Dagblaðið Vísir - DV - 01.03.2013, Síða 12

12 Fréttir 1.-3. mars 2013 Helgarblað
Slitastjórnin fékk 236 milljónir
n Gamli Glitnir greiddi 616 milljónir króna í laun árið 2012
L
aun og launatengd gjöld starfs­
manna gamla Glitnis námu
samtals 616 milljónum króna
árið 2012 og hækkuðu um 9
milljónir frá árinu áður. Þrátt fyrir það
fækkaði starfsmönnum milli ára úr
43 árið 2011 í 37 árið 2012.
Svokallaður stjórnunarkostnaður
hjá gamla bankanum nam rúmlega
7,6 milljörðum á síðasta ári og hækk­
aði um tæplega 2,2 milljarða frá því
árið 2011 þegar hann var 5,4 milljarð­
ar rúmir. Munar mestu um aukinn
kostnað vegna aðkeyptrar erlendrar
sérfræðiráðgjafar sem nam 3,2 millj­
örðum króna í fyrra. Þetta kemur
fram í ársreikningi gamla Glitnis sem
birtist á miðvikudag.
Í ársreikningnum eru sérstaklega
sundurliðaðar greiðslur til slitastjórn­
arinnar sjálfrar sem samanstendur af
Steinunni Guðbjartsdóttur og Páli
Eiríkssyni. Greiðslur til þeirra nema
samtals 236 milljónum króna en voru
229 milljónir árið 2011. Ef þeirri tölu
væri skipt bróðurlega á milli þeirra
myndi það gera 118 milljónir króna
á mann. Rétt rúmlega 9,8 milljónir
króna á mánuði. En heildargreiðslur
gamla Glitnis til þeirra Steinunnar
og Páls, frá því þau voru skipuð í
slitastjórn Glitnis árið 2009, námu á
síðasta ári 842 milljónum króna.
Lífeyrissjóðirnir, sem eru í kröfu­
hafahópi Glitnis, hafa sent bréf til
Héraðsdóms Reykjavíkur þar sem
þess er krafist að Steinunn og Páll
endurgreiði búinu 482 milljónir
króna. Bréfið var unnið af Reimari
Péturssyni hæstaréttarlögmanni. Þá
upphæð reiknaði hann út með því
að miða við eðlilegt tímagjald fyrir
útselda vinnu lögmanns, átta tíma á
dag, fimm daga vikunnar.
Steinunn hefur haldið því fram
að ekki sé um að ræða laun í neinum
skilningi heldur kostnað. „Við skulum
gera okkur grein fyrir að þessi tiltekt
er ekki lítil,“ sagði hún. Þá benti hún
jafnframt á að fall Glitnis væri tíunda
stærsta gjaldþrot sögunnar og vinna
slitastjórnarinnar færi ekki fram á
eðlilegum vinnutíma. n
solrun@dv.is
Þ
að er rétt að það var fjallað
mikið um trúmál, um kristn­
ina og fleira á landsfundi
Sjálfstæðisflokksins og við
skömmumst okkar ekkert
fyrir það,“ sagði Þorgerður Katrín
Gunnarsdóttir í umræðum um störf
þingsins í vikunni. „Við í Sjálfstæðis­
flokknum, við erum ófeimin við
að undirstrika það að saga okk­
ar og samfélag er samofið kristn­
inni í gegnum árhundruðin. Við vilj­
um gjarnan að samfélag okkar byggi
áfram á kristnum gildum.“
Gríðarlega athygli vakti þegar
málefnanefnd um allsherjar­
og menntamál á landsfundi
Sjálfstæðis flokksins samþykkti að
í stjórnmálaályktun fundarins yrði
setning um að öll lagasetning skyldi
taka mið af kristnum gildum. Eftir
fjaðrafok í netheimum var ákveðið
að taka setninguna út úr ályktun­
inni áður en hún var samþykkt í
heild sinni.
Mótfallin niðurstöðu
nefndarinnar
Þegar Birgitta Jónsdóttir, þingkona
Hreyfingarinnar, spurði Þorgerði
Katrínu um þetta á þinginu sagði
hún: „Það er rétt að við ræddum
mikið og það kom út úr nefndinni
þannig að við vildum líka að kristin
gildi, kristin trú, yrðu viðmiðin í
lagasetningunni. Mér fannst það
persónulega algjörlega óásættanlegt.
Ég hef verið talsmaður þess að við
segjum ófeimin: Já, við erum þjóð.
Við erum kristin þjóð sem byggir á
þessum kristnu gildum. En þegar
kemur að því sem snertir okkar ást­
kæru stjórnarskrá sem við sjálfstæð­
ismenn höfum svo sannarlega barist
hér á þingi fyrir að verja, þegar kem­
ur meðal annars að trúfrelsiskaflan­
um, þá er óásættanlegt að yfir þau
mörk verði farið. Eftir stendur að við
erum ófeimin við að segja að við Ís­
lendingar erum kristin þjóð.“
Kristin gildi þjóðinni til góðs
Þrátt fyrir að dregið hafi verið í land
með fyrrnefnda setningu er enn
að finna klausu um kristileg gildi
í landsfundarályktun Sjálfstæðis­
flokksins: „Sjálfstæðisflokkurinn tel­
ur að kristin gildi séu þjóðinni til
góðs nú sem aldrei fyrr og að hlúa
beri að kirkju og trúarlífi. Sjálfstæðis­
flokkurinn vill standa vörð um þjóð­
kirkju Íslands samkvæmt stjórnar­
skrá. Landsfundur telur mikilvægt
að ríkisvaldið standi full skil á félags­
gjöldum (sóknargjöldum) þjóðkirkj­
unnar og annarra trúfélaga.“
Geir Jón Þórisson, þingframbjóð­
andi Sjálfstæðisflokksins, tjáði sig
um trúmál á Facebook eftir lands­
fundinn. Sagði hann að það hefði
verið „tjón fyrir þjóð okkar að hverfa
frá kristnum gildum“ og bætti því við
að þess vegna hefði „hatur og harka
gerjast í samskiptunum í stað þess að
við ræðum málin af kærleika og ein­
lægni. Það er einmitt það sem hin
kristnu gildi ganga út á.“ Þá vitnaði
Geir Jón sérstaklega í þjóðsönginn.
„Ætliði að halda upp á jólin?“
Bjarni Benediktsson, formaður
Sjálfstæðisflokksins, hefur lýst
því yfir að hann vilji hafa Þjóð­
kirkju á Íslandi. Í viðtali sem tekið
var við hann í útvarpsþættinum
Harmageddon í september síðast­
liðinn velti hann því fyrir sér hvort
aðskilnaður ríkis og kirkju myndi
ef til vill leiða til þess að krossin­
um yrði kippt úr úr þjóðfánanum.
Þá spurði hann þáttastjórnendur:
„Hvað með frídagana? Ætlið þið að
halda upp á jólin?“ Þegar bent var
á að jólin væru heiðinn siður sagði
Bjarni: „Áður en kristnin kom? Hvar
ætlið þið að botna þessa vísu?“ Af­
staða sjálfstæðismanna í trúmál­
um er nokkuð umdeild meðal yngri
flokksmanna og frjálslyndra hægri­
manna, enda hvöttu fulltrúar Sam­
bands ungra sjálfstæðismanna á
landsfundinum til þess að setn­
ingin um að lagasetning tæki mið
af kristnum gildum yrði felld út. Til­
laga þeirra var felld en að lokum
varð þeim að ósk sinni. n
Jóhann Páll Jóhannsson
blaðamaður skrifar johannpall@dv.is
n Segir að flokkurinn skammist sín ekki fyrir umræðuna á landsfundi
„Við erum
kristin þjóð“
Vill kristilegt samfélag
„Við viljum gjarnan að samfélag
okkar byggi áfram á kristnum
gildum,“ sagði Þorgerður Katrín í
umræðum á þinginu.
Stefnir í
óefni vegna
óánægju
„Ég veit að það er mikil óánægja
á meðal þeirra, sem hefur verið
að byggjast upp í svolítið langan
tíma,“ segir Ómar Sigurvin
Gunnarsson, formaður Félags al­
mennra lækna, í samtali við DV.is
en DV hefur heimildir fyrir því að
margir almennir læknir á lyflækn­
ingasviði Landspítalans hafi sagt
upp störfum.
„Þeir eru margir orðnir mjög
þreyttir og ég hef heyrt þessar
óánægjuraddir og veit til þess að
einhverjir hafa sagt upp, aðallega
vegna launakjara,“ segir Ómar
Sigurvin sem bendir á að laun al­
mennra lækna hafa hækkað um
8,7 prósent frá árinu 2007. „Það
nær engan veginn upp í neina
verðbólgu eða neitt. Það hefur ver­
ið gríðarleg kjaraskerðing frá árinu
2007 samhliða gífurlegri aukningu
á álagi. Fólki finnst það ekki fá
laun sem skyldi fyrir þá menntun,
álag og ábyrgð sem fylgir þessu
starfi. Þessi óánægja er að aukast
til muna þegar aðrar stéttir eru
að fá launahækkanir sem sitja í
raun og veru við sama borð og við
þegar kemur að álagi.“
Ekkert nauta-
kjöt fannst í
nautabökum
Rannsókn Matvælastofnunar á
kjötinnihaldi 16 íslenskra matvara
sýnir að Gæðakokkar í Borgarnesi
hafa framleitt og markaðssett tvo
rétti sem sagðir eru innihalda
nautakjöt en niðurstöður rann­
sóknarinnar sýna að svo er ekki.
Niðurstöður rannsóknarinnar
sýndu að Nautabaka frá Gæða­
kokkum í Borgarnesi sem sögð var
innihalda 30 prósent nautahakks
í fyllingu, sem átti að vera helm­
ingur af þyngd vörunnar, innihélt
ekkert kjöt (ekkert dýraprótein).
Lambahakkbollur framleiddar af
sama aðila fyrir Kost og sagðar
innihalda lamba­ og nautakjöt
innihéldu eingöngu lambakjöt.
Frá þessu er greint á vef stofn­
unarinnar en þar segir einnig að
engin vara sem skoðuð var í rann­
sókninni hafi uppfyllt allar kröfur
um merkingar.
Matvælastofnun lét nýverið
rannsaka kjötinnihald 16 íslenskra
matvara á markaði til að kanna
hvort þær innihéldu hrossakjöt án
þess að þess væri getið á umbúð­
um. Niðurstöður rannsóknarinn­
ar sýndu að hrossakjöti hafði ekki
verið blandað í vörurnar. Hins
vegar kom í ljós að engin þessara
vara uppfyllti allar kröfur um
merkingar og reyndust tvær vörur
ekki innihalda nautakjöt þrátt fyrir
merkingar þar um.
Góð laun Páll og Steinunn fengu 236 milljónir króna í laun á síðasta ári.