Dagblaðið Vísir - DV - 25.07.2012, Page 24

24 Sport 25. júlí 2012 Miðvikudagur
Bretland
Þó að Bretar teljist ekki líklegir til árangurs í mótinu eiga
þeir góða möguleika í A-riðli. Liðið mætti Brasilíumönn-
um í vináttuleik á dögunum sem tapaðist 2:0 og þóttu
Bretar ósannfærandi í þeim leik. Breska liðið er þó
skipað góðum leikmönnum á borð við Craig Bellamy, Joe
Allen, Ryan Giggs, Tom Cleverley og Micah Richards sem
allir hafa góða reynslu úr ensku úrvalsdeildinni.
Lykilmaður
Daniel Sturridge
Chelsea
Bretar þurfa mörk frá Sturridge
til að eiga möguleika. Nái hann
sér á strik gætu Bretar komist
langt í keppninni.
Úrúgvæ
Úrúgvæ er eitt sigurstranglegasta lið keppninnar enda
núverandi Suður-Ameríkumeistarar. Þá eru Luis Suarez,
Edinson Cavani, Sebastian Coates og ungstirnið Gaston
Ramirez í hópnum. Liðið hefur skorað mikið í æfinga-
leikjum að undanförnu en líklega mun mikið mæða á
Coates að stilla saman vörnina.
Lykilmaður
Arevalo Rios
Palermo
Þó að Suarez og Cavani séu
frábærir knattspyrnumenn mun
vinnusemi og dugnaður Rios
fleyta liðinu langt.
Senegal
Senegalar hafa verið misjafnir í vináttuleikjum að
undanförnu. Liðið vann góða sigra á Sviss og Spáni en
tapaði svo 3:0 fyrir Suður-Kóreu. Framherjinn Ibrahima
Balde, miðjumaðurinn Stephane Badji og varnarmað-
urinn Kara Mbodj hafa verið orðaðir við stórlið í Evrópu
að undanförnu og verður gaman að fylgjast með þeim.
Möguleiki þeirra á sæti í átta liða úrslitum er sannarlega
fyrir hendi.
Lykilmaður
Cheikhou Kouyate
Anderlecht
Kröftugur miðjumaður sem átti
frábært tímabil í Belgíu í fyrra.
Leikmaður sem bindur saman
vörn og sókn og getur líka skorað.
Sameinuðu arabísku
furstadæmin
Knattspyrnan í Sameinuðu arabísku furstadæmunum
hefur verið á uppleið en það mun ekki duga til að þessu
sinni. Riðillinn er einn sá erfiðasti á mótinu og flestir
leikmanna liðsins óskrifað blað á alþjóðavísu.
Lykilmaður
Ahmed Khalil
Al-Ahli
Ungur og fljótur framherji sem
hefur skorað mörg mörk fyrir
yngri landsliðin. Leikmaður sem
getur breytt leikjum upp á sitt
einsdæmi.
Gabon
Gabonar eru ekki líklegir til afreka á mótinu. Liðið
tapaði fyrir Hondúras á dögunum en vann svo enska
utandeildarliðið Heaton Stannington, 4:0 í vináttuleik.
Í liðinu eru þó þrír leikmenn sem búa yfir góðri reynslu;
markvörðurinn Didier Ovono, varnarmaðurinn Bruno
Manga og framherjinn Pierre-Emerick Aubameyang.
Lykilmaður
Pierre-Emerick
Aubameyang
St. Etienne
Framherjinn skoraði 16 mörk
í frönsku deildinni á síðustu
leiktíð og þrjú mörk í Afríku-
keppninni. Þarf að skora mörk til
að Gabon eigi möguleika.
Suður-Kórea
Kóreumenn geta vel komist upp úr riðlinum en þurfa
að stilla saman strengina í vörninni til að það takist.
Liðið býr yfir miklum hraða fram á við og í liðinu eru fjórir
leikmenn sem hafa góða reynslu úr Evrópuboltanum.
Lykilmaður
Ki Sung-Yeung
Celtic
Lykilmaður hjá Glasgow Celtic
og mjög lunkinn sóknarmaður.
Þarf að vera í toppstandi í sumar
til að Suður-Kórea komist áfram.
Mexíkó
Liðið er nánast skipað sömu leikmönnum og tóku þátt
í Suður-Ameríkukeppninni í fyrra. Liðinu hefur þó ekki
gengið sérstaklega í vináttuleikjum að undanförnu.
Mexíkóar eru þó með mannskap til að komast langt og
ættu að komast upp úr riðlinum.
Lykilmaður
Giovani dos Santos
Tottenham
Spilar lítið fyrir Tottenham en
hefur verið frábær með lands-
liðinu. Skorar mörk og býr til færi
fyrir félaga sína.
Sviss
Svisslendingar komust í úrslitaleik Evrópumóts U21 í
fyrra og byggir liðið á sama kjarna þó lykilmenn vanti;
Granit Xhaka og Xherdan Shaqiri verða ekki með á leik-
unum. Í liðinu eru þó leikmenn eins Innocent Emeghara
og Admir Mehmedi sem gætu komið liðinu langt.
Lykilmaður
Fabian Frei
Basel
Efnilegur miðjumaður sem er
mjög vinnusamur og skapandi.
Algjör lykilmaður fyrir sviss-
neska liðið.
Hvíta-Rússland
Hvít-Rússar tryggðu sér þátttökurétt á leikunum með
því að lenda í þriðja sæti á EM U21 í fyrra. Stjarna liðsins
þá, Mikhail Sivakov, verður ekki með á leikunum og
þá hefur liðinu gengið bölvanlega í vináttuleikjum að
undanförnu. C-riðillinn er þó líklega lakasti riðill keppn-
innar og aldrei að vita nema Hvít-Rússar komi á óvart.
Lykilmaður
Sergei Kornilenko
Krylia Sovetov
Reyndur framherji sem er sá
eini í hópnum sem leikur utan
heimalandsins. Hefur skorað 12
mörk í 52 landsleikjum.
Brasilía
Brassar eru líklegir til afreka í ár og margir ungir og
spennandi leikmenn í hópnum; Neymar, Ganso, Lucas
Moura og Oscar. Ólympíuleikarnir eru eina stórmótið
sem Brasilíumenn hafa ekki unnið og hafa leikmenn
liðsins gefið það út að ekkert annað en sigur komi til
greina. Thiago Silva, Hulk og Marcelo eru reynslumestu
leikmenn liðsins.
Lykilmaður
Neymar
Santos
Sá leikmaður sem mest verður
horft á og leikmaðurinn sem á
að sjá um að búa til færi og skora
mörk.
Egyptaland
Egypska liðið hefur undirbúið sig vel fyrir mótið og spil-
að 15 leiki á þessu ári. Liðinu hefur gengið upp og ofan en
leikmenn liðsins þekkja vel hver annan. Fylgist vel með
framherjanum Ernad Moteab sem er aðalmarkaskorari
liðsins.
Lykilmaður
Mohamed
Aboutrika
Al-Ahly
33 ára miðjumaður sem er
mikill aukaspyrnusérfræðingur.
Fimm sinnum leikmaður ársins í
Egyptalandi.
Nýja-Sjáland
Ný-Sjálendingar þykja ekki líklegir til afreka þó liðið hafi
verið á mikilli uppleið á undanförnum árum. Liðið sigraði
Japani í vináttuleik á dögunum en tapaði svo fyrir
Suður-Kóreu og Sameinuðu arabísku furstadæmunum.
Lykilmaður
Ryan Nelsen
QPR
Varnarmaður sem er hokinn af
reynslu eftir árin í enska bolt-
anum. Þarf að standa vaktina
vel til að Ný-Sjálendingar eigi
möguleika á að komast áfram.
Hondúras
Liðið hefur leikið vel að undanförnu og unnið Gabon,
Sameinuðu arabísku furstadæmin og Egyptaland í vin-
áttuleikjum á undanförnum vikum. Liðið er vel skipulagt
og gæti komið á óvart í sumar.
Lykilmaður
Antony Lozano
Valencia B
19 ára framherji sem spilaði sinn
fyrsta leik sem atvinnumaður
aðeins 15 ára. Leikmaður með
gott markanef.
Japan
Japanir eru á uppleið í fótboltanum. Í hópnum eru fimm
leikmenn sem spila í Þýskalandi og er hópurinn nokkuð
reynslumikill þrátt fyrir ungan aldur. Ryo Miyachi og
Shinji Kagawa eru ekki í hópnum en Japanir búa yfir fleiri
góðum sóknarmönnum en þeim. Það er helst varnar-
leikurinn sem gæti valdið Japönum höfuðverk.
Lykilmaður
Hiroshi Kiyotake
Nurnberg
22 ára miðjumaður sem er mjög
skapandi. Spilar í þýsku deildinni
næsta vetur eftir að hafa yfirgef-
ið heimaland sitt.
Marokkó
Liðinu hefur ekki gengið sérstaklega vel í vináttuleikjum
og hefur þjálfarinn Pim Verbeek, legið undir ámæli fyrir
að velja ekki miðjumennina Adel Taarabt og Younes
Belhanda í hópinn. Liðið er þó skipað hæfileikaríkum
leikmönnum sem þurfa þó að spila betur saman en þeir
hafa gert.
Lykilmaður
Zakaria Labyad
Sporting
Braust fram á sjónarsviðið með
PSV í Hollandi. Labyad er aðeins
19 ára og er mjög skapandi
miðjumaður sem á líklega eftir
að láta til sín taka í framtíðinni.
Spánn
Spánverjar eru ásamt Brasilíumönnum taldir
sigurstranglegastir. Þó svo að liðinu hafi ekki gengið
sérstaklega vel að undanförnu eru í liðinu leikmenn sem
þekkja fátt annað en að vinna. Í hópnum eru leikmenn
sem unnu EM U21 í fyrra og einnig leikmenn sem urðu
Evrópumeistarar í Póllandi og Úkraínu í sumar.
Lykilmaður
Javi Martinez
Athletic Bilbao
Potturinn og pannan í miðjuspili
Spánar. Öflugur varnarmaður
sem getur einnig stýrt leiknum.
Orðaður við Barcelona og Bayern
Munchen í sumar.
A-riðill B-riðill C-riðill D-riðill
Brassar og spánverjar
líklegir til afreka á Ól
n Sextán þjóðir keppa um Ólympíugullið í fótbolta n Stjörnur framtíðarinnar mæta til leiks
Sigurstranglegir
Brasilíski hópurinn er mjög
sterkur. Ný kynslóð leik-
manna er að brjótast fram
á sjónarsviðið og verður
spennandi að fylgjast
með leikmönnum eins
og Neymar, Oscar, Lucas
Moura og Ganso.