Dagblaðið Vísir - DV - 10.06.2014, Qupperneq 30

Vikublað 10.–12. júní 201430 Sport
1 Wayne Rooney heill Meiðsli hafa plagað þenn­an frábæra fótboltamann
á hverju stórmótinu á fætur öðru
undanfarin ár. Nú hefur hann
engar afsakanir. Rooney gæti gert
gæfumuninn hjá Englandi, sem
mætir til leiks með spennandi lið.
Á góðum degi er unun að horfa á
Rooney spila fyrir England.
2 Þjóðsöngur Brasilíu Það verður mögnuð upplifun að hlusta á hátt í 50 þúsund
áhorfendur syngja með brasilíska
þjóðsöngnum í opnunarleiknum
gegn Króötum á fimmtudaginn. Af
því mómenti má enginn missa.
3 Ítalir og hitinn Ítalir spila alla sína leiki nyrst í Brasi­líu, þar sem hitinn verður
í kringum þrjátíu gráður. Það verð­
ur spennandi að sjá hvernig leik­
mönnum reiðir af við slíkar aðstæð­
ur. Stendur hinn 35 ára gamli Pirlo
undir væntingum í 30 stiga hita og
raka?
4 Chile Þótt Chile verði í riðli með Hollendingum, Spán­verjum og Áströlum geta
þeir hæglega orðið það lið í keppn­
inni sem mest kemur á óvart. Lið
með Alexis Sanchez og Eduardo
Vargas í sókninni, og Arturo Vidal á
miðjunni, getur gert hverjum sem er
skráveifu. Chile vann England 2–0 á
Wembley í nóvember og verða frá­
bærir á að horfa.
5 Messi og Ronaldo Leik­mennirnir eru báðir á há­tindi ferils síns og eru tveir
bestu leikmenn heims. Nú mæta
þeir á stóra sviðið og þurfa að standa
undir væntingum. Þeir þurfa að
sýna hvers vegna þeir eru taldir þeir
bestu í heimi.
6 Hvernig vegna Klins-mann? Landon Donovan hefur verið aðal maðurinn
í bandaríska landsliðinu undanfar­
in ár. Jürgen Klinsmann ákvað að
skilja Donovan eftir heima og hefur
fyrir það verið gagnrýndur harka­
lega. Hann mun þurfa að taka á öllu
sínu til að sanna að hann hafi haft
rétt fyrir sér.
7 Gullkynslóð Belga Mik­ils er vænst af Belgum á mótinu enda eru þeir með
frábæran leikmannahóp og í auð­
veldasta riðlinum á HM. Belgar eru
í riðli með Alsír, Rússum og Suður­
Kóreu. Þetta er mótið þar sem þess
er vænst að Belgar springi út. Spurn­
ingin er hins vegar hvort þeir spr­
ingi frekar á limminu. Standast þeir
pressuna?
8 Íslendingur spilar Aron Jóhannsson er fyrsti ís­lenski knattspyrnumaður­
inn sem kemst á HM. Hann verður
kannski ekki í byrjunarliðinu í fyrsta
leik en er líklegur til að koma nokk­
uð við sögu. Bandaríkjamenn mæta
Portúgal, Gana og Þýskalandi í G­
riðli. Aron mætir því Ronaldo.
9 Sergio Aguero Aguero er alltaf frábær þegar hann spilar með Argentínu. Agu­
ero er úthvíldur, enda spilaði hann
lítið í vor, og ætti að mæta í 100 pró­
sent formi til Brasilíu. Þar spilar
hann við hitastig sem hann er van­
ur og með frábæra miðjumenn með
sér. Aguero gæti hirt gullskóinn.
10 Fred Sumir hafa veðjað á að Fred, leikmaður Flu­minense, muni fara á kost­
um í Brasilíu og muni berjast við
Aguero og fleiri um gullskóinn. Ef
hann stendur sig vel gæti svo farið
að stóru liðin muni slást um hann
eftir keppnina. Með Neymar í liði
gæti Fred orðið magnaður á heima­
velli.
11 Spánverjar á sögu-spjöldin? Ef Spánverjum tekst að verja heimsmeist­
aratitilinn verður það í fyrsta sinn
í sögunni sem sama þjóðin vinnur
fjögur stórmót í röð (unnu EM 2008,
HM 2010 og EM 2012). Hafa þeir
yfir burðina sem þeir höfðu á síð­
asta HM, eða er leikmannahópurinn
orðinn of gamall?
12 Taumlaus gleði Brasilíu­menn kunna svo sannar­lega að halda hátíðir. Um
risavaxinn íþróttaviðburð er að ræða
og Brasilíumenn munu án vafa leika
á als oddi, innan vallar en ekki síður
utan. Gulklæddir dansandi heima­
menn munu vafalaust gera HM að
ógleymanlegum viðburði.
13 Suarez mætir Englandi Knattspyrnumaðurinn frá­bæri Luis Suarez verður
vafalítið í sviðsljósinu þegar Úrúgvæ
og England eigast við í riðlakeppn­
inni. Um verður að ræða lykil­
leik í riðlinum, þar sem allt verður
undir. Ímyndið ykkur viðbrögð­
in á Englandi ef Suarez fiskar ódýrt
víti og skorar sigurmarkið sjálfur! Á
hann afturkvæmt til Liverpool? Ljóst
má vera að varnarmenn Englands
munu eiga fullt í fangi.
14 Við ofurefli að etja Ástr­alir hafa stundum átt betri leikmenn en einmitt núna.
En til Brasilíu eru þeir mættir og í
engan smáriðil. Þeir mæta Chile,
Hollandi og Spáni. Spurningin er
ekki hvort Áströlum tekst að komast
upp úr riðlinum, heldur hvort þeim
tekst að krækja í stig. Ef þig vantar
eitthvert „lítið“ lið til að halda með
á næstu vikum, þá veitir Áströlum
ekki af stuðningnum.
15 Trommurnar Búðu þig undir dynjandi trommu­slátt í hvert sinn sem Bras­
ilíumenn sækja. Það er einkenn­
ismerki á heimaleikjum þeirra.
Sambatakturinn verður sleginn
linnulaust, það máttu bóka.
16 Lallana og Sterling Adam Lallana og Raheem Sterling eru ungir en stór­
efnilegir enskir leikmenn sem
hafa ef til vill burði til að skjóta
Englendingum langt í keppninni.
Þetta eru kannski ekki þekktustu
nöfnin (fyrir fólk sem horfir á fót­
bolta á fjögurra ára fresti) en þetta
eru leikmenn sem vert er að fylgjast
náið með.
17 Ekvador, Sviss eða Hondúras? Frakkar vinna örugglega E­riðilinn á HM
en baráttan um annað sætið gæti
orðið afar hörð. Ekvador, Sviss og
jafnvel Hondúras geta blandað sér
í baráttuna. Hondúras og Ekvador
mætast í annarri umferð. Sá leikur
gæti ráðið úrslitum – eða því sem
næst.
18 Balotelli Ítalinn Mario Balotelli hefur burði til að verða hetja Ítala á HM.
Hann getur, þegar þannig liggur á
honum, leikið frábæra knattspyrnu
og gert stórkostlega hluti. Hann er
einn þeirra leikmanna sem gæti
30 ástæður til að horfa á hM
n Veislan hefst í Brasilíu á fimmtudag n Allir bestu fótboltamenn í heimi, nema Zlatan n Hverjir koma á óvart? n Hverjir valda vonbrigðum?
Baldur Guðmundsson
baldur@dv.is