Dagblaðið Vísir - DV - 12.08.2013, Page 10

innrásin frá kína
10 Fréttir 12. ágúst 2013 Mánudagur
n Fjárfestingar á Íslandi og öðrum Norðurlöndum hafa aukist n Erlendar fjárfestingar Kínverja sjöfaldast á átta árum
H
ollendingurinn Adrian van
der Knaap sem ráðinn var
til að selja Íslandsbanka í
gegnum ráðgjafarfyrirtæki
sitt, Storm Harbour, fær
greiddar prósentur af söluverðinu
sem þrotabú Glitnis fær fyrir bank­
ann. Þetta herma heimildir DV. Við­
ræðurnar við kínversku fjárfestana
munu hafa hafist í apríl síðastliðn­
um. Storm Harbour er alþjóðlegt
ráðgjafarfyrirtæki og er van der Kna­
ap einn af eigendum þess.
Líkt og Morgunblaðið greindi frá í
síðustu viku standa yfir viðræður um
sölu á bankanum til hóps fjárfesta,
meðal annars frá Kína, fyrir um 115
milljarða króna. Vegna þessa bónuss
sem van der Knaap og Storm Har­
bour geta fengið vegna sölunnar á
bankanum þjónar það hagsmunum
þeirra, og vitanlega kröfuhafa Glitn­
is sem eiga Íslandsbanka að mestu,
að sem hæst verð fáist fyrir bankann.
Þeir sem eru reiðubúnir að greiða
hæsta verðið fyrir bankann eru hins
vegar ekki endilega heppilegustu
eigendur hans.
Staðfestir hvorki né neitar
Steinunn Guðbjartsdóttir lögmað­
ur, sem situr í slitastjórn Glitnis, vill
ekki staðfesta eða neita því hvort van
der Knaap og Storm Harbour fái ár­
angustengda þóknun, prósentu, af
söluverði bankans. „Ég gef ekkert
upp um samninga Glitnis við eins­
taka aðila. Það eru fjölmargir ráð­
gjafar að vinna fyrir Glitni,“ segir
Steinunn aðspurð um málið. Van der
Knaap stýrir skrifstofu Storm Har­
bour í New York í Bandaríkjunum og
hefur verið búsettur þar í landi um
árabil.
Leitað eftir hæsta verði
Einn af viðmælendum DV um mál­
ið segir að dálítið einkennilegt sé að
Storm Harbour og van der Knaap
hafi fengið umboð til að selja Íslands­
banka. „Það sýnir að slitastjórnin er
ekki alveg eins sófistikeruð og maður
hefði haldið. Ef þeir ætluðu að gera
þetta vel þá myndu þeir fá einhvern
alvöru fjárfestingarbanka til að selja
þetta. En hann er að leita að hæsta
verðinu, til að fá sem mesta þóknun,
og hann fer auðvitað þangað þar sem
mestu peningarnir eru og leitar til
aðila sem vilja kom peningunum sín­
um fyrir á réttum stöðum. Slitastjórn­
in hefur hins vegar auðvitað bara eitt
markmið og það er fá eins mikið fyrir
bankann og hún getur.“
Steinunn segir að Storm Harbour
hafi verið ráðið til að annast söluna
á Glitni, ef tilboð kæmi, fyrir um ári
síðan. Steinunn segir einnig að van
der Knaap og Storm Harbour hafi
komið að viðræðum við Skúla Mog­
ensen fjárfesti og íslenska lífeyris­
sjóði sem DV greindi frá að ættu sér
stað í febrúar síðastliðinn. Þeim við­
ræðum var hins vegar hætt að sögn
Steinunnar. Hún segir að ekki hafi
verið byrjað að ræða um söluverð
bankans þegar viðræðunum við
Skúla og lífeyrissjóðina var hætt.
Miklu hærra verð
„Þeim viðræðum var bara hætt;
þeim var ekki haldið áfram,“ segir
Steinunn. „Það voru viðræður í gangi
á ákveðnu á tímabili. Þær viðræður
stóðu yfir í nokkrar vikur og svo
bara dóu þær út.“ Steinunn segist
ekki vita hver ástæðan sé fyrir því að
viðræðunum hafi ekki verið haldið
áfram. Hugsanlegt er að verðið sem
Skúli Mogensen og lífeyrissjóðirnir
hafi verið reiðubúnir að greiða fyr­
ir bankann sé umtalsvert lægra en
þeir 115 milljarðar króna sem kín­
versku fjárfestarnir vilja borga en
í umræðunni um viðræðurnar við
lífeyris sjóðina var umtalsvert lægra
verð í umræðunni, um 85 milljarðar
króna. Steinunn staðfestir enn frem­
ur að í tilfelli lífeyrissjóðanna hafi
þeir komið að máli við slitastjórn­
ina með það fyrir augum að kaupa
Íslandsbanka en í tilfelli kínversku
fjárfestanna þá hafi Storm Harbour
átt virkari þátt í því að finna þá fjár­
festa. „Það er hægt að staðfesta það
að það er áhugi. En hvað verður er
svo annað mál.“
Einn af heimildarmönnum DV
segir að verðið sem Kínverjarnir vilja
greiða fyrir bankann sé miklu hærra
en það verð sem lífeyrissjóðirnir hafi
verið tilbúnir að borga. „Þetta er
miklu hærra verð. Kannski er bara
fínt að selja þeim þetta fyrir svona
hátt verð,“ segir heimildarmaðurinn.
Ein af ástæðunum fyrir því að
Fjárfestingar Kínverja erlendis á árunum 2005–2013
17.170 35.350 46.390 82.220 83.360 118.450 116.410 129.000
2005 2006 2007 2008 2009 2010 2011 2012
0
10.000
20.000
30.000
40.000
50.000
60.000
70.000
80.000
90.000
100.000
110.000
120.000
129.000
milljónir
dollara 2012
59.740
Það sem af
er ári 2013
1 2010 Greint var frá því í janúar
það ár að kínverska
ríkið hefði fest
kaup á rúmlega
4.000 fermetra
húsi í Bríetartúni undir
sendiráð. Áður hafði
sendiráð Kína verið í
725 fermetra húsnæði
við Víðimel í Reykjavík.
Kaupverð hússins var 870
milljónir króna.
2 2011 Greint var frá áhuga kínverska milljarðamæringsins
Huans Nubo á að kaupa Grímsstaði á Fjöllum
fyrir 5,4 milljónir dollara til að byggja þar 120 herbergja
hótel, golfvöll, flugvöll og aðstöðu fyrir hestamennsku.
3 2012 Forsætisráðherra Kína, Wen Jiabao, kom í opinbera heimsókn til Íslands þar sem hann fundaði
meðal annars með Ólafi Ragnari Grímssyni forseta. Jiabao
skrifaði í heimsókninni undir samstarfsamninga við
Íslendinga á sviði orkumála og könnunar norðurskautsins.
Um var að ræða fyrstu opinberu heimsókn kínversks ráða-
manns til Íslands frá því Kína hóf diplómatísk samskipti
við Ísland árið 1971.
4 2012 Kínverski ísbrjóturinn Snædrekinn stoppaði á Íslandi í könnunarleiðangri sínum um norðurhvel
jarðar. Ólafur Ragnar Grímsson forseti hitti áhöfn skipsins
í Reykjavíkurhöfn. Um var að ræða fyrstu heimsókn Snæ-
drekans til ríkis á norðurhveli jarðar.
5 2012 Össur Skarphéðinsson, þáverandi utanríkisráðherra, greindi frá því á mál-
þingi um sóknarfæri á norðurslóðum
í nóvember að kínverskir aðilar
hefðu áhuga á að fjárfesta
í umskipunarhöfn á suð-
austanverðu Íslandi. Höfnin
átti að vera til siglinga
yfir norðurskautið.
Í viðtali við Stöð
2 sagði Össur að
honum litist ekki
illa á hugmyndina:
„Mér líst ekki illa
á það.“
6 2013 Ísland og Kína undirrituðu
fríverslunarsamning í Peking, höf-
uðborg Kína. Um var að ræða fyrsta
fríverslunarsamninginn sem Kína gerir við
Evrópuríki.
7 2013 Slitastjórn Glitnis hefur viðræður við kín-verska fjárfesta, sem og fjárfesta annars staðar
að, í apríl um kaup á Íslandsbanka. Kaupverðið er
sagt vera um 115 milljarðar króna ef af viðskiptun-
um verður. Morgun-
blaðið greindi frá
málinu í byrjun
ágúst 2013.
Ingi Freyr Vilhjálmsson
fréttastjóri skrifar ingi@dv.is
„Það sýnir að
slitastjórnin er ekki
alveg eins sófistikeruð og
maður hefði haldið.
688
milljarðar dollara
fjárfestingar
Kínverja erlendis
Í milljónum dollara. Heimild Dagensnyheter
Aukinn áhugi
og umsvif
Kínverja á
Íslandi