Dagblaðið Vísir - DV - 20.03.2013, Blaðsíða 10
F
immtán fyrrverandi starfs-
menn Kaupþings og Lands-
bankans hafa verið ákærðir
vegna meintrar markaðsmis-
notkunar bankanna tveggja
fyrir hrun. Um er að ræða níu starfs-
menn Kaupþings og sex starfs-
menn Landsbankans. Meðal þeirra
sem hafa verið ákærðir í málun-
um tveimur eru fyrrverandi forstjóri
og stjórnar formaður Kaupþings,
Hreiðar Már Sigurðsson og Sigurður
Einarsson, og fyrrverandi bankastjóri
og framkvæmdastjóri fyrirtækjasviðs
Landsbankans, Sigur jón Árnason og
Elín Sigfúsdóttir.
Um er að ræða aðra ákæruna í
markaðsmisnotkunarmálum sem
gefin er út á hendur starfsmönnum
Kaupþings hjá embætti sérstaks
saksóknara eftir hrunið 2008. Þeir
Hreiðar Már, Sigurður, Magnús Guð-
mundsson og Ólafur Ólafsson eru
einnig ákærðir í al-Thani málinu svo-
kallaða sem snýst um kaup katarska
sjeiksins al-Thani á hlutabréfum í
Kaupþingi í september 2008. Fimm
aðskilin markaðsmisnotkunarmál
liggja undir í ákærunni gegn Kaup-
þingsfólkinu.
Ákæran gegn fyrrverandi
starfsmönnum Landsbankans er
sú fyrsta sem lítur dagsins ljós gegn
starfsmönnum þess banka frá hrun-
inu 2008. Heimildir DV herma að
ákæran snúist meðal annars um tvær
milljarða lánveitingar Landsbankans
til hlutabréfakaupa í bankanum í
september og október 2008.
DV gerði á þriðjudaginn ítrekað-
ar tilraunir til að ná í þá fyrrverandi
starfsmenn bankanna tveggja sem
ákærðir hafa verið en það gekk ekki
eftir.
Ákært fyrir
allsherjarmarkaðsmisnotkun
Í tilfelli Kaupþings er um að ræða
ákæru vegna meintrar allsherjar-
markaðsmisnotkunar með hlutabréf
í bankanum á árunum 2005 til 2008.
Meðal annars er um að ræða meinta
markaðsmisnotkun deildar eigin
viðskipta bankans með hlutabréf í
Kaupþingi. Á þessum árum keypti
deild eigin viðskipta Kaupþings 29
prósent af öllu hlutafé í bankanum.
Meðal ákærðu í málinu eru fyrrver-
andi starfsmenn þessarar deildar í
Kaupþingi.
Um viðskipti deildar eigin við-
skipta Kaupþings með hlutabréf
í bankanum segir meðal annars í
skýrslu rannsóknarnefndar Alþingis:
„Þessi frásögn staðfestir að deild eig-
in viðskipta Kaupþings hafi með
virkum hætti keypt hlutabréf í bank-
anum til að milda verðfallið þegar
mikill söluþrýstingur myndaðist.
Þetta bendir því til þess að viðskipti
Kaupþings, í það minnsta frá því að
hlutabréfaverð tók að lækka, megi
skýra með því að EVK hafi gert tilraun
til þess að hafa áhrif á hlutabréfaverð
bankans til hækkunar.“ Byggir þessi
liður ákærunnar því væntanlega á
því að starfsmenn Kaupþings hafi
skapað falska verðmyndun á hluta-
bréfum í bankanum með þessum
viðskiptum sínum og haldið hluta-
bréfaverðinu í bankanum uppi. Enn
fremur segir í skýrslunni: „Ekki fæst
annað séð en að hluti slíkra lána hafi
verið veittur til þess eins að liðka fyrir
sölu eigin hlutabréfa úr veltubók
bankans og komast þannig hjá því að
senda inn flöggunartilkynningu, án
þess þó að draga úr kaupum.“
Þá byggir ákæran einnig á eins-
taka lánveitingum til einstakra
eignarhaldsfélaga, lánum sem svo
voru notuð til hlutabréfakaupa í
bankanum. DV hefur ekki heimild-
ir fyrir því hvaða lánveitingar þetta
eru en Kaupþing lánaði hins vegar
ýmsum eignarhaldsfélögum fjár-
muni til kaupa á hlutafé í bankan-
um, meðal annars Desulo Trading og
Holt Investment Group, félagi í eigu
Skúla Þorvaldssonar sem yfirleitt er
kenndur við Hótel Holt.
Ákært fyrir viðskipti frá
3. október
Ákæran gegn fyrrverandi starfs-
mönnum Landsbankans byggir á
tveimur málum þar sem Landsbank-
inn lánaði milljarða króna til hluta-
bréfakaupa í aðdraganda hrunsins
2008. Líkt og í Kaupþingsmálinu eru
fyrrverandi starfsmenn deildar eigin
viðskipta Landsbankans ákærðir í
því.
Annars vegar er um að ræða
Imon-málið svokallaða – kaup
eignarhaldsfélagsins Imon á hluta-
bréfum í Landsbankanum fyrir
rúma fimm milljarða króna þann 3.
október 2008 – og hins vegar kaup
Finnans Mika Petteri Salmivuori á
hlutabréfum í bankanum fyrir 3,8
milljarða króna þennan sama dag.
Salmivuori var viðskiptafélagi Björg-
ólfs Thors Björgólfssonar, stærsta
hluthafa bankans fyrir hrun. Lands-
bankinn var yfirtekinn af Fjármála-
eftirlitinu fjórum dögum síðar, þann
7. október.
Finninn dularfulli
Margoft hefur verið rætt um kaup
Imon á hlutabréfunum í Landsbank-
anum en félagið var í eigu fjárfestis-
ins Magnúsar Ármann. Minna hefur
hins vegar verið rætt um viðskipti
Salmivuoris, sem gengið hefur undir
nafninu Ari finnski meðal kunnugra
hér á landi. Finninn keypti hlutabréf-
in í gegnum aflandsfélagið Azalea
Resources Limited. Landsbankinn
fjármagnaði hlutabréfakaupin. DV
fjallaði um viðskipti Landsbankans
og Finnans í mars í fyrra.
Í skýrslu rannsóknarnefndar Al-
þingis er minnst á kaup Azalea Re-
sources Limited í Landsbankanum en
þar segir að félagið hafi keypt hluta-
bréf í bankanum fyrir 3,781 milljón
þann 3. október 2008. Um var að ræða
nærri 200 milljón hluti í bankanum
sem seldir voru á genginu 19.
Salmivuori er fjárfestir í Finnlandi
og er eigandi og stjórnarformaður
fjárfestingarfélagsins Ajanta sem er
með skrifstofur í Helsinki í Finnlandi
og í Belgíu. Björgólfur Thor og Ari
Salmivuori hafa til að mynda fjárfest
saman í finnska símafyrirtækinu Elisa
auk þess sem Björgólfur Thor fjárfesti
í finnska flugfélaginu Finnair í gegn-
um Ara árið 2005. Björgólfur Thor og
Ari stunduðu því fjárfestingar saman í
Finnlandi á árunum fyrir hrun.
Þá kom finnski fjárfestirinn með-
al annars í fertugsafmæli Björgólfs
sem haldið var á Jamaíku árið 2007.
130 gestir voru í afmælinu sem haldið
var í kastalanum Trident þar í landi.
Líkt og frægt er orðið söng bandaríski
rapparinn 50 Cent í afmælinu. n
10 Fréttir 20. mars 2013 Miðvikudagur
BANKASTARFS-
MENN ÁKÆRÐIR
Ingi Freyr Vilhjálmsson
fréttastjóri skrifar ingi@dv.is
„Ekki fæst annað séð en að hluti slíkra lána hafi
verið veittur til þess eins að liðka fyrir sölu eigin
hlutabréfa úr veltubók bankans.
Ákæra vegna Ara finnska Starfsmenn
Landsbankans eru meðal annars ákærðir
vegna láns upp á 3,8 milljarða til finnsks
viðskiptafélaga Björgólfs Thors Björgólfs-
sonar þann 3. október 2008.
Samtal við
Ara finnska
DV hafði samband við Ara Mika
Petteri Salmivuori í mars í fyrra
eftir að það spurðist út að sérstakur
saksóknari væri með viðskipti hans
með hlutabréf í Landsbankanum til
rannsóknar. Blaðið hringdi í finnskt
farsímanúmer sem skráð er á heima-
síðu Ajanta, fjárfestingarfélags Ara
í Finnlandi. Ari svaraði en hafði hins
vegar ekki áhuga á að ræða við blaðið
um viðskipti hans með hlutabréf í
Landsbankanum. Samtal blaða-
manns við Ara fylgir hér á eftir:
Blaðamaður: Ari?
Ari: Já, sá er maðurinn.
Blaðamaður: Heyrir þú í mér?
Ari: Já.
Blaðamaður: Ég heiti Ingi Vilhjálms-
son og er blaðamaður á íslenska
dagblaðinu DV.
Ari: Já, en þú afsakar – ég veit ekki
hvort þú heyrir í mér – en ég er
staddur í stórmarkaði …
Blaðamaður: Ég skil, ég skil, en mig
langar bara að spyrja þig að einu, ég
verð mjög fljótur. Þann 3. október
2008 …
Ari: Hei, hei, hei, getur þú ekki hringt í
mig eftir klukkutíma?
Blaðamaður: Leyfðu mér bara að
bera upp erindið …
Ari: (Skellt á) Sónninn heyrist.
Ari vildi því ekki ræða um viðskiptin
í þessu samtali, áður en hann skellti
á blaðamann DV. Þegar DV hringdi
í hann rúmum klukkutíma síðar var
slökkt á síma Ara.
Forsíða 24. Mars 2012.
n Landsbankamenn ákærðir vegna tvennra viðskipta frá 3. október 2008
Ákærðir aftur Hreiðar Már
Sigurðsson og Magnús Guð-
mundsson eru aftur ákærðir
vegna meintrar markaðs-
misnotkunar. Þeir sjást hér í
dómsal í al-Thani málinu.