Dagblaðið Vísir - DV - 02.04.2009, Síða 2
Fimmtudagur 2. apríl 20092 Fréttir
Fyrirtæki á vegum Jóns Ásgeirs Jóhannessonar gera milljarðakröfur í þrotabú Baugs.
Félögin höfðu veitt Baugi lán. Skiptastjórar Baugs segja gríðarlega mikla vinnu fólgna
í því að skipta upp þrotabúinu. Meðal þess sem nú er skoðað eru fjörutíu og átta einka-
hlutafélög sem voru skráð á sama heimilisfang og Baugur. Einkaþota Jóns Ásgeirs situr
föst í þrotabúi Baugs en Jón Ásgeir segir snekkjuna 101 ekki tengast félaginu, hún sé í
hans einkaeign.
Fjörutíu og átta einkahlutafélög eru
skráð á Túngötu 6 í Reykjavík þar
sem höfuðstöðvar Baugs voru áður.
Fáir vita þó hvað hvert félag gerir en
það er meðal þess sem skiptastjórar
þrotabús Baugs koma nú til með að
skoða.
En það eru ekki bara einkahluta-
félögin sem skiptastjórarnir Erlendur
Gíslason og Anna Kristín Traustadótt-
ir þurfa að skoða því eignir félaganna
skipta einnig gríðarlega miklu máli
en svo virðist sem þær séu dreifðar
út um allan heim. Þannig er
einkaþota Jóns
Ásgeirs, svört
og fáguð
einka-
þota af
gerðinni
Dassault
Falcon
2000EX,
skráð á BG
Aviat-
ion
Ltd. sem er dótturfélag Baugs í
London. Samkvæmt áreiðanlegum
heimildum DV er einkaþotan með-
al þeirra eigna sem nú sitja fastar í
þrotabúi Baugs og bíða afgreiðslu
skiptastjóra.
Snekkjan 101, sem fjölmiðlar
fjölluðu um og sögðu að væri seld,
tengist ekki Baugi. Þetta fullyrðir Jón
Ásgeir Jóhannesson í viðtali við DV
en hann segir snekkjuna sína einka-
eign.
Á kröfu í þrotabú Baugs
Jón Ásgeir segir að engar eignir hafi
verið seldar hluthöfum Baugs fyrir
utan þær fasteignir sem greint var frá
á RÚV í fyrrakvöld. Þær fasteignir eru
í London og Kaupmannahöfn auk
skíðaseturs í Frakklandi.
Jón Ásgeir segir fréttaflutning
RÚV af málinu frekar ósmekklegan
þar sem ekki hafi verið haft samband
við fyrrverandi stjórnendur Baugs
eða skiptastjórann.
„Það má alveg benda á það að fyr-
irtæki á mínum vegum lánuðu Baugi
milljarða króna og þar sitjum við
bara á sama stað og aðrir kröfuhaf-
ar. Þetta eru meðal annars félög sem
Gaumur á. Það að gefa það í skyn að
þetta hafi verið á hinn veginn er nátt-
úrlega alveg fráleitt. Þetta mun koma
upp úr bókunum í september þegar
kröfulistinn verður lagður fram,“ seg-
ir Jón Ásgeir.
Á snekkjuna en
keypti bíla
Aðspurður hvort eign-
ir á borð við lúxusbíla
og snekkju hafi verið
seldar frá Baugi á síð-
asta ári segir Jón Ás-
geir ekki svo vera.
„Snekkjuna á ég sjálf-
ur,“ segir hann.
Snekkjan sem um
ræðir er hluti af vörumerkinu 101 en
hún hefur meðal annars verið tengd
101 hóteli í miðbæ Reykjavíkur.
„Það er svo mikil þvæla í gangi. Ég
held að það hafi verið keyptir tveir
bílar af Baugi og þeir voru keyptir af
þrotabúinu, það er það eina sem hef-
ur verið gert í bílamálum. Engin félög
á mínum vegum skulda þrotabúinu,
hvorki í kúlulánum né öðru,“ segir
Jón Ásgeir.
Aðspurður hvort bílarnir sem
hann keypti úr þrotabúinu séu hon-
um kærir eða séu á einhvern hátt sér-
stakir segir Jón Ásgeir að annar þeirra
sé gamli vinnubíllinn hans.
„Þetta er meðal annars vinnubíll-
inn minn sem ég nota heima þegar
ég er að vinna í kringum þessi fyrir-
tæki sem við eigum á Íslandi. Ég held
að þetta hafi verið tveir bílar að verð-
mæti tólf milljónir.“
Veit ekki um þotuna
Samkvæmt áreiðanlegum heimild-
um hefur einkaþota Jóns Ásgeirs
verið kyrrsett þar sem hún er hluti af
þrotabúi Baugs. Sumir vildu meina
að einkaþotan hefði verið með-
al þeirra eigna sem Gaumur keypti
af Baugi síðastliðið haust. Þá kom
fram í viðtali Sunday Times við Jón
Ásgeir í mars síðastliðnum að hún
hefði þegar verið seld nýjum aðilum
en samkvæmt þeim gögnum sem
DV hefur undir höndum er hún enn
skráð á BG Aviation Ltd., dótturfélag
Baugs í London. Erlendur Gíslason,
skiptastjóri Baugs, vildi ekkert tjá
sig um málið þegar eftir því var leit-
að en staðfesti þó að félagið sem um
ræðir, BG Aviation Ltd., fellur undir
þrotabú félagsins hér á landi.
„Ég held að það sé búið að klára
söluna, það var komið tilboð í hana
fyrir fimm eða sex vikum. Hún er ekki
á mínu forræði lengur,“ segir Jón Ás-
geir og bætir við að hann hafi tekið
allar sínar eigur úr vélinni í septem-
ber þegar hún var leigð fyrirtæki sem
sérhæfir sig í útleigu á einkaþotum.
Var einkaþotan þá leigð fyrirtækinu
svo rekstur hennar myndi borga sig.
Í dag veit Jón Ásgeir ekkert um afdrif
vélarinnar.
„Ég veit að það voru komin ein-
hver tilboð í hana sem voru í lagi, ég
hef ekkert notað hana síðan á síðasta
ári.“
Eins og áður segir er vélin af gerð-
inni Dassault Falcon 2000EX og
kostar ný í kringum þrjá milljarða.
Skráningarheiti hennar er G-OJAJ
en síðustu þrír stafirnir eru væntan-
lega skammstöfun á nafni „eigand-
ans“ sem var Jón Ásgeir Jóhannesson
í gegnum Baug.
Hvort Glitnir og Landsbank-
inn, stærstu kröfuhafarnir í þrota-
bú Baugs, fái einkaþotuna í sína
eigu eða hvort hún verður seld upp í
skuldir félagsins er ekki vitað á þess-
ari stundu. Þá er ekki vitað, ef einka-
þotan verður seld, hvernig hún verð-
ur seld og þá hverjum.
Baugur blómasali
Félögin sem skráð eru þar sem höf-
uðstöðvar Baugs voru eru jafnólík
og þau eru mörg. Til að mynda er
eitt af félögunum Græðlingur ehf.
en samkvæmt fyrirtækjaskráningu
snýst starfsemi félagsins um smá-
sölu á blómum, plöntum, fræjum og
áburði í sérverslunum. Félagið hef-
ur ekki skilað ársreikningi síðan árið
2004 en samkvæmt þeim reikningi
var taprekstur félagsins árið 2004
tæpar fjörutíu og fjórar milljónir
króna. Skuldir umfram eignir voru
rúmar tuttugu og þrjár milljónir.
Þá er þarna félag sem heitir Sól-
in skín ehf. en félagið er í 39,5% eigu
Baugs, 39,5% eigu eignarhaldsfé-
lagsins Fons ehf., 10,5% eru í eigu
Einkaþota Jóns ÁsgEirs
föst í þrotabúi baugs
Atli MÁr GylfAson
blaðamaður skrifar atli@dv.is
„Ég veit að það voru komin einhver tilboð í einka-
þotuna sem voru í lagi, ég hef ekkert notað hana
síðan á síðasta ári.“
Einkaþotan Situr föst
í þrotabúi Baugs en að
sögn Jóns Ásgeirs höfðu
borist nokkur tilboð í
vélina.
Jón Ásgeir „Nei, sem betur fer,“ sagði Jón
Ásgeir þegar blaðamaður spurði hvort hann
væri staddur hér á landi. Hann vildi þó lítið
gefa upp hvar í heiminum hann væri.