Dagblaðið Vísir - DV - 01.12.2010, Blaðsíða 12

Andrés Magnússon
54 ára læknir
Bæjarfélag: Kópavogur.
Menntun/starfsreynsla:
Andrés hefur doktors-
próf og hefur starfað
sem prófessor við íslenska og erlenda
háskóla. Hann segist hafa unnið öll
helstu verkamannastörf til sjós og
lands – meðal annars verkað fisk
í öllum landsfjórðungum. Andrés
vakti athygli þegar hann kom fram í
Silfri Egils haustið 2008 og gagnrýndi
meðal annars vexti bankanna með
skeleggum hætti.
Ari Teitsson
67 ára bóndi
Bæjarfélag: Þingeyjarsveit.
Menntun/starfsreynsla:
Ari hefur B.Sc-próf
í búvísindum frá
Hvanneyri og hefur starfað sem
sauðfjárbóndi frá 1973 og í hlutastarfi
sem ráðunautur frá árinu 2005. Hann
var formaður Bændasamtaka Íslands
frá 1995 til 2004 og hefur gegnt
stjórnarformennsku í Sparisjóði
Suður-Þingeyinga undanfarin 20
ár. Í ágúst 2007 skrifaði hann grein í
Fréttablaðið þar sem hann gagnrýndi
markaðsvæðingu samfélagslegrar
þjónustu.
Arnfríður
Guðmundsdóttir
49 ára prófessor
Bæjarfélag: Kópavogur.
Menntun/starfsreynsla:
Arnfríður hefur
embættispróf í guðfræði frá Háskóla
Íslands og doktorspróf í guðfræði frá
Bandaríkjunum. Hún hefur kennt
guðfræði- og trúarbragðafræði í
Háskóla Íslands frá 1996. Hún hefur
meðal annars látið sig kynferðisbrot
innan kirkjunnar varða og haldið
erindi þar að lútandi. Í svörum
hennar við spurningum DV kemur
fram að hún er frekar hlynnt því að
hafa ákvæði í stjórnarskránni um
þjóðkirkju á Íslandi.
Ástrós
Gunnlaugsdóttir
24 ára nemi í stjórnmálafræði
Bæjarfélag: Garðabær.
Menntun/starfsreynsla:
Ástrós er yngst stjórn-
lagaþingmannanna 25. Hún er með
BA-próf í stjórnmálafræði frá HÍ
og stundar meistaranám í alþjóða-
samskiptum við sama skóla. Ástrós
vakti athygli í kosningabaráttunni
fyrir mikla auglýsingaherferð; hún
auglýsti á mörgum miðlum og lét
meðal annars prenta framboðsboli
með nafni sínu og númeri. Hún segist
hafa greitt kostnaðinn alfarið úr eigin
vasa með sjóði sem hún hafi safnað
sér frá því hún var 12 ára.
Dögg Harðardóttir
45 ára deildarstjóri
Bæjarfélag: Akureyri.
Menntun/starfsreynsla:
Dögg lauk stúdentsprófi
frá Menntaskólanum
í Reykjavík árið 1985. Hún er með
B.Sc.-próf í hjúkrunarfræði frá Há-
skóla Íslands 1992 og próf í uppeldis-
og kennslufræði frá Háskólanum
á Akureyri 2000. Hún stefnir á að
ljúka diplómanámi í stjórnun innan
heilbrigðisvísindasviðs Háskólans á
Akureyri næsta vor. Hún vill standa
vörð um kristin gildi og trúfrelsi á
Íslandi.
Eiríkur Bergmann
Einarsson
41 árs dósent í stjórnmála-
fræði
Bæjarfélag: Reykjavík.
Menntun/starfsreynsla:
Eiríkur Bergmann er doktor
í stjórnmálafræði, dósent og
forstöðumaður Evrópufræðaseturs
Háskólans á Bifröst. Höfundur fjölda
bóka og fræðigreina um þjóðfélags-
mál, einkum um tengsl Íslands við
umheiminn. Hann hefur kennt og
tekið þátt í margvíslegu rannsóknar-
starfi við fjölda háskóla hérlendis og
erlendis.
Erlingur
Sigurðarson
62 ára, fyrrverandi forstöðu-
maður Húss skáldsins og
kennari við Menntaskólann
á Akureyri
Bæjarfélag: Akureyri.
Menntun/starfsreynsla: Erlingur er
með stúdentspróf frá Menntaskólan-
um á Akureyri. BA-próf í íslensku og
sagnfræði og kandidatspróf í þeirri
grein frá HÍ auk prófs í kennslu-
fræðum. Nám í Bandaríkjunum og
í Þýskalandi. Kennari við MA í tvo
áratugi, síðan sex ár forstöðumaður
Sigurhæða-Húss skáldsins. Nú lífeyr-
isþegi, fæst einkum við kveðskap og
ritstörf.
Freyja
Haraldsdóttir
24 ára framkvæmdarstjóri
og nemi
Bæjarfélag: Garðabær.
Menntun/starfsreynsla:
Freyja fæddist með genagalla (OI)
og hefur verið ötull talsmaður fyrir
réttindum fatlaðra. Í bók sem Alma
Guðmundsdóttir skrifaði um hana
segir hún það vera forréttindi að lifa
með fötlun. Hún er fastur bloggari á
Pressunni og hefur bloggið hennar
þar vakið mikla athygli. Freyja hefur
lokið BA-námi í þroskaþjálfafræði
og stundar nú meistaranám í
fötlunarfræði við HÍ. Hún rekur eigið
fyrirtæki: Forréttindi ehf.
Gísli Tryggvason
41 árs, Talsmaður neytenda
Bæjarfélag: Kópavogur.
Menntun/starfsreynsla:
Gísli er talsmaður
neytenda og aðjúnkt
við Háskólann í Reykjavík. Hann
er lögfræðingur að mennt og er
með MBA-gráðu með áherslu á
mannauðsstjórnun. Hann er með
sérhæfingu í sáttamiðlun. Gísli
hefur verið mikið í sviðsljósinu í
embætti talsmanns neytenda. Áður
var Gísli framkvæmdastjóri og
lögmaður Bandalags háskólamanna
í tæp 7 ár og hefur hann einnig
starfað sem blaðamaður. Hann
hefur verið virkur í flokksstarfi
Framsóknarflokksins.
Guðmundur
Gunnarsson
65 ára, Formaður Rafiðnað-
arsambands Íslands
Bæjarfélag: Reykjavík.
Menntun/starfsreynsla:
Guðmundur hefur verið formaður
Rafiðnaðarsambands Íslands frá
1993. Hann er rafvirki og kennari
að mennt og hefur samið fjölda
kennslubóka fyrir rafiðnaðarmenn í
stýringum auk margs konar annarra
ritstarfa. Hann er faðir Bjarkar
Guðmundsdóttur tónlistarmanns.
Guðmundur hefur sveinspróf í raf-
virkjun og stundaði framhaldsnám
í Tækniskóla Íslands og dönskum
tækniskólum. Þá hefur hann kenn-
arapróf frá Kennaraháskólanum.
Illugi Jökulsson
50 ára blaðamaður
Bæjarfélag: Reykjavík.
Menntun/starfsreynsla:
Illugi hefur lengi unnið
við blaðamennsku og
margvísleg ritstörf auk dagskrár-
gerðar í útvarpi og sjónvarpi. Hann
þekktur fyrir beinskeytta þátttöku
sína í þjóðfélagsumræðunni og er
vinsæll bloggari og pistlahöfundur.
Bækur sem Illugi hefur komið að eru
til á flestum heimilum. Á meðal verka
sem hann hefur unnið má nefna
Ísland í aldanna rás, Stjörnumerkja-
bókina og Bara Lennon, ævisögu
Johns Lennons.
Inga Lind
Karlsdóttir
34 ára fjölmiðlakona og
háskólanemi
Bæjarfélag: Garðabær.
Menntun/starfsreynsla:
Inga Lind lauk stúdentsprófi frá
Fjölbrautaskólanum í Garðabæ og
svo námi í hagnýtri íslensku í Háskóla
Íslands. Um þessar mundir stundar
hún nám í listfræði við Háskóla
Íslands. Að loknu stúdentsprófi
starfaði hún sem blaðamaður og
hefur starfað við fjölmiðla allar götur
síðan eða í tæp 15 ár.
Katrín Fjelsted
64 ára læknir
Bæjarfélag: Reykjavík.
Menntun/starfsreynsla:
Hún lauk stúdentsprófi
frá Menntaskólanum í
Reykjavík árið 1966. Lauk læknaprófi
1973. Hún var við framhaldsnám í
Bretlandi 1974–1979, heimilislæknir í
Reykjavík frá 1980. Hún var borgar-
fulltrúi í Reykjavík á árunum 1982
til 1994. Katrín sat á Alþingi fyrir
Sjálfstæðisflokkinn kjörtímabilið
1999–2003 auk þess sem hún hefur
setið í landbúnaðarnefnd, iðnaðar-
nefnd, félagsmálanefnd, umhverfis-
nefnd, heilbrigðis- og trygginganefnd
og allsherjarnefnd.
Katrín Oddsdóttir
33 ára lögfræðingur
Bæjarfélag: Reykjavík.
Menntun/starfsreynsla:
Hún er með MA-próf
í mannréttindum frá
University of London, BA í lögfræði
frá Háskólanum í Reykjavík og BA
í blaðamennsku frá Dublin City
University. Hún vakti fyrst athygli
með eldræðu sem hún hélt eftir
bankahrunið árið 2008 en þá ræðu
hélt hún á fjöldafundi á Austurvelli
í aðdraganda búsáhaldabyltingar-
innar.
Lýður Árnason
48 ára læknir og kvikmynda-
gerðarmaður
Bæjarfélag: Hafnarfjörður.
Menntun/starfsreynsla:
Lýður hefur um árabil
starfað við heimilislækningar á norð-
anverðum Vestfjörðum. Hann hefur
fengist við handrits- og kvikmyndagerð
og á að baki nokkrar myndir, ýmist
leiknar eða heimildamyndir. Hann hef-
ur verið afar gagnrýninn á þjóðfélagið
undanfarin ár og er óhræddur við að
láta skoðanir sínar í ljós.
Ómar Þ.
Ragnarsson
70 ára fjölmiðlamaður
Bæjarfélag: Reykjavík.
Menntun/starfsreynsla:
Ómar þekkja nánast
allir Íslendingar. Í tugi ára hefur
hann skemmt þjóðinni og er einn
ástsælasti skemmtikraftur Íslendinga.
Hann hefur einnig fært Íslendingum
fréttir í fjölda ára og er einn ötulasti
náttúruverndarsinni þjóðarinnar,
enda ekki að ósekju sem afmæl-
isdagur Ómars var gerður að degi
íslenskrar náttúru.
Pawel Bartoszek
30 ára stærðfræðingur
Bæjarfélag: Reykjavík.
Menntun/starfsreynsla:
Pawel lauk meistaraprófi
í stærðfræði frá Háskóla
Íslands árið 2005. Hann hefur
unnið sem kennari við Háskólann í
Reykjavík frá árinu 2006. Hann hefur
ritað reglulega pistla í Fréttablaðið
frá árinu 2009 og unnið sem ráðgjafi
meðal annars fyrir Alþingi vegna
endurskoðunar kosningalaga. Hann
fæddist í Poznan í Póllandi 1980.
Báðir foreldrar hans eru pólskir.
Hann hefur búið á Íslandi síðan 1988
og verið íslenskur ríkisborgari í meira
en tíu ár.
Pétur
Gunnlaugsson
62 ára lögmaður og
útvarpsmaður
Bæjarfélag: Reykjavík.
Menntun/starfsreynsla:
Pétur lauk stúdentsprófi frá Mennta-
skólanum í Reykjavík árið 1968.
Hann lauk embættisprófi í lögfræði
úr lagadeild Háskóla Íslands 1973.
Hann hefur einnig stundað nám
í heimspeki og sögu við Háskóla
Íslands. Hann hefur starfað sjálfstætt
sem lögmaður. Hann er stjórnarfor-
maður Útvarps Sögu ásamt því að
vera útvarpsmaður á stöðinni.
Silja Bára
Ómarsdóttir
39 ára alþjóðastjórnmála-
fræðingur og aðjúnkt við HÍ
Bæjarfélag: Reykjavík.
Menntun/starfsreynsla:
Silja Bára lauk BA-gráðu í alþjóða-
samskiptum frá Lewis & Clark
College í Portland í Oregon í Banda-
ríkjunum og MA-gráðu frá University
of Southern California í Los Angeles.
Hún er þekkt fyrir baráttu sína fyrir
jafnrétti kynjanna og starfaði fyrir
jafnréttisstofu um þriggja ára skeið
eftir námslok. Síðan 2006 hefur hún
starfað sem kennari við stjórnmála-
fræðideild Háskóla Íslands. Hún
er vinsæll álitsgjafi í fjölmiðlum,
sérstaklega um stjórnmál.
Salvör Nordal
48 ára, Forstöðumaður
Siðfræðistofnunar HÍ
Bæjarfélag: Reykjavík.
Menntun/starfsreynsla:
Salvör Nordal er
forstöðumaður Siðfræðistofnunar
Háskóla Íslands og menntuð í
heimspeki. Hún er einn höfunda
siðfræðihluta skýrslu rannsókn-
arnefndar Alþingis og hefur tekið
virkan þátt í umræðu félagasamtaka,
stofnana og fræðasamfélagsins
um orsakir og afleiðingar banka-
hrunsins á Íslandi. Salvör flutti
fyrirlestur í ár sem nefndist „Þrettán
manns í ferða- og skemmtanadeild
en einn í regluvörslu“ og lýsti þar
starfsháttum innan bankanna fyrir
hrun en hún sagði það vera rótgróið
viðhorf í samfélaginu að líta á lög
sem hindranir sem leggi stein í götu
athafnamanna.
Vilhjálmur
Þorsteinsson
45 ára, Stjórnarformaður CCP
Bæjarfélag: Reykjavík.
Menntun/starfsreynsla:
Vilhjámur er stúdent af
eðlisfræðisviði MH. Hann starfaði
sem forritari, hugbúnaðarhönnuður
og tæknistjóri í eigin fyrirtæki frá
1983, hefur verið stjórnarmaður
í ýmsum upplýsingatækni- og
fjarskiptafyrirtækjum innanlands og
utan, m.a. stjórnarmaður í CCP frá
2003 og stjórnarformaður þess frá
2006. Hann hefur fengist við hug-
búnaðargerð frá árinu 1982. Hann
var á sínum tíma félagi í Bandalagi
jafnaðarmanna og síðar Alþýðu-
flokknum, og var varaborgarfulltrúi
fyrir Reykjavíkurlistann.
Þorkell Helgason
68 ára stærðfræðingur
Bæjarfélag: Álftanes.
Menntun/starfsreynsla:
Þorkell nam stærðfræði
í Göttingen, München
í Þýskalandi og MIT í Bandaríkjun-
um. Þaðan lauk hann doktorsprófi
árið 1971. Hann var aðstoðarmaður
heilbrigðisráðherra, síðar ráðuneyt-
isstjóri og loks orkumálastjóri. Hann
hefur setið í stjórn Sinfóníuhljóm-
sveitar Íslands og verið ráðgjafi
opinberra aðila í skattamálum,
fiskveiðistjórnun og við útfærslu
kosningafyrirkomulags. Þorkell
var kvæntur Helgu Ingólfsdóttur
semballeikara sem lést í fyrra.
Þorvaldur
Gylfason
59 ára hagfræðiprófessor
Bæjarfélag: Reykjavík.
Menntun/starfsreynsla:
Þorvaldur er prófessor
í hagfræði í Háskóla Íslands. Eftir
hann liggja nítján bækur og á annað
hundrað ritgerða og bókarkafla
innanlands og utan- auk 700 blaða-
greina og fáeinna sönglaga. Hann
lauk doktorsprófi frá Princeton-há-
skóla í Bandaríkjunum og hefur
starfað við kennslu, rannsóknir og
ráðgjöf víða um heim, meðal annars
á vegum Alþjóðagjaldeyrissjóðsins.
Hann hefur ritað vikulega pistla
um þjóðmál í Fréttablaðið mörg
undanfarin ár. Eiginkona Þorvalds er
Anna K. Bjarnadóttir.
Þórhildur
Þorleifsdóttir
65 ára leikstjóri
Bæjarfélag: Reykjavík.
Menntun/starfsreynsla:
Þórhildur lauk stúdents-
prófi frá Menntaskólanum á Akur-
eyri. Hún hélt áfram námi í Englandi
og Þýskalandi í leikhúsfræðum. Árin
1996 til 2000 var hún leikhússtjóri í
Borgarleikhúsinu. Þórhildur er einn
af stofnendum Kvennaframboðs og
Kvennalistans. Hún var varaborgar-
fulltrúi frá 1982 til 1990 og sat á þingi
fyrir Kvennalistann frá árinu 1987 til
1991. Hún hefur setið í nefndum á
vegum Reykjavíkurborgar og Alþingis
og sinnt fjölmörgum trúnaðarstörf-
um fyrir stjórnvöld. Eiginmaður
Þórhildar er Arnar Jónsson leikari.
Örn Bárður
Jónsson
65 ára, Sóknarprestur í
Neskirkju
Bæjarfélag: Reykjavík.
Menntun/starfsreynsla:
Örn Bárður lauk verslunarprófi frá
Verslunarskóla Íslands árið 1969. Hann
nam endurskoðun um tíma en snéri
sér að guðfræði sem hann nam fyrst í
Englandi. Hann var vígður djákni árið
1979 og lauk guðfræðiprófi frá Háskóla
Íslands árið 1985 og síðar doktorsprófi
frá Fuller Theological Seminary í
Bandaríkjunum árið 1995. Hann nam
áfram við Yale-háskóla á síðastliðnu
ári. Örn Bárður var verkefnis- og
fræðslustjóri þjóðkirkjunnar frá 1990
til 1999 er hann varð sóknarprestur við
Neskirkju. Eiginkona Arnar Bárðar er
Bjarnfríður Jóhannsdóttir.
12 FRÉTTIR 1. desember 2010 MIÐVIKUDAGUR
Þessir verða á stjórnlagaþinginu
25 landskjörnir fulltrúar munu fá það verðuga verkefni að endurskoða stjórnarskrá Íslands. En hvaða fólk
er þetta? Hér að neðan gefur að líta stutta greiningu á hverjum og einum.
ÞORVALDUR GYLFASON FÉKK
LANGFLEST ATKVÆÐI Í 1. SÆTI:
SVONA
SKIPTUST
ATKVÆÐIN
ATKVÆÐI Í FYRSTA SÆTI
1. Þorvaldur Gylfason 7.192
2. Salvör Nordal 2.482
3. Ómar Ragnarsson 2.440
4. Andrés Magnússon 2.175
5. Pétur Gunnlaugson 1.989
6. Þorkell Helgason 1.930
7. Ari Teitsson 1.686
8. Illugi Jökulsson 1.593
9. Freyja Haraldsdóttir 1.089
10. Silja Bára Ómarsdóttir 1.054
11. Örn Bárður Jónsson 806
12. Eiríkur Bergmann 753
13. Dögg Harðardóttir 674
14. Vilhjálmur Þorsteinsson 672
15. Pawel Bartoszek 584
16. Þórhildur Þorleifsdóttir 584
17. Arnfríður Guðmundsdóttir 531
18. Erlingur Sigurðarson 526
19. Inga Lind Karlsdóttir 493
20. Katrín Oddsdóttir 479
21. Guðmundur Gunnarsson 432
22. Katrín Fjeldsted 418
23. Ástrós Gunnlaugsdóttir 396
24. Gísli Tryggvason 348
25. Lýður Árnason 347