Dagblaðið Vísir - DV - 26.08.2009, Qupperneq 29

á m i ð v i k u d e g i
Blekking errós
Þorvaldur Þorsteinsson, myndlistarmaður og rithöfundur, heldur fyr-
irlestur um sönnunargildi blekkingarinnar í verkum og veruleika Er-
rós í Hafnarhúsinu á morgun klukkan 20. Í dagskránni styðst hann við
margvíslega miðla í síðbúinni leit að sannleikanum. Áður en fyrirlest-
ur Þorvaldar hefst verður Sirra Sigurðardóttir, verkefnastjóri dagskrár,
með leiðsögn um sýninguna Erró-Mannlýsingar. Aðgangur ókeypis.
Dagskrá lókal
tilBúin
Lókal, alþjóðleg leiklistarhátíð í
Reykjavík, fer fram um þarnæstu
helgi, 3. til 6. september. Hátíðin,
sem er sú eina sinnar tegundar hér á
landi, var haldin í fyrsta sinn í mars
í fyrra. Þá var athyglinni beint að
nokkrum atvinnuleikhópum sem
hafa verið í fararbroddi í nýsköpun í
leiklist í Evrópu og Bandaríkjunum.
Í ár verður lögð áhersla á að sýna
metnaðarfullar íslenskar leiksýning-
ar frá liðnum vetri. Á meðal sýninga
sem boðið verður upp á eru Dauða-
syndirnar, Þú ert hér, Utan gátta
og Húmanímal. Ein erlend sýning
verður á hátíðinni, írska sýningin
Forgotten eftir Pat Kinevane. Allar
nánari upplýsingar á lokal.is.
Með skálDverk
í MaganuM?
Ritsmiðjan hjá Bókasafni Kópa-
vogs tekur til starfa að nýju í
næstu viku, eða miðvikudaginn 2.
september. Smiðjan hefur verið
starfrækt undanfarin misseri við
góðan orðstír og hafa fjölmargir
sem hafa gengið með skáldverk
í maganum tekið þátt í henni,
bæði til að fá tilsögn og álit ann-
arra á skrifunum og kannski ekki
síður vegna aðhaldsins sem rit-
smiðjan veitir við skriftir. Fundar-
staður er í Kórnum, á fyrstu hæð
Bókasafns Kópavogs, við Hamra-
borg 6A. Þeir sem hafa áhuga á
að taka þátt eða óska frekari upp-
lýsinga um ritsmiðjuna geta sent
póst á huldas@kopavogur.is.
DúnDurfréttir
í austurBæ
Hljómsveitin Dúndurfréttir er nú
komin úr híði og ætlar að vera
með tvenna tónleika í Austurbæ
á morgun, fimmtudag. Líkt og oft
áður verða þeir drengir með tvenns
konar prógramm. Á fyrri tónleikun-
um, sem hefjast klukkan 19.30, taka
þeir fyrir hljómsveitina Pink Floyd
og leika þar öll hennar vinsælustu
og bestu lög. Seinni tónleikarnir,
sem byrja 22.30, verða svo sann-
kölluð rokkveisla með úrvali laga
Led Zeppelin, Uriah Heep og Deep
Purple. Miðasala á midi.is, miðaverð
2.900 krónur.
Miðasala á Ástardrykkinn, óperu-
sýningu haustsins hjá Íslensku óp-
erunni, hefst á morgun, fimmtudag.
Óperan verður frumsýnd 25. októb-
er en sýningar verða einungis átta
talsins. Miðaverð er óbreytt frá því í
fyrra, 5.400 krónur á almennar sýn-
ingar. Þeir sem eru 25 ára og yngri fá
sem fyrr 50 prósenta afslátt af miða-
verði. Ástardrykkurinn eftir Doniz-
etti er gamanópera sem fjallar um
tilraunir ungs manns til að vinna hug
ungrar konu. Þegar allt annað bregst
leitar hann á náðir kuklara nokkurs
sem bruggar honum svokallaðan
ástardrykk.
Einvalalið ungra íslenskra söngv-
ara syngur aðalhlutverkin í sýning-
unni. Með hlutverk unga mannsins,
Nemorino, fer Garðar Thór Cortes,
með hlutverk ungu stúlkunnar, Ad-
inu, fer Dísella Lárusdóttir, kuklar-
ann Dulcamara syngur Bjarni Thor
Kristinsson og í hlutverki keppi-
nautarins Belcore er Ágúst Ólafsson.
Með hlutverk vinkonunnar Gianettu
fer Hallveig Rúnarsdóttir. Þá syngja
þau Þóra Einarsdóttir og Gissur Páll
Gissurarson einnig hlutverk Adinu
og Nemorino á sýningatímabilinu.
Sama listræna stjórn og stóð að
uppfærslunni á Cosi fan tutte Moz-
arts í Óperustúdíói Íslensku óper-
unnar vorið 2008 stendur að upp-
færslunni á Ástardrykknum. Þau eru
Ágústa Skúladóttir leikstjóri, Guðrún
Öyahals leikmyndahönnuður, Katr-
ín Þorvaldsdóttir búningahönnuður
og Páll Ragnarsson ljósahönnuður.
Hljómsveitarstjóri er líkt og þá Daní-
el Bjarnason. Þá tekur kór og hljóm-
sveit Íslensku óperunnar ennfremur
þátt í sýningunni.
Sýningardagsetningar og frekari
upplýsingar má finna á opera.is.
Ástardrykkur Garðars og Dísellu
Hugleikur Dagsson er löngu orðinn
þekkt stærð í íslenskum bókaheimi.
Helsta höfundareinkenni hans er yf-
irgengilega groddalegur húmor sem
birtist fyrst í myndasögum hans og
hefur gulltryggt honum miklar vin-
sældir og opnað honum leið meðal
annars í leikhús og sjónvarp. Hárbeitt
samfélags- og mannlífsrýni Hugleiks
fékk fyrst kolsvartar fjaðrir í örmynda-
sögum í bókum sem kenndar eru við
„Okkur“ þar sem einfaldir spítukall-
ar taka með orðum sínum og gjörð-
um allan vafa um að mannskepnan er
lágúrulegasta og ömurlegasta lífveran
sem þvælist um á meðal dýra merkur-
innar.
Hugleikur byrjaði á því að hefta
og líma saman fyrstu Okkur bækurn-
ar sjálfur en eftir að hann sló í gegn
og fékk alvöru útgefanda fylgdi hann
vinsældum Okkur bókanna eftir með
myndasögum um eineigða köttinn
Kisa sem er býsna glöggur á brotalam-
ir mannlegrar tilveru þótt hann sjái að-
eins með einu auga. Hugleikur leggur
öllu meira í teikningar og myndbygg-
ingu í Kisa bókunum en hinum ein-
földu Okkur bókum en gálgahúmor-
inn og subbuskapurinn er sá sami og
er svo afgerandi að fólk annaðhvort
fílar Hugleik eða ekki.
Undirritaður hefur aldrei far-
ið leynt með aðdáun sína á Hugleiki
en hefur engu að síður haft nokkrar
áhyggjur af því að hann sé kominn
á endastöð með Okkur sögurnar og
komist ekki mikið lengra með þær án
þess að hjakka í sama farinu. Sjálfsagt
er þessi ótti þó ástæðulaus þar sem
Hugleikur er sérstakelga fríkaður og
frjór listamaður og of mikið ólíkinda-
tól til þess að daga uppi innan um æl-
andi og skítandi spítukalla.
Þessi fjórða bók um Kisa er ljóslif-
andi dæmi um að Hugleikur er enn
í sókn og þótt rauði þráðurinn sé
býsna kunnuglegur sem og umgjörð-
in þ-er þetta skemmtilegasta, besta og
flottasta Kisa bókin til þessa. Mynd-
byggingin hefur aldrei verið betri og
Hugleikur blandar til dæmis saman
teikningum og ljósmyndum í kostuleg-
um og voðalega póstmódern kafla um
viðureign höfundarins við útgef=anda
sinn sem er ósáttur við hvaða stefnu
ævintýri Kisa er að
taka.
Hugmyndaflug
Hugleiks er sem
fyrr skýjum ofar
í þessum seinni
hluta um það
hvernig Kisi og fé-
lagar bregðast við
efnahagshruninu
og því ófremdar-
ástandi sem ríkir
eftir að illmennið
í Seðlabankanum,
sem er sannkallað
Helstirni á jörðu
niðri, hefur keyrt
allt í þrot.
Auðvitað er of-
beldi eina raun-
hæfa viðbragðið við hörmungunum
og Kisi og vinir hans brjótast með al-
væpni og blóðsúthellingum í gegn-
um Reykjavík hrunsins með óminn af
Búsáhaldasinfóníunni í bakgrunninn.
Hugleikur er skilgetið afkvæmi af-
þreyingarmenningarinnar með ræt-
ur í kvikmyndum og myndasögum og
vísar út og suður af mikilli þekkingu og
list í þekkt stórvirki í bíói og myndasög-
um. Í fljótu bragði má nefna af handa-
hófi Hringadróttins sögu, Stjörnustríð,
Sin City, Watchmen
og svo auðvitað
Flóttann frá New York
þar sem eineigður
Kurt Russell fór mik-
inn. Það er skemmst
frá því að segja að Kisi
gefur Snake Plissken
ekkert eftir.
Hugleikur og Qu-
entin Tarantino eiga
það sameiginlegt að
þeir kunna að „stela“
og stílfæra með slíkum
bravúr að þeir komast
upp með að standa
á öxlunum á öðrum
til þess að skapa eitt-
hvað nýtt, ferskt og
skemmtilegt.
Vísanir Hugleiks í dægurmenning-
una dýpka sýrðar sögur hans og gera
þær enn skemmtilegri aflestrar. Frá-
sagnamáti Hugleiks og sýn á lífið falla
ákaflega vel að hörmungarsögu úr
kreppunni og sagan af eineigða kettin-
um Kisa, með öllum sínum geggjuðu
vísunum í sígildar bíómyndir, gera
bækurnar tvær um Kisa og ástandið
að langskemmtilegustu og beittustu
bókunum um hrunið hingað til.
Þórarinn Þórarinsson
fókus 26. ágúst 2009 MiðvikuDagur 29
MYND Birgir Ísleifur
EinEigði kötturinn
kisi og ástandið:
Flóttinn Frá rEykjavík
Höfundur: Hugleikur Dagsson
Útgefandi: JPV
bækur
Blóðug Bús-
áhalDasinfónía
Hugleikur Dagsson Sýnir með
seinni hlutanum um Kisa og ástandið
að sóðalegur suðupottur hans er síður
en svo tómur og að hann kann enn að
sletta blóði og drullu með stæl.
flóttinn frá reykjavík
Hugleikur vísar þvers og kruss í
þekktar bíómyndir og hér er Kisi
í sporum Kurts Russell sem flúði
frá New York árið 1981.
garðar Thór og Dísella
Dísætir söngvarar.