Dagblaðið Vísir - DV - 20.04.2009, Blaðsíða 6

mánudagur 20. apríl 20096 Fréttir
Atvinnumálin eru eitt af stóru mál-
unum sem stjórnmálaflokkarn-
ir verða að taka á fyrir kosningar og
við landsstjórnina eftir kosningar.
DV kannaði hver stefna flokkanna er
í atvinnumálum, áherslur þeirra og
framtíðarsýn.
Sjálfstæðisflokkur – 20 þúsund
störf
Sjálfstæðisflokkurinn fagnaði sam-
þykkt frumvarpsins um Helguvík og
auglýsir að álver þar og á Bakka við
Húsavík skapi sex þúsund störf.
Flokkurinn vill tryggja að á kjör-
tímabilinu sem nú fer í hönd verði til
20 þúsund ný störf. Hann leggst gegn
ríkisafskiptum í atvinnulífinu en vill
efla einkaframtak á nýjan leik eftir
bankahrunið.
Í stjórnmálaályktun landsfundar
Sjálfstæðisflokksins eru fyrirheit um
að þetta megi gera með því að:
1) Ljúka endurskipulagningu
bankanna innan þriggja mánaða.
Þetta verði gert með hagkvæmri end-
urfjármögnun og aðgangi að lánsfé
fyrir atvinnulíf og heimili.
2) Afnema höft á gjaldeyrisvið-
skipti og koma í veg fyrir að íslenskt
samfélag færist áratugi aftur í tím-
ann. „Haftastefna leiðir til spillingar
og sóunar.“
3) Koma í veg fyrir miðstýringu og
að ríkisvæðing verði ríkjandi skipan
„eins og núverandi vinstristjórn virð-
ist því miður telja eðlilegt“, eins og
segir í stjórnmálaályktun landsfund-
arins. Ofstjórn grafi undan athafna-
frelsi þjóðarinnar og hagsæld. Óvissa
í efnahagslífinu muni gera allt end-
urreisnarstarf erfiðara.
4) Hafna nýjum sköttum á at-
vinnulífið og einstaklinga, enda muni
þeir reynast þeim ofviða.
5) Nýta auðlindirnar og hefja
uppbyggingu orkufrekra atvinnu-
greina svo sem gagnavera, álvera og
hátæknifyrirtækja
6) Ráðast í tímabundnar breyting-
ar á skattakerfinu sem hvetji til ný-
ráðninga og þróunarstarfs sem gagn-
ist nýsköpun og sprotafyrirtækjum.
Samfylkingin – 6 þúsund ný
störf
Samfylkingin talar um sóknarstefnu
í atvinnumálum þannig að landið
verði komið í hóp landa með mikla
samkeppnishæfni árið 2020. Ráðist
verði í sérstakt átak til að kortleggja
sóknarfæri Íslands á sviði vistvænn-
ar atvinnustarfsemi og umbreytingu
atvinnustarfsemi í átt að grænu hag-
kerfi. Hrint verði í framkvæmd áætl-
unum ríkisstjórnarinnar um allt að
6000 ný störf í byggingariðnaði, ný-
sköpunar- og sprotageirum, ferða-
þjónustu og menningargreinum,
sjávarútvegi, orkufrekum iðnaði og
fleiri greinum.
Flokkurinn vill beita sér fyrir því
um allt land að lítil, meðalstór og ný
fyrirtæki fái stuðning Atvinnuleysis-
tryggingasjóðs og Vinnumálastofn-
unar til að ráða tímabundið starfs-
menn í atvinnuleit. Áhersla verði á
mannaflsfrekar framkvæmdir svo
sem í byggingariðnaði og samgöng-
um. Við úthlutun fjármagns úr op-
inberum sjóðum verði tekið sérstakt
tillit til verkefna sem hafa í för með
sér fjölda nýrra starfa.
Samfylkingin vill breyta reglum
Lánasjóðs íslenskra námsmanna
til að auðvelda þeim sem vilja hefja
nám í stað virkrar atvinnuleitar að fá
námslán til framfærslu.
Einnig verði framboð náms á
framhaldsskólastigi aukið yfir sum-
artímann og verknámsaðstaða fram-
haldsskólanna nýtt fyrir þá náms-
menn sem ekki fá sumarstörf en vilja
bæta menntun sína.
Framsóknarflokkurinn – fæðu-
öryggi mikilvægt
Framsóknarflokkurinn vill efla
menntun í landinu á öllum skólastig-
um, enda sé menntun grunnur hag-
vaxtar í framtíðinni. Bjóða þurfi upp
á lánshæft sumarnám á háskólastigi.
Ráðast þurfi í sérstakt átak til að
bæta samgöngur og fjarskipti og flýta
megi mannaflsfrekum framkvæmd-
um.
Framsóknarflokkurinn vill að
veittur verði skattaafsláttur vegna
rannsókna og þróunarstarfs og að
sjóðir sem styðja við tækniþróun og
nýsköpun verði stórefldir.
Þá vill Framsókn bæta rekstr-
arumhverfi minni fyrirtækja, fjöl-
skyldurekstrar og einyrkja.
Stóriðja er ekki sérstakt stefnumál
Framsóknarflokksins en rætt er um
að nýta náttúruauðlindir í anda sjálf-
bærrar þróunar og grunnrannsóknir
á þeim verði efldar. Byggt verði áfram
á skynsamlegri nýtingu vatns- og
jarðhitaorku og rannsóknir á djúp-
borunum studdar enn frekar.
Framsóknarflokkurinn telur
fæðuöryggi þjóðarinnar brýnt hags-
munamál og því sé verðugt að efla og
hlúa að matvælaframleiðslu þjóðar-
innar í landbúnaði og sjávarútvegi.
Það skapi gjaldeyristekjur og spari
gjaldeyri.
Vinstrigræn – varast allsherjar-
lausnir
VG greiddi fyrir helgi atkvæði á Al-
þingi gegn frumvarpinu um Helgu-
vík en það varð að lögum engu að
síður með stuðningi annarra flokka.
Vinstrihreyfingin - grænt framboð
vill beita sér fyrir því að atvinnulífið
þróist í átt til aukinnar fjölbreytni og
nýti umhverfisvæna tækni. Sérstaka
áherslu beri að leggja á stuðning við
fjölbreytta nýsköpun, vöxt og við-
gang lítilla og meðlastórra fyrirtækja.
Atvinnufyrirtæki eigi að greiða eðli-
lega hlutdeild af hagnaði sínum í
sameiginlega sjóði ríkis og sveitarfé-
laga. Koma verði í veg fyrir óhóflega
gróðasöfnun í skjóli einokunar eða
fákeppnisaðstöðu einstakra fyrir-
tækja og skattleggja sérstaklega gróða
sem sprettur af nýtingarrétti atvinnu-
rekenda á sameiginlegum auðlind-
um. Mikilvægt sé að hefðbundnir at-
vinnuvegir, einkum við sjávarsíðuna
og í sveitum landsins, þróist í sátt við
samfélagið og verði til styrktar byggð
í landinu öllu. Nýta beri sérstöðu Ís-
lands og íslenskar auðlindir ásamt
tækni og þekkingu til að skapa lands-
mönnum störf í fjölbreyttu og þró-
uðu atvinnulífi en varast beri að ein-
blína á allsherjarlausnir og einstaka
stóriðjukosti.
Borgarahreyfingin – vellíðan
fjölgar störfum
Borgarahreyfingin hefur ekki mark-
að sérstaka atvinnustefnu frekar en
í mörgum öðrum hefðbundnum
málaflokkum. Hún ætlar enda að
leggja sjálfa sig niður þegar hún hef-
ur náð fram sínum meginmarkmið-
um ellegar ef ljóst verður að þeim
verði ekki náð.
Helstu markmið Borgarahreyfing-
arinnar tengjast neyðarráðstöfunum
vegna bankahrunsins, lýðræðisum-
bótum og að upprætt verði spill-
ing og komið á góðum stjórnsýslu-
háttum. Þá hefur Borgarahreyfingin
einnig lagt ríka áherslu á að banka-
hrunið verði rannsakað af óháðum
erlendum sérfræðingum.
Þráinn Bertelsson, einn af fram-
bjóðendum Borgarahreyfingarinn-
ar, hefur sagt um atvinnumál og at-
vinnuleysi að mikilvægast sé að
skapa fólki góðar aðstæður og bæta
líðan almennra borgara því þá muni
þeir sjálfir eiga frumkvæði að því að
ganga til uppbyggingarstarfa.
Lýðræðishreyfingin – beint
lýðræði, svo önnur mál
Lýðræðishreyfingin hefur fyrst og
síðast á stefnuskrá sinni að koma
á beinu og rafrænu lýðræði. Ást-
þór Magnússon, leiðtogi Lýðræðis-
hreyfingarinnar, hefur fyrst og síð-
ast talað gegn ríkjandi fyrirkomulagi
sem hann telur spillt og einkenn-
ast af samtryggingu fjórflokksins
svonefnda í úreltu flokkakerfi. Ást-
þór vill ekki hækka skatta. Hann vill
sækja svonefnda útrásarvíkinga og
koma þeim í gæsluvarðhald meðan
réttað er yfir þeim. Hann telur að há
framlög til stjórnmálaflokka frá stór-
um fyrirtækjum megi skilgreina sem
mútur og vill láta rannsaka það.
Ekki er að finna eiginlega stefnu
í atvinnumálum á vefsíðu Lýðræðis-
hreyfingarinnar. Ástþór hefur á hinn
bóginn sagst vera opinn fyrir góðum
hugmyndum og vill jafnvel leggja
þeim lið beint og milliliðalaust eins
og fram kom á framboðsfundi í Sjón-
varpinu í síðustu viku.
Um 17 þúsund manns eru nú án atvinnu og nálgast að vera 10 prósent mannaflans. Atvinnuleysi hefur
aukist hraðar en ætlað var við upphaf bankahrunsins. Þetta veldur miklum búsifjum fyrir þjóðina og
böli þeirra sem missa vinnu. Stjórnmálaflokkarnir hafa mismunandi stefnu í atvinnumálum en lofa
margir í aðdraganda kosninganna þúsundum starfa á næstu misserum.
Stefna stjórnmálaflokk-
anna í atvinnumálum er
misjöfn en byggist engu
að síður mjög á nýtingu
landsins gæða og nátt-
úruauðlindum.
Atvinnuleysi
í efstu hæðum
Jóhann haukSSon
blaðamaður skrifar: johannh@dv.is
Vaxandi atvinnuleysi mun fleiri
íslendingar eru atvinnulausir í dag
en verið hefur um langt árabil.