Dagblaðið Vísir - DV - 30.05.2012, Blaðsíða 24

24 Sport 30. maí 2012 Miðvikudagur
Manchester United
Stjórastaðan: Sir Alex Ferguson
er einn fárra stjóra í heiminum
sem ákveður sjálfur hvenær hann
hættir. Hann ætlar ekki að setjast í
helgan stein vitandi það að bláliðar
borgarinnar séu með meistarabikar-
inn og er staðráðinn í að vinna sinn
13. deildartitil á næstu leiktíð.
Eyðslueyrir: Nettóskuldir United
hafa hækkað um 26 milljónir punda
og heildartekjur dregist saman
um 5 prósent svo það er eitthvað
takmarkað sem Ferguson hefur milli
handanna. Hann gæti þó skrapað
saman í eitt stórt nafn ef sá gállinn
er á honum.
Það sem vantar: Skapandi miðju-
maður í stað Paul Scholes, þó hann
verði annað ár. Vinstri bakvörður,
og tveir framherjar þar sem Michael
Owen og Dimitar Berbatov fara frá
félaginu í sumar.
Það sem þeir fá: Líklega það sem
þeir þurfa. Nýjustu fregnir herma að
Shinji Kagawa sé á leið frá Borussia
Dortmund.
Skotmörk:
Kagawa (Dort-
mund), Leighton
Baines (Everton),
Luka Modric
(Tottenham), Wesley
Sneijder (Inter).
Liverpool
Stjórastaðan: Allt í háalofti
þar. Eftir að Kenny Dalglish
var rekinn virðast bandarísku
eigendurnir vera að flækja málin
óþarflega. Roberto Martinez er
þó líklegastur til að taka við.
Eyðslueyrir: Stjórnin hefur lýst
því yfir að nýr stjóri fái peninga
til að eyða. Það í bland við fleiri
öfluga auglýsingasamninga,
gæti þýtt að skotsilfrið yrði á
bilinu 20 til 40 milljónir punda.
Það sem vantar: Markaskorari
sem hefur sannað sig. Liverpool
vantar mann til að klára færin,
ekki bara lúðra í tréverkið. Meiri
gæði og hraða á vængina, meiri
lipurð á miðjuna og sterkan
miðvörð.
Það sem þeir fá: Liverpool er
ekki fyrsti áfangastaður margra
leikmanna þessa dagana. En
með peningana að vopni ætti
liðið að geta bætt þá veikleika
sem urðu til þess að liðið endaði í
8. sæti deildarinnar.
Skotmörk: Munu líklega
ráðast af því hver tekur við liðinu,
ólíkt því sem er að gerast hjá
Chelsea þar sem eigandinn er í
verslunarleiðangri með sinn eigin
óskalista.
Manchester City
Stjórastaðan: Roberto Mancini sigldi í höfn
fyrsta deildartitli liðsins í 44 ár og er við það að
skrifa undir nýjan þriggja til fjögurra ára samning
samkvæmt heimildum. Völd hans hafa aldrei
verið meiri og staða hans aldrei jafn örugg.
Eyðslueyrir: Þrátt fyrir að Financial Fair Play-
reglur UEFA, ættu að takmarka eyðslugeðveiki
Mansour sjeiks og City-manna þá er samt búist
við að ensku meistararnir kaupi tvo til þrjá dýra
leikmenn í þegar gríðarsterkan og dýran hóp sinn.
Guardian áætlar að skotsilfurskistur Mancini í
sumar innihaldi 150 milljónir punda, þegar laun og
allt aukalegt er talið til.
Það sem vantar: Tvo miðverði, vinstri bakvörð
til vara, skapandi miðjumann, varnarsinnaðan
miðjumann og þrjá framherja, segir Guadian, þar
sem búast megi við að Carloz Tevez, Edin Dzeko og
Mario Balotelli kunni allir að yfirgefa liðið í sumar.
Skotmörk: Ef þeir geta eitthvað og kosta nógu
mikið þá eru þeir orðaðir við City. Robin van Persie
(Arsenal), Zlatan Ibrahimovich og
Thiago Silva (Milan), Leig-
hton Baines (Everton), Eden
Hazard (Lille), Cheik Tioté og
Yohan Cabaye (Newcastle),
Wesley Sneijder (Inter),
Adriano (Barcelona), Robert
Lewandowski (Dortmund).
chelsea mun
eyða í sumar
n Stefnir í mikla endurnýjun hjá Evrópumeisturunum n City styrkir sig enn frekar
Arsenal
Stjórastaðan: Arsene Wenger
heldur um alla stjórnartauma
og rúmlega það á Emirates-vell-
inum. Næsta leiktíð verður hans
sú 17. hjá félaginu.
Eyðslueyrir: Stjórn félagsins
segir að Wenger eigi nægi fjár-
muni til að eyða og ekki stendur
til að auka í hirslunum með því
að selja Robin van Persie. Það
verður algjört lykilatriði að halda
fyrirliðanum hjá félaginu.
Það sem vantar: Liðið er
ágætlega mannað en það vantar
fleiri heimsklassaleikmenn. Að fá
Jack Wilshere aftur úr meiðslum
verður reyndar eins og að fá nýjan
miðjumann.
Það sem þeir fá: Wenger
býst ekki við að hafa sig mikið
í frammi. Kannski kaupir hann
einn stjörnuleikmann. Hann hefur
þegar tryggt sér Lukas Podolski.
Skotmörk:
Yann M‘Vila
(Rennes), Jan
Verthonghen
(Ajax), Junior
Hoilett
(Blackburn),
Shinji Kagawa
(Dortmund).
Tottenham
Stjórastaðan: Harry Redknapp
á eitt ár eftir af samningi sínum.
Havaríið í kringum landsliðs-
stjórastöðuna varð liðinu dýrkeypt
á síðasta tímabili en samninga-
viðræður hafa átt sér stað um
framlengingu.
Eyðslueyrir: Gert er ráð fyrir að
Redknapp fái 30 milljónir punda til
að eyða en Guardian segir stærsta
áskorunin fyrir stjórnarformanninn
Daniel Levy verði að hækka launa-
þak félagsins úr 70 þúsund pundum
til að lokka stærri nöfn til liðsins og
halda í núverandi stjörnur.
Það sem vantar: Þrátt fyrir fjölda
varnarmanna vill Redknapp einn
toppvarnarmann í miðja vörnina.
Tottenham vantar öflugan fram-
herja.
Það sem þeir fá: Við það að semja
við miðvörðinn Jan Verthonghen
sem eftirsóttur er af mörgum
liðum. Þá er unnið að því að kaupa
Emmanuel Adebayor frá Man City.
Skotmörk:
Verthongen (Ajax),
Adebayor (Man
City), Loic Rémy
(Marseille), Junior
Hoilett (Black-
burn).
Newcastle
Stjórastaðan: Óvanalega
stöðug. Alan Pardew er með
langtímasamning og eftir að
hafa náð 5. sætinu á síðasta
tímabili eru allir glaðir.
Eyðslueyrir: Mike Ashley, eig-
andi liðsins, heldur vel utan um
budduna svo Pardew þarf líklega
að selja til að kaupa. Smávegis
skotsilfur fæst fyrir aukaleikara
á borð við Dannie Guthrie, Leon
Best og Nile Ranger. Það gæti
freistað Pardew að selja Cheikh
Tioté berist gott tilboð.
Það sem vantar: Alvöru
vinstri bakvörður, miðvörður og
varaframherji sem leyst geta Ba
og Cissé af.
Það sem þeir fá: Pardew hefur
sýnt klókindi í kaupum sínum
undanfarið svo hann gæti fyllt
í öll skörðin fyrir lítinn pening.
Búast má við verslunarleiðangri
um Holland að mati Guardian.
Skotmörk: Erik
Pieters (PSV),
Douglas (FC
Twente), Luke de
Jong (Twente),
Nicolai Boilesen
(Ajax), Wilfried
Zaha (Crystal Palace).
Chelsea
Stjórastaðan: Eigandinn, Roman
Abramovich, og stjórnarliðar hans
ætla sér að vera búnir að finna
nýjan stjóra á næstu tveimur vikum.
Roberto Di Matteo telur dagana þar
til samningur hans rennur út 30. júní.
Roman vill Pep Guardiola, óvíst er
hvort af því verði.
Eyðslueyrir: Chelsea mun eyða eins
miklu og þarf til að fylla í eyður og
endurnýja gamalt lið. Roman mun
skemmta sér konunglega við að
kaupa alvöru leikmenn.
Það sem vantar: Framherji til að
taka við af Didier Drogba, skapandi
miðjumaður og hægri bakvörður.
Það sem þeir fá: Chelsea mun
fá leikmenn í allar þær stöður sem
vantar. Búið að tryggja sér Marko
Marin frá Werder Bremen og þá
virðist Eden Hazard hafa valið
Chelsea fram yfir Manchester-liðin.
Skotmörk: Edinson
Cavani (Napoli),
Radamel Falcao
(Atletico Madrid),
Hulk (Porto), Gon-
zalo Higuaín (Real
Madrid), Lucas Moura
(Sao Paulo), Gregory van der Wiel
(Ajax), Cesar Azpilicueta (Marseille),
Milos Krasic (Juventus).
Milljarðameistaralið Manchester City
hefur titil að verja og tekur þátt í Meistara-
deild Evrópu. Guardian býst við að félagið
kaupi tvo til þrjá dýra, heimsklassaleikmenn.