Dagblaðið Vísir - DV - 02.04.2009, Blaðsíða 4

Fimmtudagur 2. apríl 20094 Fréttir
Hluthafar í Exeter Holdings ehf.,
sem eignast hefur stofnfjárhluti
helstu stjórnenda Byrs sparisjóðsins,
eru jafnframt stórir hluthafar í MP
banka sem nýverið keypti netbanka
SPRON.
DV greindi frá því á þriðjudag að
Fjármálaeftirlitið rannsaki nú við-
skipti með stofnfjárbréf í Byr spari-
sjóði. Í bréfum og öðrum gögnum
sem DV hefur undir höndum ósk-
ar FME eftir margvíslegum gögn-
um um viðskipti sex yfirmanna Byrs
með stofnfjárhluti. Þetta eru Ragnar
Z. Guðjónsson sparisjóðsstjóri, Sig-
hvatur Sigfússon, framkvæmdastjóri
fjármálasviðs, Gunnar Árnason, yf-
irmaður áhættustýringar, Atli Örn
Jónsson, framkvæmdastjóri banka-
þjónustu- og fyrirtækjasviðs, Auð-
ur Arna Eiríksdóttir útibústjóri og
Magnús Ægir Magnússon, fyrrver-
andi sparisjóðsstjóri.
Magnús Ægir segist ekki sæta
neinni rannsókn þótt svo nafn hans
sé meðal þeirra sem FME rannsak-
ar vegna viðskipta með stofnfjárhluti
í Byr. „Ég hef aldrei tengst félaginu
Exeter Holdings eða félaginu Húna-
horn ehf., hvorki sem stjórnandi hjá
Byr né eftir að ég lét þar af störfum á
síðasta ári. Ég hef enga aðild átt að
málum sem tengjast þessum felög-
um,“ segir Magnús Ægir í yfirlýsingu
sem hann hefur sent DV. Hann segir
að það varði miklu að honum verði
ekki blandað í umræðu um ákvarð-
anir og ráðstafanir sem hann kveðst
ekki hafa átt neina aðild að. „Hins
vegar er fullkomlega eðlilegt að Fjár-
málaeftirlitið fái aðgang að tölvu-
póstum starfsmanna fjármalafyrir-
tækja, enda hafa þeir fulla heimild til
þess,“ segir Magnús ennfremur.
Stofnfjárhlutir fara á flakk
Gögn málsins benda til að í upphafi
bankahrunsins hafi MP banki í eigu
Margeirs Péturssonar, Byrs, Sigurðar
Gísla Pálmasonar, Jóns Pálmasonar
og tengdra félaga, séð sig knúinn til
að gjaldfella lánasamninga við félag-
ið Húnahorn ehf. í eigu helstu stjórn-
enda Byrs, þeirra á meðal Ragnars
Z. Guðjónssonar sparisjóðsstjóra.
Að samkomulagi varð að MP banki
tæki stofnfjárbréf Húnahorns í Byr
upp í skuldir þess við bankann. MP
banki framseldi síðan bréfin til Exet-
er Holding ehf. sem stýrt er af Ágústi
Sindra Karlssyni lögfræðingi sem
verið hefur í þjónustu MP banka.
Skömmu fyrir jól samþykkti síðan
stjórn Byrs að veita Exeter Holding
ehf. 1,4 milljarða króna yfirfdráttar-
heimild. Varla hefur það verið gert
nema gegn veðum í stofnfjárhlutun-
um sem MP banki hafði framselt til
Exeter Holding.
Eigendur Exeter Holding eru fleiri
en Ágúst Sindri einn, en þetta félag
er reist á öðru félagi sem áður hét
Tæknisetrið Arkea ehf. og var í raun
eignalaust samkvæmt ársreikningi
félagsins á síðasta ári. Þar má nefna
Dagrenningu ehf. í eigu Sigfúsar B.
Ingimundssonar, Dexter Fjárfesting-
ar ehf. í eigu Sigurðar Gísla Pálma-
sonar, Eindranga ehf. í eigu Þórðar
Sverrissonar hjá Nýherja, Fari ehf. í
eigu Jóns Pálmasonar og Vað ehf. í
eigu Páls Kr. Pálssonar.
Krosseignarhald er áberandi. Byr
á 13 prósenta hlut í MP banka. Sig-
urður Gísli Pálmason á 12,7 prósenta
hlut í MP banka og á jafnframt hlut í
Exeter. Það á líka við um Jón Pálma-
son, sem á því hlut í öllum félögun-
um beint og óbeint eins og Sigurður
Gísli, bróðir hans.
Hlutir í Byr veðsettir Byr
Fjármálaeftirlitið hefur óskað eftir
aðgangi að öllum tölvupóstum áður-
greindra yfirmanna Byrs vegna við-
skipta með stofnfjárhlutina, en þar
telst væntanlega Magnús Ægir vænt-
anlega undanskilinn, en honum var
sagt upp störfum hjá Byr síðla árs í
fyrra.
Exeter Holding hafði engin við-
skipti og átti ekkert fyrr en seint á
síðasta ári, en skömmu fyrir áramót
hafði Byr veitt félaginu áðurgreinda
yfirdráttarheimild að upphæð 1,4
milljarðar króna. Í svari Ragnars
sparisjóðsstjóra til FME 10. mars síð-
astliðinn segir hann að tryggingar
gegn slíkri fyrirgreiðslu séu fólgnar í
veðum í stofnfjárbréfunum í Byr sem
stjórnendurnir neyddust til að láta af
hendi til MP banka í október síðast-
liðnum.
DV er ekki kunnugt um hvort
FME hefur séð ástæðu til þess að afla
gagna varðandi málið hjá MP banka
og tengdum félögum.
Byr á 13 prósenta hlut
í MP banka. Sigurð-
ur Gísli Pálmason á
12,7 prósenta hlut í MP
banka og á jafnframt
hlut í Exeter. Það á líka
við um Jón Pálmason
sem á því hlut í öllum
félögunum beint og
óbeint eins og Sigurður
Gísli, bróðir hans.
HRINGEKJA UM
EIGNARHLUTINA
Náin eignatengsl eru milli Byrs sparisjóðs og MP banka og skyldra félaga sem átt hafa
í viðskiptum með stofnfjárbréf í Byr sem Fjármálaeftirlitið hefur nú til rannsóknar.
Stjórn Byrs ákvað í lok síðasta árs að veita félagi nátengdu MP banka 1,4 milljarða
króna yfirdráttarlán gegn veði í stofnfjárbréfum sem MP banki hafði tekið af stjórn-
endum Byrs upp í skuld.
JóHann HaukSSon
blaðamaður skrifar: johannh@dv.is
Hagkaupsbræður Sigurður gísli og Jón pálmasynir, kenndir eitt sinn við Hagkaup,
eiga hlut að hringekjunni með stofnfjárhlutina í Byr.
Berghildur Erla Bernharðsdóttir,
upplýsingafulltrúi Kaupþings, segir
að það sé regla í bankanum að þeir
sem ekki eru viðskiptamenn hans
séu rukkaðir um þjónustugjald upp
á 65 krónur á mínútuna ef þeir þurfa
að sækja sér þjónustu hjá gjaldkerum
bankans, meðal annars láta telja fyr-
ir sig klink. Fólk sem er í föstum við-
skiptum við bankann þarf hins vegar
ekki að greiða fyrir slíka þjónustu seg-
ir Berghildur.
DV birti í gær frétt um Kópavogs-
búann Harald Hafstein Pétursson
sem var krafinn um 65 króna mín-
útugjald af gjaldkera í útibúi Kaup-
þings í Hamraborg fyrir að láta telja
smápeninga úr sparibauk átta ára
gamals frænda hans. Berghildur
segir að börn séu hins vegar ekki
krafin um slíkt þjónustugjald þeg-
ar þau vilja nýta sér þjónustu bank-
ans.
Samkvæmt upplýsingum frá
Landsbankanum greiða viðskiptavin-
ir Landsbankans ekki fyrir það þeg-
ar mynt er skipt yfir í seðla, hvort svo
sem viðskiptavinurinn fær peningana
beint í hendurnar eða leggur þá inn á
reikning. Ef viðkomandi er hins veg-
ar ekki viðskiptavinur bankans þarf
hann að greiða 3 prósent þóknun til
bankans af heildarupphæðinni fyrir
að láta skipta myntinni í seðla, hvort
svo sem hann fær upphæðina aft-
ur í peningum eða leggur hana inn á
bankareikning.
Már Másson, upplýsingafulltrúi
Íslandsbanka, segir að bankinn rukki
yfirleitt ekki þjónustugjald fyrir að
skipta mynt í seðla fyrir fólk, hvort svo
sem um sé að ræða fullorðna eða börn
sem vilja skipta myntinni. Hann segir
að afgreiðslugjald sé eingöngu inn-
heimt eftir hefðbundinn afgreiðslu-
tíma, eftir klukkan fjögur, í útibúi
bankans í Kringlunni á fimmtudög-
um og laugardögum, en að allir við-
skiptavinir þess útibús þurfi að greiða
slíkt þjónustugjald eftir þann tíma.
Gjaldið er 190 krónur. Már segir hins
vegar að börn séu aldrei krafin um
þjónustugjald í neinu útibúi bankans
sama hvenær dags þau komi.
Misjafnt hvort borga þarf fyrir talningu úr baukum:
Sumir rukka en aðrir ekki
Rukkað í kaupþingi Þeir sem ekki eru
í viðskiptum við bankann þurfa að borga
65 krónur á mínútu í þjónustugjald.
Leynd yfir
fundargerðum
Nýi Landsbankinn hefur
neitað DV um aðgang að
fundargerðum bankaráðs
bankans frá sumrinu 2002.
Fundargerðirnar eru geymd-
ar hjá nýja Landsbankan-
um en ekki í þrotabúi gamla
Landsbankans.
Í synjun frá Nýja Lands-
bankanum kemur fram
að upplýsingalög gildi um
stjórnsýslu ríkis og sveitarfé-
laga en ekki um hlutafélög þó
að þau séu í opinberri eigu.
Í synjuninni kemur fram að
fjölmiðlar eigi því ekki rétt
á gögnum frá bankanum á
grundvelli þeirra og þetta
gildi um bankana áður en
þeir voru einkavæddir fyrr á
þessum áratug sem og í dag
eftir að þeir hafa verið ríkis-
væddir aftur.
Salan á VÍS
var tortryggð
DV krafði Landsbankann um að-
gang að fundargerðum banka-
ráðs Landsbankans frá sumrinu
2002 vegna þeirrar gagnrýni sem
sala Landsbankans á hlut bank-
ans í vátryggingafélaginu VÍS í
ágúst það ár hefur sætt.
Sverrir Hermannsson er einn
þeirra sem gagnrýnt hafa söluna
en hann hefur haldið því fram
að hluturinn hafi verið seldur
undir markaðsvirði til S-hóps-
ins til að Framsóknarflokkurinn
sætti sig við að eignarhaldsfé-
lagið Samson fengi að kaupa
Landsbankann á meðan S-hóp-
urinn þurfti að sætta sig við að
kaupa Búnaðarbankann.
Riffilsprengja á
Hengilssvæðinu
Sprengjudeild Landhelgisgæsl-
unnar var kölluð út klukkan
rúmlega sex í gærkvöldi vegna
torkennilegs hlutar sem fannst
á Hengilssvæðinu. Um var að
ræða riffilhandsprengju frá
seinni heimsstyrjöldinni en inn-
an Hengilssvæðisins var heræf-
ingasvæði á þeim tíma.
Sá sem fann sprengjuna tók
hana með sér heim og taldi fjöl-
skyldumeðlimur hans að um
gamla sprengju væri að ræða.
Reyndist grunur hans á rökum
reistur.
Samkvæmt tilkynningu
frá Landhelgisgæslunni var
sprengjan gerð örugg til flutn-
ings og í samráði við lögreglu
gerðar ráðstafanir til eyðingar.
Eyðing fer fram utan við borgina
í lögreglufylgd.
DV19651000000 01.jpg
Ofríkisstjórn
Jóhönnu
Einar K. Guðfinnsson, þingmað-
ur Sjálfstæðisflokksins, segir
ríkisstjórn Jóhönnu Sigurðar-
dóttur vera fullkomna ofríkis-
stjórn í pistli sem hann birtir á
vefsíðunni skagafjordur.com.
„Þegar núverandi ríkisstjórn fór
af stað, nefndi ég hana tilskip-
anaríkisstjórn, með skírskotun
til þess hvernig vinnubrögðum
hún beitti. Nú hefur hún haft tvo
mánuði til að sýna sitt rétta and-
lit og það hefur hún gert svo um
munar og eftir er tekið. Það er of
vægt til orða tekið að kalla ríkis-
stjórnina tilskipanaríkisstjórn.“