Dagblaðið Vísir - DV - 14.01.2009, Page 6

Miðvikudagur 14. janúar 20096 Fréttir
ritstjorn@dv.is
Innlendar FréttIr
Atvinnulaus vann
í Lottó
Allir þrír vinningshafarnir í
útdrættinum á laugardaginn
eru búnir að hafa samband við
Íslenska getspá. Tveir þeirra
keyptu miðana sína á lotto.is og
einn keypti miðann í N1 við Há-
holt í Mosfellsbæ.
Annar vinningshafinn sem
keypti á lotto.is hefur verið at-
vinnulaus síðan í september.
Hann var með kerfisseðil og not-
aði afmælisdaga fjölskyldunn-
ar til að lotta. Það sama gerði
hinn vinningshafinn sem einnig
keypti miðann á vefnum.
Þrjú bílslys
vegna ölvunar
Níu réttindalausir ökumenn
voru stöðvaðir í umdæmi
lögreglunnar á höfuðborgar-
svæðinu um helgina. Fimm
þeirra reyndust hafa verið
sviptir ökuleyfi og fjórir höfðu
aldrei öðlast ökuréttindi.
Á sama tímabili voru fimm-
tíu umferðaróhöpp tilkynnt
til lögreglunnar en þrjú þeirra
má rekja til aksturs undir
áhrifum áfengis eða fíkniefna.
Flest óhöppin voru minnihátt-
ar en í fáeinum tilvikum þurfti
að flytja fólk á slysadeild. Í sjö
tilfellum stungu ökumenn af
frá vettvangi.
Dópakstur kost-
aði 400 þúsund
Héraðsdómur Suðurlands
dæmdi í gær karlmann til að
greiða 400 þúsund krónur í
sekt fyrir að aka ítrekað undir
áhrifum fíkniefna og einnig var
hann sviptur ökuréttindum í tvö
ár vegna brota sinna. Maður-
inn mætti ekki við þingfestingu
málsins en hann hefur áður
hlotið dóma fyrir refsiverða hátt-
semi. Manninum var auk þess
gert að greiða tæpar 530 þúsund
krónur í sakarkostnað. Maður-
inn var sakfelldur fyrir fjögur
brot en hann ók ýmist undir
áhrifum amfetamíns, kókaíns
eða kannabisefna.
Starfsmenn Jarðborana hafa fengið allt að 60% launalækkun:
Tuttugu sagt upp
Bent S. Einarsson, forstjóri Jarðborana,
segir að fyrir utan almennar hagræð-
ingaraðgerðir hafi félagið neyðst til að
fækka starfsmönnum um 20 manns.
Eins og DV greindi frá í gær kynnti
forstjórinn breytingarnar í fyrirtæk-
inu á dögunum sem höfðu í för með
sér 10 prósenta launalækkun hans og
annarra stjórnenda, á meðan laun al-
mennra starfsmanna lækkuðu umtals-
vert meira. Sú lækkun er tilkomin vegna
þess að dregið hefur verið úr vaktaálagi
og yfirvinnu hjá starfsmönnum sem
hefur leitt til lægri launa starfsfólks.
Í tilkynningu frá Bent vegna máls-
ins segir: „Laun stjórnenda hafa verið
lækkuð og vegna samdráttar í verkefn-
um félagsins hafa nokkur framleiðslu-
tækja þess stöðvast. Afleiðingin er sú
að dregið hefur verið úr vaktaálagi og
yfirvinna hefur minnkað talsvert sem
hefur leitt til lægri launa starfsfólks.“
Eins og fram kom í DV í gær seg-
ir Bent þetta vera stefnu fyrirtækis-
ins til að komast hjá hópuppsögnum.
Starfsmenn munar talsvert um þessar
breytingar og eins og einn starfsmanna
Jarðborana sagði í DV í gær væru starfs-
menn ekki sáttir en reiðubúnir að taka
á sig tímabundna launaskerðingu ef
það þýddi að þeir héldu starfinu. DV
fékk mikil viðbrögð frá starfsmönn-
um fyrirtækisins í gær. Í ábendingum
sem þeir vildu koma á framfæri kom
fram að laun margra hefðu lækkað um
allt að 60 prósent en sú tala hefur ekki
fengist staðfest. Mikil ólga er meðal
starfsmanna fyrirtækisins vegna máls-
ins. Heimildir DV herma að margir
hafi þegar hætt hjá fyrirtækinu vegna
óánægju með aðgerðirnar.
Því skal enn fremur haldið til haga
að vinnustundum forstjórans og
stjórnenda hefur ekki fækkað samhliða
launalækkuninni. mikael@dv.is
Hagræðing Starfsmenn lækka um
tugi prósenta í launum, en stjórnendur
minna.
Mynd Sigtryggur Ari JóHAnnSSon
Sigurbjörg Sigurgeirsdóttir stjórn-
sýslufræðingur gagnrýndi Guðlaug
Þór Þórðarson heilbrigðisráðherra
harðlega í erindi sem hún hélt á
borgarafundi sem haldinn var í Há-
skólabíói á mánudaginn. Hún seg-
ir meðal annars að Guðlaugur Þór
hafi verið búinn að ákveða að ráða
Steingrím Ara Arason sem forstjóra
Sjúkratryggingastofnunar áður en
embættið var auglýst. Steingrímur
Ari var aðstoðarmaður Friðriks Sop-
hussonar þegar hann var fjármála-
ráðherra.
Starfið ekki sagt auglýst
Sigurbjörg var ráðgjafi í heilbrigð-
isráðuneytinu þegar starf forstjóra
Sjúkratryggingastofnunar var aug-
lýst og ætlaði hún að sækja um starf-
ið.
Hún segir að í febrúar 2008 hafi
hún gengið á fund Guðlaugs Þórs
heilbrigðisráðherra til að segja hon-
um frá áhuga sínum á starfinu. Sig-
urbjörg segir að ráðherrann hafi þá
öskrað á hana: „Nei, nei, nei,“ því
hann hefði ekki hug á að koma á
„einhverri glamúr-þekkingarstofn-
un“ því í Sjúkratryggingastofnun
ættu fyrst og fremst að vera harðir
samningamenn sem kynnu að taka
á læknum. Sigurbjörg segir Guðlaug
hafa sagt að hann réði og að hann
væri nú þegar búinn að ákveða hver
fengi starfið. Að sögn Sigurbjarg-
ar var þessi maður Steingrímur Ari
Arason sem síðar fékk starfið.
Sigurbjörg segir að hún hafi þrátt
fyrir þetta sótt um starfið vitandi að
hún myndi ekki fá það. Hún segist
hafa mætt í atvinnuviðtalið og að
það hafi verið „hámark fáránleik-
ans“ að fara í viðtal til mannsins sem
öskraði á hana nokkru áður.
Segir ráðninguna eðlilega
Guðlaugur Þór Þórðarson heilbrigð-
isráðherra segir að það sé ekki rétt að
starf forstjóra Sjúkratryggingastofn-
unar hafi ekki verið auglýst. „Þetta er
bara rugl. Staðan var auglýst. Stein-
grímur Ari var forstjóri Lánasjóðs-
ins á þessum tíma og ég hefði lögum
samkvæmt getað fært hann í starf
forstjóra Sjúkratryggingastofnun-
ar án þess að auglýsa starfið. En ég
kaus að auglýsa stöðuna,“ segir Guð-
laugur Þór.
Ráðherrann segir að frásögn Sig-
urbjargar af samskiptum þeirra sé
ekki sönn og að hún hafi ekki til-
kynnt sér að hún ætlaði að sækja um
forstjórastarfið. „Ég átti ekki mörg
samtöl við Sigurbjörgu og ég hef
aldrei tryllst við hana eins og hún
segir. Þessi frásögn hennar er ekki í
neinum takti við raunveruleikann,“
segir Guðlaugur Þór.
Frjálshyggjuvæðing heilbrigð-
iskerfisins gagnrýnd
Í erindi sínu gagnrýndi Sigurbjörg
frjálshyggjuvæðingu heilbrigðiskerf-
isins og gerði því skóna að Guðlaug-
ur ynni þvert gegn lögum um sjúkra-
tryggingar í stefnumörkun sinni í
heilbrigðisráðuneytinu. Þessu til
stuðnings sagði Sigurbjörg að Guð-
laugur hefði unnið gegn því af „mik-
illi hörku“ að inn í lagafrumvarp-
ið um sjúkratryggingar yrði sett sú
klausa að „allir landsmenn skyldu
hafa jafnan aðgang að heilbrigðis-
þjónustu óháð efnahag.“ Sigurbjörg
sagði að ráðherrann hefði ekki vilj-
að þessi lög og því vildi hann ekki
breyta samkvæmt þeim.
Guðlaugur Þór segir að hann hafi
ekki verið á móti því á sínum tíma að
þessi málsgrein væri sett inn í laga-
frumvarpið. „Ef einhver heldur því
fram að ég sé að vinna eftir einhverj-
um öðrum markmiðum en koma
fram í lögunum, þá er það alrangt,“
segir Guðlaugur Þór og bætir því
við að hann sé þvert á móti á þeirri
skoðun að allir Íslendingar eigi rétt
á bestu mögulegu heilbrigðisþjón-
ustu sem völ er á líkt og komi fram í
heilbrigðislögunum.
ingibjörg Sólrún, ekki guðlaug-
ur, aðvaraði Sigurbjörgu
Á borgarafundinum greindi Sigur-
björg einnig frá því að einhver ráð-
herra hefði haft samband við hana
og ráðlagt henni að tala varlega á
fundinum. Fundargestir í Háskóla-
bíói kölluðu þá eftir svörum um
hvaða ráðherra þetta hefði verið.
Sigurbjörg svaraði því ekki á fundin-
um en talið var að hún ætti við Guð-
laug Þór heilbrigðisráðherra og að
um hótun hefði verið að ræða.
Síðdegis á þriðjudag sendi Ingi-
björg Sólrún Gísladóttir utanríkis-
ráðherra svo frá sér yfirlýsingu þar
sem hún lýsti því yfir að það hefði
verið hún – ekki Guðlaugur Þór –
sem hafði samband við Sigurbjörgu
og beðið hana um að tala af varfærni
á fundinum starfsheiðurs síns vegna.
Í yfirlýsingunni sagði Ingibjörg einn-
ig að sér þætti miður ef ummæli
hennar hefðu verið skilin sem svo
að einhver ráðherra hefði hótað Sig-
urbjörgu því henni hefði gengið allt
gott til með ábendingu sinni.
ingi F. VilHJálMSSon
blaðamaður skrifar ingi@dv.is
Sigurbjörg Sigurgeirsdóttir segir heilbrigðisráðherra hafa ákveðið að Steingrím-
ur Ari Arason fengi starf forstjóra Sjúkratryggingastofnunar áður en starfið var
auglýst. Heilbrigðisráðherra segir starfið hafa verið auglýst. ingibjörg Sólrún,
ekki guðlaugur Þór, kom þeim skilaboðum til Sigurbjargar að tala varlega á fund-
inum starfsheiðurs síns vegna.
„Ég hef ALDrei
tryLLst við hAnA“
Var víst auglýst guðlaugur Þór Þórð-
arson þvertekur fyrir að hafa nokkru
sinni tryllst við Sigurbjörgu.
Sveinbjörg Sigurgeirsdóttir.
Segir heilbrigðisráðherra hafa ákveðið
að Steingrímur ari arason fengi for-
stjórastarfið hjá Sjúkratryggingastofnun
áður en starfi var auglýst.
Borgarafundurinn Fullt var út úr dyrum
á borgarafundinum í Háskólabíói þar
sem Sigurbjörg Sigurgeirsdóttir vændi
heilbrigðisráðherra um spillingu.
Mynd HeiðA HelgAdóttir