Dagblaðið Vísir - DV - 13.01.2009, Blaðsíða 6

þriðjudagur 13. janúar 20096 Fréttir
ritstjorn@dv.is
Innlendar FréttIr
Meiri þorsk
og það strax
Bæjarstjórn Ísafjarðarbæjar
krefst þess að sjávarútvegsráð-
herra heimili nú þegar auknar
þorskveiðar á Íslandsmiðum. Í
tillögu Í-listans sem samþykkt
var á síðasta bæjarstjórnarfundi
kemur fram að ljóst megi vera að
nýjustu rannsóknir á stofnstærð
sýni að auka megi þorskveiði-
heimildir um að minnsta kosti
50 þúsund tonn á þessu ári án
þess að markmið um sjálfbærni
þorskstofnsins sé stefnt í hættu.
„Við núverandi aðstæður í
efnahagsmálum þjóðarinnar
er ekki verjandi að bíða með
ákvörðun um aukna þorskveiði,“
segir í bókun frá fundi bæjar-
stjórnar.
Iceland kaupir
fleiri verslanir
Verslanakeðjan Iceland, sem
er í eigu Baugs, hefur fest
kaup á 51 verslun Woolworths
í Bretlandi. Woolworths á í
miklum rekstrarerfiðleikum
og lokaði síðustu 200 verslun-
um sínum fyrir viku.
Talsmenn Iceland-keðj-
unnar segjast geta útveg-
að um 2.500 manns vinnu í
verslunum sem félagið hefur
nú fest kaup á. Flestar eru
þær í Suður-Englandi en 10
þeirra eru í London. Verslanir
Iceland voru 682 fyrir kaupin
og eru því orðnar 733. Wools-
worth var tekið til gjaldþrota-
skipta fyrir jól þegar ljóst var
að rekstur þessarar aldar-
gömlu verslanakeðju var
kominn í þrot, en hún veitti
27 þúsund manns vinnu.
Mótmæltu
aðgerðaleysi
Hópur fólks safnaðist sam-
an fyrir utan stjórnarráðið
og Alþingishúsið í morg-
un en hópurinn vildi mót-
mæla meintu aðgerðaleysi
íslenskra stjórnvalda vegna
ástandsins á Gaza-svæðinu.
Hópurinn skvetti meðal
annars rauðri málningu á
stjórnarráðið en hópurinn
færði sig því næst að Alþing-
ishúsinu. Mótmælin hafa að
mestu farið friðsamlega fram,
þó er lögregla í viðbragðs-
stöðu á vettvangi.
Mest sjálfbærni
á Norðurlöndum
Ísland er í sjötta sæti yfir lönd
heims þegar horft er til sjálfbærr-
ar þjóðfélagsþróunar. Ríkin á
Norðurlöndum eru áberandi á
listanum sem nær til 151 lands í
heildina. Sjálfbærni er mest í Sví-
þjóð og síðan koma Sviss, Noreg-
ur, Finnland, Austurríki og Ísland.
Danir standa verst Norðurlanda
þegar litið er til sjálfbærni en eru
samt í fjórtánda sæti á listanum.
Í rannsókninni er litið til 22
þátta, meðal annars gæða lofts og
vatns, heilsufars, notkunar end-
urnýjanlegra orkugjafa, jafnréttis
kynjanna og menntunar.
Ísland fær einkunnina 6,69.
Svíþjóð, sem leiðir listann, fær
7,02.
Ísfirðingur á þrítugsaldri hefur húðflúrað börn undir lögaldri án samþykkis foreldra:
Húðflúraði hakakross á ungling
Lögreglan á Vestfjörðum hefur gert
upptæk húðflúrunartæki 24 ára Ís-
firðings sem hefur undanfarið húð-
flúrað börn undir lögaldri án sam-
þykkis foreldra þeirra. Meðal þeirra
húðflúra sem maðurinn hefur gert er
svartur hakakross á úlnlið viðskipta-
vinar síns. Sautján ára piltur fékk síð-
an húðflúraða kennitölu sína á úln-
liðinn, annar svartan djöflakross og
sá þriðji nafnið sitt. Enn einn dreng-
urinn lét húðflúra ensku orðin „love“
og „hate“ á hendur sínar þannig að
hver fingur utan þumalfingra fær
einn staf.
Margir þeirra sem maðurinn hef-
ur húðflúrað eru undir aldri og brá
foreldrum heldur í brún þegar börn-
in þeirra komu heim með áberandi
húðflúr sem ekki hafði fengist leyfi
fyrir.
Húðflúrarinn sjálfur er einnig
með nokkur verk eftir sjálfan sig, þar
á meðal húðflúraði hann sig á sköfl-
unginn með stöfunum „TKD“ sem
standa fyrir heiti austurlensku bar-
dagaíþróttarinnar Tae kwan do.
DV náði ekki tali af húðflúraran-
um í gær. Þegar haft var samband
við lögregluna á Vestfjörðum í gær-
kvöldi fengust engar upplýsingar um
í hvaða farvegi málið væri. Eftir því
sem DV kemst næst hefur maðurinn
ekki tilskilin leyfi til að húðflúra, þó
um sjálfráða einstaklinga sé að ræða.
erla@dv.is
Tækin gerð upptæk Lögreglan á
Vestfjörðum gerði upptæk húðflúrun-
artæki manns á þrítugsaldri sem hafði
húðflúrað ungmenni á Ísafirði.
Myndin tengist fréttinni ekki beint.
Mynd PhoTos.coM
DV hefur undir höndum skjal frá
því í ágúst árið 2005 þar sem Hreini
Jónassyni, fyrrverandi verkstjóra og
framkvæmdastjóra hjá verktaka-
fyrirtækinu Klæðningu ehf., er veitt
umboð til þess af tveimur starfs-
mönnum Kaupþings í Lúxemborg,
þeim Halldóri Þorleifs Stefánssyni
og Olivier Gaston-Braud, að fara
með tæplega fjórðungseignarhluta í
fyrirtækinu á ársfundi þess. Eignar-
hlutinn var fimmtán milljónir króna
að nafnvirði og varð til við endurfjár-
mögnun Klæðningar. Ekki er vitað
hver átti þennan falda eignarhluta í
Klæðningu.
Átti Gunnar Birgisson hlutinn?
Mikil leynd hefur hvílt yfir því frá
árinu 2003 hver eigi þennan fjórð-
ungseignarhluta í verktakafyrirtæk-
inu en Gunnar Birgisson, núverandi
bæjarstjóri Kópavogs og fyrrver-
andi framkvæmdastjóri og eigandi
Klæðningar, hefur verið nefndur
sem líklegur eigandi. Það hefur þó
ekki fengist staðfest. Klæðning hef-
ur á síðastliðnum árum unnið mikið
fyrir Kópavogsbæ. Gunnar Birgisson
vildi ekki tjá sig um málið þegar DV
hafði samband við hann.
Fjórðungshluturinn í Klæðningu
fór til Kaupþings í Lúxemborg við
endurfjármögnun og eigendaskipti í
Klæðningu í apríl árið 2003. Frá ár-
inu 2003 og til loka árs 2008 þegar
Klæðning skipti aftur um eigendur
sá Kaupþing um að ráðstafa hlutn-
um fyrir eiganda hans. Ekki er vit-
að hvort eða hvernig hluturinn sem
Kaupþing ráðstafaði fór yfir til nýs
eiganda fyrirtækisins, Lómasala ehf.
stórskuldugt fyrirtæki
Samkvæmt minnisblaði frá Klæðn-
ingu frá 2003 voru skuldir fyrirtækis-
ins um 270 milljónir króna þegar eig-
endaskiptin áttu sér stað árið 2003
og var fyrirtækið endurfjármagnað
um 60 milljónir króna. Þessi end-
urfjármögnun var talin nauðsynleg
til að hægt væri að ná skuldum fé-
lagsins niður í um 70 milljónir króna
því verkefnastaða þess væri „allgóð“
samkvæmt minnisblaði frá fyrirtæk-
inu, meðal annars vegna útistand-
andi verkefna fyrir Kópavogsbæ, og
því ætti að vera hagnaður af rekstri
fyrirtækisins það árið.
Stærsti einstaki hluthafinn eftir
endurfjármögnunina var JBB bygg-
ingar ehf. sem setti 20 milljónir inn
í fyrirtækið við endurfjármögnun-
ina. Næststærstu hluthafarnir voru
svo Veðafl ehf. sem setti 15 milljónir
inn í fyrirtækið og svo komu 15 millj-
ónir inn frá þeim sem átti hlutinn
sem Kaupþing sá um. Kaupþing var
skráð fyrir hlutnum á minnisblaði
frá Klæðningu um hluthafa í fyrir-
tækinu og skiptingu hlutafjár í því.
ByGG átti ekki hlutinn
Auk Gunnars Birgissonar hefur
Byggingafélag Gylfa og Gunnars
(BYGG) verið nefnt sem mögulegur
eigandi hlutarins en á minnisblöð-
unum frá Klæðningu kemur fram
að 15 milljónir af 60 milljóna króna
endurfjármögnuninni hafi komið
frá BYGG. Þetta er jafnhá upphæð
og eignarhluturinn í Lúxemborg var
metinn á. Á minnisblöðunum frá
Klæðningu kemur fram að milljón-
irnar 15 frá BYGG séu „viðvíkjandi
lán“.
Gunnar Þorláksson, annar af
eigendum BYGG, segir að fyrirtæk-
ið eigi ekki eignarhlutinn í Klæðn-
ingu í Lúxemborg. „BYGG á ekki
hlut í Klæðningu og hefur aldrei átt.
BYGG hefur aldrei átt þátt í þessu
félagi. Meira þarf ég ekki að segja,“
segir Gunnar. Spurður segir Gunnar
að hann þurfi ekki að svara því hvort
BYGG hafi tekið þátt í endurfjár-
mögnun Klæðningar árið 2003 eins
og kemur fram í minnsblöðunum
frá fundum Klæðningar.
hreinn framkvæmdastjóri í
stað Gunnars
Við endurfjármögnunina lét Gunn-
ar Birgisson, núverandi bæjarstjóri
Kópavogs og þáverandi þingmaður
Sjálfstæðisflokksins, af störfum sem
framkvæmdastjóri Klæðningar og
seldi hlut sinn í fyrirtækinu. Hreinn
Jónasson, sem Kaupþing veitti um-
boðið til að fara með fjórðungshlut-
inn í fyrirtækinu á ársfundinum
2005, var ráðinn framkvæmdastjóri
fyrirtækisins í stað Gunnars. Á stjórn-
arfundi í fyrirtækinu var ákveðið að
Gunnar Birgisson starfaði áfram hjá
fyrirtækinu „sem ráðgjafi og við sér-
verkefni“ samkvæmt fundargerð.
Gunnar áfram við störf?
Í minnisskjali frá Klæðningu, þar
sem rætt er um hlutafjárkaup JBB
ehf. í Klæðningu, er áframhaldandi
aðkoma Gunnars að fyrirtækinu
rökstudd með þeim hætti að Klæðn-
ing hafi haft „mikil verkefni vegna
persónulegra tengsla Gunnars Birg-
issonar og þekkingar hans“. Sagt er
að á Íslandi sé mjög fljótt að berast
hverjir eigi hvað og að það leki út
um kerfið mjög fljótt, meðal annars
bankakerfið. Í skjalinu kemur einn-
InGI F. VIlhjÁlMsson
blaðamaður skrifar ingi@dv.is
LEYNIMAKK Í KÓPAVOGI
ley
nis
kjö
l