Dagblaðið Vísir - DV - 30.01.2012, Blaðsíða 14
E
ld
sn
ey
ti Bensín Dísilolía
Algengt verð 242,7 kr. 253,6 kr.
Algengt verð 242,5 kr. 253,4 kr.
Höfuðborgarsv. 242,4 kr. 253,3 kr.
Algengt verð 242,7 kr. 253,6 kr.
Algengt verð 244,5 kr. 253,6 kr.
Melabraut 242,5 kr. 253,4 kr.
14 Neytendur 30. janúar 2012 Mánudagur
Hraðþjónusta á
hamborgurum
n Lofið fær Úrilla górillan á Stór-
höfða en ánægður viðskiptavinur
sendi eftirfarandi: „Úrilla górillan
fær mitt hrós en þetta er æðis-
legur og flottur sportbar. Ham-
borgararnir þar eru safa-
ríkir og gómsætir og þar
er virkileg hraðþjónusta.
Auk þess er þar fullt af
stórum sjónvörpum
og þar er hægt að
hafa gaman og eiga
góða stund.“
Fyrningardag-
setning á
lausu loki
n Lastið fær Mjólkursamsalan en
kona ein lét vita af óánægju sinni
með dagsetningamerkingar á
vörum MS. „Nú eru komnar nýjar
umbúðir um drykkjarskyr frá
MS og mér finnst að merkingar
mættu vera betri. Síðasti neyslu-
dagur er merktur á loki sem er
á skyrinu. Þetta plastlok er hins
vegar laust ofan á og því auðvelt
að taka það af og skipta lokum.
Þetta gæti hæglega leitt til þess
að verslanir geta skipt um lok og
sett á eldra skyr sem er jafnvel
útrunnið. Þetta er ekki nógu gott
fyrir neytendur,“ segir konan.
Björn S. Gunnarsson, vöruþró-
unarstjóri Mjólkursamsölunnar,
segir að málið verði skoðað og
hann muni athuga hvort þetta
sé eitthvað sem þau geti gert
bragarbót á. „Við erum með einn
bleksprautuprentara og lokið er
þægilegasti flöturinn til að prenta
dagsetninguna á. Þetta er því
aðeins tæknilega erfitt að breyta.
Það er hins vegar hægt að prenta
á dósina sjálfa en þá þyrfti að búa
til pláss á henni allan
hringinn þar sem
dósirnar snúast á
bandinu. Það mætti
ekki vera neitt
merki eða myndir á
þeim stað. Það er þó
alveg sjálfsagt að skoða
þetta og reyna að bæta
þetta,“ segir Björn.
SENDIÐ LOF EÐA LAST Á NEYTENDUR@DV.IS
Lof&Last
Þ
að þarf oft ekki mikið til að
breyta venjum í matargerð
og innkaupum. Mörgum
finnst það óyfirstíganlegt
að breyta matarvenjum en
vefur danska blaðsins Politiken gef-
ur 10 góð ráð sem gera þessa breyt-
ingu á innkaupunum og matargerð-
inni auðveldari.
Nú er sá tími árs sem margir
horfa í budduna og reyna að vera
sparsamir og hagsýnir. Anne Mar-
ie Fogh Larsen, sem kennir mat-
reiðslu og verðvitund við Suhr’s-
matreiðsluskólann, segir að það
sé vel hægt að gera tveggja vikna
matarplan en ókostirnir séu þeir
að fljótlega fer fólki að finnast það
of bundið við það sem ákveðið var
í upphafi. Löngunin til að halda
planinu hverfur og á endanum
hættir maður að fylgja því. Hún seg-
ir að það megi líkja því við megrun-
arkúra og áramótaheit. Það sé því
mikilvægt að búa til plan sem fellur
að takti og matarvenjum fjölskyld-
unnar. Hún ráðleggur fólki að byrja
smátt, taka eitt skref í einu, í stað
þess að gera meiriháttar breytingar
í byrjun.
Matarplan sem virkar
n 10 ráð til að gera matarplan og halda því
1 Fáðu alla fjölskylduna meðByrjaðu á því að kynna þetta sem fjöl-
skylduverkefni og ekki eitthvað sem einungis
foreldrarnir bera ábyrgð á. Börnin geta vel
tekið þátt í skipulaginu og matargerðinni.
Þetta er ekki flókið og börnunum finnst
þetta skemmtilegt.
2 Búðu til listaKvöldmaturinn er
sú máltíð sem þarf hvað
mesta skipulagningu
en það þarf þó einnig að
skipuleggja aðrar máltíðir
dagsins. Anne Marie segir að þá sé gott
að skipuleggja hverja máltíð fyrir sig og fá
þannig yfirlit yfir það sem þarf að kaupa. Þá
þarf að vera með á hreinu hvað skal borða
í morgunmat, hve mörg nestisbox þarf að
útbúa. Hve mikið á að kaupa af grænmeti
og ávöxtum og hve mikil mjólk er drukkin á
heimilinu. Það þarf að búa til innkaupalista
með undirstöðuinnkaupum og gott er að
hengja hann á ísskápinn eða þar sem hann er
alltaf við höndina.
3 Skiptist á hugmyndumFáðu alla í fjölskyldunni til að koma
með hugmyndir að máltíðum og innkaupum.
Þá er gott að setja upp lista yfir uppáhalds-
mat fjölskyldumeðlima og nota það sem
innblástur í innkaupum.
4 Leggðu mat á vikunaEngar tvær vikur eru eins og hreint ekki
hjá fjölskyldum þar sem allir stunda íþróttir
eða aðrar tómstundir. Eins þurfa foreldrar
oft að mæta á fundi eða annað sem gerir
það að verkum að þeir komast ekki í mat.
Það er því gott ráð að setjast niður og fara
yfir komandi viku til að sjá við hve margar
máltíðir allir eru á staðnum. Ef við erum með
það á hreinu hve margar máltíðir í vikunni
allir eru í mat og skrifum það niður verður
mun einfaldara að plana máltíðirnar. Það
er því mikilvægt að huga að þessu í tíma
og finna út hvaða dagar henta betur til
tímafrekari matargerðar en aðrir.
5 Fjölbreytni mikilvægÞegar vikan er plönuð er vel hægt
að ákveða að einu sinni í vikunni verður
fiskur á boðstólum, annan daginn verður
grænmetisréttur og einu sinni
til tvisvar verður kjöt.
6 Skapandi matardagar
Anne Marie leggur til
að hafa einn dag í viku
án þess að fylgja matar-
planinu. Það þýði þó ekki að sleppa megi
matargerðinni alveg. Þá eigi ekki að kaupa
neitt heldur nota afganga og það sem til er.
Í stað þess að hugsa hvaða rétt þið ætlið
að elda skuluð þið skoða hvað þið eigið og
nota það sem hráefni. Það er góð æfing í að
nota afganga og hreinsa til í skápunum. Þar
að auki sparar maður peninga sem má nota
í innkaup næstu daga á eftir. Þá er hægt
að kaupa aðeins fínna kjöt eða meira af
lífrænum matvælum. Þar fyrir utan skapar
það góða stemningu í fjölskyldunni að finna
lausn á matseldinni í sameiningu.
7 Borðaðu eftir árstíðumEf við borðum þau matvæli sem
eru til á hverjum árstíma verður ósjálfrátt
breytileiki í eldamennskunni og við notum
hollar hrávörur. Ef þú ert í vafa um hvaða
hráefni tilheyrir hverri árstíð er gott að skoða
tilboðsbæklinga verslananna.
8 Eldaðu aðeins aukalegaÞað er gott ráð að elda
aukalega þá daga sem þú
hefur góðan tíma. Afgang-
ana má nota næstu daga
á eftir og sér í lagi þá daga
sem fáir eru í mat.
9 Farðu reglulega í búðinaÞað getur virst vera góð hugmynd að
taka einn dag í að kaupa inn fyrir vikuna.
Kostir þess geta þó orðið að engu ef þú missir
yfirsýn yfir hvað er til í skápunum heima eða
ef þú þarft að endurskipuleggja matar-
planið vegna óviðráðanlegra aðstæðna. Ef
þú átt grunnmatvælin er í lagi að fara út í
búð tvisvar í viku og kaupa í kvöldmatinn.
Kosturinn er einnig sá að með því fær maður
ferskari matvæli.
10 Njóttu matargerðarinnarGóðar fyrirætlanir um að
gera matarplan geta orðið að
engu ef við drekkjum okkur í
listum og skipulagi. Þá er til-
gangurinn horfinn. Lykillinn
að góðu og vel heppnuðu
matarplani er að það sé skemmti-
legt að fylgja því. Það er ekki nauðsynlegt
að fjölskyldan búi til mat saman á hverjum
einasta degi og nokkrir dagar í viku ættu
að duga. Það er þó góð regla að þegar allir
safnast saman til að elda mat sé það góð
samverustund fyrir alla. Hægt og rólega fer
fjölskyldan að ná tökum á þessu saman og
þetta verður rútína. Á endanum mun öllum
þykja gaman að elda mat.
Gunnhildur Steinarsdóttir
blaðamaður skrifar gunnhildur@dv.is
Fjölskyldumáltíð
Mikilvægt er að
kynna matarplanið
sem fjölskylduverk-
efni. MYND PhOTOS.cOM