkj-
unni: Sr. Bjarni Pálsson í Steinnesi
þjónaði Blönduósskirkju frá því að
kirkjan var byggð til ársins 1922
eða alls í 27 ár. Sr. Þorsteinn B.
Gíslason í Steinnesi, frá 1922 til
ársloka 1967 eða 45 ár. Sr. Árni
Sigurðsson á Blönduósi frá árinu
1968.
I sóknarnefnd hefur að sjálf-
sögðu setið margt manna á þessu
eitt hundrað ára tímabili. Fyrsti
formaður sóknarnefndar mun
hafa verið Pétur Sæmundsen, versl-
unarstjóri á Blönduósi. Lengst
allra mun Björg Kolka hafa gegnt
formannsstörfum eða nálægt 20
árum.
Fyrsti organistinn er starfaði við
Sr. Ámi Sigurdsson. kirkjuna var Hallgrímur Davíðs-
son, síðar verslunarstjóri á Akur-
eyri. Einna lengst mun Solveig Sövik hafa gegnt organistastörfum eða
um 26 ára skeið. Lengi hefír öflugur kirkjukór annast kirkjusöng.
Hefir söngurinn jafnan verið hinn ágætasti enda kirkjukórinn ætíð
haft á að skipa mörgum ágætum söngkröftum þótt eigi verði hér
nafngreindir.
Margir ágætir menn og konur hafa gegnt meðhjálparastörfum fyrir
kirkjuna. Fyrstur þeirra mun hafa verið Jón Konráðsson er bjó um
skeið á Blönduósi og flutti síðar til Ameríku. Kristófer Kristófersson
var um langt árabil meðhjálpari eða í 30 ár.
Þann 1. maí árið 1993 var ný kirkja vígð á Blönduósi er leysti hina
gömlu af. Gamla kirkjan mun þó enn um mörg ár standa á sínum
stað. A næstu árum mun fara fram gagngerð viögerð á henni, sam-
kvæmt lögum um húsfriðun. Mun hún í framtíðinni skarta sínu feg-
ursta og bera vott um stórhug og framfarahug lítillar sóknar svo og
listræna hæfileika þeirra er stóðu að byggingu hennar.