Dagblaðið Vísir - DV - 31.07.2013, Síða 27

Fólk 27Miðvikudagur 31. júlí 2013
Finnar vilja sigra heiminn
n Segja Ísland góðan stað til að öðlast frægð
Í
Finnlandi höfum við okkar eigin
tónlistarmenningu sem er frekar
lokuð og erfitt að koma nýjum
hlutum að, en ég held að á Íslandi
séuð þið opnari, “ segir Elina Alavilla­
mo sem er á leiðinni til Íslands að
kynna tónlist sína. „Við lítum á tón­
leika okkar í Hörpu sem fyrsta lið í að
gera tónlist okkar þekkta á Norður­
löndunum, í Evrópu og víðar,“ bætir
hún við og virðist hafa mikla trú á ís­
lenskri tónlist.
Elina er í hljómsveitinni Core­
Baroque, sem spilar barokk tón­
list. Þessu skal ekki rugla saman við
bar­rokk, eins og spilað er á knæp­
um Kallio í skuggahluta Helsinki­
borgar, heldur er þetta tónlist í ætt
við stefnuna frá 17. öld. Tónlist
hljómsveitarinnar er í popp­rokk
anda, en með barokk ívafi í formi
kammer strengjasveitar og keðjulag­
lína. Í Hörp unni munu fjórir með­
limir Sinfó (sem Elina kallar ISO)
troða upp með hljómsveitinni. Hinn
stofnmeðlimur CoreBaroque er
Esa Alavillamo og er, eins og nafnið
bendir til, eiginmaður Elinu.
„Við kynntumst í tónlistarsumar­
búðum árið 2008 þar sem við vorum
bæði kennarar. Við urðum ástfangin,
fórum að gera tónlist saman, giftum
okkur, stofnuðum fjölskyldu og deil­
um flestu í lífinu saman.“
Eitt af því sem Esa og Elina munu
gera saman á næstunni er að taka
upp myndband við lagið „Strong.“
„Þetta verður tekið upp á lands­
byggðinni rétt hjá Reykjavík,“ segir
Elina. „Handritið er afar einfalt. Tvær
manneskjur eru að reyna að komast
á áfangastað. Í upphafi ferðar eru
þær í góðu skapi, glaðar og sjálfsör­
uggar, en hægt og rólega verður and­
rúmsloftið dekkra. Þær týnast, en
komast síðan að því að áfangastað­
urinn var við hlið þeirra frá upphafi.“
CoreBaroque munu spila í Kalda­
lónssal Hörpu þann 15. ágúst og á
Gauki á Stöng þann 17. n
Baltasar á rauða dreglinum
N
ýjasta kvikmynd Baltasars
Kormáks, 2 Guns, var frum­
sýnd í New York á mánu­
daginn, þó eiginlegar sýn­
ingar hefjist ekki fyrr en á
föstudag. Leikstjórinn mætti sjálfur
ásamt eiginkonu sinni og börnum,
en þetta er í fyrsta sinn sem hann
tekur þau öll með sér á frumsýningu
erlendis. Stjörnur myndarinnar voru
einnig viðstaddar ásamt konum sín­
um, Mark Wahlberg í jakkafötum
en Denzel Washington óformlegri í
stuttermabol og með snoðaðan koll.
Frægir aukaleikarar
Wahlberg sást síðast ásamt bangs­
anum orðljóta í myndinni Ted en
hann er orðinn náinn samstarfs­
maður Baltasars, lék aðalhlutverk­
ið í kvikmynd hans Contraband og
framleiddi með honum sjónvarps­
myndina The Missionary sem tekin
var í Berlín í sumar. Washington þyk­
ir með helstu leikurum sinnar kyn­
slóðar og hefur unnið Óskarsverð­
launin tvisvar, fyrir aðalhlutverk í
myndinni Training Day árið 2001 og
fyrir aukahlutverk í stríðsmyndinni
Glory árið 1989.
Það eru þó fleiri þekkt nöfn sem
koma við sögu. Bill Paxton, sem lík­
lega er þekktastur fyrir hlutverk sitt í
Apollo 13, James Marsden sem leik­
ur Cyclops í X­Men myndunum (og
jafnframt manninn sem Súpermann
kokkálar í Superman Returns), Fred
Ward sem eitt sinn lék ofurhetj­
una Remo og Edward James Olmos,
sem margir þekkja sem prófessor­
inn í Dexter eða þá lögreglustjórann í
Miami Vice í den. Marsden var fríður
sýnum og Olmos skuggalegur að sjá.
Kjóllinn stal senunni
Paula Patton, sem leikur aðal kven­
hlutverkið, mætti, en hún lék síð­
ast á móti Denzel Washington í
Deja Vu og á móti Tom Cruise í nýj­
ustu Mission: Impossible myndinni.
Hún er gift söngvaranum Robin
Thicke sem nýlega gaf út metsölu­
lagið „Blurred Lines,“ og sögðu blöð­
in vestra að fleginn kjóll hennar hafi
stolið senunni á frumsýningunni.
Einnig mátti sjá rapparann 50 cent á
rauða dreglinum, en ekki er vitað til
þess að hann tengist myndinni. n
Vitræn hasarmynd:
2 Guns fær
góða dóma
Dómur um myndina er þegar kominn á
vefsíðuna „Hollywood and Fine: Movies
For Smart People,“ sem haldið er úti af
Marshall Fine. Fine þessi hefur skrifað í
blöð á borð við LA Time og USA Today
og þykir harður í horn að taka. Þegar
hann gaf The Dark Knight Rises slæma
dóma fékk hann morðhótanir í kjölfarið
og svo mikið af haturspósti að tölva
hans hrundi. „Þetta er allt partur af
vinnunni,“ sagði hann í kjölfarið.
Dómur hans hefst á þeim orðum að
margar hasarmyndir hafi komið út í
sumar en fáar eftirminnilegar. Öðru máli
gegni þó um 2 Guns og að Baltasar sýni
fram á að það sé hægt að setja fram
þétta sögu án þess að spara hasarinn
eða húmorinn.
Þótt undarlegt megi virðast byggir
myndin á teiknimyndasögum. Fine
hrósar handritinu, sem er eftir Blake
Masters, sérstaklega en segir að megin-
hluti galdursins liggi í leikaravalinu.
Washington og Wahlberg séu besta
löggupar síðan Nick Nolte og Eddie
Murphy í 48 Hours og aukaleikararnir
ekki mikið síðri, þá sérstaklega steli Bill
Paxton senunni.
Fine bætir því við að þótt allir í
myndinni beri byssur takist Baltasar að
halda athyglinni á persónunum og að
myndin sé hröð og fyndin og sú hasar-
mynd sumarsins sem mest vit sé í.
Baltasar
Bauð fjöl-
skyldunni með.
Mark Wahlberg Ásamt hinni hávöxnu
eiginkonu Rhea Durham.
Denzel Washington Kæruleysislega
klæddur ásamt Paulette sinni.
Paula Patton stal senunni á frumsýn-
ingunni
n Fær fína gagnrýni n Paula Patton stal senunni í þröngum kjól
John Grant í
kóngafötum
Tökur fara nú fram á tónlistar­
myndbandi Ásgeirs Trausta
Einarssonar við enska útgáfu
slagarans Leyndarmál af plöt­
unni Dýrð í dauðaþögn. Líkt og
kunnugt er reynir Ásgeir nú við er­
lendan markað og er það banda­
ríski tónlistarmaðurinn John
Grant sem þýðir textana við lög
Ásgeirs yfir á ensku. Meðfylgj­
andi mynd sýnir fatahönnuðinn
Hörpu Einarsdóttur ásamt Ásgeiri
og Grant við gerð myndbandsins,
leikstjórn þess er í höndum leik­
stjórateymisins Arni & Kinski og
er áhugavert að sjá John Grant í
kóngafötum.
Engin
morgunógleði
Hollywood­fréttakonan Dröfn Ösp
Snorradóttir­Rozas, betur þekkt
sem DD­Unit, stýrir nú morgun­
þáttunum Virkum morgnum á
RÚV ásamt Þórði Helga Þórðar­
syni. Undanfarin þrjú ár hafa
þættirnir verið í umsjá Andra
Freys Viðarssonar og Guðrúnar
Dísar Emilsdóttur en líkt og greint
hefur verið frá eignaðist Guð­
rún sitt annað barn fyrr í sumar
og er nú í fæðingarorlofi. Þórð­
ur hefur leyst Andra af síðan um
miðjan júlí auk þess sem nokkrar
hressar konur hafa leyst Guðrúnu
af í sumar, svo sem leikkonurnar
Ilmur Kristjánsdóttir, Anna Svava
Knútsdóttir og Edda Björg Eyjólfs­
dóttir.
Söfnuðu 24
milljónum
Tónleikaferð Áhafnarinnar á Húna
um landið skilaði 24 milljónum
króna. Líkt og kunnugt er sigldi
Áhöfnin á Húna umhverfis Ísland
og hélt tónleika í þorpum og bæj­
um víðs vegar um landið. Björg­
unarsveitir á hverjum stað seldu
inn á tónleika hljómsveitarinnar
og rann aðgangseyririnn beint til
björgunarsveitanna. Slysavarnar­
félagið Landsbjörg hélt utan um
fjárhagslega hlið verkefnisins og
segir í tilkynningu frá félaginu að
verkefnið hafi tekist frábærlega og
orðið mun stærra en menn þorðu
að vona í upphafi.
CoreBaroque
Hjónakornin saman
á plötuumslagi.