Hagskýrslur um sveitarsjóðareikninga - 01.01.1970, Blaðsíða 10

8
Sveitarsjóðareikningar 1966—68
nokkur fyrirtæki. Yfirlit um önnur fyrirtæki var ekki unnt að gera.
— Þá er á eyðublaðinu form undir skrá um skuldir, undir yfirlit um
viðskiptareikninga og loks almennar skýringar og leiðbeiningar um út-
fyllingu eyðublaðsins.
B. Skýringar við töflurnar.
Explanatory notes to the tablcs.
Eins og áður segir fylgja töflur þessa rits rannua þess reiknings-
eyðublaðs, sem Hagstofan tók í notkun frá og með reikningsárinu 1963.
Form þeirra cr hið sama og er á Sveitarsjóðareikningum 1963—65, en í
ýmsu breytt frá því, sem er í sveitarsjóðareikningum 1953—62. Þó er
í meginatriðum um að ræða sömu upplýsingar í öllum ritunum.
Tafla I er samdráttartafla, með tölum fyrir Reykjavík, kaupstaðina
í heild og hreppana í heild. Hún sýnir rekstrartekjur og rekstrarútgjöld,
tekjur og gjöld á eignabreytingareikningi, og eignir í árslok, allt nokkuð
sundurliðað, og loks heildarskuldir í árslok án sundurgreiningar. Tafla
I er saindráttur úr töflu II, sem gefur meiri reikningslega sundurliðun,
og þar eru enn fremur tölur fyrir hvern kaupstað og fvrir hreppa hverrar
sýslu í heild, svo og fyrir hvern lirepp með fleiri en 500 íbúa. í töflu II er
dýpsta sundurliðun ársreikninga, sem birt er i þessu riti. Tafla II er i
tveimur hlutum, og sýnir annar þeirra, fyrir livert ár, rekstrartekjur og
rekstrarútgjöld, en hinn hlutinn sýnir eignabreytingar, eignir og skuldir.
Auk þess eru í honum helztu niðurstöður úr reikningum hafnarsjóða,
vatnsveitna og rafveitna, en ýtarlegri upplýsingar um þessi fyrirtæki er
að finna í töflu V. — í töflu III eru aðalniðurstöður reikninga hreppa
með færri en 500 íbúa hvort árið 1966 og 1967, og í töflu IV eru reikn-
ingar sömu hreppa 1968 með meiri sundurliðun. í töflu V er yfirlit um
fjármál hafnarsjóða, vatnsveitna og rafveitna sveitarfólaga 1966—68. Án
efa vantar í þetta yfirlit fyrirtæki, sem þar eiga heima, og á hinn bóg-
inn eru teknir þar með reikningar, sem hæpið er að eigi heima í yfir-
litinu, vegna þess hve viðkomandi fyrirtæki eru smá í sniðum. Vegna
örðugleika á innheimtu þeirra reikninga, sem hér um ræðir, eru mikil
vandkvæði á að gera yfirlit sem þetla vel úr garði, og raunar torveldast
það mjög af bókhaldi sveitarfélaga eins og því nú er háttað. Nánar er
skýrt frá þessu, og frá reikningum sveitarsjóðsfyrirtækja almennt, í
skýringum hér á eftir, aðallega við liði G, H og I í töflu II.
Til glöggvunar á töflunum og einstökum liðum þeirra fara hér á
eftir kaflar úr ahnennum skýringum við eyðublaðið undir sveitarsjóða-
reikninga, en eins og áður segir eru allar töflurnar gerðar eftir reikn-
ingunum, eins og þeir eru færðir á það eyðublað. Merking hugtaka i
töflunum er hin sama og er í þessum skýringum á eyðublaðinu:
„Meginregla við færslu rekstrarreiknings skal vera sú að færa
tekjur og gjöld það ár, sem þau tilheyra raunverulega, hvort sem