Dagblaðið Vísir - DV - 18.02.2014, Page 4

Vikublað 18.–20. febrúar 20144 Fréttir
Leynigögn um skíða-
skála: „Kæri Hannes“
Tölvupóstur frá lögmanni í Lúxemborg til Hannesar Smárasonar
T
ölvupóstur frá lögmanni
í Lúxemborg sannar að
aðkoma Hannesar að
eignarhaldinu á tveggja
milljarða króna skíðaskála í
Courchevel í Frakklandi er meiri en
fjárfestirinn vildi vera láta í lok síð­
asta árs. DV hefur tölvupóstinn und­
ir höndum en þar ber lögmaðurinn,
Stéphane Biver, spurningar um skíða­
skálann undir Hannes og Magnús Ár­
mann. Biver ber spurningar undir þá
Hannes og Magnús sem snúast um
leigu á skíðaskálanum, endurbótum
á honum og hugsanlegri sölu. Tölvu­
pósturinn er frá 5. maí 2011.
Neitaði eignarhaldinu
Í lok síðasta árs fjallaði DV um
eignarhaldið á skálanum og hélt
því fram með tilvísunum í gögn að
Hannes og Magnús ættu skíðaskál­
ann í gegnum flókið net eignarhalds­
félaga í Frakklandi, Lúxemborg,
Kýpur og Panama. Í tilfelli Hannesar
heitir félagið sem heldur utan um
eignarhaldið á skálanum Intergem
Holding S.A. Félagið í Panama sem
Hannes hefur notað til að fjármagna
eignarhaldið á skálanum heitir Mex­
borough Holding S.A. en DV hafði
áður fjallað um að Hannes notaði það
félag í viðskiptum sínum í Evrópu.
Hannes neitaði hins vegar að
hann ætti nokkuð í skálanum eft­
ir að DV hafði fjallað um hann. Í yf­
irlýsingu sem hann sendi frá sér:
„„Fréttin“ er röng. Ég á ekkert í þess­
um skíðaskála, hvorki beint né „í
gegnum eignarhaldsfélög í skatta­
skjólum“, eins og sagt er. Sama gild­
ir um Magnús. Ég og Magnús þekkj­
um þessa eign og höfum komið að
rekstri hennar, en „fréttin“ snýst ekki
um það. Hvorugur okkar er eigandi,
eins og áður segir, og ég kem ekki að
rekstri þessarar fasteignar í dag.“
„Kæri Hannes“
Í tölvupóstinum sem DV hefur undir
höndum ávarpar lögmaðurinn Biver
þá Hannes og Magnús með nafni:
„Kæri Magnús, kæri Hannes“ áður
en hann rekur erindið sitt. Tölvu­
póstfangið sem Magnús notar er
nafn hans sjálfs á tilteknu léni en í
tilfelli Hannesar er ekkert í heiti net­
fangsins sem tengir það við Hannes:
„a.dupond@docsaccess.com“.
Svo segir Biver, og vísar til leig­
unnar á skíðaskálanum: „Dagatalið
fyrir vertíðina árið 2011: Við erum
búnir að ganga frá nýju dagatali fyrir
tímabilið 2011/2012 með verðum
fyrir hverja viku og byrjum laugar­
daginn 3. desember 2011. Getið þið
vinsamlegast litið á það og staðfest
verðin sem stungið er upp á fyrir
hvert tímabil?“
Biver ræðir einnig um
söluverð á skíðaskálanum
á nefnir tölurnar 13 til 15
milljónir evra, sem á þeim
voru 2,1 til tæplega 2,5
milljarða króna. Lög­
fræðingurinn ræðir svo
endurbætur á skálanum upp á eina
milljón evra, rúmlega 165 milljónir
króna á þeim tíma, en þær voru að
hluta til fjármagnaðar í gegnum Mex­
borough Holding S.A. í Panama, eins
og áður segir.
Spurningin sem vaknar óneitan­
lega þegar tölvupósturinn er lesinn er
af hverju lögmaðurinn í Lúxemborg
hafi spurt Hannes og Magnús slíkra
spurninga ef þeir áttu ekki skíðaskál­
ann. Í umfjöllun DV kom fram að
Hannes ætti þriðjungshlut í skálan­
um í gegnum eignarhalds­
félög en Magnús 2/3.
Tekið skal fram að
Magnús neitaði
aldrei að hann
ætti skíðaskál­
ann, óbeint
í gegnum
eignarhalds­
félög.
Skiptir
máli fyrir
uppgjör
Eignarhaldið á
skíðaskálanum
skiptir máli í tilfelli
Hannesar vegna
þess að
fjármálafyrirtæki sækja að honum
vegna skulda sem stofnað var til fyr­
ir hrunið 2008. Í lok nóvember í fyrra
var Hannes til dæmis dæmdur til að
greiða Landsbankanum tvo milljarða
króna vegna sjálfskuldarábyrgða sem
hann hafði gengist í vegna skulda
eignarhaldsfélaga sinna Primusi
ehf. og Oddaflugi ehf. við bank­
ann. Hannes gæti því þurft að greiða
Landsbankanum þessa upphæð sem
hann er í ábyrgðum fyrir fari svo að
Hæstiréttur Íslands staðfesti dóminn.
Í lok október í fyrra sagði Hann­
es í viðtali við Fréttablaðið að
hann væri „enginn eigna­
maður“ lengur. Upplýs­
ingarnar um skíðaskál­
ann og bankareikninga
í gegnum aflandsfélög
á peninga sem notaðir
eru í fjármagnsflutninga
í Evrópu benda hins
vegar til annars. Kröfu­
hafar Hannesar og
eignarhaldsfélaga hans
gætu reynt að sækja
þessar eignir hans, fari
svo að dómstólar kom­
ist að því að fyrirtækin eigi
réttmætt tilkall til
þeirra. n
Ingi Freyr Vilhjálmsson
ingi@dv.is
Spurður um skíðaskál-
ann Lögmaður í Lúxemborg
spurði Hannes Smárason um
leigu, sölu og endurbætur á
skíðaskálanum í Courchevel.
Verðmetinn á
2,1 til 2,5 millj-
arða Skíðaskálinn í
Courchevel er metinn
á 2,1 til 2,5 milljarða
samkvæmt tölvu-
póstinum.„… og staðfest
verðin sem
stungið er upp á fyrir
hvert tímabil?
N
æstkomandi fimmtudag mun
ríkissaksóknari fá í hendur gögn
vegna rannsóknar tæknideild­
ar á svokölluðu Hraunbæjar­
máli, eða skotárás í Árbæjarhverfinu
í desember sl. Sævar Rafn Jónasson
hóf skothríð í íbúð sinni. Hann lést
þegar lögregla reyndi að yfirbuga
hann og er fyrsti einstaklingurinn á Ís­
landi sem deyr í skotbardaga við lög­
regluna. Sævar Rafn, sem átti við geð­
ræn vandamál að stríða, var vopnaður
haglabyssu og hafði verið að hleypa
af henni í íbúð sinni um nóttina.
Áhyggjufullir nágrannar höfðu sam­
band við lögregluna sem kom á stað­
inn ásamt sérsveitinni. Viðleitni lög­
reglu til að fá Sævar til að leggja frá sér
vopnin og hleypa lögreglumönnum
inn í íbúðina bar engan árangur og fór
svo að sérsveitarmenn brutu sér leið
inn í íbúðina með aðstoð lásasmiðs.
Litlu mátti muna að lásasmiðurinn
slasaðist í árásinni, en tveir sérsveitar­
menn meiddust í aðgerðunum.
Sigríður Friðjónsdóttir ríkissak­
sóknari segist bíða eftir gögnunum.
Þegar öll rannsóknargögnin hafa ver­
ið afhent mun hún fara yfir þau og
taka ákvörðun um afgreiðslu málsins.
Að því loknu verður opinberlega gerð
grein fyrir niðurstöðum rannsóknar­
innar og afgreiðslu málsins. Búast má
við því að meðferð málsins muni taka
einhverjar vikur. Ljóst er að lögreglu
var kunnugt um að Sævar væri með
byssu í íbúðinni og systur hans óttuð­
ust mjög um hann og aðra. Hann hafði
um nokkurt skeið verið mjög veikur og
andlegir erfiðleikar gerðu það að verk­
um að fjölskylda hans átti erfitt með
að nálgast hann, og aðstoð frá félags­
þjónustunni var stopul. Ekki liggur fyr­
ir hvaðan byssan sem hann hafði und­
ir höndum kom eða hversu mörg skot
hann hafði til umráða. Sævar var ekki
með byssuleyfi. n
astasigrun@dv.is
Bíða gagna vegna Hraunbæjar
Ríkissaksóknari fær gögn í Hraunbæjarmáli á fimmtudag
Sævar Rafn Sævar var mjög illa haldinn
eftir erfið og langvinn andleg veikindi.
Systur hans höfðu margoft óskað eftir
aðstoð, en fengu ekki.
Tekinn tvisvar
á klukkutíma
Lögreglan á Suðurnesjum
handtók karlmann um tvítugt
tvisvar á rúmum klukkutíma
um helgina. Í tilkynningu frá
lögreglu kemur fram að mað­
urinn hafi fyrst verið stöðvað­
ur í akstri, þar sem aksturslag
hans þótti undarlegt. Frá hon­
um lagði áfengisþef og var hann
þvoglumæltur, er lögreglumenn
ræddu við hann. Þá var hann
ekki með öryggisbelti spennt og
kvaðst hafa gleymt ökuskírtein­
inu heima. Hann var handtek­
inn og færður á lögreglustöð.
Eftir tökur sýna og skýrslu­
töku var maðurinn látinn laus,
rúmum klukkutíma síðar. Í and­
dyri lögreglustöðvarinnar varð
hann skyldilega mjög æstur og
ógnandi og hlýddi engum fyrir­
mælum sem lögregla gaf hon­
um. Hann var því handtekinn
aftur og vistaður í klefa þar til að
af honum bráði.
Kennarar kjósa
um verkfall
Atkvæðagreiðsla um boðun
verkfalls Félags framhaldsskóla­
kennara og Félags stjórnenda í
framhaldsskólunum hefst form­
lega í dag, þriðjudag, og lýkur
klukkan fimm næstkomandi
föstudag. Í næstu viku hefst svo
talning atkvæða, en kynna verð­
ur fjármálaráðherra og ríkis­
sáttasemjara um verkfall fyrir
1. mars, það er að segja ef sú er
niðurstaða kosningarinnar. Það
þarf að gera tveimur vikum fyrir
verkfall, sem þýðir að líklega yrði
fyrsti kennsludagur verkfalls,
mánudagurinn 17. mars næst­
komandi, en formlega myndi
verkfallið hefjast á laugardegin­
um 15. mars.