Dagblaðið Vísir - DV - 08.07.2009, Page 12

Sendifulltrúi
Bandaríkjanna
„fábjáni“
Róbert Mugabe, forseti Simb-
abve, sagði að Johnnie Carson,
sérstakur ráðherra Bandaríkj-
anna um málefni Afríku, væri
„fábjáni“ með yfirlætisleg við-
horf. Að sögn Mugabes vildi
Carson segja fyrir um hvað
Simbabve gæti og gæti ekki.
Róbert Mugabe og Johnnie
Carson áttu orðastað á fundi
Afríkusambandsins í Líbíu í síð-
ustu viku og ljóst að þau orða-
skipti féllu ekki í góðan jarðveg
hjá Róbert Mugabe sem sagði í
kjölfarið: „Þú myndir ekki vilja
ræða við fábjána af þessu tagi.“
Mugabe bætti við að hann von-
aði að Carson mælti ekki fyrir
munn Baracks Obama Banda-
ríkjaforseta.
Leita um 1.000
glæpamanna
Nítján morðingjar og tólf nauðg-
arar eru á meðal hátt í eitt þús-
und glæpamanna sem breska
lögreglan leitar eftir að þeir
gengu í bága við skilyrði um
reynslulausn.
Jack Straw, dómsmálaráð-
herra Bretlands, tjáði þingheimi
að lögreglan hefði fengið fyrir-
mæli um að gera að „forgangs-
verkefni“ að finna þá og hand-
taka og koma þeim á bak við lás
og slá sem hafa dóm vegna kyn-
ferðisglæps á bakinu.
Heildarfjöldi þeirra glæpa-
manna sem fengu reynslulausn
fyrir mars í ár og höfðu ekki
fundist í júnílok er 954. Einn
morðinginn hefur leikið lausum
hala í tuttugu og fimm ár eftir
að hafa brotið gegn ákvæðum
reynslulausnar.
Vilja aðstoða
vændisgeirann
Borgarráð Amsterdam bein-
ir nú sjónum sínum að einum
lykilviðskiptageira borgarinn-
ar; vændisgeiranum. Rauða
hverfi borgarinnar er þekkt um
víða veröld fyrir litla glugga og
klæðalitlar gluggaskreytingar, en
þrátt fyrir að vændi sé löglegt er
fjöldi banka hikandi við að taka
vændiskonur í hóp viðskiptavina
sinna.
Þeir sem starfa við vændi hafa
ekki farið varhluta af kreppunni
og þess er vænst að borgarráð
komi með lausn til hjálpar þeim
innan tveggja mánaða. Ekki er
á döfinni að stofna sérstakan
banka fyrir geirann heldur hvetja
banka til að finna leiðir sem leitt
gætu til lánastarfsemi fyrir starfs-
fólk í bransanum.
Í nýjasta umburðarbréfi sínu mun
Benedikt XVI páfi kenna græðgi og
sjálfselsku um alheimskreppuna
sem nú varir. Með því mun páfi,
að kvöldi G8-ráðstefnunnar á Ít-
alíu, minna leiðtoga heims, banka-
stjóra, viðskiptajöfra og venjulegt
fólk á siðferðilega skyldu þeirra.
Umburðarbréfið, Caritas in Verit-
ate, eða Kærleikur í sannleika, er
hið þriðja sem hann sendir frá sér
síðan hann settist í páfastól árið
2005.
Benedikt XVI páfi mun hafa haf-
ið ritun þess fyrir tveimur árum en,
eðli málsins samkvæmt, hefur þurft
að breyta því umtalsvert síðan ritun
þess hófst.
Í upphafi munu áherslur hans
hafa verið á fátækt, hungur, lofts-
lagsbreytingar og hnignun efnahags
í heiminum, en þær áherslur þurftu
að víkja fyrir síðustu atburðum.
Í upphafi árs tjáði páfi hópi presta
í Róm að hann kærði sig ekki um
að gefa einfölduð svör við flóknum
spurningum um hagkerfi heimsins,
en nú er ljóst að hann hyggst beina
sjónum sínum að ábyrgð einstakl-
ingsins og mannlegri græðgi og
sjálfselsku sem rót efnahagskrepp-
unnar.
Páfar 19. og 20. aldar hafa gjarna
notað umburðarbréf til að koma á
framfæri leiðbeiningum varðandi
samfélags- og efnahagsleg málefni.
Benedikt XVI páfi fer ekki í grafgöt-
ur með þá skoðun sína að umbóta
sé þörf á hagkerfum heimsins, en ít-
rekar að einstaklingar verði einnig
að axla persónulegar fórnir með það
fyrir augum að hjálpa snauðum og
færast nær réttri skiptingu auðlinda
heims.
Páfi verður ómyrkur í máli um ástæður kreppunnar í nýju umburðarbréfi sínu:
Skellir skuldinni á græðgi
Benedikt XVI
páfi Skrifar undir
umburðarbréfið.
Mynd AFP
Stundum hefur verið haft á orði að
eins dauði sé annars brauð. Sorgin
ríkir í Los Angeles í Bandaríkjunum
í kjölfar dauða Michaels Jackson,
konungs poppsins, en hann fór yfir
móðuna miklu 25. júní.
Án efa er sorgin þó lævi bland-
in því Los Angeles er eitt af höfuð-
vígjum Mammons í Bandaríkjun-
um og þeir eru eflaust til þar á bæ
sem þakka heillastjörnunni fyr-
ir fráfall aldarinnar. Þó skammt
sé liðið á öldina og víst að margt
frægra eigi eftir að safnast til feðra
sinna áður en hún líður undir lok
má telja nokkuð víst að í viðskipta-
legu tilliti muni Michael Jackson
bera höfuð og herðar yfir aðra. Lít-
il áhöld eru um það að í ljósi dap-
urlegs ástands á fasteignamarkaði,
dapurlegrar stöðu Dow Jones-vísi-
tölunnar og vaxandi atvinnuleysis,
gat dauða Jacksons ekki borið upp
á betri tíma.
Michael Jackson-hvatinn
Á þeim dögum sem liðið hafa frá
dauða Jacksons hefur Los Angeles
upplifað það sem vart er hægt að
kalla annað en Michael Jackson-
hvatann 2009.
Ákveðið var að jarðarför Jack-
sons færi fram í gær, einfaldlega
vegna þess að Stables Center, vett-
vangur minningarathafnarinnar,
var bókaður í dag af hringleikahúsi,
eins kaldhæðnislegt og það kann að
virðast.
Undanfarna daga hefur án efa
margur orðið feitur vegna fráfalls
Jacksons, og sér engan veginn fyrir
endann á því. Blóm og kransar hafa
verið fluttir til borgarinnar og vart
er hægt að ímynda sér það magn
skyndirétta sem selt hefur verið og
verður enn um sinn. Þá eru ónefnd-
ir minjagripir sem ganga munu
kaupum og sölum.
Los Angeles hefur fengið aug-
lýsingu sem engin borg hefði get-
að borgað fyrir og kemur það vel
á vondan í ljósi þess að fjárskortur
hafði fyrir andlát Jacksons sett veru-
legt mark á borgina.
Líf þar sem áður var ládeyða
Chris Ayres, fréttaritari The Times í
Los Angeles, lýsir ástandinu ágæt-
lega: „Fyrir hálfum mánuði var stað-
urinn hálftómur. Nú er hann eins og
dýragarður. Jackson-eftirhermur eru
á hverju horni.“
Að sögn Ayres var æðið svo yfir-
gengilegt að margir sem heiðra vildu
minningu Michaels Jackson lögðu
blóm á ranga stjörnu á Walk of Fame
helgina í kjölfar dauða hans, og gerðu
sér ekki grein fyrir því að tveir Michael
Jackson eiga stjörnu þar.
Þökk sé Michael Jackson, eða öllu
heldur dauða hans, er hugsanlegt að
Merlin Entertainments Group geti
opnað nýtt Madame Tussauds-vax-
myndasafn á réttum tíma eftir tvær
vikur. Merlin Entertainments Group
réðst í gríðarmiklar framkvæmdir rétt
áður en kreppan skall á og nú kann
að fara svo að Jackson-æðið bjargi
fyrirtækinu fyrir horn, enda hefur Los
Angeles ekki verið fólki jafn hugfólgin
síðan París Hilton var send í grjótið.
Fjármál Jacksons
Hin hliðin á þessum bandaríkjadal
snýr að einkafjármálum Michaels
Jackson. Ljóst er að eignir hans eru
gríðarmikils virði, en skuldir hans
gagnvart lánardrottnum eru einnig
stjarnfræðilegar.
Fjölskylda Jacksons varð fyrir þó
nokkru áfalli á þriðjudaginn þegar
Katherine Jackson, móðir Michaels,
var svip forræði yfir dánarbúi hans
og var það tímabundið sett í hend-
ur tveggja viðskiptafélaga Jacksons
samkvæmt erfðaskrá frá 2002. Sem
fyrr segir hefur þar sennilega hlaupið
tímabundin snurða á þráðinn og eiga
eftirlifandi ættingjar Michaels Jackson
eflaust eftir að njóta góðs af afrekum
hans. Þó er ekki loku fyrir það skotið
að faðir hans verði settur út í kuldann
og fái ekki notið ávaxtanna sem eiga
eftir að hrjóta af greinum þess gnægt-
artrés.
KoLBeInn þorsteInsson
blaðamaður skrifar: kolbeinn@dv.is
ArðVænLegt AndLát
Fráfall Michaels Jackson hefur fært Los
Angeles í Bandaríkjunum velmegun og
leyst upp óveðursský sem hrannast hafa
upp yfir borginni vegna fjármálakreppunn-
ar. Nú hrjóta af borði Jacksons brauðmolar
sem barist er um og færa sönnur á hið forn-
kveðna að eins dauði sé annars brauð.
Minnast goðsins Blóm
og minjagripir seljast
eins og heitar lummur í
Los Angeles. Mynd AFP
Michael Jackson-eftirherma
Eftirhermur hafa skotið upp kollinum
í Los Angeles í kjölfar fráfalls Michaels
Jackson. Mynd AFP
12 miðvikudagur 8. júlí 2009 fréttir