Dagblaðið Vísir - DV - 29.06.2011, Blaðsíða 18

18 | Umræða 29. júní 2011 Miðvikudagur
„Ég veit ekki hvort dóm-
urunum líkar ekki litar-
hátturinn á senternum
mínum. Það er allavega
geysilega mikið veiðileyfi
sem fæst á þann mann.“
n Knattspyrnuþjálfarinn Guðjón
Þórðarson gefur í skyn að dómari sé
haldinn kynþáttafordómum. - Vísir.is
„Það mátti skilja
það þannig af
fréttum en það
er nú ekki rétt,
ég gerði það ekki.“
n Katrín Júlíusdóttir iðnaðarráðherra
segist aldrei hafa sent frá sér yfirlýsingu
um að til greina kæmi að lögbann yrði
sett á verkfall flugmanna. Orð hennar
hafi verið oftúlkuð. - Bylgjan
„Maður þarf oft ekki
nema að fara til læknis og
segjast vera sorgmæddur,
þá fær maður rítalín.“
n Ónafngreind kona sem var árum
saman í harðri fíkniefnaneyslu. - DV
„Þetta er bara rugl og
með þessu er einfaldlega
verið að reyna að mis-
muna fólki eftir þjóðerni.“
n Gareth Guiver kaupsýslumaður er
ósáttur við tvöfalt verðlag í Bláa lóninu.
- DV
„Allir þessir tíu
sjóðir eru í hópi
hrægamma
fjármálaheims-
ins. Þeir sérhæfa
sig í því að hagnast á
óförum annarra.“
n Ólafur Arnarson hagfræðingur um
vogunarsjóðina sem eiga íslensku
bankana.“ - Pressan
„Ertu ekki í klúbbnum?“
Þ
að var bara eins og eigend­
urnir væru kynþáttahatarar,“
sagði breski kaupsýslumað­
urinn Gareth Guiver í sam­
tali við DV um heimsókn sína í Bláa
lónið. Hann hafði verið rukkaður um
hátt í þrefalt hærra aðgangsgjald að
Bláa lóninu en íslenskir tengdafor­
eldrar hans. Ástæðan var sú að hann
er útlendingur, eða eins og hann
upplifði það: „Annars flokks fólk.“
„Ertu ekki í klúbbnum?“ var Ís­
lendingur spurður við komuna í Bláa
lónið. Verðið í Bláa lónið er 4.600
krónur, en klúbbfélagar Bláa lónsins
borga 1.950 krónur. Eina sem þarf
til að gerast klúbbfélagi er íslensk
kennitala. Forsvarsmenn Bláa lóns­
ins kalla þetta „target marketing“,
en aðrir kalla þetta mismunun eftir
þjóðerni.
Þjóðarlygin er að það sé til klúbb­
ur. En það eru til rök fyrir mismun­
uninni. Í fyrsta lagi eru það rök sem
snerta eignarrétt þjóðarinnar. Þau
eru að við eigum Bláa lónið sem þjóð
og höfum rétt á að nota það, jafn­
vel án þess að borga neitt, en aðrir
sem ekki eiga það borga. Í öðru lagi
mætti segja að nú þegar sé mismun­
un á milli þjóða, Íslendingum í óhag.
Þannig eigi Íslendingar erfiðara
með að borga sig inn en ferðamenn,
vegna þess hve fátækir þeir eru. Til
dæmis er ódýrara fyrir Indverja að
skoða Taj Mahal, en fyrir útlendinga.
Þriðju rökin eru að við eigum frem­
ur að gæta hagsmuna Íslendinga
en annarra. Þegar rökin koma sam­
an myndast hugmyndafræðilegur
grundvöllur um að rétt sé að láta út­
lendinga borga meira.
Það er hagkvæmt fyrir Íslendinga
og eigendur Bláa lónsins að rukka
ferðamenn um hærri upphæð en Ís­
lendinga. Þegar kemur að peningum
mælir allt með því fyrir okkur. Þetta
styrkir krónuna og eykur þjóðartekj­
urnar. Það myndi styrkja stöðu okkar
enn meira að gera þetta að almennri
reglu. Við klúbbfélagarnir gætum til
dæmis fengið lægra verð á veitinga­
stöðum og í strætó á sumrin. Klúbb­
félagar gætu fengið að sitja fremst í
strætó, en hinir aftast.
Í fyrrasumar ætluðu tvö börn að
fara saman í Sundlaug Selfoss. Strák­
urinn fékk að fara frítt í sund. Stelp­
an átti hins vegar að borga sig inn.
Ástæðan var sú að strákurinn var ís­
lenskur, en stelpan frá Mósambík.
Eftir að málið varð opinbert baðst
sveitarfélagið, sem rekur sundlaug­
ina, afsökunar og hætti að mismuna
fólki eftir þjóðerni. Svona getur góð
gróðahugmynd orðið ógeðfelld í
raunveruleikanum.
Við getum rökstutt fyrir sjálfum
okkur að réttlætanlegt sé að gæta
eigin hagsmuna með því að brjóta á
rétti annarra. Við getum líka pakkað
þessu inn í falleg orð, eins og „vina­
klúbbur“. En á endanum kemur að
því grundvallaratriði, að rangt er að
mismuna fólki eftir þjóðerni. Stund­
um segja peningarnir „já“ en siðferð­
ið, mannréttindasáttmáli Samein­
uðu þjóðanna og EES­samningurinn
„nei“. Við klúbbfélagar eigum að
koma fram við aðra eins og við vilj­
um að aðrir komi fram við okkur.
Er björninn unninn?
„Ísbjörninn er tákn
viskunnar og er því ekki
best að vinna þá sem
flesta?“ segir Bjargey
Ólafsdóttir mynd-
listarkona. Embætti
sýslumannsins í
Borgarnesi lauk í gær lögreglumáli
vegna myndar af ísbirni sem máluð
var með matarlit á Langjökul í
nóvember í fyrra. Verkinu var ætlað
að vekja athygli á hlýnun jarðar. Um-
hverfisstofnun kærði listakonuna
fyrir brot á náttúruverndarlögum.
Spurningin
Bókstaflega
„Þjóðarlygin er að
það sé til klúbbur.
Leiðtogar styðja
Ingva Hrafn
n Helstu stjórnmála­
leiðtogar þjóðarinnar
víla ekki fyrir sér að fara
í viðtal hjá manni, sem
nýverið var dæmdur
fyrir að hafa 15 milljónir króna
af skattgreiðendum. Ingvi Hrafn
Jónsson, sjónvarpsstjóri ÍNN, fékk
símtal frá sjálfum Karli Sigurbjörns-
syni biskupi skömmu eftir dóminn,
þar sem leiðtogi ríkiskirkjunnar
vottaði honum samúð sína fyrir
hönd almættisins. Skömmu síðar
kom Sigmundur Davíð Gunnlaugsson,
formaður Framsóknarflokksins, í
þátt Ingva Hrafns. Því næst var það
Vilhjálmur Egilsson, framkvæmda­
stjóri Samtaka atvinnulífsins, sem
ákvað að mæta til sjónvarpsmanns­
ins stóryrta.
Eftirsóttur
af biskupum
n Í kjölfar skýrslu
rannsóknarnefndar
þjóðkirkjunnar vegna
kynferðisbrota hefur
formaður nefndarinnar, Róbert
Spanó, verið valinn af kaþólsku kirkj­
unni til að mynda rannsóknarnefnd
á glæpum innan hennar. Mörgum
þótti kirkjunnar menn vera teknir
vettlingatökum í skýrslu Róberts.
Nefnd hans átti að kanna hvort
kirkjunnar menn hefðu gerst sekir
um mistök, vanrækslu eða þöggun.
Hún greindi aðeins eitt tilfelli
þöggunar, en annað var mistök. Fólk
bíður spennt eftir niðurstöðunni um
kaþólsku kirkjuna.
Rýnt í fréttamann
n Lýsingar Þorbjarnar Þórðarsonar
fréttamanns á Stöð 2 í kvöldfréttum
á mánudag vöktu athygli kynbræðra
hans. Í frétt um tvíbreiða brú yfir
Haffjarðará sagði hann meðal
annars: „Karlmennskan liggur í
loftinu en ráðskona sér um að elda
ofan í mennina, eins og Neil Young
í laginu forðum“ og: „Þess á milli
reiða þeir sig á félagsskap hvor
annars og taka á því í vinnunni.“
Vildu blaðamennirnir Bergsteinn Sig-
urðsson og Kolbeinn Óttarsson Proppé
meina að þarna væri kominn Gísli
Einarsson sinnar kynslóðar. Stefán
Hrafn Hagalín tók undir það og
bætti svo um betur með því að segja
að þarna væri allsendis feimnislaus
hómóerótík í gangi.
Sveinn Andri
dregur sig í hlé
n Lögmaðurinn marg­
frægi Sveinn Andri Sveins-
son hefur dregið sig í hlé
úr sviðsljósinu eftir að hafa verið
á allra vörum undanfarið ár. Hann
birtist í umtöluðu viðtali um karl­
mennsku á kvennavefnum Bleikt.
is í desember. Næst leyfði hann
Bleikt.is að fylgjast með stefnumóti
sínu og Bryndísar Gyðu Michelsen
fyrirsætu. Síðar birtist hann í um­
fjölluninni „Við elskum þessa fola“ á
sömu vefsíðu. Fyrir skemmstu slitu
hann og fyrirsætan Kristrún Ösp
Barkardóttir, sem er 27 árum yngri
en hann, samvistum og virðist sem
svo að lögmaðurinn eigi rólegri tíð í
vændum.
Sandkorn
tryggVagötU 11, 101 rEyKjaVíK
Útgáfufélag: DV ehf.
Stjórnarformaður:
Lilja Skaftadóttir
Ritstjórar:
jón trausti reynisson, jontrausti@dv.is
og reynir traustason, rt@dv.is
Fréttastjóri:
Ingi Freyr Vilhjálmsson, ingi@dv.is
Ritstjórnarfulltrúi:
jóhann Hauksson, johann@dv.is
Umsjón helgarblaðs:
Ingibjörg Dögg Kjartansdóttir, ingibjorg@dv.is
Umsjón innblaðs:
Ásgeir jónsson, asgeir@dv.is
DV á netinu: dv.is
Aðalnúmer: 512 7000, Ritstjórn: 512 7010,
Áskriftarsími: 512 7080, Auglýsingar: 512 7050.
Smáauglýsingar: 512 7004.
Umbrot: DV. Prentvinnsla: Landsprent. Dreifing: Árvakur.
DV áskilur sér rétt til að birta aðsent efni blaðsins
á stafrænu formi og í gagnabönkum án endurgjalds.
Öll viðtöl blaðsins eru hljóðrituð.
Stór dagur var í sögu Evrópu á mánudaginn. Þá loksins glitti í að aldalöng bið Evrópubúa
yrði á enda með því að þeir gengju
í samband með hreinasta og fal­
legasta landi í heimi og sterkustu og
fallegustu þjóð vetrarbrautarinnar.
Þetta er söguleg stund,“ sagði János Mortonyi, utanríkisráð­herra Ungverja, sem nú fara
með forsæti í ESB. Hann gat auð­
vitað ekki leynt gleði sinni
með að Íslendingar brytu
nú odd af oflæti sínu og
undirgengjust samninga­
viðræður um hvort Evrópa
mætti kalla Ísland hluta
af sér. Þetta átti sér langan
aðdraganda, þar sem Evr­
ópumenn hafa gengið með
grasið í skónum á eftir Ís­
landi.
Á fimmtándu öld byrj­uðu Englendingar að leita til Íslendinga til
að fá almennilegan harðfisk
að borða og sveipa líkama
sinn heimsklassaull. Þetta
gerðu Englendingar þrátt
fyrir að Íslendingar hefðu
á árum áður rænt fegurstu
konum þeirra og dæmt þá til
ævarandi útlitslegrar meðal­
mennsku.
Á sextándu öld komu síðan Þjóðverj­
arnir skríðandi á
skipum sínum inn
í firði og hafnir og
grátbáðu um að fá að
kaupa lífræna íslenska
fæðu. Þeir hrifust svo af landi,
þjóð og fiski, að þeir settu upp
verstöðvar til að renna fyrir
besta fiski heims í hreinustu
náttúru Evrópu. En Þjóðverj­
arnir voru of aumir til að vinna ís­
lenska vinnu. Því neyddust þeir til
að borga fílefldu Íslendingunum til
að vinna vinnuna sem var handan
atgervis þeirra.
Á endanum ofbauð höfðingj­um og bændum aumingja­háttur útlendinganna, sem
trufluðu íslenska alþýðu frá því að
gæta íslenskra
hagsmuna, og
þeir báðu Þjóðverj­
ana vinsamlegast um
að hætta að vera á land­
inu. Sett voru lög um að enginn
útlendingur mætti vera á Íslandi
á veturna að nauðsynjalausu eða
ráða Íslendinga í vinnu. Upp frá því
var íslensk alþýða látin óáreitt af út­
lendingum og gat einbeitt sér að því
að fullu að bæta hag íslenskra höfð­
ingja og bænda.
adam var ekki lengi í paradís. Löngun Þjóðverja og Eng­lendinga í allt íslenskt linnti
ekki þrátt fyrir allt. Árið 1602 setti
danski konungurinn yfir okkur
þann hlífðarskjöld, sem einok­
unarverslun við Dani átti eftir að
reynast. Þar hófst einkvæni íslensku
þjóðarinnar með Dönum og um
leið fékk alþýðan frið frá öðrum út­
lendingum.
Um leið og Evrópa fagnar nú aðildarviðræðum eru ís­lenskir höfðingjar og bændur
enn og aftur áhyggjufullir fyrir
hönd íslensku þjóðarinnar. Enda
hefur sagan að geyma hegðunar­
mynstur Evrópubúa, sem sýnir
fram á áráttukenndan þankagang
þeirra. Þeir vilja fiskinn okkar, þeir
vilja harðgeru hestana okkar, þeir
vilja gómsætu kindurnar okkar og
þeir vilja fíleflda Íslendinga. Þeir
eru haldnir sjúklegu Íslandsblæti.
Passið ykkur!
Svarthöfði
Íslandsblæti
Leiðari Jón Trausti Reynisson ritstjóri skrifar