Dagblaðið Vísir - DV - 01.03.2013, Page 16

F
yrst þegar mér var tilkynnt
um bit síðasta vor, hélt ég
að þetta væri starrafló og
það tók mig nokkrar vikur
að átta mig á, lesa mér til
um vandamálið og fá það stað­
fest af meindýraeyði að þetta væri
veggjalús,“ segir Berglind Björk
Halldórsdóttir sem á og rekur lítið
gistiheimili í miðbæ Reykjavíkur.
Hún hefur barist við veggjalýs, sem
á ensku kallast „bed bugs“, sem
sífellt gera sig heimkomna á gisti­
heimilinu og hefur Berglind ásamt
manni sínum farið í viðamiklar að­
gerðir vegna þess. Kostnaðurinn
hleypur á hundruðum þúsunda og
Berglind kallar eftir auknu eftirliti
og samstarfi við yfirvöld til þess að
koma í veg fyrir þennan óboðna
gest sem getur verið afar hvim­
leiður, líkt og hún þekkir vel sjálf.
Í DV 22. febrúar síðastliðinn var
fjallað um veggjalúsina sem nærist
á blóði fólks en meindýraeyðir sem
DV talaði við sagði merkjanlega
fjölgun útkalla vegna veggjalúsar
hér á landi.
Breyttu heimilinu í gistiheimili
Berglind og fjölskylda hennar
breyttu einbýlishúsi sínu í miðbæn­
um í gistiheimili vorið 2010. „Upp­
haflega var það skyndilausn til að ná
að borga af láninu sem þrefaldaðist
eftir hrunið. Húsið er svo vel staðsett
og skemmtilega uppgert að við vor­
um viss um að það myndi slá í gegn
hjá ferðamönnum.“ Og það varð
raunin. Fjöldi gesta hefur gist hjá
þeim og á ferðavefnum Tripadvisor
eru þau lofuð fyrir góða þjónustu og
hreinlæti. „Við höfðum enga reynslu
af þess lags starfsemi en fylgdum
bara hjartanu og það hefur gengið
vonum framar. Við höfum byggt
upp skemmtilegan anda með hjálp
gestanna,“ segir hún. Þau hafa feng­
ið send viðurkenningarskjöl frá fyrr­
greindri síðu vegna þess að þau eru
efst í sínum flokki á henni.
Á sama tíma og gestir lofa gisti­
heimilið hafa þau hins vegar þurft
að berjast til að losna við veggjalús
úr húsinu sem hefur nærst á gestum
þess.
Erfitt að útrýma henni
„Það þyrmdi svolítið yfir mig þegar
ég opnaði bréfið með viðurkenn­
ingarskjalinu í fyrrasumar þar sem
ég hafði aðeins nokkrum mínútum
áður verið að skipta á laki með blóð­
blettum eftir að veggjalús hafði lagst
á gest, sem hafði lagt af stað í ferð
um hringveginn þá um morgun­
inn án þess að hafa orðið neins var.
Þannig er þetta að berast á milli gisti­
staða, landshluta og landa, með far­
angri, fatnaði og svefnpokum,“ segir
Berglind sem er orðin ansi vel að sér
í hegðun veggjalúsar eftir baráttuna
við hana. Lúsin virðist hafa falið sig
í panel í húsinu en einnig í rúmdýn­
um ásamt fleiri stöðum. „Veggjalús
nærist helst á nokkurra daga fresti og
skríður svo í felur til þess að melta og
verpa. Hún getur fundið sér felustað
í tréverki rúma, bak við veggjapanel,
milli gólflista, parketplanka eða hvar
sem er í rauninni. Ef hún kemst ekki
í næringu getur hún þó lifað í meira
en ár án þess að nærast og þess
vegna er gífurlega erfitt að vita með
vissu hvort tekist hafi að komast fyrir
vandamálið,“ segir hún.
Orðin sjóuð í þessu
Fyrst þegar veggjalúsarinnar varð
vart á heimilinu þá fóru hjónin út í
kostnaðarsamar aðgerðir til þess að
losna við hana. Þau skiptu út dýnum
í öllum rúmum og fengu mein­
dýraeyði til að eitra herbergin. Það
dugði þó ekki til og alltaf kom lús­
in aftur. „Þetta er náttúrulega mjög
kostnaðarsamt og það segir sig sjálft
að ekki er hægt að skipta um rúm í
hverri viku. Enda eru mjög skipt­
ar skoðanir milli meindýraeyða
hvort þess þurfi. Ég kunni ekki réttu
handtökin í byrjun en nú er ég orðin
sjóuð í þessu og þegar ég verð vör við
vegsummerki, þá geri ég dauðaleit í
viðkomandi herbergi, þríf hátt og
lágt, set sængurföt og dýnuhlífar í
lokaðan poka á meðan ég ber hann
í þvottahúsið og í suðuþvott, þvæ
sængur og kodda, ríf í sundur rúm
og gólflista, læt meindýraeyði eitra
og set saman aftur,“ segir hún. Það
kostar um 20–30 þúsund krónur að
eitra hvert herbergi að sögn Berg­
lindar. Stundum þarf hún að loka
herberginu í nokkra daga meðan
eitrið er að virka og þá getur þurft
að vísa frá gestum sem eiga pantað
herbergi.
Kemur alltaf aftur
Frá því að vandamálið kom upp fyrst
hafa þau unnið með meindýraeyðum
að því að losna við meindýrin. Tugir
þúsunda hafa farið í það að kaupa
eitur auk þess sem þau hafa skipt
um gólflista, borað í veggi til þess að
hægt sé að sprauta eitri í gegn panel,
málað, hent rúmum, tekið panel af
og svo mætti lengi telja. „Í byrjun
héldu þeir því fram að eitrið virk­
aði í yfir 90% tilfella. Þar sem ég hef
látið eitra hvert einasta herbergi sem
og húsið allt í tugi skipta undanfarið
ár, virðist eitthvað verulega mikið
athugavert við þá tölfræði. Ef mér
þætti ekki svona vænt um þá mein­
dýraeyða sem hafa verið að gera
sitt besta til að hjálpa okkur væri
ég löngu búin að tilkynna vefsíður
þeirra til Neytendastofu,“ segir hún.
„Það þýðir lítið fyrir fólk að fussa og
sveia og segja okkur bara að loka
herbergjum eða húsinu í lengri tíma,
þrífa og eitra. Það höfum við margoft
Milljónatjón vegna veggjalúsar
16 Fréttir 1.-3. mars 2013 Helgarblað
n Gistihúseigandi hefur barist við veggjalús sem alltaf virðist koma aftur n Kallar eftir auknum afskiptum yfirvalda og breyttum verklagsreglum
Viktoría Hermannsdóttir
blaðamaður skrifar viktoria@dv.is
„Ef hún kemst í reglulegt æti,
til dæmis ferðamenn, getur
hún verpt fimm eggjum á dag
Endalaus barátta Berglind hefur háð harða baráttu við veggjalús á gistiheimili sínu í
miðbænum. Veggjalúsin kemur alltaf aftur og hún telur að samtals hafi verið eytt um þrem-
ur milljónum í að reyna að losna við hana. MYND SIGTRYGGUR ARI
Veggjalús Hér má veggjalús eða „bed bug“ eins og hún kallast á ensku.