Dagblaðið Vísir - DV - 23.03.2011, Blaðsíða 2

2 | Fréttir 23. mars 2011 Miðvikudagur
• Dregur úr vöðvaspennu
• Höfuð- háls- og bakverkjum
• Er slakandi og bætir svefn
• Notkun 10-20 mínútur í senn
• Gefur þér aukna orku og vellíðan
Opið virka daga kl. 9 -18
og á laugardögum kl. 11 - 16
Nálastungudýnan
Heilsudýn
an sem
slegið he
fur í gegn
Verð: 9.750 kr.
Stórhöfða 25 • Sími 569 3100 • eirberg.is
Innan Vinstrihreyfingarinnar – græns
framboðs ríkja blendnar tilfinningar
og skoðanir eftir úrsögn Lilju Móses­
dóttur og Atla Gíslasonar úr þing­
flokknum. Litið er svo á að ríkis­
stjórnin og þingmeirihlutinn hafi
ekki átt stuðning þeirra vísan hvort
sem þau yrðu áfram innan eða utan
þingflokksins. Lykilmönnum innan
Samfylkingarinnar sýnist brotthvarf
þingmannanna vísa leið til bætts
samstarfs stjórnarflokkanna og að
þeir geti af meiri einhug barist fyrir
einstökum stefnumálum.
Engu að síður er ljóst að óbreytt
nýtur stefnuyfirlýsing ríkisstjórnar­
innar ekki lengur meirihlutafylgis á
Alþingi. Formlega nýtur ríkisstjórnin
stuðnings 33 þingmanna gegn ýmist
30, 29 eða 28 eftir því hvernig Lilja og
Atli greiða atkvæði. Í mörgum stórum
málum hefur þingmeirihlutinn þó
sótt stuðning til einstakra þingmanna
stjórnarandstöðunnar. Má þar nefna
stuðning um 5 þingmanna Sjálfstæð­
isflokksins og Framsóknarflokksins
við umsókn um aðild að Evrópusam­
bandinu. Lilja svaraði því ekki afdrátt­
arlaust á blaðamannafundi hvort hún
myndi verja núverandi ríkisstjórn
vantrausti yrði slík tillaga borin fram
á Alþingi.
Ekki ótítt í sögunni
Líta má til sögunnar þegar metinn
er þingstyrkur og staða ríkisstjórna.
Viðreisnarstjórn Sjálfstæðisflokks
og Alþýðuflokks, sem sat í 12 ár frá
lokum sjötta áratugar síðustu aldar
fram í byrjun þess áttunda, studdist
yfirleitt við minnsta mögulega þing­
meirihluta, eða 32 til 33 þingmenn
af 60. Alþingi var þá skipt í efri og
neðri deild og þurfti því stuðning 32
þingmanna. Viðreisnarstjórnin var
ekki talin sérstaklega veik af þessum
sökum; allt eins má ætla að naumur
meirihluti herði ríkisstjórnir og þétti
raðir manna þegar til lengdar lætur.
Þetta er og sjónarmið margra stjórn­
arliða sem telja jafnvel að línur hefðu
mátt skýrast enn meir með brotthvarfi
Ásmundar Einars Daðasonar úr þing­
flokki VG en hann kemur ýmsum
flokkssystkinum sínum fyrir sjónir
sem stjórnarandstæðingur.
Í opna skjöldu
Brotthvarf Atla og Lilju úr þingflokki
VG kom þingflokki og öðrum flokks­
mönnum, svo sem stuðningsmönn­
um Atla Gíslasonar í Suðurkjör­
dæmi, í opna skjöldu. Lilja og Atli
létu nokkra þingmenn VG vita um
áform sín þegar á mánudaginn. Sam­
kvæmt heimildum DV er þar átt við
Ásmund Einar, Ögmund Jónasson
innanríkisráðherra, Jón Bjarnason,
sjávarútvegs­ og landbúnaðarráð­
herra, og Guðfríði Lilju Grétarsdóttur,
en hún kemur aftur til starfa á Alþingi
snemna í apríl. Atli hefur skýrt það
svo í fjölmiðlum að þetta séu þeir ein­
staklingar sem þau hafi átt gott sam­
starf við innan þingflokks VG.
Atli og Lilja létu með öðrum orðum
Steingrím J. Sigfússon, formann sinn,
ekki vita af áformum sínum fyrir þing­
flokksfund að morgni þriðjudags síð­
astliðins. Eftir því sem DV kemst næst
gerðu Ögmundur, Jón eða Ásmundur
ekki heldur formanni flokksins við­
vart um áform Atla og Lilju. Atli og
Lilja reyndu þó að ná til formanns
flokksins fyrir umræddan þingflokks­
fund en hann var upptekinn á fundi
skömmu fyrir þingflokksfundinn.
Atli mætir andbyr
Fáum kom á óvart að Lilja Mósesdótt­
ir skyldi segja sig úr þingflokknum og
rökin hennar fyrir því voru þekkt. Má
þar nefna afdráttarlausa andstöðu
hennar við samninga við Alþjóða­
gjaldeyrissjóðinn um endurreisn.
Úrsögn Atla úr þingflokknum er
mönnum innan þingflokksins meiri
ráðgáta. Viðbrögð grasrótarinnar í
kjördæmi hans, Suðurkjördæmi, hafa
einnig verið honum mótdræg. Stjórn
Vinstrihreyfingarinnar – græns fram­
boðs í Vestmannaeyjum lýsti yfir
miklum vonbrigðum með ákvörðun
hans um úrsögn úr þingflokknum og
skoraði á hann að segja af sér þing­
mennsku svo varamaður hans gæti
tekið sæti. „Með úrsögninni telur
stjórnin að Atli sitji ekki lengur á Al­
þingi í umboði kjósenda VG í kjör­
dæminu.“
Öllu alvarlegri er þó ályktun kjör­
dæmisráðs VG í Suðurkjördæmi gegn
Atla. Í yfirlýsingu sinni lýsir kjördæm­
isráðið vonbrigðum með að þing­
maðurinn skuli ekki hafa rætt fyrir­
ætlanir sínar við stofnanir og grasrót
flokksins. „Þrátt fyrir yfirlýsingar Atla
um að starfa á Alþingi eftir stefnu VG,
telur stjórnin að um trúnaðarbrest sé
að ræða þannig að Atla Gíslasyni sé
ekki lengur sætt í umboði kjósenda
VG á Suðurlandi. Ennfremur lýsir
stjórn kjördæmisráðs yfir stuðningi
við ríkisstjórn VG og Samfylkingar,“
segir orðrétt.
Undir þetta tekur einnig
stjórn VG á Suðurnesjum.
„Fundurinn hvetur þing­
manninn til að stíga til
hliðar og hleypa að Arn­
dísi Soffíu Sigurðardóttur,
varaþingmanni okkar, sem
við berum fullt traust  til.“
Að líkindum á útleið
Atli sagði á blaðamannafundi
að hvarflað hefði að sér að segja
af sér sem þingmaður en hann
ætlaði að sjá hver framvindan
yrði næstu vikur og mánuði.
Hann kvaðst ekki hafa
upplifað ástandið
sem þriggja
flokka
samn­
inga­
viðræður um langa hríð, Samfylk­
ingar, VG og síðan hans sjálfs og fleiri
sem ekki hafa átt samleið með forystu
VG. Sá var þó skilningur Svans Krist­
jánssonar stjórnmálafræðiprófessors
snemma í janúar þegar þingflokkur­
inn hélt átakafundi vegna andstöðu
Atla, Lilju og Ásmundar Einars við af­
greiðslu fjárlaga. „Hafi þingmennirnir
ekki stutt bókun stjórnar þingflokks­
ins er staðfestur klofningur í flokkn­
um... Nú liggur fyrir svart á hvítu að
ríkisstjórnin styðst við 32 manna
meirihluta á þingi því þingmenn­
irnir þrír hafa í raun og veru stofn­
að nýjan flokk. Það verður því að líta
svo á að nú standi yfir viðræð­
ur þriggja flokka um
stjórnarsamstarf,“
sagði Svanur.
Víkja úr nefnd-
um þingsins
Þegar í þess­
ari viku verð­
ur Lilju og Atla
skipt út í nefnd­
um Alþingis þar
sem þingmönn­
um gefst nokk­
urt færi á að hafa
áhrif á gang mála. Lilja er formaður
viðskiptanefndar en Atli er formað­
ur sjávarútvegs­ og landbúnaðar­
nefndar. Atli á auk þess sæti í allsherj­
arnefnd en Lilja í iðnaðarnefnd og
menntamálanefnd. Atli og Lilja
mynda ekki nýjan þingflokk og verða
háð öðrum flokkum um sæti í nefnd­
um sækist þau eftir nefndarsetu á
annað borð. Líklegast er að Lilja gæti
samið við Hreyfinguna um nefndar­
setu en það yrði á kostnað þingmann­
anna þriggja sem sitja á þingi á vegum
Hreyfingarinnar.
Hvað með hin fjögur?
Ekki eru allir viðmælendur DV á einu
máli um hvaða þýðingu brotthvarf
Atla og Lilju hefur úr þingflokki VG
fyrir hin fjögur sem þau hafa átt sam­
leið með, Ögmund, Guðfríði Lilju, Jón
og Ásmund Einar. Böndin sem halda
Ásmundi Einari innan þingflokksins
hafa trosnað með brotthvarfi Lilju og
Atla, en hann á nú mesta samleið með
Jóni Bjarnasyni sjávarútvegsráðherra.
Báðir eru þeir úr Norðvesturkjör­
dæmi og svarnir andstæðingar aðild­
arumsóknar að ESB, rétt eins og Atli.
Ætla mætti að staða Jóns og Ög­
mundar innan ríkisstjórnarinnar hafi
styrkst með útgöngu Atla og Lilju úr
þingflokknum. Ljóst er að áform um
að sameina fiskveiðar, landbúnað,
iðnaðinn og fleira undir atvinnuvega­
ráðuneyti hafa ekki verið lögð á hill­
una þótt áformum þar um hafi ver­
ið slegið á frest vegna andstöðu Jóns
sjálfs og ýmissa hagsmunaaðila.
Framtíð Jóns er hins vegar talin velta
á því hvort honum takist að leggja
fram frumvarp sem fallið er til sátta
um sjávarútveginn, en því hefur
margoft verið lýst yfir af for­
ystumönnum ríkisstjórn­
arinnar að gagnger­
ar breytingar á
n VG á Suðurlandi bregst hart við brotthvarfi
Atla Gíslasonar og krefst afsagnar n Staða Jóns
Bjarnasonar kann að styrkjast með brotthvarfi Lilju
Mósesdóttur og Atla úr þingflokki VG n Halda ekki
nefndarsætum sínum fyrir VG á Alþingi út þessa viku
n Óvíst um áhrif á framtíð ríkisstjórnarinnar n SA og
Viðskiptaráð vilja koma ríkisstjórninni frá
„Lilja og Atli létu
nokkra þingmenn
VG vita um áform sín
þegar á mánudaginn.
Naumur meirihluti
eN meiri samstaða
Jóhann Hauksson
blaðamaður skrifar johann@dv.is
Slitnar taugin við VG? Ásmundur Einar Daðason er að mati samfylkingarmanna harður
stjórnarandstæðingur og því sé raunverulega um minnsta mögulega meirihluta að ræða.